18 مايو، 2010

مازلت حياً يا فتى

من كام يوم كنت بتكلم مع واحد من أبطال حرب أكتوبر

ودار بينا حديث مليء بالحزن عن مصير أسرى مصر في النكسة

سؤال محيرني أوي؟

ليه معملناش قضية دولية ضد اسرائيل وطالبناها على الأقل بتعويض؟

اسرائيل إلا الأن بتاخد تعويض من ألمانيا بسبب كذبة الهولوكوست

ليه حق ولادنا بيضيع في البلد دي؟



ده الواجب المطلوب مني

قصيدة بعنوان

مازلت حياً يا فتى


لا لم تمت

مازلت حياً يا فتى

وأوان ثأرك لم يفت

وسؤالك الملتاع يبحث عن "متى"




فاهدأ قليلاً يا بطل

قد عشت مرفوع الجبين

ووهبت موتتك الأخيرة آلاف السنين

قايضت عمراً بائساً

وربحت خلد الخالدين




لازال صوتك في سماء الصمت يدوي بالغناء

مازال حلمك ياصديقي دافئاً رغم الشتاء

واللؤلؤ المرصوص تحت شفاهك السمراء يبدو

كلما داعبت طفلاً في المساء

فارتح بساح الخلد يابن القاهرة

وفيت حق الله ,,, فانعم بالجزاء

هناك 33 تعليقًا:

حياتى نغم يقول...

السلام عليكم ورحمة الله وبركاته

.. ووفيت حق الله فانعم بالجزاء ..

بارك الله فيك وجزيت خيراً وتقبل شهدائنا آمين .

ايومي يقول...

سلمت،جميلة...

رحلتنا في الحياة يقول...

السلام عليكم ورحمة الله وبركاته
جميلة جدا يادكتور
وحق الاسرى باذن الله مش هيضيع

مصطفى يقول...

السلام عليكم ..

جميلة وألفاظها سهلة..ويبقى المعنى خالدًا..:)

لستُ أهلًا للشعر لكن أرى انها ليست طويلة..وتحتاج المزيد مارأيك أنت؟!

مثلًا تأتي بوصف من فرطوا في الحق..حتى تكون القصيدة كما هي المقدمة..تنقل كل الإحساس الذي عاشه القارئ أثناء المقدمة :)

وأيضًا..جملة(وربحت خلد الخالدين)..فوجود خلد والخالدين وراء بعضهما وهما من أصل كلمة واحدة..هو لايضر بالمعنى لكن رأيي أنه من الأفضل..وضع لفظين مختلفين :)

ولك ان تضرب بكلامي عرض الحائط وطوله أيضًا..فلست سوى قارئ وفقط :)

ويبقى المعنى عظيم بعظمة دم هؤلاء الشهداء !

د/على خميس يقول...

السلام عليكم و رحمة الله و بركاته
دكتورنا الكريم
ما شاء الله بعد طول صيام موضوعين ورا بعض ... ربنا يزيد انا مش بحسد و الله ...
ان شاء الثأر لم و لن يُنسى و و وعد الله بالفتح المبين حق ...
بارك الله فيك
تحيااااااااتى

قلم رصاص يقول...

الله عليك يادكتور ياسر
ابدعت والله

وماضاع حق وراءه مطالب
وكفايه اننا نفضل حتى فاكرين الحق
لحد ماهيجي يوم ياخد بيه حد مننا
مش مهم هو مين وازاي وامتى المهم انه يتاخد

تقبل مروري وتحيتي

كلمات من نور يقول...

الله عليك يا ياسر يا بني وعلى كلامك القوي المجلجل بالنداء والدعاء ..........يارب انصرنا يارب ...انصر أمة حبيبك المصطفى و أعز الإسلام والمسلمين ودمر أعداء الدين ....آمين

غير معرف يقول...

شكرا،تم :)

غير معرف يقول...

المدونه دى بتقول ان صاحبها مثقف
وواعى
القصيده بجد جميله ولمستنى جدا وفيها كلمه بجد بليغه اوى(وسؤالك الملتاع يبحث عن "متى) بجد جمله صغيره بس قالت كلام كتير
اسلوب حميل ومتمكن
دومت مبدع
تحياتى

richardCatheart يقول...

والله تسلم ويسلم قلمك الحر

الاجابه
علشان مالنش عندهم تمن

شكرا على تشريفك ليا
وان شاء الله التواصل مستمر

غير معرف يقول...

احياء عند ربهم يرزقون

وردا على سؤالك عن عدم المقاضاه... فبيع الغاز ببلاش وبناء الجدار والزيارات الودوده لمصر من سفاحين الاطفال يخبرك ان النظام يعيش في شهر عسل دائم مع العدو ... وهذه هي ازهى عصور التحالف القبيح بين النظام واسرائيل

مدونتك رائعه... اول زياره ولن تكون الاخيره ان شاء الله

تحياتي

Haytham Alsayes يقول...

الله علي الاسلوب الرائع
فعلا قصيدة جميلة

ربنا يقدرنا جميعا علي استرداد حق اسرانا

تحياتي

ستيتة يقول...

وهل تتصور انك ممكن تكون كاتب شيء هنا ومكنش انا اول واحدة قرأت؟
دي تبقى هزلت
بس الثانوية مش مخلياني اقول الي في نفسي
كابسة على مراوحي :)
يمكن انجح يا ياسر واحسن مجموعي وادخل كلية عدلة بقى بدل محل الكشري :)
تسلم ايدك

فكرة من الزمن ده يقول...

