دع الكتاب فلن تجدى المذاكرة
دى حاجة كدة كتبتها للتهريج لا أكثر يعنى
على الطريقة الحلمنتيشية الظريفة
وبتعتمد أساساً على مزج اللغة العربية الفصحى مع العامية
وده أظرف أنواع الشعر الفكاهى
تهريج يا جماعه .. مش جد يعنى
أوعى حد يصدق وييأس ويسيب الكتاب بجد
ومهنة الصيدلة من أحسن المهن الموجودة فى السوق
دع الكتاب فلن تجدى المذاكرة
دع الكتاب فلن تجدى المذاكرة
وحول تجارة وابكى زمان الصيدلة
وانثر على حلم التخرج سالفوريك
وسخن وفلتر وانسى سنين البهدلة
ففى سبيل شهادتك تلقى الوغى
ومن بعدها حالك هيبقى قندلة
متقلش هفتح صيدلية وعيش ملك
فنهايتك الى السجون محتمة
يا تحط خصم أو هتغضب ربنا
وتبيع فى جدول والعقوبة مؤبدة
واحذر من شغل المصانع إنه
حبس وطحن والمهية محددة
وطف بعيادات البلاد ممزقاً
لو تشتغل مندوب لشركة أدوية
هذا لئيم فى المرتب طامع
ومجبر على مد القفى للأحذية
ودايماً مفر ومفلس كمان
كمثل الحمار بلا بردعة
يمضى حثيثاً فى الحوارى مؤملاً
تارجت .. وياليت الأمانى ممكنه
فلا تحسبنه تمراً بالسهل تأكله
لن تبلغ التارجت الإ بسف الأتربه (1)
فاحرق وزبط وشغل دواك
أو اقعد فى بيتكم وبلاش مرمطة
أعيذكم نظراتٍ فى المندوبين صائبةً
أن تحسدوا البدلة .. حتى دى متقسطة (2)
ولا ترتجى فى النقابة الأمان
خَسِرتَ النزال بلا معركة
فالمستجير بها فى مشكلة
كالمستجير من الرمضاء بالمحرقة (3)
فشارك فى تاكسى أو فتح محل
لكى الملابس ومعاه مغسلة
أو مطعم حوواشى وكفتة وكباب
بس اهرب بديلك من المعمعة
فمن يتهيب مجال الدواء
يعش أبد الدهر فى نغنغه (4)
وكبر دماغك وعيش الحياة
بلا كبسول وتابلت بلا غرغره
ووفر دراستك وسهر الليالى
تمخض الجبل فجاب أرنبه (5)
دى حاجة كدة كتبتها للتهريج لا أكثر يعنى
على الطريقة الحلمنتيشية الظريفة
وبتعتمد أساساً على مزج اللغة العربية الفصحى مع العامية
وده أظرف أنواع الشعر الفكاهى
تهريج يا جماعه .. مش جد يعنى
أوعى حد يصدق وييأس ويسيب الكتاب بجد
ومهنة الصيدلة من أحسن المهن الموجودة فى السوق
دع الكتاب فلن تجدى المذاكرة
دع الكتاب فلن تجدى المذاكرة
وحول تجارة وابكى زمان الصيدلة
وانثر على حلم التخرج سالفوريك
وسخن وفلتر وانسى سنين البهدلة
ففى سبيل شهادتك تلقى الوغى
ومن بعدها حالك هيبقى قندلة
متقلش هفتح صيدلية وعيش ملك
فنهايتك الى السجون محتمة
يا تحط خصم أو هتغضب ربنا
وتبيع فى جدول والعقوبة مؤبدة
واحذر من شغل المصانع إنه
حبس وطحن والمهية محددة
وطف بعيادات البلاد ممزقاً
لو تشتغل مندوب لشركة أدوية
هذا لئيم فى المرتب طامع
ومجبر على مد القفى للأحذية
ودايماً مفر ومفلس كمان
كمثل الحمار بلا بردعة
يمضى حثيثاً فى الحوارى مؤملاً
تارجت .. وياليت الأمانى ممكنه
فلا تحسبنه تمراً بالسهل تأكله
لن تبلغ التارجت الإ بسف الأتربه (1)
فاحرق وزبط وشغل دواك
أو اقعد فى بيتكم وبلاش مرمطة
أعيذكم نظراتٍ فى المندوبين صائبةً
أن تحسدوا البدلة .. حتى دى متقسطة (2)
ولا ترتجى فى النقابة الأمان
خَسِرتَ النزال بلا معركة
فالمستجير بها فى مشكلة
كالمستجير من الرمضاء بالمحرقة (3)
فشارك فى تاكسى أو فتح محل
لكى الملابس ومعاه مغسلة
