30 أكتوبر، 2009

أنا جه ,, :)

يا أهالي كفر الحاج بلوجر الكرام

يلا افرحوا وهيصوا وقولوا هييييييييييه
علشان أنا خلاص جيييييييييييييييييييه
(تنفع مطلع قصيدة)

والله ليكم وحشة كبيرة أوي أوي أوي
ومبعدنيش عنكم غير الشديد القوي

أحكيلكم الحكاية
صلوا بينا علي النبي

أنا بعد ما خلصت شهادات التخرج وكارنيه النقابة والذي منه
القوات المسلحة المصرية اتزنقت فيا
وراسهم وألف سيف إني أروح أتجند ,,
وأبقي جندي مجند ياسر عمر
ولربما أبقي ظابط كمان ,, مين عارف ..!!

قلت ماشي ,, مفيش مانع
دي حتي مصر هيه أمي ,, واللي ملوش خير في أمه
ملوش خير في حد ويبقي واطي ودون

روحتلهم ,,
قوم إيه بقي ...!!
كشفوا عليا قالولي

إنت غير لايق

غير لايق ,,
غير لالالالالالالالالالالالالالالالالالايق

ورفدوني رفد طبي :(
(هيه دي أخرتها يا مصر ,, بقي فيه أم بالشكل ده ؟؟)

يلا الحمد لله ,, أنا عملت اللي عليا وخلاص
همه الخسرانين علي فكرة :)
مش عاوز حد يقولي إيه سبب الرفد ده
لأني مش هقول ,,
بس أطمنكم إن ركبي حديد ,, والأهلي حديد :)

___

بشكر كل الناس اللي سألت عليا في غيابي
بجد ده شيء أسعدني جداً

____

ياريت يا جماعة مننساش أمنا أم مالك من دعائنا
هيه في أمس الحاجة لينا في الأيام دي
اللهم اشفها شفاءاً لا يغادر سقماً

هناك 85 تعليقًا:

mimi يقول...

عملتها أنا ؟

أنا الأول؟

التعليق الأولاني؟

mimi يقول...

ياهوووووووو

ده بجد ..


نورت المدونة تاني ...

أعفت القوات المسلحة رجلا .. من أكفأ الرجال
ومن أقوي الرجال ... ومن أرجل الرجال

كده يا مصر؟؟

ماشي يا مصر مكنش العشم ...

مبروك الإعفا سيبك أنت ... حد طايل

ربنا يوفقك
حمدالله علي السلامة ... تحياتي

د. ياسر عمر عبد الفتاح يقول...

مبرووووووووك أول تعليق
مع إن المدونة مهجورة من زمان
وكان نفسي أنضفها وأرش مية قبل التعليقات ما تهب علينا

الله يبارك في حضرتك
هوه مين الراجل ده اللي القوات المسلحة أعفته؟ :)
لو هوه كده فعلاً ,, تبقي غلطانة والغلط راكبها من ساسها لراسها

fnoonh يقول...

نورت المدونة والله
يلا احسن بلا تجنيد بلا وجع دماغ وحرقة دم
ياترى ايه سبب الرفد اعمل ايه فضول فظيع يلا ماعلينا مش لازم تقول بس ان شاء الله تكون بخير
تقبل خالص تحياتي

مسدس صغير يقول...

الحمد لله
مش عارف احنا من غيرك كنا هندون ازاى
هههه
مصر هى امك
بس فى الجيش ؟
سورى ماما
يلا الحمد لله

غير معرف يقول...

ايه ده معقول انا فرحانة قوى
مش علشان الرجوع علشان الخبر التانى
ويبقى الاتصال كان علشان كده
والله كان قلبى حاسس وقلت فيه اصرار المرة ديه
ورجعت وقلت ده هو بيقولى لسة الميعاد مش دلوقت
وقلت بلاش ارد علشان زى ماقلت لك
مبروك يادكتور ياللى مفرحنى دايما بالاخبار الحلوة
وبالنسبة للمرض اكيد محتاجة الدعوات
بس الخبر ده حيرفع كثير المعنويات
ربنا يكتب لك الخير دايما

الشعب لابد له من حكومه تشكمه يقول...

