ومضات

معارضة لأمير الشعراء : رمضان أقبل آخذاً بعناقي

2011-08-01T00:42:00.000+02:00

قال أمير الشعراء أحمد شوقي في قصيدته الشهيرة.

رمضان ولي هاتها يا ساقي .. مشتاقةٌ تسعي إلي مشتاقِ.

وكان يقصد بهذا البيت الخمر.

وتلك معارضةٌ مني للقصيدة

(علي نفس الوزن والقافية)

بعنــوان

(رمضان أقبل آخذاً بعناقي).

رَمَضَـانُ أَقْبَـلَ آخِـذَاً بِعِنَاقِي .. فَغِيَـاْبُهُ أَضْنَي جَوَيْ أَشْـوَاْقِي.

نَفَحَـاْتُهُ تَمْـضِي إِلَي أَرْبَـاْبِهَا .. مُشْتَـاْقَةٌ تَسْـعَي إِلَي مُشْـتَاْقِ.

شَهْـرٌ تَجَلَّي بِالصِّيَـاْمِ وَبِالتُقُي .. فَأَضَاءَ مِثَلَ الشَّمْسِ فِي الإِشْرَاْقِ.

فَيْضٌ يُقِيْلُ الكَـوْنَ مِنْ عَثَـرَاتِهِ .. وَيُطَـوِّفُ الخَيْـرَاْتِ فِي الآَفَاْقِ.

نَهْـرٌ يَسِيْلُ عَلَي العِبَـادِ عُذُوْبَةً .. فَتَطَـهَّرَتْ مِـنْ نَبْعِـهِ أَعْمَاْقِي.

مِنْ فَضْلِهِ حُبِسَتْ شَيَاطِيْنُ الدُنَي .. لِتَتَـوْبَ رُوْحُ الفَـاْسِقِ الأَفَّاْقِ.

لَيْـلاَتُهُ مِلْيءُ التَـرَاْوِيْـحِ التَي .. تَرْوِي القُلُـوْبَ بِطِيْبِهَا الدَّفَّاْقِ.

فِيْهَا وَقَفْنَاْ فِيْ خُضُـوْعٍ خُشَّعَاً .. نُقِـمِ الصَّـلاَةَ لِرَبِّنـَا الخَـلاَّقِ.

عَيْنُ المُحِـبِ تَرَقْرَقَتْ وَبِذِكْرِهِ .. مَاْجَتْ دُمُـوْعُ الشَّوْقِ بِالأَحْدَاْقِ.

تَهْفُوْ النُّفُوْسُ إِلَي الجِنَاْنِ فَأَقْبَلَتْ .. تَدْعُـو إِلَـهَ الكَـوْنَ دُوْنَ نِفَاْقِ.

تَرْجُو نَجَـاْةً مِنْ سَعِـيْرِ جَهَنَّمَ .. خَـاْبَ الذِيْ أَمْضَـاْهُ دُوْنَ عَتَاْقِ.

فَيْهِ يَعُـمُّ الخَـيْرُ كُلَّ مَدِيْنَـةٍ .. وَتُصَـاْنُ فِيْهِ مَكَـاْرِمُ الأَخْـلاَقِ.

وَبِلَيْلَةِ القَـدْرِ العَظِيْمَةِ أُنْزْلَـتَ .. آيَـاْتُ قُـرْآنٍ كَمَـا التّرْيَـاْقِ.

طُوْبَي لِمَنْ قَـاْمَ احْتِسَاْبَاً وَقْتَهَا .. خَيْـرُ اللَيَـالِي ذِيِ عَلَي الإِطْلاَقِ.

هَتَفَ الفَقِيْرُ بِحَمْدِ رَبِّ العَاْلَمِيْن .. رَمَضَـاْنُ شَهْرُ الجُـوْدِ وَالإِنْفَاْقِ.

أَنْفِقْ عَلَي المُحْتَاْجِ فَضْلَ مَتَاْعِكَ .. فَالْمَـاْلُ مَـالُ الوَاْحِـدِ الرزَّاْقِ.

يُبْدِلْكَ أَضْعَاْفَاً وَيُغْـدِقُ نِعْمَتَهْ .. لاَ تَبْخَـلَنَّ مَخَـاْفَـةَ الإِمْـلاقِ.

وَاْحَـفْظَ وَصِيَّةَ مُشْفِقٍ وَمُقَصِّرٍ .. رَمَضَـاْنُ لِلْنِيْـرَاْنِ أَفْضَـلُ وَاْقِ

شَوْقِي أَمِيْرُ الشِّعْرِ زَلَّ قَصِيـْدُهُ .. لَمَّـا تَغَنـَّي "هَاْتِـهَاْ يَاْ سَـاْقِي".

وَأَنَاْ فَقِيْرُ الشِّعْـرِ قُلْتُ مُعَاْرِضَاً .. رَمَضَـاْنُ أَقْبَـلَ آخِـذَاً بِعِنَـاْقِي

ملحوظة مهمة:.

أحمد شوقي رحمه الله ملأ الدنيا شعراً في مدح النبي صلي الله عليه وسلم

وكانت ليه قصائد إسلامية غاية في الروعة والجمال

ولما عوتب علي تلك الأبيات ضحك وقال

ألستم تحفظون القرآن

قالوا بلي

قال ألم يقل رب العزة.

{وَالشُّعَرَاء يَتَّبِعُهُمُ الْغَاوُونَ (224) أَلَمْ تَرَ أَنَّهُمْ فِي كُلِّ وَادٍ يَهِيمُونَ .

(225) وَأَنَّهُمْ يَقُولُونَ مَا لَا يَفْعَلُونَ (226)} .

سورة الشعراء

أجندةُ خاصةُ

2011-02-10T19:41:00.001+02:00

أجندةٌ خاصةٌ

هناك استبدوا وباعوا البلاد .. فلن نرتضي لقمةً والحصيرة

سنمزج قطرة دمِّ الفؤاد .. بصرخة صوت الجموع الغفيرة

تنادي مآذننا للصلاة .. فتعوي الذئاب تخاف الحظيرة

لقد مات (أحمد) ولم ينثني .. لأجل الكرامة ذاق مصيره

إذا مصر يوماً أرادت حياة .. فلا بد أن تستمرَ المسيرة

سنجني جميعاً حساء السماء .. إذا شعب مصر أزاح (حميره)

كل سنة وانتم طيبين ماااااااااء

2010-11-15T17:23:00.003+02:00

السلام عليكم ورحمة الله وبركاته

ازيكم يا جدعان يا مدونين

كل عيد أضحى وانتم بخير يا جماعة الخير

عساكم من عوادة :)

عاوزكم تاكلوا لحمة على قد ما تقدروا

محدش عارف السنة الجاية الكيلو هيكون بكام ,,

كلوا بغباوة :)

وكما قلت على لسان شاعر جعان :

لا بأس من أكل اللحوم فإنها
تشفي أنين البطن حين تعاني

فغداً سأضرب ربع عجلٍ في الغدا
أما العشاء فربع عجلٍ ثاني

كم ذا يكابد شاعر ويقاسي

2010-10-08T05:47:00.008+02:00

إهداء لكل شاعر طلع عينه في كتابة قصيدة

إهداء لكل شاعر شاف الويل في القافية والعروض

إهداء لضحايا الشعر أينما كانوا

...

كم ذا يكابد شاعرٌ ويقاسي

الشَّعْـرُ شَيَّبَ كَلَّ شَّعَرِ الرَّاسِ ,,, كَمْ ذَا يُكَاْبـِدُ شَاْعِرٌ وَيُقَاْسِي

أَمْضَيْتُ فِيْهِ شَبَاْبَ العُمْرُ مُرْتَحِلاً ,,, فَكَأَنَّ بَحْرَ الشِّعْرِ دُوْنَ مَرَاسِي

مَا بَيْنَ قَـاْفِيَـةٍ وَوَزْنٍ قَبْـلَهَا ,,, ذُقْنَـا مَرَاْرَ الشِّعْرِ مِلءَ الكَاْسِ

كَمْ لَيْلَةٍ مَـرَّتْ كَدَهْـرٍ بَائِسٍ ,,, وَأَنَـا بِنَظْـمِ البَيْتِ كَالمُحْتَاسِ

فِإِذَا أَتَاْنِي الفَجْرُ يُعْلِنُ صُبْحَهُ ,,, لمَلَمْتٌ بُؤْسَ اللَيْـلِ فِيْ قِرطَاسِي

وَأَسِيْرُ فِي وَسَطَ الشَّوَارِعِ هَاْئِمَاً ,,, لاَ أَهْتَدِي فِي السّيْرِ كَالهَلاسِ

وَأَصِيْحُ فِي فَرَحٍ لِوَحْيٍ جَـائَنِي ,,, فَأَصِيْرُ كَالمَجْذُوبِ بَيْنَ النَّاسِ

فَيُقَلّبُوْنَ أَكُفَّـهُم فِي حَسْـرَةٍ ,,, هَذَا صَـرِيْعُ المَسِّ مِنْ خَنَّاسِ

وَنَسِيْتُ شُغْلِي وَامْتَهَنْتُ قَصِيْدَتِي ,,, فَبُلِيْتُ بَعْـدَ الرّغْدِ بِالإِفْلاسِ

فَعَرَضْتُ شِعْرِي لِلْمَبِيْـعِ بِغَدْوَةٍ ,,, حَتَّى وَلَوْ كَاْنَتْ مِنَ القُلْقَاسِ

وَتَقَطَّعْتْ مِنَّي (الهُدُوْمُ) وَبَعْدَهَا ,,, سَأَسِيْرُ حَتْمَاً فِي الوَرَى بِلِبَاسِي

يَا كَاتَبَ الشّعْرَ الجَمَيْلَ , أَلا اتْلِهِي ,,, سَيُحِيْلُ ذَا الشّعْرُ الحَيَاةَ مَآسِي

.......

يَا مَعْشَرَ الشّعَرَاءُ إِنِّي مَازِحٌ ,,, إِنَّ القَصِيْـدَةُ مَوْطِنِي وَأَسَاْسِي

إِنَّ الحُرُوْفَ مَلاعِبٌ نَلْهُو بِهَا ,,, لا تَحْسَبَنَّ الشَّعْرَ صَعْبَ مرَاسِ

وَيَظَلُّ يَأْخُذُنِي القَصِيْدُ لأُفْقِهِ ,,, فَتَذُوْبَ رِيْحُ الشّعْرِ فِي أَنْفَاسِي

وَبِهِ سَأَحْكِي قِصَّتِي لِلْعَاْبِرِيْن ,,, وَبِهِ سَيَعْـلُو لِلذُّرَى إِحْسَاسِي

فَارْفقْ بِأَهْلِكَ يَا قَصِيْدُ وَكُنْ لَنَا ,,, أُمَّاً تُهَـدْهِدُ طِفْلَهَا وَتُوَاسِي

جمعية حقوق الآناف

2010-09-26T03:05:00.007+03:00

جمعية حقوق الآناف

هناك دائماً وغدٌ ما أينما ذهبت

حكمة قالها رجلٌ ما لا أعرفه ,

ولكن بكلمات أكثر قوةً وسفالةً يَصْعُب ذكرها هنا بالتحديد

دعونا نقل بصراحة أنه

عندما وزع الأوغاد على دول عالم ,,

ظفرت مصر "الرائدة" بالنسبة العظمى منهم

لذا هم متواجدون بوفرة حيثما تكون

جرب أن تذهب إلى أي مكانٍ تريد ,, ستجد أحدهم في انتظارك

متأهبين دائماً لممارسة طقوسهم المعتادة في العكننة علينا بطرقٍ شتى

مهمته المقدسة : جعل حياتك أصعب مما هي عليه

شعارهم في الحياة :

إذا الوغد يوماً أراد الحياة

فلا بد من (خنق) كل البشر

أنا أبغض بشدة جميع أنواع التعدي على حقوقي الشرعية والأدمية

وذاك هو سر عدم تألقمي معهم مع هؤلاء الأوغاد

لأنهم ببساطة لا يأبهون بي ولا بك ,

ولا يعرفون ابسط قواعد الأدب

وتبدوا لهم معانٍ مثل الذوق والدين والأخلاق ,, ككلمات خاوية مجوفة

هناك دائمة "خناقة" حتمية مفروضة عليّ

كلما ركبت في وسيلة مواصلات عامة

أو جلست في مكانٍ مغلق

هذا لأنني " ومع سبق الإصرار والترصد"

أردت أنا أستنشق هواءاً خالياً من القطران والزفت "على عنيهم"

حاولت مراراً أن أقنعه أن الدخان بما يحويه من تركيبة سامة

غير صالح للإستنشاق الآدمي

ولكن يبدوا أن هذا المطلب يخلو في منظوره طبعاً من الشرعية الكافية

ويتطلب الدخول في مناقشات سفسطائية بيزنطية عقيمة

لإقناعه أننا كآدميين طبيعين ننفر من رائحة القطران المحترق

هذا بالطبع لأنه كوغد يحترم نفسه ويعي جيداً طبيعة عمله

لن يفرط في فرصة مماثلة لتعكير دمك وفقع مرارتك

يا عم المدخن

يا من تنفث غازاتك السامة مباشرةً داخل صدورنا

من أخبرك أيها المعتوه أنني أريد انا أشاركك أمراض الربو

وسرطانات الرئة والنزلات الشعبية والرئوية الحادة منها والمزمنة؟

اظفر بها وحدك كما اخترت ,, وكما تريد

من أعطاك الحق في تجاوز وتعدي حدودي الرئوية الرسمية

فالقانون المصر مازال يكفل

"إلى الأن وحتى إشعار أخر"

حرية التنفس للجميع

وربما تلك هي الحرية الوحيدة الباقية دون

ضرائب أو دمغات أو رسوم

كما أن الهواء الذي يملأ الفراغ فيما بيننا

لست تملكه وحدك حتى تلوثه

فلم تكدرها عليّ بربك؟

تستطيع أن تفعل هذا حينما تكون جالساً علي ترعةِ بلدكم

وتحديداً حينما تمص القصب

بينما "تبلبط" قدماك بوداعة مع البلهاريسيا "صديقة" الفلاح

أو على الأقل حينما تكون منفرداً بخلوتك المعتادة في "الحمام"

أو على أقل تقدير عند الكيلو 86 طريق السويس الصحرواي

حيث يخلو المكان هناك من مثيري الشغب وهادمي اللذات أمثالي

أقولها وأعلنها بقوة ॥

نحن بحاجة ماسة إلى إنشاء جمعية لحقوق "الآناف"

سأنشأها حتماً إن شاء الله

لكن جمعية حقوق الآذان التي أشرت لها سابقاً

وإلى هذا الميعاد أقول لكل مدخن وكل فيتاة

أرحمووناااااااااا

تقبل الله منا ومنكم

2010-09-10T06:13:00.002+03:00

يا أهالي كفر بلوجر الكراااام

كل سنة وانتم طيبين جميعاً

تقبل الله منا ومنكم

العيد أقبل بعد طول غيابِ

والفرح يطرق بالمودة بابي

والحمد لله الذي من فضله

جعل السعادة سنة الأحباب

مازلت حياً يا فتى

2010-05-18T01:42:00.004+03:00

من كام يوم كنت بتكلم مع واحد من أبطال حرب أكتوبر

ودار بينا حديث مليء بالحزن عن مصير أسرى مصر في النكسة

سؤال محيرني أوي؟

ليه معملناش قضية دولية ضد اسرائيل وطالبناها على الأقل بتعويض؟

اسرائيل إلا الأن بتاخد تعويض من ألمانيا بسبب كذبة الهولوكوست

ليه حق ولادنا بيضيع في البلد دي؟

ده الواجب المطلوب مني

قصيدة بعنوان

مازلت حياً يا فتى

لا لم تمت

مازلت حياً يا فتى

وأوان ثأرك لم يفت

وسؤالك الملتاع يبحث عن "متى"

فاهدأ قليلاً يا بطل

قد عشت مرفوع الجبين

ووهبت موتتك الأخيرة آلاف السنين

قايضت عمراً بائساً

وربحت خلد الخالدين

لازال صوتك في سماء الصمت يدوي بالغناء

مازال حلمك ياصديقي دافئاً رغم الشتاء

واللؤلؤ المرصوص تحت شفاهك السمراء يبدو

كلما داعبت طفلاً في المساء

فارتح بساح الخلد يابن القاهرة

وفيت حق الله ,,, فانعم بالجزاء

خزعبلات حياتية : الموبايل الصيني

2010-02-03T11:14:00.001+02:00

*يالهذا الراكب السخيف ,
كيف يعطي لنفسه الحق في أن يزعجنا بتلك الحفنة من المؤثرات السمعية الضارة والمقززة المنطلقة من جهازه المحمول ,
هل مجرد امتلاكه لجهاز تليفون محمول صيني_بخطين وتلفزيون وصوت عالي رديء_ يعطيه الحق في أن يخترق المجال الجوي لأذنيَّ
دون حتي استئذان أو مراعاة لشعورنا؟

ثم ما ذنبي أنا؟
هل كل جرمي أنني شاركته نفس القطار؟

يا لهذا المعتوه ,,
أتسائل حقاً كيف يفكر الأن؟
هل يعتقد أنه شاباً "روش" ؟

أولعله يريد أن يخبرنا أنه هذا المتأنق الثري الذي قد اشتري لتوه تليفون محمول صيني _بخطين وتلفزيون وصوت عالي رديء_ قبل أن يملأوه بكل ما غث وعاب من الملوثات السمعية القاتلة؟

أم ربما يخطط لأن يأثر قلوب العذارى الحسناوات بقصة شعره القبيحة وتليفونه المحمول الصيني _بخطين وتلفزيون وصوت عالي رديء_ وسرواله المتدلي عن عمد ليكشف عن جزءٍ من مؤخرته كلما مال إلا الأمام ॥!!

