*يالهذا الراكب السخيف ,
كيف يعطي لنفسه الحق في أن يزعجنا بتلك الحفنة من المؤثرات السمعية الضارة والمقززة المنطلقة من جهازه المحمول ,
هل مجرد امتلاكه لجهاز تليفون محمول صيني_بخطين وتلفزيون وصوت عالي رديء_ يعطيه الحق في أن يخترق المجال الجوي لأذنيَّ
دون حتي استئذان أو مراعاة لشعورنا؟
كيف يعطي لنفسه الحق في أن يزعجنا بتلك الحفنة من المؤثرات السمعية الضارة والمقززة المنطلقة من جهازه المحمول ,
هل مجرد امتلاكه لجهاز تليفون محمول صيني_بخطين وتلفزيون وصوت عالي رديء_ يعطيه الحق في أن يخترق المجال الجوي لأذنيَّ
دون حتي استئذان أو مراعاة لشعورنا؟
ثم ما ذنبي أنا؟
هل كل جرمي أنني شاركته نفس القطار؟
يا لهذا المعتوه ,,
أتسائل حقاً كيف يفكر الأن؟
هل يعتقد أنه شاباً "روش" ؟
أولعله يريد أن يخبرنا أنه هذا المتأنق الثري الذي قد اشتري لتوه تليفون محمول صيني _بخطين وتلفزيون وصوت عالي رديء_ قبل أن يملأوه بكل ما غث وعاب من الملوثات السمعية القاتلة؟
أم ربما يخطط لأن يأثر قلوب العذارى الحسناوات بقصة شعره القبيحة وتليفونه المحمول الصيني _بخطين وتلفزيون وصوت عالي رديء_ وسرواله المتدلي عن عمد ليكشف عن جزءٍ من مؤخرته كلما مال إلا الأمام ॥!!
أفٍ لهم جميعاً ..!!
فكل المحالاوت الودية فشلت معهم في الرفق بآذننا بغلق الصوت أو في إستخدام سماعة أذن ليستأثر وحده بهذا الهراء।
كم أود أن أحطم رأس هذا المأفون॥ ..!
كم أود أن أنكل بهذا التليفون المحمول الصيني _بخطين وتلفزيون وصوت عالي رديء_ الذي يزعجنا به طيلة الطريق
تراودني حقاً مجموعة من الأفكار الإجرامية التي لن أقوى على القيام بها أبداً
أنا من موقعي هذا بالعربة رقم أربعة درجة ثانية مكيفة من قطار الصعيد المتوجه بي من القاهرة إلي بني سويف
أنادي بإنشاء أول جمعية لحقوق الآذان
على غرار جمعية حقوق الإنسان ,, ولكنها أكثر تخصصاً
وسيهدف ميثاقها إلى تجريم التعدي على المجالات السمعية للأخرين
كما ستطالب بتوقيع عقوبات رادعة على الصين ,,
لكي توقف أو على أقل تقدير تخفض صوت تليفوناتها المحمولة ذات الخطين والتلفزيون والصوت العالي الرديء
هل كل جرمي أنني شاركته نفس القطار؟
يا لهذا المعتوه ,,
أتسائل حقاً كيف يفكر الأن؟
هل يعتقد أنه شاباً "روش" ؟
أولعله يريد أن يخبرنا أنه هذا المتأنق الثري الذي قد اشتري لتوه تليفون محمول صيني _بخطين وتلفزيون وصوت عالي رديء_ قبل أن يملأوه بكل ما غث وعاب من الملوثات السمعية القاتلة؟
أم ربما يخطط لأن يأثر قلوب العذارى الحسناوات بقصة شعره القبيحة وتليفونه المحمول الصيني _بخطين وتلفزيون وصوت عالي رديء_ وسرواله المتدلي عن عمد ليكشف عن جزءٍ من مؤخرته كلما مال إلا الأمام ॥!!
أفٍ لهم جميعاً ..!!
فكل المحالاوت الودية فشلت معهم في الرفق بآذننا بغلق الصوت أو في إستخدام سماعة أذن ليستأثر وحده بهذا الهراء।
كم أود أن أحطم رأس هذا المأفون॥ ..!
