28 يوليو، 2009

القاهرة في عين شاب من الأقاليم

عدنا بعد الغياب
(يلا بقي افرحوا وهيصوا ,, وقولوا هيييييييييييييه)
أكيد مكنتوش عارفين تدونوا من غيري ...
ولا إيه ...!!؟؟
:)

القاهرة في عين شاب من الأقاليم

طبعاً الشاب ده هوه أنا
أصل أخوكم قاعد في القاهرة بقيله فترة ,,
ونفسه من كل قلبه يسيبها
ويقلها مع السلالالالالالالالالامه

القاهرة في عين شاب من الأقاليم

*عندما تذكر أمامي القاهرة
_ أو (مصر) كما يحلو لسكان الأقاليم تسميتها_
يبدأ عقلي في تقمص دور موقع جوجل للبحث عن الصور
حيث تظهر أمامي عدة صور مألوفة
ومنها ..


_أتوبيسات ممتلئة إلي الحد الذي يسمح لبعض البشر بالإنسكاب من أبوبها.

_وجوه سمراء مكفهرة مبللة بالعرق ومعفرة بالأتربة.

_الكل يجري أو يمشي مهرولاً نحو هدفٍ ما ,, أنت لن تدري كنهه أبداً.

_نساء بعمر أمهاتنا يحملن الأكياس الممتلئة بطلبات المنزل
ويمشين مسرعات للحاق بنفس هذا الشيء الغامض.

_سائقو الميكروباصات بأفواهم الفاغره المناديه علي الركاب.

_هؤلاء الشحاذون والمتسولون بتمثيلهم المفضوح.

_المترو الممتليء دائماً كعلبة السردين.

_الشمس الحارقة دائما وكأن للقاهرة شمساً غير شمسنا
والتي تتكالب مع الزحام ضد القاهريين لتصنع فرناًَ بشرياً.

_الإختناقات المرورية المقرفة والمعتادة ,,,

_سائقو التاكسيات _الأبيض والأسود_ الذين لا يوافقون علي إيصالك أبداً
ويكتفي أحدهم بإشاحة وجهه عنك كأنك سببته قبل أن يمضي في طريقه
أما التاكسيات الأخري (الصفراء أو البيضاء) فيقفون لك بمنتهي الجنتلة
وتجد نفسك داخله شبه مغيب ومؤنتخاً بفعل التكييف
قبل أن تفاجأ لدي وصولك أنك مطالب بسداد شيك يعجز عن سداده بعض رجال الأعمال الكبار.

_البنات الشبه عاريات .. واللواتي لم يرهن من قبل سوي مشاهدو كليبات البورنو.

_الصعايدة بجلاليبهم المميزة والتي يبدو من تحتها (الصديري) ,
وأجسامهم الضخمة , وشنباتهم العملاقة وسجائرهم الكيلوباترا البيضاء.

-التحرش العلني بلا أي وازع أخلاقي أو ديني أو حتي ردة فعل بسيطة ولو من البنت نفسها.

_تشعر بجو ألفة مع الجميع .. حيث تشعر أنهم جميعاً يريدون ما في جيبك.

_تلك الشوارع العملاقة والتي يفوق أيٌ منها مدينتك الصغيرة الهادئة مساحةً.

_ركوب المواصلة الخطأ دائماً ,, والتي تعني أنك قد تهت.

_يبدوا الجميع هنا في القاهرة وكأنهم يعرفون الطريق للمكان الذي تريد الذهاب إليه حين تسألهم
فلا أحد يقول (مش عارف) وكأنها سبابه بذيئة يستنكفها الجميع
لكن بعد فترة تفاجأ أنه كان (حمار ومش فاهم حاجة)
ودفعت أنت الثمن بسيرك عدة كيلوميترات علي قدميك في الإتجاه الخاطيء.

-الباعة الجائلون والمتكدسون علي الأرصفة طوال النهار والليل ,,
يبيعون كل شيء صيني

لكن هناك مفاجئتين

الأولي أن السعر زهيد جداً .. فتشتريه
الثانية ,,
أنه لا يعمل أو يعمل لفترة قصيرة.


بعد كله هذا
أتسائل بصدق
لماذا يحب الناس القاهرة؟

هناك 87 تعليقًا:

ديالا يقول...

مش عارفه والله ليه بيحبوها اوي كده

انا عن نفسي بحب الاقاليم جدا

هدوء وراحه وروقان كده

علي عكس القاهره او مصر زي مااحنا الاقاليم بنسميها

بس فعلا كل واحد بيحب بلده اوي

يعني بحب الاقليم عشان انا منه

والناس التانيه بيحبوا القاهره عشان هما منها

بوست رائع يادكتور

ديالا يقول...

ايه ده هو انا كنت اول تعليق

هييييييييييييييه

مبروك عليا اول تعليق

لقد خلقنا الله احرارا يقول...