أفٍ لهم جميعاً ..!!
فكل المحالاوت الودية فشلت معهم في الرفق بآذننا بغلق الصوت أو في إستخدام سماعة أذن ليستأثر وحده بهذا الهراء।

كم أود أن أحطم رأس هذا المأفون॥ ..!
كم أود أن أنكل بهذا التليفون المحمول الصيني _بخطين وتلفزيون وصوت عالي رديء_ الذي يزعجنا به طيلة الطريق
تراودني حقاً مجموعة من الأفكار الإجرامية التي لن أقوى على القيام بها أبداً

أنا من موقعي هذا بالعربة رقم أربعة درجة ثانية مكيفة من قطار الصعيد المتوجه بي من القاهرة إلي بني سويف
أنادي بإنشاء أول جمعية لحقوق الآذان
على غرار جمعية حقوق الإنسان ,, ولكنها أكثر تخصصاً

وسيهدف ميثاقها إلى تجريم التعدي على المجالات السمعية للأخرين
كما ستطالب بتوقيع عقوبات رادعة على الصين ,,
لكي توقف أو على أقل تقدير تخفض صوت تليفوناتها المحمولة ذات الخطين والتلفزيون والصوت العالي الرديء

سأتوقف عن التفكير الأن لأنني وصلت "بالسلامة"
ولكن لن أتخلى عن جمعيتي أبداً
يوماً ما سأنشأ تلك الجمعية ,,
وسأوثقها من الأمم المتحدة ومجلس الأمن وهيئة الطاقة الذرية
أعلم أنني يوماً ما سأنشأها

ليس اليوم ,, ربما غداً سأفعل

----------------------

تحديث

*تم إصلاح العطب "الصيني" بالبوست

بيهكروا عليا ..... برضه مش هسيبهم

نَبْضٌ مِنْ حَافَةِ مَصْر

2009-11-21T13:42:00.002+02:00

نَبْضٌ مِنْ حَافَةِ مَصْر

الشَّمْسُ فِي الآفَـاقِ تَرْقُبُ حُلْمَنَا ॥ وَوَمِيْضُ نَجْمِ اللَيْلِ دَاْوَيَ جُرْحَنَا

نَمْضِي إِلَي الأَمْجَاْدِ نَخْطُبُ وُدَّهَا ॥ نَغْـدُو مَعَ الإِصْبَاْحِ نُلْهِبُ عَزْمَنَا

لا نَبْتَـغِي غَيْـرَ المَعَـالِي مَوْطِنَاً ॥ وَعَلي ضِفَـافِ النِّيْل يَجْرِي دَرْبُنَا

مَـاْذَا أَقُوْلُ وَكَيْفَ أَحْكِيْ عَنَّنَا ؟ .. وَلَقَـدْ تَوَاْرَي الشِّعْرُ حِيْنَ بُزُوْغِنَا

وَجَلَ اليَرَاْعُ مِنْ الكِتَـابَةِ حِيْنَمَا .. وَجَدَ الحُرُوْفَ تَكَشَّفَتْ عَنْ اِسْمِنَا

وَبِـأَيِّ عِيْدٍ سَوْفَ أَبْـدَأُ قِصَّتِي ॥ وَسَفِيْنَـةُ التّـَاْرِيْخِ تَأْلَفُ شَطـَّنَا

فِيْ كُلِّ شِبْـرٍ مِنْ ثَرَاْنَا مَلْحَمَـة ॥ رَسَمَتْ لِوَجْـهِ البَدْرِ ضَيَّ كِفَاْحِنَا

نَرْوِي بُذُوْرَ القَمْـحِ مَاْءَ وُجُوْهِنَا .. وَبِضَرْبَةٍ فِي الطِّيْنِ يَنْضُجُ خُبْـزُنَا

تُلْكَ الأَيَاْدِي لَمْ تَـرِقّ جُلـُوْدُهَا ॥ خَشْنَـاْءُ مِثْلَ الصَّخْرِ فَوْقَ جِبَالِنَا

نَقْتَاْتُ مِلْحَـاً فِي الغَذَاءِ وَنَرْتَوِي .. بِشَـرَاْبِ مَـاءِ قَنَاْعَةٍ بِعَشَـاْءِنَا

وَتَظَلُّ فِي القَـلْبِ ابْتِسَاْمَةُ لِلْغَدِ ॥ ذِيْ مَؤْنَـةٌ نَحْيَـا بِهَا , تَحْيَـا بِنَا

لا نَرْتَضِي ذلَّ الخُضُـوْعِ وَلا يَهُـوْنُ سُجُـوْدُنَـا إِلَّاْ لِـعِـزَّةِ رَبِّـنَا

كَمْ غَاشِمٌ قَدْ جَاءَ يَقْطُفُ زَهْرَنَا ؟ .. كَمْ ظَـالمٌ قَدْ بَاتَ يَبْغِي قَهْرَنَا ؟

فَتَفَجَّرَ البُرْكَانُ عَنْ عَيْـنِ اللَهَبْ ॥ وَتَشَقَّقَتْ ذِي الأَرْضُ عَنْ أَنْيَـابِنَِا

أَيْنَ الغُـزَاْةُ الطَامِحُوْنَ لِمَلْكِنَا ؟ .. هُمْ فِي بُطُـوْنِ القَبْرِ ذَاْقُوا بَأْسَنَا

نَحْنُ الأُسُوْدُ لَدَي مَيَادِيْنِ الوَغَي .. وَالمُحْسِنُـوْنَ المُكْرِمُـوْنَ لِضَيْفِنَا

كَرَمً يُضَـاْهِي حَاْتِـمً وَيَزِيـْدَهُ ॥ وَلَحِلْمُ أَحْنَـفَ بِضْعَـةٌ مِنْ حِلْمِنَا

طُفْ وَارْتَحِـلْ بَيْنَ البِلَادِ وَقُلْ لَنَا ॥ هَلْ ذُقْتَ مِثْلَ الدِّفْءِ بِيْنَ ضُلُوْعِنَا؟

فَبْطِيْبَةِ الوَجْـهِ المُضَمَّـخِ بِالعَبَقْ .. يَلْقَـاْكَ دَفْقُ الشَّـوْقِ عِنْدَ دِيَاْرِنَا

إِنَّا جُـذُوْرُ الأَرْضِ أَبْنَـاءُ المِحَنْ .. فِي قَلْبِنَـا تَحْيَـا بِفَخْـرٍ مِصْرُنَا

نَمْـضِي مَعَ الأَيَّـامِ حَتَّي نَعْشِهَا .. مَا دَاْمَـت الدُّنْيَا سَيَبْـقَي خُلْدُنَا

أَسْمَاْكُ نَحْنُ بِبَحْـرِ أَيْاْمِ الصِّـبَا ॥ وَنَمُـوْتُ مِنْ ظَمَـأٍ بِدُوْنِكِ أُمِّـنَا

مِصْرُ التِي فِيْ خَاْطِرِيْ تَسْرِي مَعِي ॥ وَعَيُـوْنُهَا الحَـوْرَاْءُ تُلـْهِمُ شِعْرَنَا

بقلــمي

فقط لأنها كرة القدم

2009-11-17T12:10:00.004+02:00

السلام عليكم

ده تسجيل لقائي وأسرة تحرير مجلة رؤية مصرية على النيل الثقافية

فقط لأنها كرة القدم

لم تعد تلك الساحرة المستديرة مجرد لعبة شعبية أولى أو قل لعبة شعبية وحيدة عندنا

بل تخطت تلك النقطة بالتحديد بمراحل

فلو نظرنا إليها من منطلق عقلي بحت لوجدناها مجرد جلدة دائرية منتفخة بالهواء

يتبارى 22 رجلاً يرتدون سراويلهم التحتية في كيفية القذف بها يمنياً ويساراً من أجل إيصالها إلى مكانٍ ما

يقع بالتحديد ما بين قائمين وعارضة يقف تحتهم حارس ضخم في الغالب

ولكن من يدرك هذا ,, ومن ينظر إليها بهذا الشكل الأن

أصبحت علماً يدرس , وإقتصاداً عالمياً , ومشروعاً قومياً , وهدفاً استراتيجياً

((هذا فقط لأنها كرة القدم))

ولأنها كرة القدم فقد انفردت بعدة حصريات تعجز غيرها من الأمور عن مضاهاتها فيها.

لسنا هنا بصدد الحكم علي تلك الأمور بالسلب أو الإيجاب , ولكن نحن هنا لسردها وإعادة صياغتها من جديد.

وحدها القادرة الأن علي جلب السعادة لملايين البشر في لحظة واحدة.

وحدها القادرة علي بث روح العداء بين الأخوة الأشقاء

ضاربين بتاريخهما الأخوي الطويل وتجانسهما في الدين واللون والدم واللغة والظروف عرض الحائط.

وهي أيضاً القادرة وحدها علي جمع شمل الأعداء الألداء على بساطٍ أخضرٍ واحد.

ثم أنها وحدها القادرة على إيقاف الحياة في بلدٍ كامل لمجرد أنها _أي كرة القدم_ عانقت شباك الفريق المنافس.

فيخرج أبناؤه عن بكرة أبيهم إلى الشوارع والميادين فرحين ومهللين وربما رقصوا حتى.

وهي أيضاً فقط القادرة علي إصابة نفس الشعب بالإكتئاب والحزن

لمجرد أنها ولسببٍ ما في تلك المرة قررت أن تعانق شباكهم هم.

ومن غيرها يستطيع أن يجعل تلك الشوارع المكتظة عادةً بالمارة والسيارات

تبدوا وكأنها خاويةً علي عروشها لمدة ساعتين وربما أكثر؟

ومن يستطيع سواها أن يحيي تلك المشاعر الوطنية الباهتة داخلنا

فتبث فيها الروح من جديد لنلتف حول أعلامنا وأناشيدنا الوطنية.

هذا الشباب البائس العاطل عن العمل والفاقد لكل مقومات الحياة , يسمح لنفسه أن تنسى كل همومها معها.

ولكن كل هذا لا يبرر أبداً سماحنا لها بأن تنسينا قضايانا وهمومنا المصيرية

أخواني الكرام ,,

رغم كل شيء

مازالت القدس تحت أرداف اليهود

لننزل كل شيءٍ منزلته.

اللهم ألف بين قلوبنا واجبر ما كسرته تلك (الكرة) بينا

المقال على المجلة

فقط لأنها كرة القدم

معلقةٌ علي أستار الأقصى

2009-11-06T02:06:00.005+02:00

معلقةٌ علي أستار الأقصى
(مجاراة لمعلقة عنترة بن شداد)

مَاْ غَاْدَرَ الأِشْفَاْقُ لِي بَعْضَ الدَّمِ

حَتَّى نَزَفْتُ الشّعْرَ مِلْيءَ تَأَلُّمِي

أَعْيَاْكَ عُمْقُ الجُرْحِ يُلْهُبُ مُدْمُعِي

حَتَّي تَجَرَّدَ فِيْ مَرَاْيَا مَكْلَمِي

وَسَقِمْتُ مِنْ وَجَع الخَرِيْفِ يَلُفُّنِي

وَيُطَوِّفُ الذِّكْرَى بِلَيْلٍ مُظْلِمِ

وَسَبَحْتُ فِيْ بَحْرِ الغُيُوْمِ مُكَبَّلاً

وَالجِيْدُ أَعْتَى مِنْ تَجَاْذُبِ مِعْصَمِي

فَتَحَشْرَجَتْ أَنْفَاْسُ صَدْرِي فِيْ أَسَيً

وَأَخَذْتُ أَسْقِي الصَّمْتَ بَوْحَ تَكَلُّمِي

فَصَرَخْتُ مِنْ هَمٍّ يُأَلِّبُ حَسْرَتِي

وَنَطَقْتُ أَهْذِيْ كَالأَصَمِّ الأَعْجَمِ

-------

يَا دَارَ قُدْسٍ بِالجِوَاْرِ تَجَلَّدِي

وَارْجِي صَبَاحَاً دَارَنا وَلْتسْلَمِي

اسْتَنْسَرَتْ أُمَمُ البُغَاْثِ بَأَرْضِنَا

وَتَكَاْلَبَتْ ضِدَّ الصِرَاْطِ الأَقْوَمِ

قَدْ طُفْتُ فِي طَلَلٍ تَقَادَمَ عَهْدُهُ

أَقْوَى وَأَقْفَرَ بَعْدَ خَمْدِ المَصَرَمِ

وَمَرَرْتُ بِالأَرْضِ الحَلُوْبِ الطَّيّبِ

فَوَجَدْتُهَا جَفَّتْ بِفِعْلِ المُجْرِمِ

فَوَقَفْتُ فِيهَا أَحْرُفِي تَنْعِي لَكُمْ

وَجْهَ الرَبِيْعِ بِثَغْرِهِ المُتَبَسِّمِ

-------

يَا دَاْرَ مَجْدٍ قَدْ تَوَاْرَي نَجْمُهَا

أَتُرَى تُقَاْمُ الدَّاْرُ بَعْدَ تَهَدُّمِ؟

إِنِّي رَأَيْتُكِ فِيْ عَرِيْنِكِ حُرَةً

وَبَنَو العُرُوْبَةِ فِيْ شُمُوْخِ الهَيْثَمِ

هَلْ تُثْمِرُ الرُؤْيَا فَيَقْْطُفُهَا غَدِي

أَمْ أَنَّهَا تُمْسِي نَسِيْمَ تَوَهُّمِي؟

إِنِّي عَزَمْتُ بِأَنْ أُجِيْرَكِ فَاعْلَمِي

أَنِّي سَأَنْصُبُ دُوْنَ ثَغْرِكِ مَأْتَمِي

وَأُلَمْلِمُ الزَّمَنَ الحَزِيْنَ بِجُعْبَتِي

لِأَصُوْغَ مِنْ أَلَقِ الثُّرَيَّا مَعْلَمِي

بَيْنِي وَبَيْنَ الفَجْرِ سِدْرَةُ خَاْلِدٍ

أَطْوِي المَعَاْرِجَ كَيْ أُطَاْوِلَ مَغْنَمِي

فَلْتَرْقُب الدُّنْيَا قُدُوْمِي .. إِنَّنِي

سَأُعَلِمُ التَّاْرِيْخَ مَاْلَمْ يَعْلَمِ

-------

عُذْرَاً فِإِنَّ قَصِيْدَتِي لَمْ تَبْتَدِي

هَلْ غَاْدَرَ الشُّعَرَاْءُ مِنْ مُتْرَدَّمِ؟

أنا جه ,, :)

2009-10-30T01:47:00.002+02:00

يا أهالي كفر الحاج بلوجر الكرام

يلا افرحوا وهيصوا وقولوا هييييييييييه
علشان أنا خلاص جيييييييييييييييييييه
(تنفع مطلع قصيدة)

والله ليكم وحشة كبيرة أوي أوي أوي
ومبعدنيش عنكم غير الشديد القوي

أحكيلكم الحكاية
صلوا بينا علي النبي

أنا بعد ما خلصت شهادات التخرج وكارنيه النقابة والذي منه
القوات المسلحة المصرية اتزنقت فيا
وراسهم وألف سيف إني أروح أتجند ,,
وأبقي جندي مجند ياسر عمر
ولربما أبقي ظابط كمان ,, مين عارف ..!!