كم أود أن أنكل بهذا التليفون المحمول الصيني _بخطين وتلفزيون وصوت عالي رديء_ الذي يزعجنا به طيلة الطريق
تراودني حقاً مجموعة من الأفكار الإجرامية التي لن أقوى على القيام بها أبداً
أنا من موقعي هذا بالعربة رقم أربعة درجة ثانية مكيفة من قطار الصعيد المتوجه بي من القاهرة إلي بني سويف
أنادي بإنشاء أول جمعية لحقوق الآذان
على غرار جمعية حقوق الإنسان ,, ولكنها أكثر تخصصاً
وسيهدف ميثاقها إلى تجريم التعدي على المجالات السمعية للأخرين
كما ستطالب بتوقيع عقوبات رادعة على الصين ,,
لكي توقف أو على أقل تقدير تخفض صوت تليفوناتها المحمولة ذات الخطين والتلفزيون والصوت العالي الرديء
سأتوقف عن التفكير الأن لأنني وصلت "بالسلامة"
ولكن لن أتخلى عن جمعيتي أبداً
يوماً ما سأنشأ تلك الجمعية ,,
وسأوثقها من الأمم المتحدة ومجلس الأمن وهيئة الطاقة الذرية
أعلم أنني يوماً ما سأنشأها
ليس اليوم ,, ربما غداً سأفعل
----------------------
تحديث
*تم إصلاح العطب "الصيني" بالبوست
بيهكروا عليا ..... برضه مش هسيبهم
هناك 64 تعليقًا:
ياخبر ايه دا الخط بتاع البوست جاى مشفر يا دكتور الحق ظبطه
انا هقرئه من صفحة التعليقات بس
الحق وظبط بسرعه
وبما انى أول تعليق عندك
احب اهنئك بفوز مصرنا الحبيبه وقولك مليوووووووووووون مبروك علينا كلنا
واجمل فرحه
وحمدالله على السلامة عودآ احمدآ محمودآ
مين دول احمد ومحمود ما علينا هههههههه
حمدالله على سلامتك ويارب منور الدنيا كلها يا قمر
انا معاك كلامك صح الصين دى هتودينا بدهيه يا دكتور كل حاجه وعلتها حتى عملت حريم وعملت حاجات الشرع محرمها ناقص تعمل ايه تانى
انا عن نفسى زهقت من اللى بشوفه من اختراعات
ربنا ينتقم منهم أشد الأنتقام امين
ساكت ليه؟ قول امين
تحياتى لفكرك الرائع وأريد أن أكون أول عضوه فى إنشاء الجمعيه
تحياتى
ايناس
ويلكم بااااااااااااااااااااااااك
هههههههههههههههه
موضوع الموبايلات فى القطر ده انا كتبت عنه من سنه و اكتر شويه لانى عانيت منه كتير فى فتره تكررت فيها زياراتى المكوكيه للقاهره
الناس بقت فعلا قليله الذوق قوى و مبيهمهاش شعور حد و المفروض فى اختراع اسمه سماعه اذن للى عايز يسمع اى حاجه سواء موبايل او كاسيت او اى حاجه تانيه
انا من هنا باعلن انضمامى للجمعيه
ووراك لاخر المشوار
السلام عليكم
اللى بقى بيحصل فى المواصلات ده كتير اوى
وفكرة جمعية حقوق الاذان دى جميلة على فكرة وانا معاك فيها بس تكون جمعية ذات خطين وتليفزيون وصوت منخفض ردئ
تحياتى
انا قرأت النص من صفحة التعليقات الصفحة الرئيسية الخط فيها مرموز
التكنولوجيا هناك من يحسن التعامل معها وهناك من لا يفعل الصين من حسن حظنا انها جعلت التكنولوجيا متوفرة وبأرخص الاثمان والا لما كانت وصلت لايدينا ليس ذنبها اذن ان كنا نحن لانحسن استعمالها مشاكلنا في قلة وعينا في انعدام ثقافة احترام الاخر عندنا في اننا لاتعترف ابدا بمبدأ ان حريتي تنتهي عندما تبدأ حرية الاخرين اما الصين فيا ليثنا نكون مثلها يوما ما فيما وصلت اليه
تحياتي لك
دا بالصينى برضه؟
أولا