عدت والعود احمد
حضرتك عندك حق فى حاجات كتير
بس هو التعود هيضيع المرارة مما تشاهده
انا مثل عدد كبيرجدا من سكان القاهرةمن اصل ريفى
لكن حياتى كلها هنا
والبلد زى مابنسمى قريتنا
يعنى الهدوء التام اللى ممكن يوصل للملل
يعنى سوق القرية اللى بيشطب الساعة 10 ومفيهوش اللى انا عايزاه
يعنى الناس اللى ممكن يدخلوا فىحياتك من غير مايكونوا يعرفوك اساسا
يعنى الستات اللى بتجيب خضارها اليومى فى مدة لاتقل عن ساعتين وبيقضوا الوقت فى الرغى ومين سافر ايطاليا ومين سافر المانيا ومين اشترى ارض ومين اشترى بيت
هو الجميل فى الموضوع اننا نقضى هناك اجازةو بس ناكل السمك المشوى والعيش الرائع وناخد ذنوب من النميمة والحقدونشم هوا جميل ونستمتع بشمس ناعمة
وبعدين نرجع لوجع القلب تانى
انا اسفة على الاطالة بس كلامك جه فى الوقت اللى بفكر فيه هسافر امتى
عودا حميدا

شقاوة مراهقة يقول...

انا من القاهرة ..

بس انا بحب مصر كلها ..

الاقاليم ليها جوها ومتعتها وروقانها واهلها الطيبين وهدوئها وخضرتها وجوها الجميل ..

مصر كلها حلوة .. بحلاوتها و واحشتها ..

ومش ذنبنا ان القاهرة زحمه اوووووووووووي وفيها ناس كتير .. والجو فيها حر بردو مش احنا اللي خلينها كده ..

مش عارفه انا عادي بحب القاهرة وبحب الاقاليم وبحب مصر عموما ..

بس مش عايزة احس اننا متقسمين لنصين او اكتر ..

احنا كلنا واحد ..

بلد واحد وشعب واحد ..

ومصر عندي واحده مش تفرق .. بحبها كلها ..

تحياتي لحضرتك ..

مصري جدا يقول...

لأنها بلدنا
تعرف العيوب دي كلها
أما نبعد عنها شوية بتوحشنا جدا

ايوشة يقول...

والله انا المرة الوحيدة اللى روحتها عجبتنى يمكن علشان اصلا مكنش فى وقت لف فى شوارعها مفيش تقريبا غير شارع الازهر اللى قعدنا فيه كام ساعة وشفت العجب هناك من اللى بتقول عليه دا كله وبنات بتشيش ويوووووو بلاوى والله بلاوى
بس معرفش حبيتها يمكن علشان بلدنا هادية بالنسبة لها جداااااا لوما رجعت بلدنا اتخنقت من الخنقة اللى فيها بس فى نفس الوقت حمدت ربنا اننا موصلناش للى وصلت له القاهرة ابداااا

أبو العريف يقول...

معاك حق يا معلم
انا عن نفسي متخيلتش اني ممكن اكون عايش في القاهره علي طوووووووووووووول
دانا اموت يا راجل
الريف
اجمل بكتيييير
الهدوء
والناس اللي كلهم حبايب
وقرايب
واصحاب

وعارفين ده ابن فلان
ودا ابن علان




كده يعني

تلميذة سلمان الفارسى يقول...

عارف ليه
عشان مرحتش بعربيتك الفخمه المكيفه
ومتعشتش فى افخم مطاعمها
ومرحتش اكبر مولاتها
ومدفعتش فى نص ساعه قد مرتب والدك ست سبع مرات
لازم متحبهاش
ابقى اسلفك عربيتى
ههه

THE illusionist يقول...

منور يا حبى
نورت يا دوك
واحااااااااااااااااااشنى جدا
ايه يا باشا
والله واحاااااااااااااشنىىىىىىىىىىىى

THE illusionist يقول...

بيقولوا باين انها العصمه
اينعم فيها اماكن كتيره حلوه
بس بصراحه
مع انى فى المنوفيه وفى شبين تحديدا يا دوك
بس والله
هدوء وجمال شبين
ولا قرف وجمال القاهره
بصراحه يعنى
المواصلات زفت
وبلد مليانه
ومتنيله بنيله فى الزحمه
حرام
دى مش عاصمه
دى شوال بيعبوا فيه بنى ادمين

محمد سعد القويري يقول...

الأخ الفاضل :: د.ياسر عمر عبدالفتاح ::
السلام عليكم ورحمة الله وبركاته

فرحنا كثيرًا لعودتك

وبالنسبة للموضوع ...
أنا وأهلي نخطط نيجي مصر السنة الجاية
بس على بوستك
إحنا حنبطل
ولا إيه رأيك

تحياتي

fL0weR-giRL يقول...

السلام عليكم
***********
بجد عندك حق في كل كلمه كتبتها
والله الواحد مخنوق من مصر كلها ونفسه يهاجر لان فعلا مابقاش فيها حاجه تنحب كل مدا بتنحدر اكتر الناس بيسيروا الي الأمام واحنا بنرجع للخلف الله يعنا علي مابلانا وهي جت علي الزحمه بس ولا التلوث من السيارات البيخلي الواحد يدوخ وخلاص هيقع من طوله والله الواحد بقي يخاف يخرج هههههه
ليه الناس بتحب القاهره ؟؟يمكن لسه ماشفوش العيوب الفيها او مش حاسين بينا ولا عشان هي العاصمه هههه
يااه اول مره ادخل هنا بس الموضوع عجبني جدا لان كلنا بنحس بأحساس واحد لما بنخرج في الشوارع ونشوف البنشوفه نقول امتي نرجع للبيت وخاصه ف الحر مش كفايه الحر لا لازم يطهئونا في عشتنا

**تقبل مروري **

انترنتاوي يقول...