:( جيت متأخره...
بس بجد بجد احلى فجأأأأأأأه لما شوفت كومنتك عندى بلا ورد بلا كلام فاضى دكتور ياسلر ظهر وفجأأأأأأه يادى الهنا اللى بلوجر فيه..
اعفوك؟؟؟؟؟؟؟؟؟ وغير لائق...اخصصصصصصصصص حقيقى اخص هى كده مصر تتشطر بس على اولادها البارين بيها الطيبين...
هم الخسرانين.مصر انتى الخسرررررررانه. وانت كسبت ووفرت سنين من عمرك ههههههههه.
الحمد لله على سلامتك مره تانيه:)

Dr. Ibrahim يقول...

على البركة ...

Ahmed يقول...

حمدلله على السلامه ياجميل

ولو انك شكلك في بدلة الظبوط كان هيبقى تحفه
ههههههه

يلا هما الخسرانين

مجرد مدونة يقول...

يا ابن الإيه ، رفدوك طبى ليه بقى هه؟ هه؟؟؟ :))

بنت الأسلام يقول...

حمد الله على السلامة يا دكتور
مبروك الإعفاء
تحياتى

طارق سليم يقول...

السلام عليكم ورحمة الله وبركاته:
ياااااااااااااااااااااااااااه
كل دى غيبه ، كنا مفتقدينك كتير جدا يا دكتور ، وكل مرة ادخل ازور مدونتك اقول يمكن وصل الاقى مفيش فايده، اتارى الموضوع كبير وانا مش واخد بالى ، مبروك على الاعفاء ولو انى محبش ابارك لحد على حاجة زى كده عشان الواجب الوطنى والذى منه وانت عارف الباقى بقة.
اهلا بيك عود حميد ان شاء الله ، نورت التدوين من جديد.
فى انتظار موضوعاتك.
تحياتى.

♥نبع الغرام♥♪≈ يقول...

ياويلكم يا ويلكم

لولولوللولولوىىىىىىىىىىىىىىىىىىى

نورت يامان بجد اتبسطت برجوعك قووووووووووووووووى
الف مليون حمدالله على السلامه
ويارب منورانا كده على طول

وتحيا مصر
وبجد هما خسرو حاجه كبيرة قووى

ربنا يسعدك يارب ويوفقكك

واحنا اخوات ومن حقى انى اطمن عليك
يعنى لو انا غبت مش هتسئل عنى

بجد حمد الله على السلامة
ايناس

ايومي يقول...

حمدا لله على السلامه,
ومبـــارك.

donya يقول...

صباح الخير

الحمد لله الحمد لله

خبرين علي الصبج
انك ترجع المدونه تاني وانك ماتتجندش مش علشان التجنيد وحش لا
علشان مابيعملوش حاجه اصلا غير انهم يعطلوا الشباب عن مستقبلهم عارف لو الشاب يدخل الجيش وينضاف له شئ في حياته هيبقي الموضوع حاجه تانيه خالص

المهم انك رجعت المدونه
يارب كل الناس اللي هاجره مدونتها يرجعوا انا زرت مدونات جميله خالص واصحبها هجرنها

ليه انتم سيبنهم كده مش بتعملوا هجوم عليهم ترجعوهم

ماتهجرش المدونه تاني وشكرا علي زيارتك لمدونتي


*تحياتي

فاتيما يقول...

حمدلله ع السلامة يا ياسر
و يا دكتور
متزعلش من مصر اللى هيا امك
دى عاملة فيك جميلة يا بنى
انت بس اللى الحماسة كانت واخدك
و الست بدل ما تعطلك سنة تلات سنين فى الصحرا و الحر
هتسيبك تتعطلهم برا و خلاص
عشان متبقاش حاقد عليها و زعلان و متكدر ( لفظ من وحى الجيش )
لااااا ..إن شاء الله مفيش عطلة و لا حاجة
و يلا شد حيلك بقى
و دوس بنزين
و ابتدى رحلة الكفاااااح ...
الحمدلله انك بخير
و ربنا يطمنا عليك دايما يا رب
تذكرك لأم مالك الغالية و طلب الدعاء لها
مش مستغرب
لأنه من شيم الكرام
و انت واحد منهم

Unknown يقول...