حمدا لله على السلامة
ثانيا
البوست صينى خالص على رأى الدكتورة
بس انا غشيت من التعليقات أقرأه من صفحة التعليقات
ثالثا
واضح ان أعداء الجمعية ظهروا قبل حتى ماتعملها
بدليل البوست الصينى ده
رابعا
بما ان حضرتك دكتور
انا فعلا من كام سنة كده
مش بقدر أستحمل وضع زى ده
لوحد شغل حاجة كده جنبى
بحس بصداع رهيب
وانى تقريبا هتجنن
لكل هذه الاسباب
ياريت تقبلنى من الاعضاء المؤسسين للجمعية
بس واضح ان حضرتك كنت مركز قوى معاه
وعارف كل امكانيات الموبايل :)
ياسر
البوست متشفر كله ليه كده؟؟؟؟
تحياتي وحاول تشوف في ايه
صحيح لو عاوز تراموندين
انا جبت شريطين لواحد حبيبي من صيدلي جارنا
ابعتلك شريط بدل منت مسيحلنا؟؟؟؟
هو ده تأثير التراموندين :)
البوست طالع شفرة في الصفحة الرئيسية
لكن لما ياسر عمر عبد الفتاح يعود
اجيب مطوة وافتح البوست عنوة من صفحة التعليقات
انت تعرف موضوع التلوث السمعي ده شبه ايه؟
شبه برامج التلفزيون اللي كل ما مواطن يطلبها تقول له وطي التلفزيون من فضلك واسمعنا من التليفون
لا اللي بعده بيوطي التلفزيون
ولا المذيعين بيملوا النداءات المتكررة
هي نفس قصة راعيني واحترم حريتي الشخصية
لا عديم الإحترام اللي عاوز يفاخر بالهبل بيرتدع او يتكسف
ولا المحترم بيمل الكتابة ويقول اتقوا الله كتكوا القرف مليتوا البلد :)
نورت مكانك بحج وحجيج
فى الاول حمد الله على السلامة يا دكترة
وبعدين
ربنا يخليلنا الصين
مظبطة الشعب
وبينى وبينك
لو ودانك ربنا حفظها من الموبايلات الصينى
فلازم ربنا هيسلط عليها سواقين الميكروباصات اياهم
ربنا يعافينا
تدوينه مليانه عناكب!!
السلام عليكم
وحشتنا بوستاتك الغامضة يا دكتور بس مش للدرجة دي :)
حمد الله على السلامة
هههههههههههههههههه
صينى اه صينى وان كان عجبك اعمل انت يا بنى سويفى
طريقة استخدام اى تكنولوجيا تحتاج الى مراجعة حقا
ولكن المشكلة اللى شايفها فى التليفون الصينى
انه مش كل يوم كده يدينا مصروف ويخلى عنده دم
هههههههههههههههه
جميلة الخزعبلات دى فكرتنى بالاغنية اللى بتقول
تنح تنح اه عليك انت يا انح
هابقى اكملها ليك بعدين
وعجبى
ماشى يا دكتور
انت كتبت بوست رائع جدا ما بيقولش حاجه .. شوية قلوب اللى احنا شايفينهم .. ما فتحتش المدونه بتاعتك من امتى عشان تشوف ان احنا بنقرأ كويس وفاهمين انت عايز تقول ايه .. والله ما قصرت
اخيرا ابني ياسر دخل مدونتة نورها؟؟؟ كنت فين يا بني؟؟؟ سلامات
اه اه انا معاك وحامسك اللجنة دي و امنع مستخدمي الموبايل في القطارات...أنا كنت باروح القاهرة اعمل جلسات شد عمودي الفقري باروح في قطار السابعة وارجع في قطار السابعة ..في الصباح باكون شاربه قهوتي ومفوقه ومقبله على الحياة ..موبايلي أو ما بادخل العربة باعمله سايلنت علشان عيب أنا مسلمة ولازم أعامل الناس بديني ...المهم باقعد اقرأ قرآن أو اسمع درس عالام بي ثري وطبعا تلاقي بقى ترن ترن ترن : اللو انت فين يا ابن ال... وحياة ...لو مشفتكش النهارده حتكون وقعتك ...ترن ترن ..خليها تودي الشيك حالا الا البضاعه ..ترن ترن : ليه هو فاكر نفسه مين؟ انا اضربه بال...