على فكرة أسلوبك حلو جدا
دي أو زيارة ليا هنا في مدونتك و إن شاء الله مش هتكون أخر زيارة
ربنا يوفقك

حياتى نغم يقول...

السلام عليكم / تحيتى لصراحتك وملاحظاتك القوية فعلاً كل ده بيعانيه زوار القاهرة وضواحيها من غير أهلها أما عن أهلها ممكن لهم وجهة نظر أخرى .
أنا أحب الاسكندريه جداً وعندما أتركها وأزور المحافظات المجاورة وبتكون وجه بحرى لا أجد مشاكل وبالعكس ممكن أجد المناظر الطبيعيه الجميله والجو المماثل والخير الكثير فى بلاد الريف .
أما الجيزة والقاهرة انزعجت جداً وعانيت الزحام وجفاف الجو والعطش المستمر بالاضافه لما ذكرت بجد الله يكون عونا لهم .
حمداً لله على سلامتك .

ستيتة حسبو يقول...

هيييييييييييييييييييييه
وادي هيصة العودة الميمونة

بنحبها ليه؟
من غير ليه
اللي بيحب القاهرة استحااااااااااااالة يعيش في اي مكان تاني
واللي بيحب بلد منشأه قوي بيكره القاهرة عمى
وده كله تقريبا في الجينات والله اعلم

MǿиY El-Shreef يقول...

هييييييييييييييييييييييه

اخيييييييييييرا جيت يادكتور مش معقول كده يعني

والله عايزه ازغرطلك هيهيهي

بص انا اقولك ليه عشان ف الاخر هي بلدنا مهما كان

ومهما كان فيها كل ده فهي بردوا عشان فيها لحظات جميله اوي من اول لخمه اهل الاقاليم فيها ومرورا بقفشاتهم واول ايامهم ف الجامعه والسكن وكل الحجات دي انتهاء بسنه التخرج وسماع احلى خبر وهو النجاح

مصر او القاهره جميله اوي بكل حاجه والله

ماهي مصر كلها كده

جات ع كايرو يعني

سلامات يادكتور

الشعب لابد له من حكومه تشكمه يقول...

اسسسسسسسسسسسسسسسسسكن كتفكرنيش ارجووووووووووك,,لسه راجعخمها من يومين ولسه فى الغيبوبه..بس انا شخصيا بعد سنوات دراستى فيهاوبعد مخلصت وكنت بسافر اخلص ورقى قلت جود باى كايرو على جثتى انى انزلك تانى..لدرجة انى مره جالى عريس من القاهره قلتله تقعد حدانا فى المنصوره اهلا وسهلا ,القاهره مش لاعبه.:) قالى اول مره اشوف واحده تحب تعيش فى الاكاليم وتترك العاصمه..قلتله طب تعرف عنوان الست الوالده روح سلم عليها واقعدجمبها:)
ال اكاليم وعاصمه ال...

موناليزا يقول...

حمدالله على السلامة:)

بنجاواتى يقول...

عود احمد للتدوين يا ريس

بص بقى يا عم ياسر انت من ياعة ما رحت القاهرة وانت قاعد تخوفنى من حاجات كده

يعنى الشغل ولا الدراسة ؟؟؟ خليتنى وحتار
القاهرة ولا الاقاليم ؟؟محتار اكتر

بس عموما يعنى ...انا فاكر فى كل مرة رحت فيها القاهرة كان اليوم بيضيع فى المواصلات وكنت بحس انى جالى ضربة شمس
فى القاهرة الجو حر بزيادة والعفرة مالهاش حدود ...بجد جو ملوث جدا

تحياتى يا دكتور

كلمات من نور يقول...

أولا الحمد لله على سلامتك يا ولدي في المدونة و أيضا لرجوعك سالم غانم من المحروسة

تعرف إنت أوجزت في نقاط سريعه القاهرة بعالمها

أنا لما باروح زيارة ليوم واحد باحس إني ركبت صاروخ ورحت كوكب تاني

أما بالنسبة إنك تسأل قاهري فين المكان الفلاني فدي كارثة بجد خاصة إن القاهرة لو دخلت بالعربيه او التاكسي شارع غلط وحبيت ترجع داه معناه يومك راح

يلا عودا حميدا ونورت مدونتك

على عبدالله يقول...

السلام عليكم

الناس بتحب القاهرة لما ذكرته !

أنا مرة عملت مقابلة فى القاهرة فطبعا لبست اللى ع الحبل ((البدلة والكرافتة والذى منه )) وبمجرد وصولى للمكتب الموعود كنت عاوز ارمى البدلة فى اى صندوق زبالة اعزك الله
من شدة الحر والاتربة
وفعلا والله زى ما قلت وكأن شمس القاهرة غير الشمس بتاعتنا

سيبك انت مفيش احسن من الهدوء بتاعنا !

حمدا لله على سلامتك
تحياتى

اقصوصه يقول...

يمكن لتوافر فرص العمل

ويمكن للزحمه؟

د. ياسر عمر عبد الفتاح يقول...