السلام عليكم ورحمة
الله تعالى وبركاته
واللهم صلى وسلم وبارك
عليك ياسيدى يارسول الله
وصباح الخير رررررررياصيدلى
حمدلله على السلامة الــف مرة
فداك ياخويا لايق ولا غير لايق
المهم انك أخدت الشهادة الكبيرة
البكالوريوس يعنى وحتشتغل
بس حاسة من صوتك (سورى)
من كي بوردك انك زعلان!
انت كنت عايز تتجند؟
بالله عليك قول :كنت
عايز تشوف المر فى
ليالى الحنظل !
حمدلله على سلامتك مرة تانية
ومنتظرينك (تشعشع )مدونتك
والمدونات اللى حواليها
بالومضات وبالمبات
كمــــــــــــان

يــوم جــديد يقول...

أخيييرا يا دكتور
حمدا لله على السلامة
لا افتقدناك في الخير أبدا إن شاء الله
عايزين بوستات بأثر رجعي تعويضا عن الفترة اللي فاتت
مبروك التخرج والنقابة والإعفاء

يــوم جــديد يقول...

بس هو ايه مصدر أنا جه دي
هو دا اللي بيقولوا عنه التجديد في الخطاب ؟!

mohamed ghalia يقول...

عود أحمد
ومبروك يامان

Unknown يقول...

مبروك ان مصر مش عاوزاك
و بالتوفيق دوماً
و نورت مدونتك

Unknown يقول...

ههههه
تعليقى بايخ
مصر عاوزاك يا رأفت
كلنا فدا الوطن

على رأى جلال عامر لو مصر نديتك اعمل نفسك مش سامع
هههههه

د/عرفه يقول...

حمد الله على السلامة يا دكترة ليك وحشة والله

احمد ربنا انك اخدت اعفا
لان كل الناس بتشتكى من الجيش طبعا


ومنتظرين مواضيعك الجامدة دايما

Aиgel يقول...


السلام عليكم ورحمة الله وبركاته

مساء التجنيد (:

حمدا على سلامتك يا دكتور ياسر

منور مدونتك والله (:


Angel love

المعتصم يقول...

السلام عليكم ورحمة الله وبركاته
ازيك يادكترة
حمدالله على السلامه ياوزيرنا الهمام
ياعم الف مبروك على الرفد الطبى
هو حد لاقى
اسكت ليحسدوك
وعلى فكرة بقى
انت الظاهر كده غالى عند مصر قوى
عشان هى مش بتعمل الحركه دى غير فى ولادها اللى بتحبهم
انما اللى بتكرههم زى حلاتى كده بتقبلهم من غير كلام فى القوات المِصلحه بتاعتها
وشوف بقى مدى الدلع اللى بيدلعوهولنا هناك
مش قادر اوصفلك واقولك
المهم الحمد لله انها عدت على خير ومصر طلعت اصيله معاك
وحمدالله على سلامة رجوعك مرة تانيه
نورت بلوجر يادكترة

ريمان يقول...

السلام عليكم


كل دى غيبه



حمد الله ع السلامه

نورت مدونتك من تانى


تحياتى

وكويس اوى ان حضرتك اخدت اعفا من الجيش


احسن برضه



ربنا يكرمك ويعزك


منتظرين بقه زياراتك بعد الغيبه دى


مش تتاخر علينا


المفروض بقى البومين دول تزور كل اصحابك المدونين ومنتظرين مواضيعك

غير معرف يقول...

سلام عليكم ورحمه الله وبركاته


الف حمد الله على سلامه حضرتك والحمد لله
ومبروك على الاعفاء ربنا يعزك

وبعدين ميتنيين حضرتك تثري عالمنا التدوينى

جيجي والعالم

موناليزا يقول...

عودا احمدا:)

-0---
ربنا يشفى ام مالك ويخفف عنها وينجيها من اى سوء اللهم امين

ريمان يقول...

انا المفروض اخد عندك درس يا دكتور


:)


يا ريت بقى مش تتاخر علينا وتمتعنا بالقصائد بتاعتك



فى انتظار جديدك

عمرو جويلى يقول...

د/ ياسر
السلام عليكم
إنت كمان والله لك وحشة كبيرة أوى
وعوداً حميداً ، ونورت البلوجر كله
أما عن أم مالك
فنحن ندعو لها كثيراً بظهر الغيب
اللهم اشفها واشفى أمراض المسلمين
آمييييييين
آمييييييين
اللهم آميييييين
خالص تقديرى
ونورت البلوجر للمرة الثانية

قلم رصاص يقول...