قلت ماشي ,, مفيش مانع
دي حتي مصر هيه أمي ,, واللي ملوش خير في أمه
ملوش خير في حد ويبقي واطي ودون

روحتلهم ,,
قوم إيه بقي ...!!
كشفوا عليا قالولي

إنت غير لايق
غير لايق ,,
غير لالالالالالالالالالالالالالالالالالايق

ورفدوني رفد طبي :(
(هيه دي أخرتها يا مصر ,, بقي فيه أم بالشكل ده ؟؟)

يلا الحمد لله ,, أنا عملت اللي عليا وخلاص
همه الخسرانين علي فكرة :)
مش عاوز حد يقولي إيه سبب الرفد ده
لأني مش هقول ,,
بس أطمنكم إن ركبي حديد ,, والأهلي حديد :)

___

بشكر كل الناس اللي سألت عليا في غيابي
بجد ده شيء أسعدني جداً

____

ياريت يا جماعة مننساش أمنا أم مالك من دعائنا
هيه في أمس الحاجة لينا في الأيام دي
اللهم اشفها شفاءاً لا يغادر سقماً

عيد مبارك عليكم ,, وتقبل الله منا ومنكم

2009-09-20T07:12:00.003+02:00

الحمد لله الذي سن لنا أياماً يستحب في الفرح والتوسعة علي النفس وعلي الأهل ,, بما يرضي الله

العيد أقبل بعد طول غيابِ

والفرح يطرق بالمودة بابي

والحمد لله الذي من فضله

جعل السعادة سنة الأحبابِ

أقول لكل المسملين علي وجه البسيطة

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

خزعبلات : عبور الطريق في القاهرة

2009-09-12T12:21:00.003+02:00

*عملية عبور الطريق في القاهرة الكبري أشبه بـ

العمليات الإنتحارية

الغير مضمونة العواقب

وغير مأمولة النجاح

فهي تتطلب الكثير من اللياقة والمرونة والرشاقة

والسرعة في اتخاذ القرار والمثابرة والتحدي

أيضاً يجب أن تكون في أقصي درجات التركيز للتعامل مع أية مستجدات تطرأ

هذا كله طبعاً لا يؤهلك للنجاح في تلك المهمة إلا بعد توفيق الله سبحانه وتعالي

لذا وجب عليك النزول لسجدة شكر بعد الوصول للجانب الأخر_إذا وصلت_

فما فعلته للتو يضاهي أحد أهداف أبو تريكة روعةً وصعوبةً

فاجري مسرعاً وتمايل كما النسر المحلق في الآفاق , ثم اتبع هذا بسجدة شكر

ولا تستغرب إذا انهالت عليك أحضان وقبلات المارة والسابلة ليهنئوك علي إنجازك العظيم

أكثر ما يثير دهشتي أننا رغم كل هذا ..

لا نحصل علي حفنة من الميداليات في الجمباز في الأوليمبياد ..!!

مما يدفعني إلي أن أجزم أن أبطالنا في الجمباز ,,

لا يعبرون الطريق في القاهرة.

------------

ده مقالي علي

مجلة رؤية مصرية الإلكترونية

متنسوش تعدوا علي هناك

وكالعادة مستنين مشاركاتكم معانا في المجلة

خزعبلات : عبور الطريق

---------

ياريت كمان نرحب كلنا بصديقي الشاعر

أمجد الشعشاعي

انضم لكفر الحاج بلوجر

وكمان لفريق تحرير المجلة

خزعبلات من الحياة

2009-08-29T10:34:00.004+02:00

زي ما إنتم عارفين ,,

انهاردة السبت ,,!!

يعني مجلة رؤية نزلت بالعدد الجديد ,,

وده الموضوع بتاعي فيها ,,

وهوه عبارة عن سلسلة من التعليقات علي مواقف من الحياة

يعني تقدروا تقولوا تخاريف

أو ..

خزعبلات من الحياة

غريبةٌ تلك الحياة ,

فرغم كل ما فيها من مصاعبٍ ومتاعبٍ وكدٍ وعرقٍ وتعب

إلا أنها تبقي كوميدية إلي الحد الذي يجعل كل من يتأملها ساخراً علي نفسه.

صدق الكاتب والأديب الإنجليزي هوراس والبول عندما قال:

إن الحياة مأسوية أو تراجيدية للذين يشعورن كوميدية للذين يتفكرون.

وأنا هنا بصدد نشر بعد الخزعبلات الحياتية

والتي نشأت في مواقف متعددة أبت أن تمضي إلي حالها دون أن تثير حس الكتابة داخلي ,

ودون أن تداعب مستقبلات السخرية في أم رأسي.

خزعبلات حياتية ..

هي مجرد تأملات وتخاريف ساخرة علي بعض مواقف الحياة المعتادة.

سائقو الميكروباصات دائماً مجرمون وأشكالهم متشابهة إلي حد التطابق

وكأنهم صُبّوا في قالبٍ معين في إدارة المرور قبل الحصول علي لقب (سواق) ..

لهم مجموعة من المرادفات والكلمات البذيئة والتي يصرون علي توجيهها لبعضهم جهاراً بلامبالاة وسماجة

وبأفواه باسمة ووجوه سمراء خبيثة وأصوات غليظة ملتوية خارجة مباشرةً من الزور

وكأنهم يلقون التحية علي بعضهم ,, (صباح الخير) .

الغريب أن الكثير من تلك الكلمات تتعلق بعلاقات أمهاتهم المشبوهة

مما يجعلها تصل إلي حد القذف

لكن أكثر ما يثير حنقي أنهم إلى الأن ما زالوا يعتقدون أنهم هم وحدهم من يفهمون لغة الشتيمة عبر الكلاكس

على الرغم من كونها إحدي اللغات المعتمدة للتخاطب في الشارع المصري .

ومهما تحدثت معه لا يعيرك إنتباهاً أبداً

فأنت بالنسبة له لست أكثر من جنيه يتدحرج في الشارع

ومهمته أن يلتقطه من مكانٍ ما ,, ليلقيه في مكانٍ أخر

وليس لك الحق حتي ولو في الإعتراض علي نمط الحياة داخل جمهورية ميكروباصه ،

حتي أن الجدل العقيم الذي كان ثائراً حول السؤال الكوني الشهير

(الكنبة اللي ورا بتشيل ثلاثة ولا أربعة ؟) أ

أراه قد انزوي واختفي ,, وانتهي بالتسليم من قبلنا نحن ..

واقتنع شعب ركاب الميكروباص أخيراً مجبراً أنها

(مش فارقة كثير) ..

واتكل علي الله ياسطي ,, ربنا يستر طريقك.

__

الموضوع كده انتهي بس متنسوش تعدوا عليه في المجلة نفسها ,,

خزعبلات من الحياة

وأي حد عنده إسهامات للمجلة يبعتها وميترددش أبداً

الدرر المنتقاة : إن استطعـت ألا يسبقـك الى الله أحد فافعل

2009-08-21T18:08:00.003+02:00

قال وهيب بن الورد:

إن استطعــت ألا يسبقـــك الى الله أحـــد فافعــــــل

التعليـــــــــــــــــق

أنتم عارفين انا بحب أشبه الحياه بالرالى .. عارفين رالى السيارت؟
كلنا فى الدنيا دى غرباء عن وطننا ... اتنفينا منه
ولازم نسافر علشان نرجعله تانى

عارفين ايه هوه وطننا ..؟؟؟

الجنه ... ايوه الجنه

أحنا هنا فى منفى بعيد عن بيتنا .. وبعيد عن وطننا

وحشنا قوى ... ولازم نرجعله

قدامنا طرق كتيييير .. طريق واحد بس هوه اللى بيوصلنا لله

الطريق ده
..
طريق الاسلام على مذهب أهل السنه والجماعه

الطريق اللى مشى فيه الرسول والصحابه والتابعين

الطريق ده وسيلة النقل فيه ... قلبك
(وهوه بيأثر علي الجوارح)

واحنا ماشيين بطاريات الايمان بتاعتنا بتفضى شحن

Battery low

قام ربنا سبحانه وتعالى عملنا محطات شحن كبيرق قوى
أكبر محطه منهم
..

رمضـــان

طيب أحنا ياما دعينا وقلنا ,,, اللهم بلغنا رمضان

وربنا أستجاب دعوتنا بفضله ومنه وبلغنا

لازم بقى نلحق نشحن بطاريات الايمان لأكبر قدر

Battery Full

علشان تكفينا لرمضان الجاى

الحق بسرعه من أول ليله ... متضيعش ساعه ...

متقعدش لحظه فاضى

أرفع رايه
...

لن يسبقنى الى الله أحد

هختم القرآن أكثر من كل أخوانى

هقيم الليل كل يوم

هتصدق باللى أقدر عليه

هيبقى ليا فى كل فرع من فروع الخير يد

محدش أحسن منى ... هوصلك يارب أول واحد

..

عارف أنى طولت عليكم .. بس أقرأوا القصه دى وهختم بيها كلامى

كان أحد سلفنا الصالح أسمه

أبو مسلم الخولانى

الراجل ده كان مستجاب الدعوه

وقد فعل به الله كما فعل مع سيدنا ابراهيم فجعل له النار برداً وسلاماً

عارفين ليه ؟؟؟

شوفوا حاله مع الله كان ازاى

كان يضع سوطا فى محراب بيته، كان يقوم الليل طويلا فاذا وجد من نفسه فترة قال لرجله

انت احق بالضرب من دابتى

فيضرب رجله ويقول

والله لاقومن بك حتى يكون الكلل منك لا منى

ثم يقول:

أيظن اصحاب محمد صلى الله عليه وسلم ان يستأثروا به دوننا

كلا والله لنزاحمنهم عليه زحاما حتى يعلموا انهم قد خلفوا ورائهم رجالا.

كل عام وإنت بخير

وربنا يتقبل منا جميعاً صالح الأعمال

شقلوبستان : "حشيش" حاجة تيجي كده

2009-08-16T19:18:00.007+03:00

شقلوبستان : "حشيش" حاجة تيجي كده

من تلك الغرفة النائية المنعزلة بإحدي المناطق البعيدة الغامضة من مدينة القادرة (قادرة أم عز) تترائي لنا من بعيد سحابات دخانية (زرقاء) وتتصاعد ضحكات متشابكة عالية تجعلك تشعر أن هناك شيئاً مريباً يحدث , حيث من النادر أن يضحك الشقلوبانيون بهذه الحماسة .

يبدو الموقف برمته كمشهد من المشاهد السينيمائية (العبيطة ) المتكررة والتي تمتلأ بها الأفلام الشقلوبانية , فهذا الجو يجعلك تقسم بأن هناك جريمةً ما تحدث أو علي أقل التقدير يبدو كمكان ملائم لجريمة قد تحدث قريباً.
(من يعرف مجرماً يبحث عن مكان مناسب لجريمة فليخبره عنه .. وهنيالك يا فاعل الخير والثواب)
ومن داخل تلك الغرفة _ والتي عرفنا بعد ذلك أنها قد أخذت إسماً حركياً جذاباً (موكنة) _تجلس (شلة ) من الشباب جلسة (أنس) بكل ما تحمله الكلمة من (سطلة) , حيث تتراص زجاجات (المية) أمامهم وتتناثر أيضاً بعضٌ من تلك الزجاجات الفارغة بلونها الأخضر المميز في كل مكان.

يقول أحدهم وإسمه (مسطول علي طول)
يا أخي فيه سؤال كده عمال (يروادني) اليومين دول
ومش عارفله إجابة ...!!
فيرد عليه (حمدي بورشام) بعد ان يلقي بمجموعة من الأقراص المتنوعة في فمه دفعةً واحدة
ثم (يبلبعها) بسائل بني في كوب نصف ممتليئ
لالا متخليش حاجة تراودك .. دي حتي تبقي عيبة في حقك
إيه السؤال ده .. قلنا عليه يمكن نعرف نجاوبه

فيهرش (مسطول) في قفاه ثم يقول
هوه الواحد بعد ما بيموت ..
بيلقي إيه؟

فرد عليه (مدحت كوباية) بصوت متقطع بطيء وبيده إحدي الزجاجات الخضراء سابقة الذكر
بينما تبدوا عينيه نصف مفتوحتين
ده سؤال ده ..!!
دي سهلة اوي
طبعاً هيلقي مصرعه
وبعض أحيان بيلقي حتفه
كر كر كر كر كر
(صوت الجوزة المميز)

فيردد الجميع في قناعة تامة فيما قال
أأأأأأأه عندك حق

ثم وبلا أدني سبب ينظر الجميع لبعضهم وتخرج منهم ضحكة عالية هستيرية
نياهاهاهاهاهاهاهاهاهاها
حتي اغرورقت أعينهم بالدموع من شدة (الهبل)

مسطول علي طول :
تصدق ياض يا كوباية إنت ريحتني أخر حاجة
ده الموضوع ده تاعبني من فترة ومكنتش لاقيله إجابة
إنت ياض شكلك مثأف وبتفهم علي فكرة

كوباية : ولا يهزك يا بوبس
أنا عنيا ليك يا معلم
هوه أنا صحيح مش فاكر أنا في كلية إيه ولا في سنة كام دلوقت
هيء (صوت فواق أو زغطة)
لكن العلم في الدماغ المتكلفة
مش في المناهج المتفلسفة

فرد عليه : عندك حق
ده حتي الكيف أصدق أنباءاً من الكتب
في سُطْلِهِ الحدُ و.. أأ
والإثنين والثلاث كمان
نياهاهاهاهاهاهاهاهاهاهاها
(نفس الضحكات المتخلفة)

ثم يصيح بورشام ببينما يحاول أن يمسك بناموسة ( غتتة ) فوق رأسه :
إيه يا عم الناموسة بنت التيتتتتت دي ..
عمالة تمص و(تشفط) في دمي من بدري

فيرد سيد قدره : نياهاهاهاهاها
لعلمك دي شوية ودمك هيتوهها ويسطلها وتقف تقول
أوعي النسر

فيضحك الجميع في هيستيرية مشابهة
نياهاهاهااهاهاهاهاهاها
هع هع هع هع هع هع هع هع

يهدأ كوباية ويصمت ويهرش في رأسه , حيث بدا وكأنه فكر في خطبٍ عضال قبل أن يتسائل :
همه ياتري سموا الناموس ناموس ليه؟

بورشام : هأو .. عاملي فيه مثأف ومش عارف
دي واضحة زي ال(كلوب) في قلب (الغرزة)
أكيد علشان بيخلي الناس مبيـ(ناموس)

فيردد الجميع في ثقة تامة وقناعة بإجابته اللولبية
أأأأأأأأأه عندك حق

ثم ينشغل كلٌ منهم في (ضرب ) شيءٍ ما.