ديالا

مش كده برضه
قاهرة إيه بس وبتاع إيه
مفيش أحسن من بلادنا ,, الأقاليم

الف مبروووووووووك علي أول تعليق

د. ياسر عمر عبد الفتاح يقول...

لقد خلقنا الله احراراً

يمكن
كل حاجه وليها فوايدها
لكن أنا بتكلم عن الوسط بينهم
مدن الأقاليم
مش الأرياف والقري
دي اللي أنا منها
هتلافي حضرتك فيها سوبر ماركت فاتح 24 ساعه وفيه أغلب الحاجات اللي حضرتك عاوزاها
كمان الناس مش بتدخل في حياة بعض أوي
وكل واحد ليه حدود

بس والله كمان الأرياف جميله
وفيها جو ترابط وأخوه جميل

كله جميل ,, إلا القاهره
هيه اللي مش جميله خااااااااااالص

د. ياسر عمر عبد الفتاح يقول...

شقاوة مراهقة

هوه أنا عملت فتنه طائفيه ولا إيه
لا أنا مقصدش
هوه .. أصل .. ال اااا

مش عارف بقي
بس أنا مبحبش القاهره
ومحبش إني أكون أحد ساكنيها في يوم من الأيام
لكن طبعاُ بحب مصر كلها

د. ياسر عمر عبد الفتاح يقول...

مصري جدا

ده أكيد
حضرتك اتعود علي كده
لكن أنا لالالالالالالالالا

د. ياسر عمر عبد الفتاح يقول...

ايوشة

المره الوحيده
لا كده ملحقتيش تشوفي حاجه خااااااالص
ويارب ما تشوفي

د. ياسر عمر عبد الفتاح يقول...

أبو العريف

مش كده برضه ..!!
قلهم يا باشا بقي علشان مش مصدقيني

المهم إنت عامل إيه

د. ياسر عمر عبد الفتاح يقول...

تلميذة سلمان الفارسى

طيب بجد حتي لمنا بنزل بعربيه مكيفه
بتخنق من الزحمه والإختناقات المروريه
لدرجة إني مره كانت سايق في كوبري أكتوبر
والتكييف كان بايظ
بجد كنت عاوز أرمي العربيه من فوق الكوبري
ما لا يقل عن 3 ساعات سواقه وقرف
ولما لما اتزنقت في شارع فيصل
اوووووووووووف


انا موافق علي موضوع العربيه دي علي فكره

د. ياسر عمر عبد الفتاح يقول...

THE illusionist

يا عم إنت اكثر
عامل إيه
أوعي كون حد زعلك في غيابي
:)


همه مين اللي بيقولوا دول
عاصمة إيه وبتاع إيه بس
بيضحكوا علينا يا عم
من طلع من داره اتقل مقداره

د. ياسر عمر عبد الفتاح يقول...

محمد سعد القويري

لالا إنا بهرج معاك بس
مجرد مداعبه
إنت لازم تيجي
بس متنزلش القاهره
تعالي بني سويف وأنا هقوم معاك بواجب صعيدي محترم
مصر هتنور بيك إن شاء الله

د. ياسر عمر عبد الفتاح يقول...

fL0weR-giRL

والله عندك حق
فعلاً هيه العيشه في القاهره صعبه جداً
وخاصةً للي مش متعودين عليها

د. ياسر عمر عبد الفتاح يقول...

انترنتاوي

ربنا يكرمك ياعم
نورت
ومستنيك في المرات الجايه

د. ياسر عمر عبد الفتاح يقول...

حياتى نغم

الله يسلم حضرتك
جميل إن حضرتك موافقه علي وجهة نظري
ربنا يرحمنا ويرحم سكانها من كل المشاكل دي


شكراً علي المرور والتعليق

د. ياسر عمر عبد الفتاح يقول...

ستيتة حسبو

هوه فيه حد أصلاً بيحبها يا خالتي
شوفي التعليقات
كل الناس بيقولوا مش بنحبها

المهم يا خالتي
هوه إنتي فين؟؟

د. ياسر عمر عبد الفتاح يقول...

MǿиY El-Shreef

ربنا يكرمك
شكراً علي الترحيب

معلش
مصر كلها مش كده
هيه بس القاهره والجيزه
باقي مصر بلاد هاديه وجميله
فلتحيا الأقاليم

د. ياسر عمر عبد الفتاح يقول...

الشعب لابد له من حكومه تشكمه


خلاص سسسسسسسسسسسسسسسسكت
والله عندك حق
هوه فيه حد يعيش في البلد دي
خلينا في الأقاليم أحسن

د. ياسر عمر عبد الفتاح يقول...

موناليزا

الله يسلم حضرتك :)

د. ياسر عمر عبد الفتاح يقول...

بنجاواتى

والله يا عم بنجا أنا محتار أكثر منك
أنا بقول مفيش أحسن من الأنتخة والقعدة في البيت
هييييه هيه فين أيام الأنتخة


يعني إنت كده معانا في حلف أعداء القاهره
قشده يا معلم
هكتب اسمك

د. ياسر عمر عبد الفتاح يقول...

كلمات من نور

الله يسلم حضرتك
والله لسه ما رجعت
لسه قاعد
ومش عارف ربنا هيتوب عليا امتي وأخلص من البلد دي
يااااااااااااارب

حضرتك نورتي المدونة
جزاكِ الله خيراً

د. ياسر عمر عبد الفتاح يقول...