مش كفاية رناتكم اللي تعبتنا وكمان كلامكم اللي زي الرصاص.؟؟؟
يخلص اليوم و أرجع للقطار و أنا عمودي الفقري مشدود على 14 وحاسه إن كل فقراتي بتنونو و محتاجه سرير مش كرسي اساسا عامل زي المرجيحه مكسورة السوست بتاعته ..ما علينا ...وادخل العربة نفسي اغمض عيوني علشان عارفه اني راجعه البيت حالاقي الاولاد عاملين مبدالهم وعايثين فيه فسادا...ويادوب اقول بسم الله .ترن ترن ...نغمات وواحد بيسمع اغاني عالابتوب ...وواحد بيتفرج على فيلم عاللابتوب ..يا حلاوتكم فين السماعات؟؟؟؟ لا والحلو إيه لما تلاقي شوية بنات أو شباب قاعدين يبعتوا لبعض نغمات وتلاقي منهم نغمة إيه يا ياسر يا بني؟؟ نغمة نشيد الكفار اللي كانت في فيلم من الافلام الإسلامية ...واللي كانوا بيفتخروا بيه بالأصنام .أموت كام واحد أنا كده؟اد ايه انحدرنا !!!! الحمدلله إن العيادة قفلت بسبب طمع بعض الاطباء الطماعيين .وربي هو الشافي.متتقطعش عننا تاني يا ياسر
ياسلااااام دول لما يرنوا جماعه باه بيجننوا :)
الغريب باه انك لما تشوف فيلم اجنبى من اللى هم كان فيهم الموبايلات دى من قبل متنزل مصر متسمعوش بيرن بس فجاه تلاقيه طلعه,
والصين مبهدلانى لانهم شاطرين وعارفين ان احنا خايبين..
ده الجانب السىء للتكنولوجيا يادكتور
وبعدين انت متعرفش انى الصين احتلتنا ولا ايه
نستحمل بقى
الكلام ده على فكره كلام مظبوط وموزون بس قين الناس اللي بتعرف تتكلم لغات :)
ازيك يا عم ياسر
حمدا لله علي عودتك الحميده
وبعدين انا مش قادر اقتنع ان العمل مهما كان صعب
يخليك تبعد عن الكتابه والتدوين
لان التدوين ده مهديء للاعصاب قوي وممتد المفعول واهه كله دواء
حمداً لله على سلامتك أولاً
في الحقيقة الموضوع يؤلمني جداً خصوصاً أنني ممن أعاني من نفس المشكلة.
نحن في حاجة إلى تعريف كلمتي الحق والواجب لا أكثر .
أكثر الناس لا يعرفون الفرق بينهما :( هذا إن عرفوهما أصلاً
انظر للناس والسيارات في الشوارع لترى كل ذلك !
الحل المؤقت على ما اعتقد أن تتخذ إجراء مضاد . وهو نوعان إما سلمي أو عدواني .
السلمي أن تأتي بسماعات في أذنيك لتسمع ما يروقك أنت لا ما يروق هذا الأخرق الذي يظن نفسه ظريفاً. ولكنه حل مؤذي لأذنيك أنت !
الحل العدواني أن تشتري هاتف صيني - آسفاً - وكلما قرر أحدهم أن يقوم بتقديم برنامج ما يطلبه المستمعون تقوم أنت بتشغيل برنامج آخر ، وتجعل الصوت أعلى منه ، وليحترق القطار ، وعليا وعلى أعدائي !!