وهنا يهتز موبايل (سيد قدره) ويشدو بأغنية المطرب الشهير (جوعارة)
شمييت قد إيه شميييييييييت .. وضربت (أفيون) في البيت

فيمسك الموبايل فزعاً:
يوووووووووووه ده أبويا

كوباية: وده إيه اللي جابه دلوقت؟
قدره : لا ده مجاش ده أنا اللي روحتله
كوباية : روحتله فين ياض .. ما إنت متنيل قاعد أهو معانا
قدره : أه صحيح .. امال فين بقي؟ وجه إزاي؟
أمال مين اللي راحله .. ولا مين اللي جابه هنا؟
هوه مين ده أصلاً؟
بورشام : يا عم إنت فوق .. ده أبوك بيتصل بيك
رد عليه
قدره : أأأأأأأه بيتصل ...
أه منك يا بابا با خبيث!!
هع هع هع هع هع هع هع
هيئ هيئ هيئ هيئ هيئ هيئ

كوباية : طيب وهوه عاوز منك إيه دلوقت؟
قدره : اااااااااه أصله كان قالي إمبارح :
أنا عاوزك (بودره) في مشوار خاص
وأنا قولتله والشهامة هتموتني
(حشيش) مانع عندي
ده حتي (حقنك) علينا تطلب اللي إنت عاوزه

بس للأسف نسيته خالص
هوه أنا يعني دماغي لاب (توف)

مسطول : طيب وهتعمل إيه دلوقت؟
قدره : هقوله إني مت وخلاص .. !!
بورشام : يا عبيط مينفعش ..
اصلك لو إنت مت مش هيرضي يديك فلوس تاني
مهو إنت ميت بقي ..!!
هتعمل إيه بالفلوس وإنت ميت؟

قدره : عندك حق يا بورشام
طيب هقله إني نايم

كوباية : برضه مينفعش ..
لأنه ممكن يمد إيده عن طريق (البلودوس) ياكلك بالشالوت ويصحيك
وياخدك معاه برضه

قدره : يوووووووووووه
متفصلونيش بقي
خلاص خلاص أنا هتصرف

مسطول : طيب يا فالح ..
بس أوعي ترد من هنا أحسن يشم الريحة وتروح في داهية
كوباية : أه إطلع رد عليه من بره أحسن
بورشام : وبالمره تبقي (لف) النوبايل الناحية التانية علشان ميشوفش الدَخَنَة
وممكن كمان يعرف مكان (الموكنة) بتاعتنا وتبقي مصيبة
قدره : طيب طيب طيب
ده إنتم رغايين أخر حاجة
كل ده كلام ..!!
(فرغتولي) دماغي بعد ما (عمرتها)

قدره : أيوه يا بابا
معلش اصلي تعبت ومش هقدر أجي معاك
أبوه : تعبان عندك إيه يا موكوس
قدره : لالا مفيش
انا بس (وسكي) مكسر وبيوجعني
وعيني (خمرا) شوية
تقريباً ده الدور اللي بيجيلي كل سنة .. و (بانجو) منه بالعافية
أبوه : طيب لو تعبان تعالي استريح في (فرشتك) ..
وبطل صياعة يا ابن (الدايخة)
قدره : حاضر يا بابا هاخد أول (ماكس) وأروح البيت.
_____________
المخدرات
الإدمان
الضرب
السُكر
السطلة
الكيميا
..الخ
كل دي أسامي بيطلقها الشباب علي العملية اللي بتودي بيهم لمود (الهيبرة) أو (الدمااااغ)
فيه حقيقة واضحة دايماً الشقلوبانيون بيحبوا يخبوها
المخدرات بقت منتشرة جداً في كل حتة في شقلوبستان
ومبقتش تقتصر علي فئة عمرية معينة كمان

-----------
مين المسؤل عن انتشار المخدرات وتداولها بالطريقة الرهيبة دي؟
بقي سهل جداً إنك تجيب مخدرات أو إنك (تقضي) زيما بيسميها الشباب
طيب فين الدور الرقابي؟
ليه بقي فيه نغمة دلوقت في كل حتة
سواء في النكت أو الأفلام أو أو..
بتظهر الناس دي علي إنهم دمهم خفيف وبيضحكوا وسعداء؟
(حتي أنا نفسي عملت كده..!!)
وبعد كده بيسغربوا إن الشباب بقت بتدمن
سؤال لواحد بيحب يعمل دماغ
إيه الجميل في إنك تايه وعبيط ومسطول؟

طبعاً مش هقول اللي يعرف الإجابة والكلام ده
لأن للأسف الأسئلة دي ملهاش إجابة
shaklobstan@hotmail.com

هواجس آتٍ

2009-08-05T23:09:00.005+03:00

هواجس آتٍ

آتٍ ..
.
كَمَا الضَيّ
.
الذِي قَدْ أَحْسَنَ الإِفْلاتَ
.
مِنْ قَلبِ اللَهَبْ
.
.
خَلْفِي تَرَكْتُ عَبَاءَةَ الإِذْعَانِ
.
فِي ظِلِ الرَّقِيقْ
.
.
آتٍ ..
.
لِكَي أُوْشِي بِسِرِ الطِيْنْ ..!!
.
.
وَلِكَي أُنَقِّي الحَرْفَ
.
مِنْ قَيْدِ الذَّهَبْ
.
.
آتٍ لَعَلَّ ..
.
.
الأَرْضَ تُخْفِقُ مَرَّةً
.
فِيْ رَسْمِ خَاْرِطَةِ الطَّرِيْقْ
.
.
وَلَعَلَّ ..
.
.
مَوْجَ البَحْرِ
.
يَصْفَحُ مَرَّتَيْنِ عَنِ الغَرِيقْ
.
.
....
.
.
حُلْمِي بِأَنْ ..
.
.
تَسْقِي جِبَالَ الأَرْزِ أُغنيتِي
.
أُنْشُوْدَةٌ تَشْدُو بِأَخْيلَتِي
.
.
سَتُحَلِّقُ الآَفَاْقُ فِي فُلْكِ الرَّحِيقْ
.
.
مَادُمْتُ أُعْلِنُ فِي زَفِيْرِي
.
عَنْ شَهِيْقْ
.
.
..
.
.
آتٍ ..
.
.
وَفِي جَنْبَيَّ سَبْعُ قَصَائِدٍ
.
مَوْزُوْنَةُ الأَصْدَاءِ
.
.
هُزِّي إِلَيْكِ بِجِذْعِ
.
.
تِيْنِ الشّعرْ
.
تَسَّاقَط الحُبَّاتُ قَافِيَةً
.
تَضمُّ الحَاءَ بِالبَاءِ
.
.
فَاسْتَقْبِلِي فِي صَاْلَةِ الزوّارِ
.
أَشْلائِي
.
.
وَلتَنْثُرِيهَا حُرَّةً
.
.
مِنْ فَوْقِ أَعْنَاقِ الأَهِلَّةِ لِلْعَبِيدْ
.
.
إِنِّي عَزَمْتُ بِأَنْ أُسَطّرَ
.
فَوْقَ هَاْمَاْتِ المَآسِي
.
أَلْفَ عِيدْ

...
..
----
بقلم العبد لله
.
القصيدة تحتاج لأكثر من مجرد قراءة
.
لون جديد من الشعر أكتبه لأول مرة

مجلة رؤية مصرية : ويمضي ركاب الحلم

2009-08-01T11:57:00.003+03:00

دي الكلمة الإفتتاحية اللي كتبتها بمناسبة افتتاح الموقع الجديد لمجلتنا

مجلة رؤية مصرية

ودي عدت ليها للمجلة بعد فترة إنقطاع طويلة

بسبب ظروف خاصة

الشكل بجد جميل جداً جداً

وفيه مواضيع رائعة

يلا بسرعة .. هستناكم هناك

وعاوزين مشاركاتكم كل أسبوع إن شاء الله

يارب الإفتتاحية تعجبكم

ويمضي ركاب الحلم .

تَمْضِي بِنَا الأَحْلامُ حَيْثُ يَسْوْغُهَا .. وَالشَّمْسُ تُعْلِنُ فِي القُلُوْبِ بُزُوْغَهَا

فَهُنَا ( بِرُؤْيَـة ) قد تَجَمَّعَ شَمْلُنَا .. لِنَصُـوْغَ مِنْ دَفْـقِ المَحَبَةِ رُوْحَهَا

مِصْرِيَةُ الخَفَقَاْنِ مِنْ نَبْضِ العَرَبْ .. وَعَلَي ضِفَاْفِ (النِّتِ) أَشْرَقَ نُوْرُهَا

ومازلنا علي الطريق

ويمضي بنا ركاب الحلم نحو مبتغاه

ونمضي به إلي متنهاه

نقطع الخطوات , ونطوي المسافات , ونقطف الثمار الباسقات , ونرفع علي مرافينا المنارات .

نهيم _علي هديً _ في غضون هذا الكون الفسيح ,

لنعلن أن الأماني ماتزال ممكنة , وأن الله لا يضيع أجر من أحسن عملا ..

فأحلامنا تتجاوز رؤي عيوننا , وإِقْدامنُا تحدى ضِيقَ دُروبِنَا , آفاقنا بلا حدود , وأفكارنا تسري بغير قيود , أعمارنا غضةٌ يافعة , ولكنَّ عقولَنا ناضجةٌ يانعة.

تِلْكَ المَجَلـَّةُ فِي السَّمَـاْءِ تُضِيءُ .. شَمْسُ العُلُوْمِ عَلَي النُّجُوْمِ تَفِيءُ

كَمْ أَعْلَنَتْ نَبْضَ الشَّبَاْبِ وَفِكْرَهُمْ .. وَبِكُـلِّ أَلْـوَاْنِ الفُنُـوْنِ تَجِيءُ

إن التغيير بمنظورنا يعني التقدم والتطوير ولا نرضي بهذا بدلاً ,

الفرق بيننا وبين غيرنا أننا لا نعتقد أن التطوير ردة فعل مرحلية ,

ولكنه هو الفعل والسياسة العامة والنهم ,

قدرنا أن نكون في الطليعة , قدرنا أن نفتح الأبواب والنوافذ للأخرين , لتشرق الشمسُ في عيونهم عبرنا , فلا عجب إذا رأينا من يقتفي أثر خطانا علي الجادة , وينظر إلينا كنظر المسافر في القفار نحو السماءِ ملتمساً هداه من النجوم اللامعات في دجي الليل المظلم البهيم.

دعونا نعود معاً للماضي قليلاً لنسرد فصول الحكاية ..

عندما بدأت الفكرة كانت مجرد مدونة صغيرة مجانية وكنا نقاسي الأمرين في تنسيق الموضوعات وبرمجة المجلة وترتيب الأعداد وغير هذا , وكنا مهددين بين الفينة والأخري بضياع كل جهودنا , ثم لم نلبث أن انتقلنا إلي الموقع الأول وفيه خطونا عدة خطوات واسعة , ثم الأن عدنا _وإن كنا لم نغب_ بالقالب والتصميم الجديد بكل ما يحملهُ من مزايا إضافية وأقسامٍ جديدةٍ لتفتح أمامنا آفاقاً لطالما حسبناها مغلقةً.

نحن لا ندعي فضلاً في هذا , فالفضل كلُّه بعد الله سبحانه وتعالي يعود

لكل من ساهم بسطرٍ معنا

لكل من شارك بقلمه

لكل من أدلي بعصارةِ فكره

لكل يحمل فوق كتفيه هماً وأملاً

بــ

إعلام عربي مختلف

لكم أنتم.

بَوْحُ القُلُوْبِ عَلَي صَحَائِفِ رُؤْيَة .. تَشْـدُو بِهِ الأَقْلاَمُ مُنْذُ بُزُوْغِنَا

فَهُنَا أَقَـمْنَا الكَـوْنَ فِي مِعْرَاجِنَا .. لِنَقُوْلَ أَنَّ الصّبْحَ أَضْحَي دُوْرَنَا

وكما قلت سابقاً :

تلك المجلة فكر فيها الشباب ورأوا فيها معراجاً لبوحهم وصديً لصوتهم وتنفيساً لأفكارهم وتبادلاً لتجاربهم الضئيلة كماً والكبيرة كيفاً , تلك المجلة ليست صفحات تكتب بمدادٍ من حبرٍ إليكترونيٍ علي صفحاتٍ مبرمجة ولكنها نقوش أنامل بناة الغد وراسمي لوحة المستقبلِ والذي يأملونه مشرقاً رغم خيوط الليل القاتمة التي تلف أركانه.

نحن لا نعدكم بأن نقطف وميض النجوم ولكن نعدكم بأن نوفر معكم وبكم , لكم ولنا طريقةً أفضل لرؤية بديعِ تألقها وروعةِ تلألؤها , نحن لا نكتب لكم ولكن نكتب بكم ومعكم .

تلك هي المعادلة المرجوة

مجلة رؤية مصرية

لنا ومنا ومنكم , معكم وبكم .

اقول أخيراً ..

أَسْرِجْ حُصَاْنَكَ فِي الدُنَي قَلَمَا .. وَأضِيءْ حُرُوْفَكَ فِي الدُجَي عَلَمَا

وَارْوِي غُيُوْمَ الفَجْرِ إِنْ نَضَبَتْ .. وَاطْـوِي المَعَـارِجَ لِلْسَمَا نَهَمَا

كانت تلك الكلمات الأخيرة ,

كانت النهاية

ولكن ..

كل نِهَاياتِنا بِدَايَاتٌ

بِألقٍ جديدٍ وبريقٍ فريدٍ بأفقٍ مديدٍ

وما زال الركب يمضي

وما زالت المعادلة سارية ..

نحن لا نكتب لكم ولكن ,,

نكتب بكم ومعكم

مجلة رؤية مصرية

لنا ومنا ومنكم , معكم وبكم .

------------

جميع الأبيات الواردة من كتابة العبد لله

القاهرة في عين شاب من الأقاليم

2009-07-28T19:31:00.003+03:00

عدنا بعد الغياب
(يلا بقي افرحوا وهيصوا ,, وقولوا هيييييييييييييه)
أكيد مكنتوش عارفين تدونوا من غيري ...
ولا إيه ...!!؟؟
:)

القاهرة في عين شاب من الأقاليم

طبعاً الشاب ده هوه أنا
أصل أخوكم قاعد في القاهرة بقيله فترة ,,
ونفسه من كل قلبه يسيبها
ويقلها مع السلالالالالالالالالامه

القاهرة في عين شاب من الأقاليم

*عندما تذكر أمامي القاهرة
_ أو (مصر) كما يحلو لسكان الأقاليم تسميتها_
يبدأ عقلي في تقمص دور موقع جوجل للبحث عن الصور
حيث تظهر أمامي عدة صور مألوفة
ومنها ..

_أتوبيسات ممتلئة إلي الحد الذي يسمح لبعض البشر بالإنسكاب من أبوبها.

_وجوه سمراء مكفهرة مبللة بالعرق ومعفرة بالأتربة.

_الكل يجري أو يمشي مهرولاً نحو هدفٍ ما ,, أنت لن تدري كنهه أبداً.

_نساء بعمر أمهاتنا يحملن الأكياس الممتلئة بطلبات المنزل
ويمشين مسرعات للحاق بنفس هذا الشيء الغامض.

_سائقو الميكروباصات بأفواهم الفاغره المناديه علي الركاب.

_هؤلاء الشحاذون والمتسولون بتمثيلهم المفضوح.

_المترو الممتليء دائماً كعلبة السردين.

_الشمس الحارقة دائما وكأن للقاهرة شمساً غير شمسنا
والتي تتكالب مع الزحام ضد القاهريين لتصنع فرناًَ بشرياً.

_الإختناقات المرورية المقرفة والمعتادة ,,,

_سائقو التاكسيات _الأبيض والأسود_ الذين لا يوافقون علي إيصالك أبداً
ويكتفي أحدهم بإشاحة وجهه عنك كأنك سببته قبل أن يمضي في طريقه
أما التاكسيات الأخري (الصفراء أو البيضاء) فيقفون لك بمنتهي الجنتلة
وتجد نفسك داخله شبه مغيب ومؤنتخاً بفعل التكييف
قبل أن تفاجأ لدي وصولك أنك مطالب بسداد شيك يعجز عن سداده بعض رجال الأعمال الكبار.