على عبدالله

يا راااااااااجل
حد ينزل القاهره ببدله وكرافت
طيب اسأل واستشير
اتصل بيا ,, وأنا أقولك إياك

يلا قدر الله وما شاء فعل

د. ياسر عمر عبد الفتاح يقول...

اقصوصه

هوه ممكن لتوافر فرص العمل الكثير أوي
ب 350 جنيه تدفع منهم 450 جنيه مواصلات وفطار

لكن للزحمه ,,, صعب أوي أوي أوي
:)

mosooz يقول...

هنا القاهرة
هى المشكلة فى ان القاهرة بتضم كل حاجة فى الدولة
يعنى اى حاجة تيجى تعلمها لازم تروح القاهرة
واى حد بيعمل حاجة يروح القاهرة
هما مش بيروحها علشان سواد عيونها
بس نورت التدوين من جديد يادكتور

mohamed ghalia يقول...

شخصيا سعيد بإنى من الأقاليم
مش حابب اعيش فى القاهرة

ghorBty يقول...

السلامـ عليكمـ

عودا حميدا ..

رغمـ اني من سكان قاهرة المعز اللي قهرتنا الحقيقه بس انا مش بحب فيها الا بيتنا وهدوءه ولو كان الامر بيدي كنت اخدته الي صحراء سيناء لا في الاقاليمـ ولا في المدن ..

د. ياسر عمر عبد الفتاح يقول...

mosooz

دي فعلاً مشكلة كبيرة
وده اللي بيخلي ناس كثير تحب تروحها
لكن فيه ناس بيحبوا يروحوا من غير أي ضرورة

المهم إنت منور

د. ياسر عمر عبد الفتاح يقول...

mohamed ghalia

وانا شصخياً سعيد بتشريفك
منوووووووور
وخليك في بلدك أحسنلك

د. ياسر عمر عبد الفتاح يقول...

ghorBty

ربنا يديم عليكي نعمة الهدوء
جزاكِ الله خيراً علي المرور والتعليق

TIMMY !! يقول...

لما وجدتك كاتباً
علمت أنني قاريءٌ أسلوبا جديدا ....
و قد كان ,

أما إجابتي عن سؤالك ... فأنا لا أحب القاهرة ... بل لا أطيق اليوم اللي بكون رايحها فيه :(

و بضم صوتي لصوتك علشان أعرف اللي بيحب القاهرة ده بيحبها ليه ؟؟

أحمـــــــــــــد أبو العلا يقول...

قهرتني وزعلتني على حالنا
طب نعمل ايه بس
نروح فين يعني
اتولدنا وعشنا هنا وشغلنا وحياتنا في الزحمه

مش فاكرلنا أي حاجه حلوه؟

بس برضه القاهره بتنور لما تيجوا انتم تعمروها

تأثير الفراشة يقول...

الحمد لله على سلامة حضرتك يا دكتور

و النظرة اللى قولتها صحيحة إلى حد كبير ، و كتير مننا لما يروح القاهرة بيحس بكده، و مع ذلك برضه بنحب مصر كلها بكل مدنها، إنما أكيد أفضّل أعيش فى بلدى

تحياتى لحضرتك

د. ياسر عمر عبد الفتاح يقول...

TIMMY

إيه يا عم تيمي
إيه الكلام الكبير ده
ماشي يا هندسة
مقبولة منك


سؤال بريء
هوه إنت فين بقي؟

د. ياسر عمر عبد الفتاح يقول...

أحمـــــــــــــد أبو العلا

ولا تزعل نفسك يا هندسة
إنت جاي بعد العمر ده كله فيها تتقهر دلوقت
إنت خلاص أخدت علي كده
أنا بسأل عن الناس اللي مش من القاهرة وبتحب تسافر القاهرة

د. ياسر عمر عبد الفتاح يقول...

تأثير الفراشة

طبعاً لازم نحب مصر كلها
بس لما أحب أعيش
محبش أعيش في القاهرة

ربنا يكرمك
شكراً علي المرور والتعليق

ست البنات يقول...

حمدا لله على السلامة د.ياسر
انتا أكيد كنت في القاهرة في وسط البلد عند السينما (مش عارفة اسمها ايه) ساعة فيلم دينا :)
أو ممكن تكون في حته تانية الله أعلم
أنا في القاهرة وبشوف كل اللي فوق ده بس مش دايما
يمكن أنا في حته تانية

هوا حضرتك فين في مصر؟ علشان نقوم بالواجب يعني :)))))

د. ياسر عمر عبد الفتاح يقول...

ست البنات

لالا الحمد لله مكنتش هناك
هيه ناقصه
وهيه الحاجت دي كلها فعلاً مش في كل حتة
بس أي حتة هنلاقي فيها أكيد حاجات منها
لا تكاد تخلو منطقة من القاهرة ,, من بعض هذه الظواهر

ألف شكر
الواجب وصل بمرور حضرتك
وبعدين بعد إيه
ده أنا قربت أطفش خلالالالاص وأرجع تاني بني سويف الحبيبة

ست البنات يقول...