حمدلله على السلامة يادوك

والف مبروك الاعفا

وانا زعلان عشان مصر

طب مين هيجارب ويدافع عننا واحنا قاعدين بندون وبنستدون ؟! ههههههههههههههه

انا عارف انك كان نفسك تعيش الدور وتخدم مصر
وتيجي في الحلقة الواحد وعشرين محسن بيه يقولك :
مصر هي اللي بتدفع ياياسر

ههههههههههههههههه

واحنا المدونين هاتك يادموووووووووع

ههههههههههههههه

ربنا يوفقك يارب

دمت في حفظ الله

TIMMY !! يقول...

يا واد يا يااااااااااااااسر

و أنا أقول الواد خرج من حالة الاكتئاب اللي كان فيه ليه ؟؟؟

أتاري الإعفاء جت يا زعيم :) :)

ألف مبروك يا أبو اليسر مع إنك مش معبر رسايلي و لا تعليقاتي و لا أي حاجة خالص ,

بس الجيش ليه خنقة برضه ,

ما قلتش صحيح إيه اللي خرجك ؟؟ فلات فوت و لا إيه ؟؟

عموما ألف مبروك ,
و كان نفس في حاجة ساقعة ياريت تجيبها لي ... جدعنة منك بس :)

TIMMY !! يقول...

بقول لك إيه ؟؟؟
خليها فانتا أو ميرندا برتقال :)
و ياقعة ما يهمكش أنا ما بتفرقش معايا شتا و لا صيف :)

صمت المشاعر يقول...

حمدلله علي سلامتك

والف مليون مبروك انك اتعافيت وخرجت منها

ليس فقيرا من يحب يقول...

لولولولولولولولولولولى

الف حمد الله على السلامه يا دكترة

ومبروك الافراج ربنا رحمك ادعى لاخويا بقى

وبعدين هما الخسرانين اكيد

فى حفظ الله

جلال كمال الجربانى يقول...

جمد الله على السلامه
ونورت بلوجر من جديد

ودمت بخير حال

أبو العريف يقول...

ازيك يا دكتور

حمدالله عالسلامه

معلش انا كمان مكنتش هنا

النت كان مهيس

يا عم طمنا عليك

اهم حاجه ان ركبك حديد سيبك م الاهلي

انا زيك ما دخلتش الجيش

بس اتفرجت عليه فيديو

غير معرف يقول...
أزال أحد مشرفي المدونة هذا التعليق.
أم أحمد المصرية يقول...

حمد ا لله علي السلامة
اظن ده اول رفد يبسط لأنه وفرك وقت من عمرك
لكن المهم لو مصر احتاجت لك بجد تلاقيك
ربنا يوفقك

Kiara يقول...

طب انا غلثه بئا وعاوزه اعرررررررررررف قالو غير لائق ليييييييييييييييييييييييييييييييه



***********

حمدالله علي السلامه شكل كل المختفين بيرجعوا مع بعضيهم (^_^)

ست البنات يقول...

سلام عليكم
دكتور ياسر
الف حمدا لله على السلامة
وألف لابأس
وحشتنا موضوعاتك الساخرة وومضاتك
يارب يوفقك في الكارييير
دعواتك معنا

د. ياسر عمر عبد الفتاح يقول...

fnoonh

ربنا يكرمك ويباك فيكي
الحمد لله علي كل شيء
طبعاًُ طبعاًُ طبعاً مش هقول ليه :)

د. ياسر عمر عبد الفتاح يقول...

مسدس صغير

هههههههه
فعلاً علشان الجيش الواحد لازم يعمل زي إيمنيم
سوري ماما :)

د. ياسر عمر عبد الفتاح يقول...

أم مالك

مش ممكن مش ممكن مش ممكن
أم مااااااااااااالك حتة واحدة
ربنا يشفيكي شفاءاً لا يغادر سقماً
ربنا يبارك في حضرتك
جزاكِ الله خيراَ

د. ياسر عمر عبد الفتاح يقول...

الشعب لابد له من حكومه تشكمه

لالا أنا مش قد الكلام ده
أنا كده ممكن أتغر ولا حاجة
ربنا يكرمك
فعلاً ماما مصر هيه الخسرانة

د. ياسر عمر عبد الفتاح يقول...

Dr Ibrahim

علي رأيك .. :)

د. ياسر عمر عبد الفتاح يقول...

أحمـــــــــــــد أبو العلا

ظبوووووووووووط ..!!
توف يا راجل من بقك
ده كلام تقوله :)

د. ياسر عمر عبد الفتاح يقول...