السلام عليكم
ازيك يا دكتور
فييييينك من زمان
بصراحه مش عارف مين فين اللي مش بييجي
المهم
حمدالله عالسلامه
انا معاك يا ريس في الجمعيه دي
وطبعا مش بس التليفونات الصيني
_ ام خطين وتليفزيون وصوت عالي ردئ -
لا وكمان كاسيت اصحاب الميكروباصات والسرفيس
وابن الجيران اللي بيصر ان يسمع الشارع كله صوت اغانيه الهابطه والضاره جدا بالصحه
وياريت نعمل جمعيه تانيه
لحقوق العنين
عشان بنطلونات الشباب الساقطه
وتسريحتهم الساقطه
واي حاجه تاني ساقطه
دمت بل خير
المدونة جميلة جدا
ربنا يجعلها فى ميزان حسناتك
اشطا
كده تمام
البوست فله وبقا مصرى أصيل بدل صينى
هههههههههههههههههههههههههه
تحيا مصر
تحيا مصر
ايه الاسلوب التحفه ده
يا مشاء الله يا مشاء الله
بجد اسلوبك مميز جداااااا
وبصرف النظر عن الموضوع وعن حال بعض الناس اللى بقى يقرف والغباوة اللى بقت ماليه عنيهم
بجد بحييك على الاسلوب الساجر الجاد المميز جداااا
اه نسيت اقولك بجد لو عملت كتاب وسميته خزعبلات حياتيه من مصر المحروسة وكتبت عن مواقف زي دى هيبقى كتاب تحفة واتوقع له نجاح كبير
حمد الله على السلامة اخبارك اية
اية الغيبة الطويلة دى
انا اتفق مع كلامك فى البوست
وواللى عايز يسمع براحتة يركب سماعة الودان دى عشان الازعاج
ربنا يوفقك ويكرمك
مع خالص تحياتى
مبروك التصليح
وعقبال الصلح
مع الموبايل الصينى
أنما باين أنك متغاظ
منهم اوى لو منك وعنّد
بعنّد بقى اشترى جهازين صينى
وسدادات أذن وكل ما أركب القطر
اشغلهم لأى واحد يفكر شوف ازاى يفكر
يشغل موبيله أبوخطين دا!
تصدق الباشمهندس
مصطفى محمود T3V4
عنده نفس الافكار
الشريرة بتاعتى!!
ايوه كده :)))
أنا جالي تليفون منهم هدية ورجعته حتى قبل ما أحط فيه الشريحة
ميستاهلش شكله حتى
يلا أسس الجمعية واحنا معاك
:)
انا لسة طارد واحد برة الصيدلية بسبب موبايله
!!!
قلة ادب
انا لسة طارد واحد برة الصيدلية بسبب موبايله
!!!
قلة ادب
السلام عليكم
والله يا دوكتور ناس تخنق
معاك حق بجد
المهم حمد الله ع السلامه
تحياتى ليك ونورت عالم التدوين
فعلا التليفون المحمول الصيني _بخطين وتلفزيون وصوت عالي رديء دا عاد منتشر بشكل يجنن ويثير الأعصاب
واحيانا تلاقي واحد معاه تليقون نوكيا مثلا ..ومش عاجبه حاله وجاب التليفون المحمول الصيني _بخطين وتلفزيون وصوت عالي رديء
لييييييييييه متعرفش
بوست متميز كالعادة يادكتور ياسر
واحشتني مدونتك جدا لأني بقالي فتره مبجيش مش عارف ليه ..تقصير انا عارف بس هنرجع نتابع تاني عشان بس انت راجل محترم وكتاباتك هااااااااااااااادفه
تقبل مروري ووافر تقديري
اخيرا كتبت بوست
يادكتور ده لواستسلمنا لكده
هنعمل جمعية للتلوث السمعي
واخري للبصري
واخري ......الخ
خلاص التلوث هو بطل الفيلم المرعب اللي عايشينه دلوقتي
سلامي
وأنا كمان باضم صوتي لصوتك يا دكتور
وعايزين الجمعية دي بأسرع ما يمكن
د. ياسر
ازى حضرتك
والله باعتذر بشدة عن هذا اللبس
التعليقين كانو امامى
وع ضيق الوقت
اضف عليهم زهايمر السن الكبير
سامحنى يا اعز دكتور
وطبعا انا معاك فى الجمعية لانى عندى حساسية مفرطة للصوت العالى
تحياتى ونورت مدزنتى المتواضعة
لما تعمل الجمعيه دي قولي علشان يكون ليا الشرف بعضويه فيها.