ولا تحسبن الذين قتلو في سبيل الله امواتا بل احياء عند ربهم يرزقون
الحقيقة ان احنا اموات نمشي على الارض
لا وصلنا لمكانتهم ولا احنااسترددنا حقهم
بتسال ليه مافرعنا قضية ضد اسرائيل وطالبناها بتعويض
هو في ايه المفروض كان يتعمل وعملناه

محمود المصرى يقول...

انا مبهور بيك ونفسى نبقى اصحاب
وياريت تزورنى ومتنساش التعليق
اخوك محمود المصرى

افروديت يقول...

مش هقولك كلامك حلو دا أكتر من رائع ..ولكن أنا لن أقبل أن نأخذمن الصهاينه تعويض عن الاسري لأن لودفعت لنا أسرائيل ثقل العالم ذهبآلن يعوضناعن رجل واحدمن شهدائنا..وأن كانت أسرائيل تتقاضي تعويضات لضحايا الهولوكست فليس جنودهم بشرف ونبل وفدائيه جنودناواسرائيل تحتاج لأكثرمن "هولوكست"ولو استطيع والله لأحرقتهم بيدي ولي كل الشرف.عذرآع الاطاله .سلام

-_- يقول...

القصيدة رائعة

ahmed_k يقول...

كلمات رائعه يا دكتور
وبالفعل فحق هؤلاء لن يضيع مهما طالت السنين

تقبل تحياتي

admin يقول...

تم افتتاح منتدى
ibond.builder-eg.com
ويقوم أعضائه بكتابة موضوعات مجلة المجتمع المدنى العربى
csmag.builder-eg.com
و دليل المصادر المفتوحة
foss.builder-eg.com
بالاضافة لمواقع أخرى سيتم افتتاحها بعد نجاح و ثبات المواقع السالفة ,
مزايا الاشتراك فى الموقع:
* الحصول على عروض مختلفة!
مثال:
الاعلان عن موقع أو مدونة العضو
الحصول على تخفيضات فى أى موقع تابع لنا, حاليا موقعنا يختص بالاستضافات و بيع البرامج, لكن قريبا سيتم تأسيس موقع للتجارة الاليكترونية ان شاء الله

* الاشتراك فى مجموعات التى سيتم انشائها ل :

* تأسيس مكتبة لكتب الأعضاء, و ذلك بعد عمل عدد لا بأس به من الكتب( بشروط أهمها أن يكون الهمل جماعى أو فردى لكن حاز اعجاب أغلبية الأعضاء)
* مجموعات دعم المصادر المفتوحة , مثل الترجمة و الشرح , بالاضافة لدعم أى مشروع عربى مفتوح المصدر
*مقدمى خدمة توصيل أقراص برامج مفتوحة المصدر ,
* تحرير مجلة المجتمع المدنى
* كتابة مقالات دليل البرامج مفتوحة المصدر
* كتابة مرجع للأمن الاليكترونى
* العمل على زيادة تحديث و تطوير المجتمعات المالية العربية لكى تصبح مجتمعات لا نقدية ,( استخدام بطاقات الائتمان و الحسابات الاليكترونية الخ)
* و اجمالا تبادل الخبرات بين أعضاء الموقع
وغير ذلك كثير بإذن الله
شكرا

TIMMY !! يقول...

ما شاء الله عليك يا أبو اليسر ,

جامد يا معلم ,

أستااااااذ :)

محمد سعد القويري يقول...

الأخ الفاضل :: د.ياسر عمر عبدالفتاح ::

أسعد الله صباحاتك بكل خير

وأتمنى أن تكون في أحسن حال ..

وبالنسبة للقصيدة ،،


فهي توووحفة ،،)

أطيب الأمنيات

♥♥ شذا ♥ الروح ♥♥ يقول...

ربنا يحفظك يا دكتور

جميله اوووى

انت رائع

تحياتى

حياتى نغم يقول...

السلام عليكم ورحمة الله وبركاته

ننتظر جديدك يا دكتور .

وأعتقد إن حضرتك لم يصلك المعنى الحقيقى من تدوينتى / لم أرى ذريتى بعد وعموما آمين ولك بالمثل .

طهر فؤادك يقول...

السلام عليكم ةرحمة الله وبركاتة

مشاء الله يادكتور جميلة بارك الله فيك

كلمات رقيقة وجميلة ومعبرة

SHAPE YOUR LIFE (ABOALI) يقول...

مازلت حيا يا فتى

ياااااااااااسلام عليك
المسكنات والذى منه عمل معاك نتيجة اهو


جميييييييييييييييل جميل
شد حيلك لسه فيه تانى

مازلت حيا يا راجل

غير معرف يقول...

تعويض ايه بس ؟!
كنت بتحلم ولا ايه داحنا غلاااابه :))))

القصيده جميله اوي .. تيلم ايديك :)

ليس فقيرا من يحب يقول...

كل سنه وانت طيب يا دكتور

رمضان كريم عليك وعلى كل حبايبك

ن يقول...
أزال المؤلف هذا التعليق.
ن يقول...
أزال المؤلف هذا التعليق.
ن يقول...

السلام عليكم
الدكتور .. ياسر
كل عام وانت بخير .. رمضان كريم
كلماتك قلبت على المواجع .
موهوب من يومك .
مع خالص تحياتى

أسير يقول...

ما زلت حيا يا فتي

اقصوصه يقول...

رمضان كريم

مبارك عليكم الشهر

وكل عام وانتم بخير :)

هبة النيـــــل يقول...

فاهدأ قليلاً يا بطل

قد عشت مرفوع الجبين

ووهبت موتتك الأخيرة آلاف السنين

قايضت عمراً بائساً

وربحت خلد الخالدين


راااائعة


مبسطة وجميلة حقا


وفيت حق الله فانعم بالجزاء


راائعة فعلا :)