أو مطعم حوواشى وكفتة وكباب
بس اهرب بديلك من المعمعة
فمن يتهيب مجال الدواء
يعش أبد الدهر فى نغنغه (4)
وكبر دماغك وعيش الحياة
بلا كبسول وتابلت بلا غرغره
ووفر دراستك وسهر الليالى
تمخض الجبل فجاب أرنبه (5)
1= لا تحسبن المجد لا تحسبن المجد تمرا أنت آكله .. لن تبلغ المجد حتى تلعق الصبرا (حوط بن رئاب الاسدي)
2= اعيذها نظرات منك فاحصة .. أن تحسب الشحم فيمن شحمه ورم (المتنبى)
3= والمستجير بعمرو عند كربة ... كالمستجير من الرمضاء بالنار (دعبل الخزاعى)
4= ومن يتهيب صعود الجبال .. يعش أبد الدهر بين الحفر (أبو القاسم الشابى)
5= حكمة شهيرة "تمخض الجبل فولد فأراً"
هناك 47 تعليقًا:
هههههههههههههههههههههههههههههههه
هايل والله
الحمد لله إنى فى تجارة جايبين إحنا من الأخر
دمت بكل الود أخى
طيب و بتوع هندسة اللي طالع عينيهم ؟؟
مالهمش في "الطيب " نصيب ؟؟ :)
عموما في الآخر كله بيتساوى ...
و " الرصيف لا يحابي أحدا " :)
mohamed ghalia
احمد ربنا 100 مرة ..
ربنا يخليك يا محمد على مرورك
TIMMY
زى ما قالوا زمان من لم يمت بالسيف مات بغيره
دلوقت بنقول من لم يذهب الى الرصيف عن طريق صيدلة ذهب بأى طريق
وبعدين احنا كلنا اتجاهنا اجبارى ناحية لقب "عاطل"
هشوفك على الرصيف بقى إن شاء الله
ياااه !!
تشوفني على الرصيف إن شاء الله ؟؟
انا already هناك يا د.ياسر :) ,
بس أنا على رصيف مختلف شوية ... رصيف القوات المسلحة:) ,
في انتظار التعطف علينا و السماح لنا بأداء الخدمة العسكرية كظابط احتياط ,
و ده مش هيتم غير بعد شهرين ... علشان " الشوق " في قلوبنا يزيد :)
جميلة جدا ومرحة
كان الله في عونكم
جامدة جدا جدا جدا
انا اول مرة اجي مدونتك بس بجد القصيدة جميلة اوي
والمدونة كمان جميلة
تحياتي
الصيدلي المطحون
هههههههه والله عندك حق دكتور ياسر بجد الواقع بقى مرير كده بس لا ياس مع الحياة...
دمت بخير واسعدنى مرورك الكريم على مدونتى المتواضعة
د.ياسر...
خضره الشريفه ...ح تفضل شريفه طول ما فيه ناس فاهمه الهوهوه ...
وعبله حتما يوم ترجع لما عنتر يفوق من كاس زبيبه!
تفتكر حضرتك الأضراب عن الهوهوه راح يجيب نتيجه ؟
لك كل الود والتقدير ...وأشكرك علي مرورك الكريم.
==هوهو==
TIMMY
جيش وكمان ظابط احتياط
ربنا معاااااااااك
أحمد سعيد بسيوني
ربك يكرمك
شكراً على المرور والتعليق
Abd-Alrahman
ربنا يخليك
ده بس من ذوقك
ويارب متبقاش أخر مرة ;)
جسر الى الحياة
احنا لسه الحمد لله ميأسناش
وادينا بنجاهد
مروروك أسعدنى
هــو..مش ..نـو
أنا قعدت فترة على ما فهمت
قلت فى الأول انت غلطان فى العنوان lol
بس بعد كده اكتشتفت انك بتعلق على ردى عندك فى المدونة
لا متضربش عن الهوهوة وبإذن الله بكره مش هتبقى هوهوة
هتبقى صوت بيعمل فعل وهيكون ليه رد فعل
ربنا يعينك
وشكراً على مرورك
ههههههههههههههههههههههههه
جميله يا عم الحج
واضح فيها تاثير الكليه عليك
ربنا يكون في عونك
تحياتي
انت تسال والكمبيوتر يجيب
مع إنها رسالة مسجلة وفى كل المدونات بس برضه شرفت
مذكرات مشاغب
لا ده تأثير الكلية لا ينقال ولا ينحكى
ده كان تأثير امتهان واحد كده ..