معلش عايزة أرد على تيمي TIMMY
عايزة أقوله أنا بحب القاهرة ليه
بحبها لأني اتولدت فيها وتربيت ولأن فيها أهلي وعائلتي
ولأنني عرفت فيها أحسن ناس عرفتهم في حياتي
ولأنها هي قلب البلد وأي حد عايز يستهدف البلد بيبتدي بيها

ودي بلد جامدة جدا بالنسبة لي على الأقل ومش بتطفش ولا حاجة....لأن لو أي بلد أو عاصمة بها سلبيات مينفعش نتركها ونفقول عليها وحشة ولكن نقعد على قلبهم فيها وندعو ونصلح ونأثر في الناس

ممكن نقول بحبش اسكندرية مثلا علشان فيها الساحل الشمالي ومارينا والمايوهات...أو مبحبش تركيا لأن فيها علمانية وكلتاهما مليئتان بالأخيار

رد متعصب شوية
بس نرفزتوني
:)))

Dr Ibrahim يقول...

سؤال أيضاً يحيرنى لماذا يحب الناس القاهرة؟!

على الرغم هناك ما حكيته لا ينبىء بحب!:)

تامر علي يقول...

كل ده مظبوط وقده 100 مره كمان ...حتى في عين قاطنيها ...لكن أحياناً تضطر للتعايش مع الامر الواقع لأنه لا مفر منه :)

يمكن يكون في مفر بعد المعاش

تحياتي:)

TIMMY !! يقول...

يا سيدنا الدَكتور أنا ما بقولش غير الحقيقة :)

انت عارفني ماليش في المجاملات و الحاجات دي خالص :)

بالنسبة لسؤال جنابك عن جنابي ,
فالعبد لله الحمد لله أنهى فترة " العطلة " اللي كان فيها و لقيت شغل أخيرا , بس للأسف بعيد شوية , جنب المحلة الكبرى لو تسمع عنها ,
فبطلع له الصبح قبل الميعاد بساعتين إلا ربع , و برجع متأخر منه بعد ميعاد الانصراف بساعة و نصف , ده إذا طلعت في ساعة الانصراف أصلا و ما قعدتش أوفر تايم كده زي امبارح للساعة 7:30 علشان أخلص شغل متأخر :(

بقينا أصحاب شغل مسؤوليات يا أبو ياسر :) و ما بلاقيش وقت لحاجات كتير و يادوب بقعد ساعة نت - لو كملتها - في البيت , أو بختلس أي وقت نت و أنا قاعد في الشغل زي اللحظة اللي أنا فيها دلوقتي :)

رغيت كتير , صح ؟؟
كفاية كده ,

دعواتك بقى يا ياسر , آدي الشغل ... فاضل العروسة :)

د. ياسر عمر عبد الفتاح يقول...

ست البنات

هوه علي فكره مش بس تيمي اللي قال الكلام ده
كل اللناس تقريباً قالت كده

وبعدين أنا كان قصدي في الناس اللي مش من القاهره
وبيحبوا كل شويه يسافروا يقعدوا كام يوم
علي اساس إنهم رايحين يقضوا الويك إند

لكن الناس القاهريين فدي بلدهم
وهمه اتعودوا علي كده
وخلاص مبقوش حتي بيركزوا مع الظاهر دي
شكراً علي المتابعة
جزاكِ الله خيراً

عاشقة الأحزان يقول...

السلام عليكم


اخبارك يادكتور حضرتك فين من زمان بجد وحشتنا كتير قووووووووووووووووووووووووى

كل سنه وحضرتك طيب

ايناس

د. ياسر عمر عبد الفتاح يقول...

Dr Ibrahim

بالظبط يا دكترة
ولو عرفت الإجابة الله يكرمك تقولي
جزاكِ الله خيراً

د. ياسر عمر عبد الفتاح يقول...

تامر علي

يعني أدعيلك ربنا يرحمك منها؟ :)
منور يا أستاذنا والله

د. ياسر عمر عبد الفتاح يقول...

TIMMY !!

اشتغلت
ألف مبروووووووووووووووك
طيب يعني مش هنعرف نتكلم مع معاليك حبه؟
ياريت سيادتك تدينا عشر دقايق بس من الساعة بتاعة الإنترنت بتاعة جنابك
ده يبقي شرف كبير لينا والله

واعمل شغلك أول بأول وبلاش تأخر
علشان ترجع بدري :)

د. ياسر عمر عبد الفتاح يقول...

عاشقة الأحزان

أنا موجووووووووووووووووووووووووووووووووود
بس كنت بعمل ريستارت بسيط كده
أخد حوالي شهر

وحضرتك بالصحة والسلامة
بس بمناسبة إيه
هوه إنهارده يوم الإستقلال ..!!؟؟

بدراوى يقول...

عندك حق
كل مشاهدك ديه يا دكتور شوفتها هناك كلها
القاهرة حر و موت صعبة اووووى فعلاً
و فعلاً حصل معايا انى سألت على شارع
كله قاللى معرفش
كأن البلد كلها اغراب
عشان كدة دلوقتى بحب عشتى فى اسكندرية
القاهرة صعبة اوووى بجد

fnoonh يقول...