_البنات الشبه عاريات .. واللواتي لم يرهن من قبل سوي مشاهدو كليبات البورنو.

_الصعايدة بجلاليبهم المميزة والتي يبدو من تحتها (الصديري) ,
وأجسامهم الضخمة , وشنباتهم العملاقة وسجائرهم الكيلوباترا البيضاء.

-التحرش العلني بلا أي وازع أخلاقي أو ديني أو حتي ردة فعل بسيطة ولو من البنت نفسها.

_تشعر بجو ألفة مع الجميع .. حيث تشعر أنهم جميعاً يريدون ما في جيبك.

_تلك الشوارع العملاقة والتي يفوق أيٌ منها مدينتك الصغيرة الهادئة مساحةً.

_ركوب المواصلة الخطأ دائماً ,, والتي تعني أنك قد تهت.

_يبدوا الجميع هنا في القاهرة وكأنهم يعرفون الطريق للمكان الذي تريد الذهاب إليه حين تسألهم
فلا أحد يقول (مش عارف) وكأنها سبابه بذيئة يستنكفها الجميع
لكن بعد فترة تفاجأ أنه كان (حمار ومش فاهم حاجة)
ودفعت أنت الثمن بسيرك عدة كيلوميترات علي قدميك في الإتجاه الخاطيء.

-الباعة الجائلون والمتكدسون علي الأرصفة طوال النهار والليل ,,
يبيعون كل شيء صيني

لكن هناك مفاجئتين

الأولي أن السعر زهيد جداً .. فتشتريه
الثانية ,,
أنه لا يعمل أو يعمل لفترة قصيرة.

بعد كله هذا
أتسائل بصدق
لماذا يحب الناس القاهرة؟

رسائل سريعة مريعة

2009-06-27T06:58:00.003+03:00

السلام عليكم ورحمة الله وبركاته

ازيكم يا جماعة

عاملين إيه كلكم؟

يارب تكونوا كويسين

دي شوية رسائل سريعة في مواضيع مختلفة

عاملة زي أهم الأنباء كده ,, ربنا يستر

1- لكل الناس اللي دعيتلي وسألت ليا .. ربنا يكرمكم بجد

الحمد لله خصلت إمتحانات يوم الخميس ,,

بعد فترة إمتحانات مبقتش عارف أحسب هيه استمرت قد إيه

وكمان بفضل اله سبحانه وتعالي حليت كويس في الإمتحانات

2-واجب عزاء لأمنا أم البنات لوفاة والدها

أحسن الله عزائك ,, إن لله ما أخذ وله ما أعطي وكل شيءٍ عنده إلي أجل مسميً

فلتصبري ولتحتسبي

أنا عارف إنها متأخرة شوية ,, ياريت حضرتك تعذريني

3- بشكر كل الناس اللي رشحتني للحصول علي المركز الأول في استفتاء الشهر الأول

واختياركم ده حقيقي أسعدني جداً جداً جداً

ده أنا حتي ازبهليت لما لقيت نفسي في القايمة بس ,, مش مركز أول كمان ..!!

مدونة اعلن معنا للدكتور . عرفة

وبدعو كل الناس للتفاعل مع المدونة ,, والترشيح كل أسبوع

دي حاجة بتخلق جو جميل من التنافس وبتخلي للتدوين طعم تاني

4- شايف موضة كده غريبة شوية ,, كل الناس بتغيب عن التدوين

وأنا مش فاهم ليه حقيقي ,, يعني إيه نغيب عن مدوناتنا

وأنا من مدونتني بعلنها صراحةً

إني ناوي أغيب أنا كمان :)

أنا كنت مقصر معاكم في الفترة اللي فاتت

والجديد بقي إني ناوي كمان أقصر الفترة الجاية

أنا حاسس إني عاوز أعمل ريستارت لنفسي ,,

وعلي رأي عمدة التدوين الزعيمة المناضلة (خالتي ستيتة)

أنا بعاني من أعرض الإنسحاب من الإمتحانات

محدش يزعل مني ,, حقيقي غصب عني

أشوفكم علي خير إن شاء الله

مش هطول كلها أيام وهاجي تاني واقعد علي قلبكم

هتروحوا مني فين يعني؟

اشتغالات الإمتحانات

2009-06-17T02:21:00.003+03:00

اشتغالات الإمتحانات

أيام الإمتحانات بتبقي ايام غريبة جداً
ودايماً بتبيقي مليئة

بالغرائب والطرائف والعجائب
علشان كده بسميها اشتغالات الإمتحانات

::: اشتغالات شركة الكهرباء :::
دايماً ليلة الإمتحان النور بيقطع
ده شيء طبيعي جداً لا يدعوا أبداً للدهشة أو الإستغراب

بالنسبة ليا علي الأقل
وبقيت دلوقت مبسألش يا تري النور هيقطع ولا لا؟
بقيت بسأل ياتري النور هيقطع إمتي؟

ودي مش حالة فردية ليا بس علي فكرة
كثير بلاقي حد من أصحابي بيتصل بيا يقولي
أنا هاجي أذاكر معاك لحد الصبح لأن النور قطع عندي
(خاصةً إن بيتي أشبه بالبنسيون , أو معسكر إيواء المشردين واللأجئين)

::: اشتغالات الدي جي :::
كمان ليلة الإمتحان بتبقي فرصة مناسبة جداً للتعرف علي
أحد الجيران والذي تكتشف أنه يقطن قريباً منك جداً أو علي بعد عدة شوارع فقط
واللي كان طول عمره بيجهز نفسه , وبيدور علي بنت الحلال اللي تستاهله

وأخيراً لقاها علي حين غرة
وقرر فجأةً إنه يدخل دنيا ويتزوج
وطبعاً لازمن وحتمن ولا بود يعمل حنة ,,

فيه فرح من غير حنة؟
ده حتي يبقي حرام ولا يجوز ,, ولو المأذون عرف يرفض إتمام العقد

وساعات كمان المحل (المعفن) اللي مقفول من سنين طويلة تحت بيتكم
قرر صاحبه فجأة إنه يعمله سوبر ماركو أو مخبز فينو
وطبعاً لازم افتتاح

طيب إيه العلاقة الأثمة اللي بين الحالتين دول؟
إن في كلتا الحالتين هيبقي فيه دي جي
والدي جي بالمناسبة هو الإسم الحركي لجهاز الكمبيوتر

بتاع بن أخت العريس أو صاحب المحل غالباً يوم الحنة
ولكن مع إضافة عدة سماعات من الوزن الثقيل له.

ملحوظة : قد يكون أحد اصدقائي اللي وقع في الورطة دي
وطبعاً أنا اللي بتحمل مصيبة دي لأنه بيجي يذاكر معايا
((راجع النقطة الأولي .. :))

::: اشتغالات الفيفا :::
يتقمص الإتحاد الدولي لكرة القدم دائماً دور الوغد الجبان أيام فترة الإمتحانات
فلازم تلاقي ميعاد كأس أوربا أو تصفيات كأس العالم أو حتي النهائيات
أو أي بطولة مهمة تبقي أيام الإمتحانات
وهنا بقي بيبقي فيه صراع داخلي كبير بين

صوت الضمير (المذاكرة)
وبين صوت الكورة (الماتش)
وبينتهي غالباً الصراع بالضربة القاضية من أول جولة ,
طبعاً بتفرج علي الماتشات

::: اشتغالات التأمين الصحي :::
لو بقي الدنيا ماشية معاك أوي ,
تعيا يوم الإمتحان ,, مش مرض جامد
بس يكفيك شوية برد .. بس فول أوبشم
(يعني بالصداع بتاعه (بتاع بلاده) وتكسير العضم ورشح ودوخة .. واللذي منه)

أو حتي نزلة معوية برضه ودي مش لازم تبقي فول أوبشن
كفاية بس تكون نازلة بالمغص ,, والإزاز الكهربا ..

نياهاهاهاهاهاهاهاها

::: اشتغالات العيال الصغيرة :::
برضه من اشتغالات الإمتحانات المتعارف عليها
إن عمتك وخالتك وتانتك وخالك وعمك ,, يقرروا يعملوا مفاجأة (سعيدة)
ويجيبوا الأولاد ويجوا يزورونا في يوم ما قبل الإمتحان
والمشكلة الحقيقية لا تكمن فيهم .. دول حتي طيبين
المشكلة في جحافل الجيوش الجرارة من الأطفال
وإذا ذكر الأطفال (جمع يعني) يبقي أكيد لازم نذكر
الرغي والزن والرخامة والتباتة والزيطة والتنطيط حواليك
واللعب في المناخير وإنت نايم , واحتلال الكمبيوتر

وطبعاً مش هتقدر تعملهم حاجة

لأنهم رد الفعل الطبيعي جداً .. إنه هيشغل السرينة

ويقعد يعيييييييييييييط ويصرخ ويقلب الدنيا عليك..

وطبعاً بيبقي نفسك وقتها ترميه من أي بلكونة

لكن اللي بيمنعني إننا ساكنين دور تاني ...

فمش هيحصله حاجة

::: اشتغالات المونبه :::
اشتغالة أخري دايماً بتحصل
المنبه المقرف سواء في الموبايل (ابو مونبه منه فيه)

أو لو منبه منفصل
أيوه اللي بيفضل طول السنه قارفك ويصحيك من النوم وينكد عليك
المنبه ده بقي بتنزل عليه الطيبة والوداعة في اليوم ده
ولما بتظبطه علي ميعاد علشان يصحيك .. بتصعب عليه ومبيرداش يقلقك
فتصحي تلاقي الإمتحان تقريباً بدأ
وتصرخ تقول
سبق الإمتحان العزل ... اااااااااااااااااااه

....

وبناسبة ذكر المنبه

تعرفوا ليه بلدينا بيحط جنبه كوباية شاي وهوه نايم؟

علشان الشاي منبه

طيب وليه ساعات كوباية شاي وكوباية قهوة؟

علشان لو الشاي مرنش

(محدش يضرب)

::: الفجـــر :::
لما تنزل تصلي الفجر ,
تفاجيء إن نفس الشيخ اللي بيصلي كل يوم في ثلاث دقايق
وتبقي متضايق منه ساعتها ,, وتقول متنفعش الكروتة دي
فتتنزل عليه التقوي والإيمان والورع والخشية ..

كل ده مرة واحدة .. ربنا يزيده
فيأخر بين الأذان والإقامة ساعة إلا ربع
وبعدين يصلي بنصف القرآن (علشان ميطولش علينا يعني)
لكن بيعوض التقصير الجامد ده في الدعاااااااء
وهنا لازم يتذكر كل إخواننا المستضعفين والمغلوبين علي أمرهم في كافة بقاع العالم
ويدعيلهم بشدة .. نفر نفر
وفي النهاية يختم بقوله
اللهم وفق ابنائنا في الإمتحانات ..

بعد إيه؟

ما خلالالالالالالالالالاص

كل ده بقي والمفروض إن أنجح صافي
طب ازاي بقي؟
شوفتوا إن العيب مش فيا وإني مظلوم ..!!

طبعاً البوست ده برضه معمول علشان أستدر عطفكم وتدعولي
معلش استحملوني شوية ..

إنتم معندكومش اخوات بلاستيك؟

ومضــــات جديدة

2009-06-11T11:42:00.004+03:00

ومضــــات

ونـــقول تاني

لمعرفة أصل ومضات

وسبب تسميتها يرجى زيارة الرابط التالى

المقدمة

*الحب والشهوات كالجمرات

ينفخ الانسان فيها بنفسه فتستعر وتشتد نيرانها

لتحرقه فى النهايه.

*يرى الأطفال العالم كما يجب أن يكون

ويراه الشباب كما يتمنون أن يكون

ويراه الرجال كما هو حقيقة جامدة بلا رتوش

ويراه الشيوخ كما كان.

*نتمنى دائماً أن نكون ...

بنقاء وتطلع الطفولة

.وقوة وحيوية الشباب

.ورباطة جأش الرجولة.

وخبرة وهدوء الشيوخ.

*قمة اليأس أن تعيش لتموت

وقمة الأمل أن تموت فتعيش.

*قد تكون الحياة غير متكافئة

ولكنها في المجمل عادلة.

*قالوا وما

الصمت ..؟؟

قلت: وكيف أصفه بالكلام

ألن يؤذي هذا مشاعره ..!!

فإنه مدينةٌ خاصةٌ لا تصفها الحروف

ولا تحتويها الكلمات.

*لا توجد تجربة فاشلة

توجد فقط تجربة لم تؤتي ثماراً واضحة لك.

*الناجح يصنع من

حلمه .. واقعاً يُعاش

أما العظماء فيحيلون

واقعهم .. حُلماً خيالياً .

خلو بالكم من دي بقي أوي

*اللي هيدعيلي ربنا يوفقني في الإمتحانات

ربنا هيكرمه أخر كرم إن شاء الله

وهنيالك يا فاعل الخير والثواب

ودعوة قليلة تمنع بلاوي كثيرة.

بـقلــمي

مَنْ أنَــا

2009-06-05T07:27:00.004+03:00

لكل من تاه عن نفسه

ونسيَّ أنه لله عبد

خلق من أجل عبادته

ومن أجل حمل الأمانه

...

.....

مَنْ أنَــا

وأظل أسأل في غيابٍ مِنْ .. ( أنـا )؟

مَنْ أنا؟

قد بِتُّ منذ الحين أبحث في الدُنَي

عنِّي أنا ..!!

لأُزيح كل التيه عني والعَنَا

من ذا أنا؟

هل ضحكةٌ للشمسِ أَوْرَقََهَا اللهبْ؟

هل حرقةُ الأصداءِ في نار الغضبْ؟

أو نطفـةٌ وُجِدَتْ بِلا أَدْنَي سَبَْب؟

...

حتي أتاني الردُ مِن صمتِ الهدايةْ

هلَّا طَرَقْتَ الباب ..!

قَدْ تُهْتَ وازداد الغياب

أبشر فقد حان الإياب

أنت المُوَّكْلُ بالأمانةْ ..

ونسيتَ دربَكَ في متاهاتِ الغوايةْ

فابدأ طريقك من هنا .. حتي النهايةْ

----------------------------

كانت هذه بداية شيءٍ قد يتم .. أو لا

من يدري ..!!؟؟

.....

عــذراً

فـــاصل ونــواصل

بإذن الله

شقلوبستان : السفالة والصعود إلي الهاوية

2009-06-01T21:14:00.003+03:00

شقلوبستان

السفالة والصعود إلي الهاوية

تن تن تن

الساعة الأن التاسعة صباحاً بتوقيت مدينة القادرة

(قادرة أم عز)

هكذا جاء الصوت عبر الأثير في تلك الساعة الصباحية ,

قبل أن يخرج علينا مذيع(الراديون) قائلاً:

كركركركركر ..

مسااااااااااااء الخييييييييييير

نياهاهاهاهاهاهاهاهاهاهاهاهاهاها

.

.

.

لأننا في شقلوبستان العزيزة حيث التناقضات تجد لها سكناً مريحاً وحضناً دافئاً,

فكل شىء أصبح ضده

ولأن شقلوبستان لها نصيبٌ من إسمها كما ذكرنا مراراً

فكل شىء فيها أصبح

(متشقلب)

حتي معايير النجاح والفشل والقمة والقاع

فقمة المجد في شقلوبستان ليست إلا (الهاوية) , ومستقر قاعها هو في الحقيقة أعلي أعاليها.

ولذا فإنك لن تصل لأي شىءٍ سوي بمعرفة القواعد وإتقان أصول اللعبة ,

ويعتبر الأستاذ (عربيد السهتان) أحد هؤلاء المتربعين علي القمة ..

قمــة الهــاوية.

الأستاذ عربيد ليس شخصاً بعينه ولكنه مثال بشري مستنسخ في شتي مجالات الحياة.

