26 سبتمبر، 2010

جمعية حقوق الآناف

جمعية حقوق الآناف


هناك دائماً وغدٌ ما أينما ذهبت

حكمة قالها رجلٌ ما لا أعرفه ,

ولكن بكلمات أكثر قوةً وسفالةً يَصْعُب ذكرها هنا بالتحديد

دعونا نقل بصراحة أنه

عندما وزع الأوغاد على دول عالم ,,

ظفرت مصر "الرائدة" بالنسبة العظمى منهم

لذا هم متواجدون بوفرة حيثما تكون

جرب أن تذهب إلى أي مكانٍ تريد ,, ستجد أحدهم في انتظارك

متأهبين دائماً لممارسة طقوسهم المعتادة في العكننة علينا بطرقٍ شتى

مهمته المقدسة : جعل حياتك أصعب مما هي عليه

شعارهم في الحياة :


إذا الوغد يوماً أراد الحياة

فلا بد من (خنق) كل البشر


أنا أبغض بشدة جميع أنواع التعدي على حقوقي الشرعية والأدمية

وذاك هو سر عدم تألقمي معهم مع هؤلاء الأوغاد


لأنهم ببساطة لا يأبهون بي ولا بك ,

ولا يعرفون ابسط قواعد الأدب

وتبدوا لهم معانٍ مثل الذوق والدين والأخلاق ,, ككلمات خاوية مجوفة


هناك دائمة "خناقة" حتمية مفروضة عليّ

كلما ركبت في وسيلة مواصلات عامة

أو جلست في مكانٍ مغلق

هذا لأنني " ومع سبق الإصرار والترصد"

أردت أنا أستنشق هواءاً خالياً من القطران والزفت "على عنيهم"

حاولت مراراً أن أقنعه أن الدخان بما يحويه من تركيبة سامة

غير صالح للإستنشاق الآدمي

ولكن يبدوا أن هذا المطلب يخلو في منظوره طبعاً من الشرعية الكافية

ويتطلب الدخول في مناقشات سفسطائية بيزنطية عقيمة

لإقناعه أننا كآدميين طبيعين ننفر من رائحة القطران المحترق

هذا بالطبع لأنه كوغد يحترم نفسه ويعي جيداً طبيعة عمله

لن يفرط في فرصة مماثلة لتعكير دمك وفقع مرارتك



يا عم المدخن





يا من تنفث غازاتك السامة مباشرةً داخل صدورنا

من أخبرك أيها المعتوه أنني أريد انا أشاركك أمراض الربو

وسرطانات الرئة والنزلات الشعبية والرئوية الحادة منها والمزمنة؟

اظفر بها وحدك كما اخترت ,, وكما تريد

من أعطاك الحق في تجاوز وتعدي حدودي الرئوية الرسمية

فالقانون المصر مازال يكفل

"إلى الأن وحتى إشعار أخر"

حرية التنفس للجميع

وربما تلك هي الحرية الوحيدة الباقية دون

ضرائب أو دمغات أو رسوم

كما أن الهواء الذي يملأ الفراغ فيما بيننا

لست تملكه وحدك حتى تلوثه

فلم تكدرها عليّ بربك؟

تستطيع أن تفعل هذا حينما تكون جالساً علي ترعةِ بلدكم

وتحديداً حينما تمص القصب

بينما "تبلبط" قدماك بوداعة مع البلهاريسيا "صديقة" الفلاح

أو على الأقل حينما تكون منفرداً بخلوتك المعتادة في "الحمام"

أو على أقل تقدير عند الكيلو 86 طريق السويس الصحرواي

حيث يخلو المكان هناك من مثيري الشغب وهادمي اللذات أمثالي

أقولها وأعلنها بقوة ॥

نحن بحاجة ماسة إلى إنشاء جمعية لحقوق "الآناف"

سأنشأها حتماً إن شاء الله

لكن جمعية حقوق الآذان التي أشرت لها سابقاً

وإلى هذا الميعاد أقول لكل مدخن وكل فيتاة


أرحمووناااااااااا

هناك 63 تعليقًا:

موناليزا يقول...

أضم صوتى إلى صوتك

المجهول يقول...

شعارات أكثر من رائعة .. وأنا أيضا أصوت معك .. تقبل مروري

قلم رصاص يقول...

كلنا هذا الرجل

كلامك زين يادكتور ياسر

بس هل من وغد يفهم ويستوعب؟!

تامر علي يقول...

انضم واؤيد بشدة جمعية حقوق "البناخير"
لأن بناخيرنا اتهرت من الدخان والعاد والسجاير والمخلفات الصناعية والبشرية ...آه يا بناخيري يا اما :)

richardCatheart يقول...