ههههههههههههه
معلهش بقى يادكترة
اجوجوجوجوجووووووووو
والست الست الست
هههههههههههههههههه
دانت تلاقيك بتبقى هتشد فى شعرك
هما بيتعدوا على الودان بعقل؟
دول حاجة غريييييييييييبة
ربنا يشفيهم ويعرفوا ان فيه حد غيرهم راكب معاهم برضه
السلام عليكم ورحمة الله وبركاته
عندك حق يا دكتور ، فى خاصيه يستخدمها اليابانيون تسمى خاصية الأخلاق تعنى أن يكون التليفون المحمول صامتا طوال الطريق .. ممكن يؤيدوك فى جمعيتك المميزه وأنا معك فى جمعية حقوق الآذان .
تحياتى .
عندما تنشئ هذه الجمعيه ان شاء لله سأكون انا من اول اعضائها فكم تألمت اذانى بالست لما وغيرها من روائع الغناء البشعي
تحياتى لك ياجميل ودمت بكل الخير
فعلا حركه مستفزه جدا ..
اكتر حاجه بكرهها ان الواحد يتعدي علي حقوق الناس اللي حواليه ..
وحلوه فكرة الجمعيه :)))
---
عاجبني وصفك واسلوبك :)
حمدلله ع السلامة يا دكتور
و الحمد لله انك بعدت عن المجال الجوى للتليفون المحمول الصيني_بخطين وتلفزيون وصوت عالي رديء_
و التليفون المحمول الصيني_بخطين وتلفزيون وصوت عالي رديء_ أنا فعلا بأكرهه لأن زمايلى بردوا بيشغلو التليفون المحمول الصيني_بخطين وتلفزيون وصوت عالي رديء_
بس لما بأقولهم يا جماعة من فضلكوا وطوا صوت التليفون المحمول الصيني_بخطين وتلفزيون وصوت عالي رديء_ بيستجيبوا الحمد لله
لكن خارج مجال الشغل السواقين نفسهم عادوا بيكسلوا يشغولوا الكاسيت و يشغلوا التليفون المحمول الصيني_بخطين وتلفزيون وصوت عالي رديء_
حاجة وحشة أوى والله ، و ياريت جت على السواقين بس ، لا دا السواقين و الراكبين كمان الاتنين مشغلين التليفون المحمول الصيني_بخطين وتلفزيون وصوت عالي رديء_
تماااااااااام بالظبط زى السجاير ، تقول مهما تقول لو سمحت طفى السجارة ، و لاااااااا حياة لمن تنادى
ياللا ... شد حيلك و احنا معاك فى مواجهة التليفون المحمول الصيني_بخطين وتلفزيون وصوت عالي رديء_ :)
دمت بكل خير
ازيك يا دكتور
اخبارك
انا جاي اقولك انك مقرتش البوست
للاخر يا ريس وعلقت من العنوان
لانك لو قريت كنت عرفت اني مش بدخن
بهيس بس
تحياتي
والله معاك حق
سواء الموبايلات الصيني او الموتسيكلات الصيني بقت حاجة تقرف
شكرا علي الموضوع
تقبل مروري
بسم الله الرحمن الرحيم
هو حضرتك لو اخترعت موبايل تانى بنفس الميزات دى .. أو شبها و رخيص ..
أوعدك إنى أخلى الناس تشتريها ..
بس الشعب الغلبان بيسترخص .. يعمل إيه يعنى
:p
و عموما أنا بحجز مكان في الجمعية
التليفون المحمول الصيني _بخطين وتلفزيون وصوت عالي رديء_ الذي يزعجنا به طيلة الطريق
ده حضرتك متأثر أوى
المشكله مش فى التليفون ولا فى الصين
المشكله ان لسه مشكل الناس عندها الفهم ده
ازاى تحافظ على شعور جارك فى اى مكان
دمتم بخير
امال التوكتوك الواحد يعمل فيه ايه
عااااااااااااااا
الواحد بيقعد يصبر نفسه ويقول يمكن يمكن مسمعوش باختراع سماعات الودن
ممكن تاخدني معاك في الجمعية دي لو سمحت بس هاقبضها الأول :)
هي دي ضريبة ترك الأمر بالمعروف انك تلاقي كل الواغش ده منتشر وبيعمل اللي هو عاوزه ومفيش حد يقدر يتكلم
لنا الله
حقاَ كم هي مزعجه هذه الاصوات وكم اتمنى ان اتخلص منها بالحافله والشوارع والاسواق وكل مكان
وانا اول المنضمين لجمعيتك:)
سلمت يداك
السلام عليكم
ازيك يادكتره
يارب تكون بخير
عايز اقولك حمد الله علي سلامتك
لكن شكلك غايب تاني فهوفرها
لغايه ما تيجي
مستنينك تطمنا يا ياسر
في رعايه الله
hahahahahahahaha
بجد تحفة جدا
ده ده العادى بتاع الناس والشباب الروش
لما بتحصلى ببقى عاز اقوم ادمر التلفون ده
وانا طبعا اول عضو فى جمعيتك اللى هتكسر الدنيا
تحياتى صديقى
والله مشكلة وأن معاك يادكتور في جمعية حقوق الأذان هذه
بس ياخوفي تتطلع صيني هي كمان
تحياتي
ويبقى التواصل
هههههههههههههههه
وأنا بردو معاك في الجمعية دي...