فقد تجد نسخته مثلاً كأديب قد رأي أن الطرق الشريفة والكلمات النقية

لن تودي به إلا إلي (القاع) و(الضياع)

بينما أمانة القلم ومسؤلية الكلمات شعارات (يحسبها) خاوية ,

ففكر وقدر فقتل كيف قدر

حتي رأي الحل يلمع أمامه كعين شيطانٍ حمراء بليل حالكٍ بهيم

(تحطيم الرموز وضرب الرؤس , والسير عكس الإتجاه)

ذلك هو سبيل الصعود إلي الهاوية

فكتب عن العري عن الإبتذال عن الفسوق عن المجون

عن قتل الفضيلة بسهام الرذيلة , عن كل ما هو ساذج و(عبيط)

(واديني في الهايف وانا أحبك يا .. فننس)

فأصبح في غضون سنوات قليلة نجم المحافل الأدبية الأول

ثم زاد طموحه ونهمه وأصبح نصب عينه المحافل الدولية والجوائز العالمية.

وهنا يجب أن يطور من تكتيكاته الهجومية (المنحطة)

فتفتق ذهنه عن أسرع الطرق وأنجحها

لا شيء أسهل من الدين تلك المرة.

مقالات وقصص مليئة بالترهات والأكاذيب و(الإفتكاسات) الشخصية

والغمز واللمز علي أصول الدين وثوابت العقيدة ,

عبثاً أراد أن يهدم بمعول كلماته أو أن يطفيء بفيهِ نور الله ,

ويأبي الله إلا أن يتم نوره.

نشأت بينه وبين مدام ( ساقطة ) الممثلة القديرة علاقةً قائمة علي (الإبتذال) المتبادل ,

فهي الأخري تتقن أصول اللعبة جيداً وتتربع علي إحدي قمم (الهاوية) الفنية بشقلوبستان العزيزة.

فيكتب هو القصص والروايات , لتجعل منها هي واقعاً يُعاش علي شاشات السينما ,

بارعة في أدوار الإبتذال والعري والإغراء

لكن طبعاً الإغراء الموظف في السياق الدرامي للفيلم بشكل هادف

(مش أي إغراء يعني , هيه سايبة..!!).

مشكلتها أنها (نساية شوية) , حيث تنسي دائماً (دون قصد طبعاً) إحدي قطع ملابسها أو أكثر في بيتها ,

لذا فحينما تبدوا عارية فاعذرها (غصب عنها حقيقي).

وعلاقة أخري تربطه بالأستاذ (فاسد إمام) أو الزعيم

وهوه بالفعل زعيم وقمة عالية من قمم (الهاوية)

مع أول نظرة إلي وجهه تجذب إنتباهك تلك التجاعيد التي شقت طريقا في وجهه بفعل السنين

وكأنها (ترع صرف غير صحي وغير مغطي)

وفشلت جميع أنواع المساحيق وعمليات الشد (والجذب) في محو أثرها

كما تلاحظ بؤر سواد غريبة تلف عينيه بفعل شرب (المية) كثير

رغم كل هذا يعتقد أنه (عنتيل) السينما الشقلوبانية الأول

وأنه الرجل الذي يستطيع أن يغوي كل (البنات) .. بقوته وجبروته وعنفوانه

وأهم من كل هذا .. بخفة دم (أمه) الطاغية

حتي إنك تشعر أنه يحاول أن يكمل نقصاً ما لديه عبر الأفلام

يهوي إعادة صياغة الكلمات

فللغرور عنده تعريف أخر (ثقة في النفس)

والسفالة ... أصبحت (إبداع)

التجرؤ علي الدين ... اضحي (فكر وحرية رأي)

الدعارة .. (فن)

الدياثة .. (تحضر وتمدن)

قلة الأدب .. (خفة دم)

الهبل ... (روشنة)

ولا ينسي الأستاذ فاسد ان يتحفنا بين الفينة والأخري بخلاصة فكره في كل فروع الحياة

فعلي إحدي القنوات كان يتحدث عن مفهومه عن (الوسطية) في الإسلام

وأثناء كلامه عنها تشعر أنها أقرب ل (الأستكية) في الإسلام

وتتخلص في جعل الدين كالأستيك .. يستطيع أن يتمدد ليسع ويبرر كل شيئ يفعله الزعيم

وعلي قناةٍ أخري يمدنا بخلاصة فكره الرشيد في السياسة أو الكرة أو الفن أو الثقافة

فهو (بسم الله ما شاء الله عليه ) موسوعة شاملة في كل مجالات الحياة

وكأنه استقي حكمته الخاصة العالية من أحضان الغانيات.

يهدف في النهاية من كل أفلامه لتوصيل فكرة

أن كل متدين عبارة عن رجل بلحية كبيرة .. مكفهر الوجه

يرتدي (جلابية) بيضاء قصيرة يبدو من تحتها سروال أبيض طويل

يتلفظ ببعض الأيات القرآنية بتنطع شديد

بينما تنشغل عينه بال(بصبصة) علي النساء الفضليات العاهرات

وعلي استعداد تام أن يساوم كل مباديءه بطرف كحيل أو مبلغ كبير

وهناك هدف أخر

علي ألناس أن تدرك أن

الحب (الزنا) شيء طبيعي وغير مثير (للإشمئزاز) ولا حاجة

فنعم الغايات السامية.

قد تجد أيضاً الأستاذ عربيد في صورة الشاب (سهوكة) المطرب العاطتشفي .. جداً.

وهبه الله من المقومات ما يجعله نجم (الجيل) بلا منازع ,

حيث يعاني من غزارة في نمو (شعر صدره) , وفي خفة دم (أمه) الطبيعية (أيضا),

ونعومة شعر رأسه , وعيون جريئة يجيد بها فن (التسبيل) ,

وصوت ( حونين) , وبنطلون ساقط , وعضلات مفتولة بفعل الحقن ,

ومشية متكسرة تجعلك تقسم أنه (هارب) من الجيش.

وقلما تجتمع كل تلك الصفات في أحدهم , لذا فهو فتي احلام العذاري الأول ,

حيث يبدوا دائماً في أحلامهن ممتطياً ذاك (الجحش ) الأبيض ليخطفهن عليه ..

علشان يغتصبهم ويرجعهم تاني صاغ سليم.

ولأن البحر بيحب الزيادة , فإنه لا مانع أبداً من استحضار بعض الفتيات المدفوع لهن مسبقاً ,

لتسخين جو الحفلات ...

ولا ننسي طبعاً مجهوداته الخيرية العظيمة

حيث أنه استغل كل ما حباه الله به من مواهي من أجل مناصرة

الكتايا العربية .. والكهاد في سبيل الله

وهناك مثال أخر للأستاذ عربيد نعرفه جميعاً , وهو الواد ( حموءة العبيط ) المدون المشهور جداً ,

فمنذ أن مد وصلة (دي إس إن) ب25 جنيه في الشهر وهوه (لاجيء) علي مدونته

والتي تشبه مقالب ( الزبالة ) , ففيها كل ما لذ وطاب من فنون الهجص والتهبيل ,

ولا أدري من أخبره أن دم ( أمه ) خفيف هو الأخر

ولا مانع لديه هو الأخر (يعني جات عليه) من كتابة أراءه السديدة ..

( السديدة خالث )

في مختلف نواحي الحياة

خاصةً الثقافة والحب والدين وثوابت العقيدة ,

يناصر حرية الرأي ..

وهيه باختصار الحرية في ان يقول ( هو ) ما يريد

بينما يكتب علي جانب مدونته ..

كلمات مثل

ممنوع دخول أكياس الزبالة

هذا بالطبع لأنه يعشق (الزبالة) الغير مكيسة , لأنه يجد نفسه فيها أكثر

(لسه هايفك بقي ويطلع)

ممنوع دخول المتخلفين الأصوليين

أما الملحدين ..

فبالأحضان بالأحضان بالأحضاااااان

وأنصح أي شخص واكل أكلة (مش ولا بد) بدخول مدونته فوراً ,

لأنه سيفرغ محتويات بطنه (اللي مش ولا بد) مع أول بوست ,

لذا فوزارة الصحة الشقلوبانية تفكر في توفير كتابه الشهير

( اللؤلؤ النفيس .. في فن التهييس)

في استقبال المستشفيات العامة والخاصة لمثل هذه المواقف.

حيث ثبت نجاحه بنسبة عالية في علاج التسمم الغذائي

ولكنه للاسف يصيب بتسمم فكري بعدها.

سؤال الحلقة

مين يقدر يجيبلي مثال علي كل عربيد من دول

(في دولة شقلوبستان طبعاً)

اللي يعرف الإجابة ..

برضه يخليها في سره الله يستركم .. وميقلش لحد عليها

ولعلمكم بقي مفيش خط ساخن خلاص

ايوه مفيش خط (موحوح)

العمر مش بعزقة

أي حد عنده أفكار

يبعتها علي الميل الرسمي للدولة

shaklobstan@hotmail.com

رابط الموضوع علي مجلة رؤية المصرية

شقلوبستان : السفالة والصهود إلي الهاوية

قصيدة : أمُّ سِتِّ عُقُوْدٍ

2009-05-28T04:52:00.004+03:00

بمناسبة الذكري ال 61 لنكبة الأقصي

قصيـــدة

أمُّ سِتِّ عُقُوْدٍ

القافية بضم اللام وإشباع الضم .. وكأنها رجلو , طللو
.

.
سِتُّـوْنَ عَاْمَاً قُدْسُنَا تَسَـلُ .. أَيْنَ المُـرُؤَةُ فِيْكَ يَا رَجُـلُ؟

.
أَقْصَـاكُمُ العِرْبِيْدُ دَنَسَـهُ .. وَأَتَيْ عَلَيْ أَرْكَانِـهِ الطَّـلَلُ

.بِتُّـم عَلَي الأَلحَانِ فِي طَرَبٍ .. وَمَـوَاكِبُ الأَشْـلاَءِ تَتَّصِلُ

كَمْ شَيَّعَ الأَشْيَـاخُ أَطْفَـالاً .. مِنْ غَيْرِ غُسْـلٍ بَعْدَمَا رَحَلُوا

.
وَابْكِوا عَلَي الأَعْرَاضِ تُغْتَصَبُ .. أَخَوَاتُكُمْ مِنْ رِجْسِهِمْ حَبَلُوا

...

كَمْ طُفْتُ فِي التَّارِيْخِ مُسْتَتِرَاً .. مِثْلَ العَذَارَيَ خِدْرُهَا خَجَلُ

.
فَاليَوْمَ عِرْضُ المَجْـدِ يُنْتَهَكُ .. وَأُسُـودَنَا يَرْعَاهُمُ الحَمَـلُ

يَا أُمَّتِي إنَّ السُّيـُوفَ نَبَـتْ .. وَجُيُوْشُنَـا عاثَتْ بِهَا العِلَلُ

بَـاتَ التَّدَيُّنُ تُهْمَـةً نُكْـرَا .. وَشَـرِيعَةُ الإِسْلامِ تُخْتَـزَلُ

فِي صَوْمِ شَهْرٍٍ أَوْ صَلاةِ ضُحَي .. وَفَضَائِلُ الأَخْلاقِ تُنـْتَعَـلُ

لِلْجَهْلِ آلافُ الـدُّرُوبِ هُنَا .. وَالعِلْمُ قَدْ ضَلَّـتْ لَهُ السُّبُلُ

الغَـرْبُ أَضْحَي قبلةً تُرْجَي .. وَمَنَـاهِجُ التَغْـرِيْبِ تُنْتَهَلُ

صِرْنَا أَحَـطَّ الخَـلْقِ قَاطِبَةً .. وَشَبَابُنَـا أَلَهَـاهُـمُ الغَزَلُ

وَتَمَـلَّك الـذُّلُ البَغِيْضُ بِنَا .. نَغْـدُو أُسَارَيَ , عَزْمُنَا كَلَلُ

أَضْنَي جُفُوْنَ هِـلاَلِنَـا أَرَقُ .. نَمْضِي سُكَارَي , خَطْبُنَا جَلَلُ

فَبِنَشْرَةِ الأَخْبَارْ

أَوْ سَمِّهَا الأَوْحَالْ

شَاهَدْتُ خِنْزِيْرَاً يُضَاجِعُ أُمَّةً

بِالعُهْرِ جَالْ ..

قَدْ قَدَّ ثَوْبَ الطُّهْرِ مِنْ دُبُرِ

فَفَزِعْتُ فِيْ لمَِحٍ مِنَ البَصَرِ

وَتَهَاوَت المُقَلُ

حَاْنَ النِّضَالْ ..

أَيْنَ الرِجَال؟

فَأَجَابَنِي الخُذْلانُ وَالوَجَلُ

هُمْ فَي سُبَاتٍ أَوْ لَدَي سَمَرِ

يَا أمَّ سِتِّ عُقُوْدٍ ..

بِاللهِ فَأْتَزِرِي

يَا أمَّ سِتِّ ذُنُوْبٍ ..

بِاللهِ فَاصْطَبِرِي

وَاخْفِي دُمُوْعَ العَيْنِ فِي المَطَرِ

وَارْجِي مَلِيَّاً مَشْرِقَ الفَجِرِ

----
بقلـمـــي
--------------

أكئب ليالي العمر

2009-05-25T19:42:00.006+03:00

أكئب ليالي العمر

طبعاً من غير كلام دي ليلة الإمتحان
ودي هتوافق ليلة بكره إن شاء الله
وأنا كتبتها علشان أستدر عطفكم وتدعولي بضمير
حلوة أستدر دي ..!!
إن شاء الله حلوة

::التجهيزات::

أنا قبل ما أذاكر ليا طقوس
أولاً لازم أروق الأوضة كويس أوي أوي
وامسك الكمبيوتر أفككه مليون حتة
واخد الكي بورد والماوس أديهم لأخويا
وأقله زي أي مدمن عاوز يتعالج

لو جيت بكيتلك واترجيتك علشان تديني الكي بورد والماوس أوعي تطاوعني
وبعدين اقوله في مشهد تراجيدي سينيمائي عبيط
أوعي تضعف قدامي .. أنا عاوز أنجح يا محمد يا أخويا
ياخدهم مني بمنتهي اللامبالاة ويرميهم علي المكتب
وكأنه لم يشعر بمأساتي ولم يدخل في مود المشهد
ويتمتم ببعض كلمات من عينة
سايب السنة كلها وجاي تذاكر ليلة الإمتحان ..
لو نجحت تبقي تعالي توف عل..
قبل أنا ينهي صوت إرتطام الباب بأنفي هذه التمتمة

(كم هو ظريف أخي الصغير محمد)
ملحوظة : اخويا الصغير محمد جسمة أكبر مني مرتين
علشان كده تلاقيه واخد عليه شوية .. شوية صغيرين

وهنا فيه نصيحة لكل شاب وكل فيتاة
إدي الحاجات دي لأخوك أو أختك .. لكن أبوك لا
لأنه ببساطة مش هيديلك الحاجات دي تاني يوم .. ولا ثالث يوم ..
ولا هتشوفهم تاني أصلاً

:: وقت المذاكرة ::
انا وزي أي طالب مصري .. مبذاكرش غير لما بتزنق زنقة مهببة
حتي في ثانوية عامة كنت بذاكر من بداية شهر ثلاثة(مارس)
وده طبعاً بالنسبة لطالب عاوز يدخل كلية قمة .. مأساة

لكن في الكلية
الإيديولوجيات اتغيرت كثير
ليلة الإمتحااااااان .. وبس
هتقولولي إزاي؟
هقلكم ده سر من اسراري العسكرية
واللي هينزل إن شاء الله في كتابي القادم
(إزاي تنجح بجيد كمان .. ومتذاكرش غير ليلة الإمتحان)
انتظرووووووووووونا

كمان فشلت جميع محاولات المذاكرة النهارية منذ إنتهاء ثانوية عامة
المذاكرة تبدأ بعد صلاة العشاء ..