يااااااااااااااه يا
ياسر
انت بجد انسان عبقري في الكتابه
انا بما اني مغتربه عن مصر ونزلت الحمدلله وسافرنا روحنا القاهرة
والله والله لقيت ده كله والله كل حرف انت كتبته شوفته وفاكراه
وفكرت اني اعمل موضوع عن كده بس مش كنت عارفه اكتبه لحد مادخلت مدونتك وشوفت الكلام الانت كاتبه تقريبا مش كنت اعرف اكتب كده وبالطريقه الحلوة دي
انا اينعم قاعده في الشرقيه بس والله بامانه مش بحب القاهرة ابدا
كنت قاعدة في عربيتنا والله حاسة اني اميرة جنب الغلابه المساكين اللي في الميكروباصات
كانهم سردين
وولاد على بنات كله على كله
ولا النيل اتنين اتنين اتنين
مش عارفه ليه بالذات عند النيل
بابا قالي ده نيل العشاق مش نيل مصر هههههههه يلا ربنا يهدي الجميع
عموما تحياتي

حلم بيعافر يقول...

لما قريت بوستك ده جت فى بالى حاجة لسيد حجاب اسمها هنا القاهرة
بص برغم كل اللى انت قلته ده القاهرة فيها حاجة حلوة برضه

د. ياسر عمر عبد الفتاح يقول...

بدراوى

ازيك يا بدراوي بيك
عامل إيه؟

كويس إنهم قالولك مش عارفين
ومحدش قالك امشي علي طول وروح شمال ويمين
وفي الأخر تلاقي نفسك تايه ,,
وبعدت أصلاً عن المكان اللي إنت عاوزه بكام كيلو

ربنا يهديهم الناس دي
ياما مرمطوني

د. ياسر عمر عبد الفتاح يقول...

fnoonh

حمد الله علي السلامة
وربنا يكرمك علي المجاملات الكثيرة والجميلة دي
والحمد لله إن كلامي طلع مظبوط
وناس كثيرة حست بيه

ربنا يوفقك في حياتك
ويارب تكوني عملت كويس في الثانوية

د. ياسر عمر عبد الفتاح يقول...

حلم بيعافر

لا مقريتش هنا القاهرة بتاع الشاعر الكبير
بالنسبة للحاجت الكثيرة الحلوة في القاهرة

حد يقولي عيها علشان مش واخد بالي

شركاً بالمرور والتعليق اللي أنا سعيد بيه جداً
جزاكم الله خيراً

أم مالك يقول...

ايه ده انت رجعت امتى
انا لسة قارية اعلان البوست عند جيجى
رجعت لمدونتى لقيت اسم مدونتك سقط من ارشيف
المفضلة عندى معرفش ليه لكن حيت التصحيح
وانا اللى كتبت عندى فى التعليق ان الغيبة طالت
معلش الفرحة بالرجوع مخلينى مطولة معاك شوية
وايه ده انت فى القاهرة يعنى قربت على اسكندرية
تعالى وانت حتكتب عكس كده خالص
عارف ياابنى السلبيات ديه اصبحت زى العدوى سريعة
الانتشار حتى الريف تلوث لما اصحابه نزلوا المدينة
وحاولوا يتمردوا على تاخره فى المدنية
طبعا انا بصراحة عمرى مارحت القاهرة
الا لما تزوجت بنتى فيها وطبعا حبيتها رغم سلبياتها
لكن كااقامة صعب
واتفق معك جدا اننا لما كنا بنسال عن اى عنوان
او طريق محدش يقولك معرفش يتوهك اه
لكن معرفش ديه مستحيل
وافتكر فى اول زيارة لبنتى واحنا بنسال واحد ابن حلال وصف لنا غلط ودفعنا ثمن وصفه ثلاث ساعات ونص
وضاع يوم الزيارة فى التوهان
ايه ده انا رغيت كل ده
وحشنى بقى ومفتقدة الكلام معاك
منور ياغالى والنور جاى لغاية اسكندرية
وانا كنت بقول حيجى من بنى سويف للقاء المدونين
كده فهمت بقى

معتز شاهين - باحث تربوي يقول...

والله يادكتور انا بكرهها كره العمى
زي ما تكون جوز أمي او مرات أبويا
مدينة خانقة وزحمة وكل حاجة وحشة في القاهرة
عشوائية وسو تخطيط
بجد تخنق
معاك حق في كل اللي قلته

ويبقى التواصل

د. ياسر عمر عبد الفتاح يقول...

أم مالك

ازيك يا أمنا
حضرتك عاملة إيه
ألف سلامة عليكي
دي حركة المدونة تعملها
تسقط إسمي ,, !! لا أنا زعلان منها

متفق طبعاً مع حضرتك في كل اللي قلتيه
وربنا يعتقنا من القاهرة ,, ونرجع بلدنا

د. ياسر عمر عبد الفتاح يقول...

معتز شاهين - باحث تربوي

ازيك يا أستاذنا
مش كده برضه
هوه فيه حد بيحب البلد دي اصلاً؟
ربنا يعتقنا منها

نورت وشرفت :)

الفقيرة إلى الله أم البنات يقول...

هو نفسه السبب اللى بيخلينى أموت فى مصر كلها
ازيك يا ياسر يا بنى ..اعتذر عن تقصيرى معك ومع الجميع
بوست عاجبنى قوى
ربنا يوفقك فى حياتك والقاهره منورة بيك

المعتصم يقول...