مجرد مدونة

نقوا فيها بقي
مش هقول طبعاً رفدوني ليه ;)

د. ياسر عمر عبد الفتاح يقول...

بنت الأسلام

الحمد لله
جزاكِ الله خيراً

د. ياسر عمر عبد الفتاح يقول...

طارق سليم


ربنا يكرمك يا أخي
والله أحرجتني بذوقك
طبعاً الواجب الوطني شيء مقدس
وأنا مقصرتش
همه اللي قالولي امشي ياض من هنا
إنت غير لايق

د. ياسر عمر عبد الفتاح يقول...

الأحــــــ إيناس ــــــزان

الله يسلم حضرتك
وربنا يبارك فيكي
أكيد كلنا هنا أخوات

جزاكِ الله خيراً

د. ياسر عمر عبد الفتاح يقول...

ايومي

مبارك علي حضرتك

د. ياسر عمر عبد الفتاح يقول...

donya

كلامك مظبوط
بس ده واجب وطني
ومينفعش نتأخر عنه مهما كان
جزاكِ الله خيراً

د. ياسر عمر عبد الفتاح يقول...

فاتيما

فعلاً هيه بيني وبينك عاملة فيا جميلة كبيرة أوي
بس أنا يعني عامل فيها واد وطني وبتاع
لكن من جوايا فرحان :)

هندوس إن شاء الله
مع إني والله دايس من زماااااااااان
وجايب الخامس كمان

د. ياسر عمر عبد الفتاح يقول...

norahaty

مين ده اللي كان اتجنن وكان عاوز يتجند
ده أكيد واحد تاني غيري علي فكرة

ربنا يبارك في حضرتك
جزاكِ الله خيراً

د. ياسر عمر عبد الفتاح يقول...

يــوم جــديد

الله يبارك في حضرتك
كله بعون الله

د. ياسر عمر عبد الفتاح يقول...

mohamed ghalia

الله يبارك فيك يا محمد

بس مين أحمد ده؟

د. ياسر عمر عبد الفتاح يقول...

بدراوى

ههههههههههه
لا تعليقك مكنش بايخ ولا حاجة
أنا فهمته

عسل أوي جلال عامر

د. ياسر عمر عبد الفتاح يقول...

د/عرفه

الحمد لله
ربنا يهدي القائمين علي الجيش

د. ياسر عمر عبد الفتاح يقول...

Angel

ده نوركم والله
ربنا يكرمك

الحمد لله علي كل شيء

د. ياسر عمر عبد الفتاح يقول...

المعتصم

حبيبي وأخويا الكبير وزعيمي الكبير
ازيك يا عم مصطفي
أنا لو أعرف إن الرفد الطبي هيخليك تتصل بيا
كنت اترفدت كل يوم :)

ربنا يبارك فيك يا درش
وعقبالك ,, مش تترفد
لا تتأهل وتفرحنا بقي
عاوزين ناكل بط

د. ياسر عمر عبد الفتاح يقول...

ريمان

لفيت والله عليكم كلكم
وعلقت كمان

ربنا يكرمك ويبارك فيكي
جزاكِ الله خيراً

د. ياسر عمر عبد الفتاح يقول...

اللؤلؤة

أستاذنا الكريم
والله ليك وحشة

ربنا يشفيها وترجعلنا بالسلامة

د. ياسر عمر عبد الفتاح يقول...

قلم رصاص


ههههههههههههه
بس متأكد إنها كانت الحلقة الواحد وعشرين؟
لا مكنش نفسبي أعيش الدور ولا حاجة علي فكرة
مين ضحك عليكم وقالكم كده؟

د. ياسر عمر عبد الفتاح يقول...

TIMMY !!



حبيب قلبي يا هنزه والله
عامل إيه؟
نفسي أشوفك زي زمان ونقعد نرغي نرغي
واحشني بجد

د. ياسر عمر عبد الفتاح يقول...

صمت المشاعر

الله يسلمك
والله يبارك فيكي

د. ياسر عمر عبد الفتاح يقول...

جيجي والعالم

ربنا يبارك في حضرتك
أثري إيه بس
هوه مثري لوحده
ربنا يعزك

د. ياسر عمر عبد الفتاح يقول...

موناليزا

ربنا يكرمك


اللهم ءامين

د. ياسر عمر عبد الفتاح يقول...