منور طبعاً وشرفت المنتدى وصاحبها كمان
بسم الله الرحمن الرحيم
أخي العزيز/د.ياسر....السلام عليكم ورحمه الله وبركاته.
طرحكم عن الكتاب ...حلمنتيشي ...حيلتنا كلها حلمنتيشي...ومبدع بلا مبالغه لا مجامله.
اشكرك جدا علي(1)اضافتكم لي في قائمه المدونات المفضله..(2)زيارتكم الكريمه وتعليقكم عندي.
وقد زاد سروري عندما قلت (دائماً ما تستفزنى مواضيعكم وطرحكم ل(الرغى)فاعذرنى)
انا بعذرك والله ولكن هل هناك من يعذرني انا؟
لك جزيل الشكر اخي الحبيب...ودمت بخير.
السلام عليكم
د/ ياسر
بجد حاجه تضحك فكرة جميله قوى و الكتابه حلوه و الأسلوب فكاهى و دمه خفيف
شكرا على زيارتك لى فى مدونتى
تحياتى
ازيك يا دكتور
ايه يا راجل انت مستاء ومحبط كدا ليه .. كل المهن الأن بلا مستقبل وكل الشهادات بقت فالصوا حتى كليات الطب بقت على قفا مين يشيل ولا امل فى عياده ولا امل فى صيدليه .. أهو احسن للصيادله التكليف وبالمرتب تقدر تجيب شقه وطعميايه احسن من المؤهلات الاخرى اللى مش حيلاقوا شقه وطعميايه
تحياتى يا دكتور ياسر
د. ياسر .... حلو البوست ونقضك للوضع القائم جميل جدا
بس ايه البهدله دى كلها ... انت كده مش صيدلى انت بقيت بهدلى....
رئيس التحرير
مرورك فى حد ذاته إنجاز يحسب فى سجلى المتواضع
((انا بعذرك والله ولكن هل هناك من يعذرني انا؟))
كثيرون يعذرون إطالتك .. بل ويرجونها
لو كنت تبحث عن أسماء فضعنى فى أول القائم
zainab
جزاكم الله خيراً على المرور والتعليق
والحمد لله إنى قدرت أنتزع الضحك فى الزمن الصعب ده
fashkool
لا أنا بعد كلامك مبقتش محبط وحمدت ربنا
واحتمال أنزل سجدة شكر لله
بس شقة ايه دى اللى ممكن أجيبها ب 200 جنيه فى التكليف؟؟
أكيد حضرتك تقصد شقة عيش للطعمياية .. صح؟؟
ياريت منتحرمش من فشكلتك عندنا
بس خلاص ...
والله حلوة بهدلى دى ... عجبتنى قوى
هههههههههه
جزاكم الله خيراً على الزيارة الكريمة
حلوة قوى قوى
طيب مهى الصيدله برضه بتطلع ادباء زى الطب
انا اكتشفت انكم فى طب وصيدله وعلوم بتدرسوا أدب
ربى يكرمك ادخلت السرور على قلبى
السلام عليكم ورحمة الله وبركاته
الأخ د عمر تحياتي الحارة لك وترحيبا بك في مدونتي المتواضعة ...
بارك الله فيك علي ما امتعت به نفوسنا من جميل زجلك والي الأمام تقدم موفقا إن شاء الله ويبعد عنك اي ديزيس ويحرسك بالأنتي بيوتك
مع خالص شكري وتقديري
هههههههههه
يانهار احباط
احجزلى بقه مكان جمبك على الرصيف هخلص واجى
الفقيرة إلى الله أم البنات
أدبااااء مرة واحدة
ربنا يكرمك .. ده احنا على قدنا
هذه حياتي
ربنا يكرمك على كلامك الجميل
ده من بعض ما عندكم
على فكرة اسمى ياسر :)
*البت المشمشية *حلوة بس شقية *
من أهم قواعد وبنود الرصيف أنه للجميع
وبعدين ده شرح وبرح ومبيقلش لا
ومش محتاج لا حجز ولا طوابير
ده شايل شباب مصر كله ..