بوست جميل
فكرتني بردو كنت رايحه من المنيا للقاهره بأه وكان كام واحد مسيحي مشغلين حاجات كدا تخصهم
الواحد مكنش فاهم حاجه وازعاج جامد بنفس الموبايل الصيني ذو الخطين وتلفزيون وصوت عالي رديء
...
الحكاية دي منتشرة بطريقه بشعه
الواحد ودانه بازت
...
ربنا يكفينا شر اختراعات الصين
مدونة حضرتك ليها وحشه والله يادكتور
تحيـــ سفيرة السعادة ـــاتي(:
السلام عليكم
أولاً حمد الله على السلامه يادكتور والله زمان
المهم بقى أن العيب مش فى التليفون الصينى أبو خطين
العيب فى الذى لا يعرف معنى أحترام حريه الأخرين
وفى من يستعملون التكنولوجيا الحديثه فى ما لا يفيد
وأكيد من صنعوا المحمول الصينى درسونا كويس جداً وعرفوا أننا بتوع مظاهر وحبشتكات للفت الأنظار فصنعوه بذلك الصوت العالى والمميز كى يمكنوا السفهاء للفت أنظار وأسماع المحيطين بالمستخدم
وأعتبرنى عضو معك فى الجمعيه بنفرين
ودمت بخير حال
السلام عليكم
والله ده مبقاش مشكله قطر
دي مشكله ميكروباص وأتوبيس
ومش حكاية أجهزه صيني
ده غباء وسوء استخدام
وكونك تطلب من حد منهم انة يستأثر بالسمع لنفسه
هيحصل حاجه من اتنين
لو انسان كويس هيقفله ويعتذر
انما وغالبا العكس هو الي بيحصل وبيعتبر كده انك احرجته وتدخلت في خصوصياته
ربنا يرحمنا برحمته
اما نشوف الصين هتبتلينا بإيه تاني
السلام عليكم
طال غيابك ولعل المانع خير
إن شاء الله ومنظر جديدك
خالص تقديرى
السلام عليكم و رحمة الله و بركاته
ازيك يا دكترة ؟؟
واحشنى و الله
انا غبت كتير و رجعت لقيتك غايب انت كمان
لعل المانع جيشا!!!!:)
طمنا عليك
بارك الله فيك
هو انت -لا مؤاخذة- فين؟
فين ومضاتك يا دكتور
رحت فين ؟
السلام عليكم
اولا حمدلله ع السلامه
بعدين انت عندك حق بس المشكله مش فى التيلفون الصينى ابو خطين وتيلفزيون وصوت عالى ردىء
الكارثه بقا فى الشب الروش ابو بنطلون مفلوت وقصه شعر الجل مبهدله
المشكله انوا نانوس عين امه
وعشان امه مدياه مقلب فى نفسه فا هو شايف نفسه توم كروز فا من حقه
الراجل حاسس انوا وسيم وتيلفونه عالى يعمل مابداله
الذنب بقا على امه ههههههههههه
بجد المشكله فى سؤ استخدامنا وفى زوقنا لان لو زوقنا واعى ماكنش ده يبقى اختيارنا لمظهرنا واستخدماتنا
تقبل مرورى ودامت اذنك بكل خير
تحياتى
إرسال تعليق