ريمان

إنتي مش محتاجة تاخدي درس عندي ولا حاجة
إنتي بس محتاجة تصدقي إنك موهوبة بجد
وإنك لازم تتعلمي وتزودي موهبتك دي بالدراسة
لأنها نعمة من عند ربنا ولازم تحافظي عليها

د. ياسر عمر عبد الفتاح يقول...

ليس فقيرا من يحب


هههههه
ربنا يكرمك
ربنا ييسر لأخوكي أمره
ويرزقه الخير حيث كان

د. ياسر عمر عبد الفتاح يقول...

واحد من العمال

زعيم البوليتاريا
بلوجر منور بأهله وناسه
ربنا يكرمك ويباركلنا في حضرتك

د. ياسر عمر عبد الفتاح يقول...

أبو العريف

أنا كويس
وألف سلامة علي النت بتاعك
ربنا يوقومهولك بالسلامة

أنا الحمد لله بخير وزي الفل كمان
أنا لا دخلته ولا شفته فيديو
اتحكالي عنه بس

د. ياسر عمر عبد الفتاح يقول...

شاب فقرى

أنا عارف إنك مش هوه
بطلوا بقي الحركات دي
حسبيَّ الله وتعم الوكيل فيكم

د. ياسر عمر عبد الفتاح يقول...

أم أحمد المصرية

فعلاً ده الرفد الوحيد اللي ممكن يبسط
والحمد لله علي كل شيء

د. ياسر عمر عبد الفتاح يقول...

كيــــــــــــارا

ههههههههههه
طيب بقي أنا أغلث ومش هقول وربنا

ربنا يبارك فيكِ

د. ياسر عمر عبد الفتاح يقول...

ست البنات

جزاكِ الله خيراً
متشفيش وحش أبداً

ربنا يعزك

حياتى نغم يقول...

السلام عليكم ورحمة الله وبركاته

حمداً لله على سلامتك يا دكتور وألف لا بأس عليك إنت حبيت تخدم لكن لعله خير .

ننتظر جديدك ..

رابطة هويتي اسلامية يقول...

السلام عليكم ورحمه الله وبركاته

اسال الله ن يوفقك لكل ما يحبه ويرضاه

نتمنى مشاركتنا النقاش حول شعار الوطنى من اجلك انت !!

كلمات من نور يقول...

عقبال إبني يارب لما يطلع السنة الجاية كده غير لائق علشان ميضيعش من عمره سنتين أو تلاته عالفاضي يا بني

مصر أمنا كلنا بس مش في الجيش خلاص ..أينعم أنا نفسي اولادي الأربعة و أبوهم يدخلوا الجيش ويتعلموا الانضباط بس داه كان زمان
نورت بيتك التاني والحمدلله على خروجك سالم غانم ويلا عالشغل بقى

تامر علي يقول...

لقد فقدت القوات المشلحة رجلاً من أجدع الرجال .... طبي .... يرفدوك طبي :) اخص ...خلاص معندهمش شفقة ... معندهمش اخوات بلاستيك :)

يالا الف مبروك دي فيها عجل لباني

عقبال كل الشباب قريباً

حلم بيعافر يقول...

دكتور ياسر
ازيك ياعم ليك وحشة وعقبالنا لما نطلع غير لايقين احنا كمان
ههههههههههههههههههه
هو حد طايل؟!

Unknown يقول...

ياسيدي ألف مبروك
وتعالى ققعد جنبي في قاعدة الغير لائقين

مبرررررروك

بس دي عايزة الدبح الموضوع ده .. دم يعني

ويبقى التواصل

Somaya Kamal El Din يقول...

الف مبرووووك بقى

وحمد لله على السلامة

رئيس التحرير يقول...

بسم الله الرحمن الرحيم
السلام عليكم ورحمه الله وبركاته
حمداً لله وشكراًلعودتك .
الكفر كان ظلام بدونك .
مبروك ...التخرج ...و مبروك الكارنيه .
و طبعا باركنا لك علي الصيدليه زمان .
في انتظار جديدك .

رنونة حكومة ميخو يقول...

انا عرفت المدونة بتاع حضرتك من جوزي وشكرلي فيها قوي قلت ادخل اشوف عيني وقعت على البوست ده فى الاول... بوست العودة...الحمد لله ان معندناش جيش احنا كمان كان زمانى لا اخدت اجازة م التكليف ولا سافرت لجوزي...
انا حاسة ان حضرتك دفعة 2008 صيدلة بني سويف
بأمارة بسبسة!!!!