المدونة نورت
بسم الله الرحمن الرحيم
السلام عليكم ورحمة الله وبركاته
د/ ياسر
تحياتى
ايه ياعم الابداع ده
اهو كده انا دلوقتى اتأكدت انك فهمت القصيده اللى عندى بجد هههههههههههههههههههههههههههه
بس يعنى هو انت شايف انه بتوع صيدله مش هيلاقو شغل فبتقول نحول على تجارة ؟؟؟ ياعم مابتوع تجارة هما اللى عاملين دوشه على الرصيف
ولا يكونش قصدك يعنى نستفيد من الحوادث ونبيع للناس اللى على الرصيف اى حاجه واهى تبقى سبوبه كده ؟ تصدق فكرة برضو
للعلم انا تجارة بس بحاول اشتغل فى المجال بتاعكم من بعيد كده
تحياتى يادكترة
ودمت بكل خير وود
والسلام عليكم ورحمة الله وبركاته
سلام الله عليكم ورحمته وبركاته
اولا شرفني جدا مروك الكريم حفظك الله
ثانيا : ياااااااااه هي الصيدلة بتعمل كل ده شاكلك شايل منها علي الاخر
:)
يلا بقي شد حيك واعمل اول ديوان
بارك الله فيك
وجزاكم الله كل خير
ههههههههههههه الحمد لله انى مش في صيدله
المعتصم
لا قصدى بدال كله محصل بعضه
يبقى خلينا فى كلية سهلة شوية
الفاتح الجعفري
مرورك الأروع يا أخى
ديوان ايه بس
كده هوجه أكبر ضربة للأدب العربى عبر تايخه
غروب
هههههههه
الحمد لله
شكراً على مرورك
قصيدةحلوة ( من وحي قانون الصيدليات الجديدة)
المفروض بقي نشكر د. غالي والحكومة الرشيدةلأنها كانت السبب في القصيدة دي
ههههههههههههههه
بس فين يا عم الحاجات الجامدةدي من زمان
تحياتي لك يا اخي وفي انتظار مزيد من قصائد الشاعر الصيدلي الكبير ياسر عبد الفتاح
جميله القصيده يا ياسر
والأجمل امانتك في نقل اصل الإقتباس
فعلا الكلمات والتوصيف بارع
دمت متألقا مبدعا يا دكتره
خالص تحياتي
هههههههههههههههه
جميله قوي والله يا دكتور
طبعا القصيده دي من بحر النوفالجين
السلام عليكم
بجد حلو البوست وفعلاً انت صورّت مندوب الدعاية بحق ,
بس ياتري بتفكر تبقي مندوب ولا هتفتح صيدلية ولا ناوي علي ايه ..ربنا يوفقك
دمت بود
ههههههههههههههههههه جميلة جدا بفكر أطبعها وأرخم بيهاعلى صديقاتى المتبهدلات فى الصيدلة :)
قلم مبدع ماشاء الله بارك الله لك وفيك
سعدت بزيارة حضرتك الكريمة جزيت خيرا عليها ونتمنى تكرارها إن شاء الله
ماشاء الله وبارك الله فيك
اسلوب جميل . تحياتى وشكرى الخاص لزيارتك مدونتى المتواضعة . تقبل مرورى
مصطفي ريان
يادرش دى قديمة من قبل موضوع الضرائب
بس ممكن نكتب واحدة تانى للضرائب مخصوصة
أما الكلام ده كان فين ؟؟
فهوه موجود من زمان بس مكنتش بنشره
ربنا يخليك لينا يا مشجع الغلابة
ahmed_k
ربنا يكرمك يا أبو حميد
شكراً على المجاملة الجامدة دى
بس أنا كده ممكن أتغر
أبو العريف
بحر النوافالجين .. جديدة دى
ههههههههههههه
تسلم على مرورك
Dr.Ahmed
مش لما أخد إفراج مبكر الأول بعد خمس اضعاف المدة .. بس
إدعولنا معاكم يا جماعة النتيجة فى الطريق
واخوكم عضمة كبيرة فى الكلية دى
جزاك الله خيراً على المرور والتعليق
خديجة عبدالله
ايه ده ..!! طباعة مرة واحدة
يا سلام يا سلام
وهتبقى مشهور يا واد يا ياسر
المدونة نورت والله بزيارتك يا أختى
نبض الحياة
كل الشكر على المرور والتلعيق
بنشكر جناب حضرة الـ" د " ياسر :) على الإضافة في الماسنجر ,
متمنيين أن نراه قريبا إن شاء الله ,
ماشي يا عم ؟؟ :) :)
TIMMY
يا فندم كل الشرف لينا احنا
أنا ضفتك بس علشان نتعلم نت سيادتك
علشان أجثو بركبتى أمام ماسنجرك
لأنهل من بحر العلوم السائر على قدمين
(متبصش وراك .. انت انت)
هشوفك هناك بقى يا بوب .. إن شاء الله
إرسال تعليق