::مكان المذاكرة::
لازم أعمل كوباية شاي وزمان كان كاتشينو

(منه لله دمر معدتي)
وبذاكر علي ترابيزة أو علي السفرة
مش علي مكتب .. المكتب ده أحط عليه الكتب بس
وأرتب كل الورق جنبي
وأحط كل حاجة محتاجها خلال عشر ساعات مثلاً في المتناول ..
قال يعني علشان مقومش .. هع هع هع هع

أهم حاجة الكرسي
لازم يبقي مريييييييح جداً ..
وأزنقه جامد في الترابيزة بحيث إن ظهري يكون مفرود
مش كفاية معدتي .. كمان ظهري هيبوظ

::البداية::
أسمي الله وأدعي شوية
وأمسك القلم
وأكتب علي الورق حاجة من إثنين
يا إما
هنجح غصبن عن التخين يا ولاد التييييييت
المنهج كله هيخلص دلوقت بعون الله
يعني شوية كلام حماسي من ده
أو الطريقة التانية (برضه مجربة)
أكتب
أنا خلاص ميهمنيش إني أشيل المادة
انا هذاكرها فور فن بس

ودي بتخليك تذاكر بأعصاب هادية

أهم حاجة إنك تشتغل نفسك ..!!

وأقسم المنهج
وابدأ بسم الله

طبعاً الناس كلها هتقول إني رزين وهادي وبحب أذاكر وأنا قاعد ومستقر
كل القواعد دي بتنتهي في خلال ساعة علي أقصي تقدير
لأني ببدأ أتحول
لذا منصحش اي حد يقعد جنبي وانا بذاكر
لأني بكلم نفسي كثير .. وبزعق ..
واقعد أؤلف أغاني تفكرني بالمنهج
وبقوم أتنطط .. وأجري .
وأدخل أصحي أخويا أقله اسمع الحتة دي مهمة أوي ...
هتيجي بكرة في الإمتحان إن شاء الله
واشرحله حتة في المنهج

طبعاً ليلة الإمتحان كله بيبقي مأمن نفسه مني

وحاطط عصاية جنبه وهو نايم
وأول ما أقرب .. طااااااخ
(والله أنا مسكين ... بيضربوني جامد)

وبعدين أذاكر وأنا واقف .. وبعدين أقعد علي الأرض
وبعدين اتمشي وأمسك الورق

أفضل كده لحد صلاة الفجر
أنزل أصلي في اي مسجد من مساجد رجال الأعمال
المسماة بمساجد الإكسبريس
وأرررررررررررجع بسررررررررررررعة علي المذاكرة
بس لازم كوباية شاي تانية
لأن الأولي بتكون فقدت تأثيرها
وأقعد أذاكر .. بس بيبقي بتركيز أكبر
وبكون تعبت من التنطيط والجري .. وبقعد مش بتحرك

أهم سمات المرحلة دي ... الحماااااااااام
باختصار .. بكون مزنوق أوي (في المذاكرة يعني يا خفيف)
وطبعاً من القلق الجهاز الهضمي كله بيتلخبظ
فلما بحب أدخل الحمام باخد الورق معايا ..
نياهاهاهاهاهاهاهاهاهاها

وقبل الإمتحان بساعة ونص
برمي كل الورق من إيدي
وأدخل أخد دش ..
واشغل حاجة علي الجهاز وأعلي علي الأخر
واروق دماغي ..
وأقنع نفسي إني عملت اللي عليا .. وزيادة

وأروح الإمتحان ..

وبرفض فكرة المراجعة لحد باب اللجنة نهائياً
بحس إنها بتنسيني المعلومات
لازم أوقف مذاكرة قبل الإمتحان بساعتين مثلاً

وبس كده

أه نسيت أقلكم
أنا أول طالب في الدفعة بيطلع من اللجنة
أجعص إمتحان مياخدش معايا ساعة زمن

تحذير أخير
Don't Try IT

أنا بخلص ذمتي علشان محدش يقولي إنت سقطتني

شكلي كده هحسد نفسي ومش هعرف أحل في الأبلايد

دي تبقي مصيبة

دعواتكم معانا بقي

مش هوصيكم تاني

----------------

تهنئة حارة ل

مصطفي ريان

صاحب مدونة

إبداعات شاب ثائر

علي صدور كتابه الأول

اعترافات رئيس سابق

الدرر المنتقاة

2009-05-22T14:54:00.007+03:00

الدرة انهادره بقى لرجلٍ من ملوك الدرر

قال بن القيم:

غرس الخلـــوة يثمـــر الإنــس

التعليــــــق

عمرك عشت الانس بالله ..؟؟؟؟

يعني عمرك حسيت انك متونس بربنا..؟؟؟

عمرك حسيت بجمال الطاعه .؟؟؟

عمرك دخلت جنة الدنيا؟؟؟

طيب عاوز تحس بيها؟؟

عاوز تعيشها.؟؟؟

منفسكش

تتونس بربك ..؟؟!!

بن القيم قالك الحل

الانس ده ثمرة ... تزرعها .. تكبرها .. تراعيها .. تسقيها

وفي النهاية تقطفها وتتمتع بيها

ثمره ... وازرعها ..!!!!

طب ازاى ..؟؟؟؟

تزرعها فى الخلوه بينك وبين ربك

تسقيها بالصلاه .. تقويها بالدعاء ... تنميها بالقرآن

وتقطفها فى الثلث الاخير من الليل

عن أبي هريرة قال قال رسول الله صلى الله عليه وسلم

إذا كان ثلث الليل أو شطره ينزل الله تبارك وتعالى إلى سماء الدنيا

فيقول هل منسائل فأعطيه هل منداعي فاستجيب له هل من تائب

فأتوب عليه هل منمستغفر فأغفر لهحتى يطلع الفجر

ساعتها بس تجنى الثمرة

الانس بالله ..

أحد البوستات المكوكية لضيق الوقت

وأسألكم الدعاء

--------------

تحديث مهم

صدر عدد جديد من

مجلة رؤية

ورجعت تاني للمجلة بعد فترة غياب بقصيدة

عش في الحياة

ومضات

2009-05-15T14:05:00.004+03:00

*كما قيل ...

ليس كل ما يلمع ذهباً

.
فكلما تقدمت بك الحياه فى اتجاهها الصحيح
تزداد علماً .. تزداد وعياً .. تزداد درايةً

.
لتكتشف أنك كنت بين أحضان وهمٍ كبير

وأن كل ما يلمع حولك ليس إلا أضواء مساراتٍ كاذبةٍ

وُضِعت بكفاءة بالغة لتخفى جادة الصواب

فلا تنخدع بأقنعةٍ جميله باهرة

تخفى خلفها وجوهاً تعيسة قاتمة

وحدهم السفهاء هم من يصدقون كل ما يقال لهم

فتش عن الحقيقه بين خيالات السراب

فتش عن الحق بين ركام الباطل.

*فى بعض الأوقات يكون عليك أن تكف عن الثرثرة

وتصمت قليلاً

لتسمع وقع أقدام المارين .. ولتراقب الكون من حولك

لتحدد نقطة إنطلاقك الجديدة.

*قد يصير الإنسانُ حكيماً

وصاحبَ نظرةِ أكثر موضوعية

حينما يفقد شيئاً عزيزياً عليه

أو حينما ينخدع فيه.

*أحياناً يكون عليك أن

تلقى بكل الأدلة المادية للجحيم

وأن تسمتع بصدقٍ لذلك الصوت

الذى يتردد صداه داخلك.

*كونك إنساناً عادياً

فى مغبة هذا الزمن _ الغير عادى_

لشىءٌ يستحق الإشادة والتقدير.

*كن (أنت)

فمهما قلدت وغيرت

فلن تكون خيراً من أن تكون (أنت).

*أحيانًا ٌقد تحسد أناساً علي قدرتهم الرهيبة

على عدم التفكير

وأخذ الأمور ببساطةٍ وسطحيةٍ

فأعمارهم فى الغالب أطول ويعيشون أسعد منك بمراحل.

أنفلونزا الصراصير بشقلوبستان

2009-05-11T03:17:00.005+03:00

دي حلقة جديدة من شقلوبسان بعنوان

أنفلونزا الصراصير

(نزلت هنا ومش علي مجلة رؤية زي كل مرة لأنها اتكتب متأخر أوي بسبب ظروف الإمتحانات)

يجلس مذيع النشرة الشقلوبانية ليتلوا أخر الأخبار ,

بينما ترتسم علي وجهه علامات قلق واضحة علي غير العادة ,

وقال بصوت أشبه بالهمس لينقل مع ذبذبات صوته الضعيف الرعب والقلق لكل مشاهدي النشرة

تزايدة نبرة التحذيرات العالمية من إنتشار مرض أنف .. أأأ .. ايهههه

ثم ينقطع صوته ليحاول جدلاً إبتلاع خصة وهمية في حلقه الجاف

مرض أنفلونزا الصراصير , وتواردت أنباء من جميع
بقاع العالم تؤكد تحول المرض إلي وباء فتاك ,
كما أعلنت أغلب دول العالم حالة الطوارىء القصوي ,
بينما أبيد شعب الفكسيك بأكمله ليحل بدلاً منه شعب من الصراصير بزعامة

(صي صيرصارا)
والمعرف بتوجهاته اليسارية الشيوعية .

وعلي صعيدٍ أخر يقام الأن مؤتمر صحفي للدكتور (خميس بعافية) وزير الصحة الشقلوباني

وستننتنتنضموا للمؤتمر الأن عبر كاميراتنا الحديثة ... أوي

دي أحسن من بتاعة المويال زوكيا إف 95 علي فكرة

وفي المؤتمر

يدخل الدكتور خميس ممسكاً بمنديل ويضعه علي أنفه ,
ويقف أمام المنصة مخاطباً الشعب الشقلوباني بثقةٍ كبيرة من أجل

إعلان أخر تطورات المرض بشقلوبستان وكل الشعب ينصت له:

تك تك تك

واحد اتنين ثلاثة .. صلي
تك تك تك ... سامع ياللي ورا

هووووووووم

ينادي أحد مهندسي الصوت بالقاعة : المايك شغال يا باشا وزي الفل
قول إنت علي طول الكلمتين بتوعك , سمعنا جمال رنين أحبالك الصوتة.

(ثم يتمتم : ذلك الوغد أتو به من محل حلاقة حيث كان يعمل (مطاهراً) ليكون وزيراً للصحة)

هنا يستكمل الوزير خطابه مرةً أخري
أيها السادة ,

أعلن بمليء في أن شقلوبستان خالية تماماً من مرض أنفلونزا الصراصير

وكل هذا بفضل جهود السيد (هاتشووووووو) الرئي (كح كح كح) الرئيس
ونحن لم نألوا جه
(أوووووووووع ..)
(ناوله أحد المساعدين كيس بلاستيك ليفرغ محتويات بطنه فيه) ,
ثم أكمل
أه أه (تلهث أنفاسه)

لم نألوا جهداً من أجل المحافظة علي صحة المواطنين ,
ونهيب بهم عدم الإنسياق وراء الشائعات التي انتشرت حول وجود حالات مرضية ف

(خخخخخ .. تفوووو)

في بلدنا الحبيب .

يقوم أحد الصحفيين
ممكن سيادتك تقولنا أعراض المرض

يرد السيد الوزير قائلاً
مثل أعناض أي منض أمفنونزا

يعني كحة وانتفاع دنجة الحنانة وإجهاد ووجع المفاصن (أه يا ركبتي ياني) وغثيان (تنجيع يعني)
بالإضافة إلي نمو قرني استشعار أعلي الرأس
(يمد يده ليتأكد من ثبات الباروكة)

ثم يصيح
شقلوبستان بخير يا جماعة مفيش حاجة تستد ... تس

يضع يده علي جبهته ثم يترنح قبل أن يسقط دفعةً واحدة علي الأرض ميتاً
بينما يخرج من جيب قميصه صوريصار ليهرع الجميع في رعب شديد خارج القاعة
ويجري خلفهم هذا الصوريصار الجبار في شجاعةٍ نادرة.

ينقطع الإرسال علي الفور ليعودوا إلي الإستوديوا مرةً أخري

ويبدوا أن المذيع لم يكن علي استعداد كامل حيث أظهرت الكاميرات نزول مادة مخاطية من أنفه
بينما يبحث هو عبثاً البحث عن منديل (نضيف) فلم يجد ,
التفت يميناً ويساراً وفي خلسة رفع يده ومد كمه ليمسح أنفه ويزيل المخاط ,
وترتسم بعدها علي وجهه ابتسامة راحة بلهاء وكأنه يقول
(هه .. محدش شافني).

إنت بتعمل إيه يخرب عقلك إحنا علي الهواء ..
المؤتمر الصحفي خلص من بدري

كان هذا صوت المخرج من سماعة الموبايل الصيني المعلقة بشريط لحام أزرق(لون الجاكيت) في أذنه.

ينتبه المذيع

إحم إحم

أأأأأ .. إنننن الللل اييييه

ووو بب

إحم

وبهذا أثبت السيد الوزير بما لا يدع مجالاً للشك أن شقلوبستان بلد الأمن والأمان ,

وانها خالية تماماً من الأمراض والأوب ..

يشعر بشيئٍ يمشي علي كتفه يمد يده إليه ليجده صوريصار أخر من جناح المارينز
نظر إليه نظرةً سادية متوحشة ثم ضحك ضحكات شريرة متقطعة
قبل أن (يزفره) عطسة محملة برذاذ كيماوي فتاك لترديه قتيلاً في الحال.

وفي قرية (أبو قرصار) بأبر شقلوبستان يدخل وهدان علي أبيه بعد أن انتهت النشرة

يابا يابا يابا المادرسة كولاتها بتجول إن الإنفلوزة بتاعة الصراصير ملت البلد

وإننا لازمن وحتمن ولا بود نلبس فلاين حمالات جوتونيل يابا علي وشونشنا

علشان منموتش

فينتبه جعيدي أبو وهدان من (أصعته) علي المصطبة ليلزقه كف علي (جفاه)

هيه دي أخرة تربيتي فيك يابن الفرطوس ..

عاوز تلبس فالنة حمالات وجوتونيل كمان

ياداهية دجي

أيتها السماء فلتومسكي بصواعقكي ..

ده عيل صوغيرومش فاهم حاجة (بتعطيش الجيم)
وبعدين بقي إنت يا وله هتفهم أكثر من الحاكومة والتلافزيون.

أجري يا وله نادي لامك تعميلنا لجمة ناكلها

إجري كتك خابط في نفوخك

وعلي أرض الفكسيك بأنتيكا الجنوبية , معقل الثورات وأرض المغامرة ,

يقف (صي صيرصارا) ليحي الجماهير العريضة
عقب إنتصارهم المدوي وجلوسه علي سدة الحكم
ليلقي خطبةً حماسية تلهبت حماسة ملايين الجماهير الصرصورية الملتفة
حول زعيمهم القائد والرفيق والمناضل:

إننا اليوم نجني ثمرة كفاح ونضال أجيال من الصراصير علي مر العصور,

إن نصرنا هو في الحقيقة نصر لفكر كل قادتنا ومفكرينا الأوائل أمثال

(كارص صاركس) , (وصرصاديمير لينين) , ( صاو تصي يونج) ,
فلتباركهم السماء ,

وإننا أبداً لن نكون بعد اليوم مداساً لكل شوز باتا معفن ,

أبداً لن ننحني مرةً أخري تحت وطأة القهر الإنساني الحقير,

وأقولها اليوم عاليةً مجلجلةً لكل صرصورٍ فكسيسي ولكل صرصورٍ أنتيكي

أرفع رأسك يا أخي فقد مضي عهد البلاعات

وأوجه رسالةً لكل صوريصار مستضعف في العالم :

إنني لأشعر بكل لدعة شبشب تنزل علي قفاك ,

وحيثما كانت الثورات الصراصيرية البروليتارية ضد البرجوازية البشرية فذاك موطني.

وعلشان متضعش الحلقة من غير ما نستفيد حاجة

نطلع من كله ده بإيه
إن فيه فجوة كبيرة بين كلام المسؤلين وأرض الواقع(ده طبعاً في شقلوبستان)
وإننا لازم ولو لمرة واحدة في حياتنا ناخد فعل وبلاش كل مرة يبقي رد فعل

مرض بينتشر في العالم كله ..