هييييييييييييييييييييييييييييييه
وكمان مره
هيييييييييييييييييييييييييييييييييييييه
حمدالله على السلامه ياوزير
دى بلد ماتنطقش ياراجل زحمة زحمة والناس كلها مهمه ومستعجله ماتعرفش ليه
والفضايح والبلاوى ماتحكيش
بس برضو الحق يتقال فيها كام ميزة كده حلوين
انما العيشه فيها مستحيل نيفر ابسلوتلى وكل اساليب والفاظ الرفض والاعتراض والامتعاض بكل اللغات
انا ممكن اجى اغير جو هنا بس
او علشان ابضع او اخلص مصلحه بحكم ان دراستى كانت فيها او علشان الشغل
انما الناس اللى عايشين فيها ربنا يتولاهم برحمته ياعم
بس المهم بعد دا كله انك تقدر تتحمل لغاية يوم السبت 8/8 بتاع اللقاء علشان نتقابل الله يسترك
ههههههههههههههههههه
0103076271 ده تليفونى علشان اللقاء احسن اخوك يتوه منكم وتبقى حوسه
تحياتى ياوزيرنا
وســــــــــــــــــــــلام

أم مالك يقول...

على فكرة ديه تبقى مصيبة
انى معرفش انك صيدلى
على رايك بعد ده كله
لكن بما ان نصايحك ووصفتك طبية بحتة فكانت هذه المزحة منى وانا رديت عندى على تعليقك
بس قلت برضه ادخل اقولوه هنا
وادخل اقرا البوست الجديد عن الواد احمد ابنى
ودمت بخير

norahaty يقول...

السلام عليكم ورحمة الله تعالى وبركاته
ولولولوىىىىىىلولولوىىىىىىىلولوىىى
حمدلله على السلامة يافندم
نورت بور سعيد كلها:):)
الله! امال احنا فينا :)
مش مشكلة:) احنا فى بلوجر
وحداالدكتور ياسر على سن ورمح :)
اما عمن يحب القاهرة فأولئك هم
نوعــــــــــــــــــــــــان:
××((المغيبون عن الوعى)))بوقفات
النواصى وجلسات الشلل وقعدات النوادى
وهواة الزحمة !والتى يرون فيها فرصة ل...
انت عارف بقى انا قصدى ايه (اصلى بأتكسف)
وحاجات كتير اوى مش كويسة
×××××× لكن برضه هناك من
يحبها مرغماً لانها (بيته)وليس له من بيت اخر
يعيش فيه !لا فى مارينا ولا حتى حتة اوضتين وصالة
فى كفر البطيخ يستعيض بهم عن جوا الخانقة بتاع
مصر!!

norahaty يقول...

نسيت اقولك ما جبتش حاجة من البلد معاك؟
يعنى فطرتين مشلتت :) برطمان عسل:) قشطة:)
ايتهاحاجة تعمل بيها واجب ترحيب للاصحاب
بتوعك ولا هى صحوبية ببلاش كدا؟؟؟؟ههههه
حمدلله على السلامة ياصيدلى نورتنــــــا

د. ياسر عمر عبد الفتاح يقول...

الفقيرة إلى الله أم البنات

القاهرة منورة بناسها
والمدونة نورت تاني بزيارة حضرتك

يارب يكون أخر الغيابات

د. ياسر عمر عبد الفتاح يقول...

المعتصم

منور يا زعيم
فعلاً زي ما قلت كده
القاهرة تنزلها بس علشان هدف معين
وترجع علي طول

نمرتك معايا ياباشا
وإن شاء الله
لو ربنا يسر الحال وقدرت أروح
ولو كمان ربنا يسره أكثر ولقيت حد يوصلني وينجدني
هخليه كمان ينجدك معايا
أخوك ميعرفش يروح الأزهر بارك لوحده للأسف
بس هنسأل ونعرف إن شاء الله

د. ياسر عمر عبد الفتاح يقول...

حصل خير يا أمنا
وبعدين صيادلة ولا دكاترة
كلهم ولاد عم ,, همه صحيح مبيحبوش بعض
لكن مش مشكلة


قرأت البوست وعلقت علي فكرة

د. ياسر عمر عبد الفتاح يقول...

norahaty

ازيك يا دكتورة
حضرتك عاملة إيه؟
حضرتك أوجزتيهم في كلمتين

وللأسف مجبتش معايا من البلد غير شوية لبس
وفوطتين ,,
ينفعوا؟؟

علي فكرة أنا ساكن في بني سويف نفسها
يعني مدينة زاخرة وعامرة ,,
وبيسموها لؤلؤة الصعيد كمان

يعني لا عندنا فطير مشلتت (للأسف) ولا بقية الحاجت دي
فياريت حضرتك بقي تتكفلي بالحاجات دي للأخوة المدونين
وينوبك ثواب ,, وهنيالك يا فاعل الخير

يوميات شاب منوفى يقول...

والله يادكتور قلت كل الى نفسى فية القاهرة تاهتيها زائرا لاساكننا

د. ياسر عمر عبد الفتاح يقول...

يوميات شاب منوفى

منور يا منوفي باشا
كويس إن الكلام عجبك