لازم ناخد كل إحتياطاتنا منه
مش نستني لما يجي وبعدين ندور علي طرق العلاج
وده لازم يبقي علي المستوي العام وكمان علي المستوي الشخصي
زي نظافة حضرتك الشخصية

(زي والعياذ بالله الحموم كده)

وإهتمامك بصحتك وصحة كل الناس اللي حواليك.
وبلاش افتكاسات في العلاج وفتاوي طبية لكل من هب ودب.

واقعدوا بعافية.

الحلقة فكرة المدونة
بسمة صلاح

وأي حد عنده فكرة لحلقة جديدة يكتبها هنا

أو علي الميل الرسمي للدولة

shaklobstan@hotmail.com

الدرر المنتقاة

2009-05-08T14:23:00.003+03:00

قال الشيخ عائض القرنى

امس مات ، واليوم في السياق ، وغدا لم يولد ، وانت ابن الساعه ،

فأجعلها طاعه ، تعد لك بأربح بضاعه.

التعليـــــق

سبحان الله .... ناس كتير مشغوله باحساسين

الإحساسين دول همه سبب الهسهس عند كثير مننا

الأول الحزن ..

وده بيبقى في الغالب على شىء عدى وانتهى

لكن بتقعد تبكي أطلاله وتكئب نفسهاوتكئبنا معاك

مع انك المفروض تاخد منه العبره والعظه .. لأن الحياة مبتقفش تستني حد

ولسه ياما هتشوف .. إنت لسه شوفت حااجة

و احتسب كل مآسيك الإغريقية عند الله سبحانه وتعالي

لأن أمر المؤمن كله له خير لنص حديث الرسول صلي الله عليه وسلم

صلوا عليه

ولن يفيدك البكاء على اللبن المدلوق

وبعدين يا سيدي
ليس من الخطأ ان تخطأ .. وليس من الصواب الا تخطأ

كما انه لولا الخطأ .. ما عرف الصواب

الاحساس التانى الخوف

وده بيبقى عادة من المستقبل ..

وناس كثير شايلة هم بكرة ومبتقدرش تنام ولا تعيش يومها

طيب المستقبل ده بإيد الله

فالذى اعانك ويعينك الان هيعينك فى المستقبل

وقد تكفل الله سبحانه وتعالى به ..

وما شاء الله كان

وبعدين كيف تسأل الله عن رزق يومٍ لم تعشه ...

فهو سبحانه وتعالي لم يسألك عن يومٍ لم تعشه

وعن عملٍ لم تعمله

واعلم ان من توفيق الله ان يشغلك بما يهمك

فاغتنم يومك ولا تشغل نفسك بما كان .. او لم يكن

اشغل نفسك بيومك

هوه ده اللي تقدر تغير فيه فعلاً

ويومك ده كان في يوم من الأيام مستقبل مجهول بتحلم بيه ..

وبكره ...
لو مستغلتش يومك كويس يبقي ماضي أليم تندم عليه

وتفضل في نفس الدائرة المفرغة بلا نهاية

أسأل الله سبحانه
وتعالي أن ينفعني وإياكم بتلك الكلمات
إنه ولي ذلك والقادر عليه

حلقة سريعة لظروف إمتحانية صعبة ..

ومرضتش أغيب عنكم ..

لأني عارف طبعاً متقدروش تستغنوا عني ... أبداًاًاًاًاًاً

هع هع هع هع هع هع هع

ثلاثيات (( ترانيم بوح ))

2009-05-04T03:28:00.004+03:00

ثلاثيات

ترانيم بوح

قَلَمِى يُرَاوِدُنِى لأكْتُبَ لِلوجُوْد

عَنْ بَعْضِ طُهْرٍ ضَاْعَ فِى زَمَنِ الجُمُوْد

عَنْ جُذْوَة لِلشَمْسِ آلَتْ لِلخُمُود

.

عَنْ بَوْحِي وَكَلِمَاتِ أُغْنِيَتِي

بَعْضِ البَقَايَا مِنْ خَيَالاتِ أُمْسِيَتِي

وَوَأْدِ الصُّبْحِ عَلَى عَتَبَاتِ أْزْمِنَتَي

قَدْ كُنْتُ أَرْقُبُ أَنْجُمِي حِيْنَ المَسَاء

طِفْلاً يُدَاعِبُ مُقْلَتِى نُورُ الضِّيَاء

تَسْرِي بِأَرْكَانِي الأمَانِي بِلا انْتِهَاء

مَهْدُ العُيُوْنِ الَّذِى فِي القَلْبِ أَحْفَظُهُ

مِعْرَاجُ رُوحِي للمَدَى مَازِلْتُ أَرْقُبُهُ

وَالحُلْمُ فِى عَيْنِي ارْتَقَي فَجْرَاً قَدْ حَانَ مَشْرِقُهُ

وَتَأْخُذُنِي الحَيَاةُ مِنَ المَوَانِي لِلمَرَافِي

حَتَّي هَبْتْ رِيَاحٌ عَاصِفَةٌ بِأَحْلامِي

وَفِي لَحْظَةٍ بَاتَتْ أَمْوَاجُ التِّيْهِ عُنْوَانِي

وَتَقَطَّعَتْ بِى سُبُلُ التَّخَبُّطِ وَالشَّتَات

.
مُؤْنِسِي وَجَعِي وَأَقْتَاتُ الفُتَات

.وَطَفِقْتُ أَهْذِي بَاحِثَاً عَنْ لافِتَات

وَقَدْ بِتُ يَأْخُذُنِي الحَنِين

نَحْوَ الرُّبُوعِ الخُضْرِ وَالجَدِّ الحَزِيْن

أُخْفِي دُمُوعِى لَكِنْ يَفْضَحُنِى الأَنِين

فَتُرَي هَلْ مِنْ رُجُوعٍ أَوْ إِيَاب؟

لِسَبِيلِ حَقِّ عَنْهُ قَدْ طَالَ الغِيَاب

لبَقَايَا طِفْلٍ قَدْ تَاهَ مَا بَيْنَ الضَّبَاب

فَيَا قَارِىءَ الشَّعَرِ الَّذِي خَطَّتْ يَدَايَا

يَا مَنْ سَمِعَتَ البَوْحَ يَسْرِى مِنْ نِدَايَا

هَشّمْ ظَلالَ الزَّيفَ فِى كُّلِ المَرَايَا

وَاحْفَظْ حُرُوفِي البِكَرَ فِي زَمَنِ الغُوَايَة

وَامْقُتْ تِلالَ الكُفْرِ مِنْ قَبْلِ النِّهَايَة

وَامْضِي أَبْيَاً حَتَي تَرَانِيمِ الهِدِايَة

يارب الشخبطة دي تعجبكم.

ونقول تاني

مجلة رؤية مصرية نزلت وأخوكم كتب فيها حاجتين كده

أول حاجة كلمة العدد

علي طريق الحلم

والثانية

الأنتخة في شقلوبستان

فيه هناك دفتر حضور(التعليق يعني) ولازم كله يمضي

المقامة الصيدلية

2009-05-01T15:18:00.008+03:00

تحديث مهم

مجلة رؤية مصرية نزلت وأخوكم كتب فيها حاجتين كده

أول حاجة كلمة العدد

علي طريق الحلم

والثانية

الأنتخة في شقلوبستان

فيه هناك دفتر حضور(التعليق يعني) ولازم كله يمضي

يلا بقي اقرأوا

المقامة الصيدلية

أولاً تعريف بسيط بفن
المقامات : هوه فن نشأ في القرن الرابع الهجري علي يد بديع الزمان الهمذاني , والمقامات عبارة عن مجموعة من الكلام المحسن والبديع والمقفي ويعتبر فن قصصي علشان بيحكي قصة معينة أو فيه نصيحة.

لو تفتكروا أخدنا المقامة الحلوانيةلبديع الزمان الهمذاني في ثانوي.

ثانياً : ياريت نخلي بالنا من التشكيل الموجود علي الكلمات الأخيرة حين النطق وخاصة هل فيه تنوين أو لا علشان القافية تتظبط.

المقامة الصيدلية

فِيْ لَيْلَةٍ قَدْ كُنْتُ فِيْهَا نَائِمَا , أَفْتَرِشُ الأَرْضَ وأَلْتَحِفُ السَمَا , وَعَيْنِيَّ يَمْلَؤُهَا القَرِيْر , وَتُرَدِدُ الأَفَاقُ أَصْدَاءَ الشِّخِيْر , حَتَي سَمِعْتُ أَصْوَاتِ الهَرَج , وَتَعَالَتِ الحَرَكَاتِ وَاشْتَدَ المَرَج , فَصَحَوْتُ فَوْرَاً فِي فَزَع , وَجَرَيْتُ نَحْوَ أَهْلِي فِيْ جَزَع , مَاذَا دَهَاْكُمْ يَا تُرَي؟ , وَلِمَ الصَّرِيْخُ وَالْبُكَا ؟ , نَادَوا بِإِسْمِي فِيْ فَرَح ,تَعَالَي قَدْ زَالَ الطَّرَح , ظَهَرَتْ نَتِيْجَةُ ثَانَوِي , فَطَفِقْتُ رُعْبَاً أَهْوِي , حَتَي أَتَانِي صَوْتُ أُمِّي فِيْ سَعَادَة , حَصِلْتُ عَلَيْ مَجْمُوْعِ طِبٍ وَزِيَاْدَة , وأَخْذُتْ أُمِّيْ فِيْ عِنَاقي , وَقَدْ كُنْتُ فَرِحَاً لانْعِتَاقِي , مِنْ سِجْنِ الدِّرَاْسَةِ الثَاْنَوِيْة ,وَبِمَجْمُوْعِي ذِي الطَلَّةِ البَهِيَّة .

ولَمَّا ذَهَبْتُ لأَسْحَبَ الوَرَقَاتِ , مِنْ قِسْمِ تَنْسِيْقِ الرَّغَبَاتِ , وَضَعْتُ أَوَّلَهَا الصَّيْدَلَة , فَغَيْرَهَا كُلِّيَةً لَنْ أَدْخُلَ (تُنطَق أدخلا) .

ذَهَبْتُ أَوَّلَ يَوْمٍ مُوْقِناً , بَأَنَ حُلْمِي أَضْحَي وَاقِعَاً , وَأَنَنِي سَأُصْبِحُ صَيْدَلِيَا , مَهِيْبَ الخَطِوِ فِيْ الدُنْيِا ثَرِيَّا , فَلَمَّا دَخَلْتُ لِلْمُدَرَجِ بَابَا , عَانَيْتُ فِيْ التَّوِ إِكْتَئَابَا , فَمَا رَأَتْ عَيْنِي مُحَاْل , وَجَالَ فِيْ ذِهْنِيْ سُؤَاْل , أَتِلْكَ كُلِّيَةٌ عِلْمِيْة؟ , أَمْ أَنَّهَا فُصُوْلُ مَحْوٍ لِلأُمِّيَة , كُلُّ الوجُوْهِ تَنْظُرُ فِي اقْتِضَاْبِ , وَقَامَاتُهُمْ لِضِيْقِ الدُرْجِ فِيْ انْتِصَابِ , فَوَقَفْتُ بُرْهَةً مِنَ الزَمَن , أَخْطَأْتُ وَدَفَعْتُ الثَمَن ..!! , قَدْ قَاْلَ لِيْ الدُكْتُوْرُ بِاحْتِقَاْر , اطْلَعْ بَرَه يَاض يَا حُمَاْر , فَدُرْتُ عَلَي عَقِبَيَّ , وَأَطْلَقْتُ لِلْرِيْحِ قَدَمَيَّ , لأَنْفُدَ وَلَوْ بِبَعْضِ جِلْدِي , وَنَحَوَ الكَافِيْتِرْيَا كَانَ قَصْدِي , وَمَنْ يَوْمِهَا طَلَّقُتَ ذَا المُدَرَج , وَقَدْ قَارَبْتُ اليَوْمَ لِلْتَخَرُجِ , وَلَمْ أَحُضُرْ وَلا مُحَاضَرَة , وَقَدْ أَسْمَيْتُهَا مُهَاتَرَة .

وَمَرَ العَاْمُ الأَوَّلُ فِيْ عِنَاْدِ , وَكَمْ صَاْدَفْتُ فِيْهِ مِنْ مَوَاْدِ , نَجَحْتُ فِيْهَاْ بِالدُّعَاْءِ , وَذُقْتُ الوَيْلَ مِنْبُؤْسِ العَنَاْءِ , وَجَاْءَ العَاْمُ الثَاْنِي عَلَي عَجَل , وَمِنْهُ القَلْبُ يَخْفُقُ فِيْ وَجَل ,

وَأَرْسَلَ لِيْ عَقْلِي اسْتِغَاْثَة , أَرِحْنِي مِنْ هَمِّ الدِرَاسَة , وَأَضْحَتِ الحَيَاْةُ كَالِهَبابَا , وَطَارَتِ الأَمَانِي كَالذُبَابَا , وَجَائَتْ النَتِيْجَة كَالقَضَاْءِ , لِيُعْلَنَ ضَمِّيْ فِيْ كَشْفِ الغَبَاْءِ ,

أَبَعْد كَلِ هَذَا الهَمِّ ..!!
أُدَبْلِرُ ..!! فَيَا وَيْحَ أُمِّي؟

فَكَمْ مِنْ مَاْدَةٍ ذَاْكَرْتُهَا , وَطَوْلَ الليْلِ قَدْ رَاْجَعْتُهَا , وَلَمَّا أَشْرَقَ الفَجْرُ وَلاَح , ذَهَبْتُ لِلَجْنَتِي أَرْجُو النَّجَاْح , وَفِيْهَا جَلَسْتُ طُوَالَ الوَقْتِ أَهْذِي ,
أَهَذَا إِنْجِلِيْزِي يِا وِاْدْ يِا مُرْسِي؟ .

وَمَرَّتِ السُنُوْنُ فِي رَتَاْبَة , أَقَاسِي كَأَنِي وَسْطَ غَاْبَة , فَكَمْ شَرَّحْنَا فَي الفَارَمَا ضَفَادِع , وَكَمْ رَسَمْنَا مَاكِيْنَاتِ المَصَانِع , وَكَمْ حَرَقْنَا فِي المَعَاْمِلِ مِنْ ثِيَابِ , وَشَاْبَ الشَّعْرُ فِي سِنِّ الشَبَاْبِ , وَعَانَيْنَا المَرَارَةَ فِي المَسَاْئِل , وَكَشَفْنَا الجَوَامِدَ وَالسَّوَائِل , وَكَمْ شَرِبْنَا فِي البيبت كُلَّ حِمْضٍ , وَكَابْدَنَا مَعَ الفِئْرَانِ سُوْءَ عَضٍ , وَذُقْنَا فِي البَيْو ذَلَ المَهَانَة , وَتَعِبْنَا أَكْثَرَ مِنْ شيل الحِجَارَة , وَنَطْقْنَا فِي العَقَاقِيرِ اللاتِيْنِي , وَضِعْنَا فِيْ حِفْظِ المَارِيْنِ , وَفَارَقْنَا السِيُوْتِكَال بَعْدَ وَيْلٍ , لِتَلْقَانَا الكِوَالِيْتِي بِكِل غِلٍّ .

فَهَلْ لِيْ مِنَ الكُلِّيَة .. بِوَشْكِ البَيْن* ,
بِحُسْنِ السَيْرِ .. وَحِفْظَاَ لِمِاءِ العَيْن.

وَلَكِنْ
لِمَنْ أَشْكُو وَأَنْعِي سُوْءَ حَالِي

وَمَنْ يُصْغِي ؟
وَهَلْ يُجْدِي سُؤَالِي؟.

-------

(بقــلمي)

*وشك البين : سرعة الفراق
وزي ما قال عمرو بن كلثوم في معلقته
قِفِي نَسْأَلْكِ هَلْ أَحْدَثْتِ صَرْمَاً .. لِوَشْكِ البَيْنِ أَمْ خُنْتِ الأَمِينَا

اقعدوا بعافية