كلام جميل
بس مين قال ان الامراض دى بتيجى بس للمدخنين الاوغاد الملاعين انا اعرف 8 عندهم ربو عمرهم ماشربو سجاره واتنين ماتو بكانسر رئه وماكانوش بيشربو سجاره
الامراض هاتيجى هاتيجى من البلاوى اللى مطلعاها علينا العربيات والمصانع وغيره وغيره انت طبيب اودكتور وعارف اكتر منى انا احتمالات الاصابه وارده فى كله الاوغاد وغيرهم حسب المناعه والجينات الوراثيه وغيرها كتير من الاسباب

هى عبها الوحيد فعلا ان ريحتها وحشه
والدخان عموما مخنق ام حتة الامراض دى بقى مالهاش مقياس ثابت والا كانو كل المدخنين ماتو وخلصنا منهم زى كده التحليل والتحريم للسجاير لو على انها مؤذيه يبقى المياه فى مصر حرام علشان مياه الحنفيه مؤذيه والهوا كمان حرام
والسمك علشان فيه نسبه رصاص عاليه
وكده طول ما انت ماشى فى اذى

تحياتى على البوست وانا مش عارفه بتتأخر ليه علينا وبتغيب فى البوستات
اعانك الله ربنا يقويك

فارس عبدالفتاح يقول...

والله انا معاك في هذا الموضوع يا دكتر ياسر


انا من المدخنين سواء المعسل او السجائر في بعض الاوقات ولكن من المستحيل لدي ان ادخلن في السيارة حتى ولو لم يكن حد معي او في البيت حتى ولو لم يكن ايضا احد داخل البيت واذا دعا الكيف الى ذلك اخرج الى البلكونه .

كذلك في العمل وفي كل مكان من المحتمل ان يتواجد فيه انسان غير مدخن .


واقول لك شيء من الممكن ان تستغرب له انا أبغض واشمئز من كل من يدخن داخل الاسنسير لانه مكان مغلق ومن المستحيل ان يخرج منه الدخان الا بعد مدة تزيد عن الساعة فكل من يركب الاسنسير بعده يصبح في حالة اقتناق مقيته حتى ولو كان مدخن .


ان احترام النفس يبدأ من احترام الاخرين اعلم ذلك جيداً ،، ولكن الواقع مرير جداً .


تنويه يستحق وقفه من كل مدخن لا يعبأ بحق الاخرين في ان يستنشقو هواء نظيفاً الى حد ما .

ايومي يقول...

ياريت كان الامر على قد ريحة السجاير بس :-(((

د. ياسر عمر عبد الفتاح يقول...

موناليزا

بقينا اتنيمين تاني معانا؟

د. ياسر عمر عبد الفتاح يقول...

المجهول

مع إني مش عارف فين الشعارات دي
لكن وماله
بقينا ثلاثة

د. ياسر عمر عبد الفتاح يقول...

المجهول

الله يخليك يا باشا
لا الأوغاد بيفهموا كويس أوي
لكن المشكلة إن دي عقيدة عندهم

لازم يكدر حياتك ,, يخنقك

د. ياسر عمر عبد الفتاح يقول...

تامر علي

إيه البناخير دي؟
عندك برد ولا إيه؟

تصدق حلو السلوجان ده
هنعمله سلوجان الجمعية

أه يا مناخيري ياما

د. ياسر عمر عبد الفتاح يقول...

richardCatheart

كلامك مظبوط
لكن محدش يقدر ينكر إن السجائر أحد أهم أسباب الوفيات في العالم
سواء كانت عن طريق أمراض الرئة
أو حتى مساهمتها الفعالة في أمراض الكبد والقلب والكلى ,, خاصةً لو كانت لمؤاخذة محشية

كمان فيه التدخين السلبي
اللي كلنا بنعمله بجانب (الأوغاد)

أما موضوع التحريم ده
فخليني أتفق معاك في قياسك
المياه والأكل والكلام ده حاجات ضرورية للحياة
وكمان نسب التلوث فيها نسبية
مش كل المية ملوثة ,, ومش كل الأكل ملوث

لكن السجائر كلها ملوثة ومقرفة وزي الزفت

أنا بغيب كثير علشان أوحشكم بس :)

د. ياسر عمر عبد الفتاح يقول...

حضرتك من المدخنين المحترمين بجد
لازم كل واحد يحترم الأخرين ويبقى عنده شوية دم
أنا بعاني من حساسية مفرطة في الجهاز التنفسي
مبقدر حتى أحط بيرفيوم مثلاً إلا لو كان خفيف جداً جداً ,, فمحدش بياخد باله منه :)

ولما أقعد في مكان فيه حد بيدخن بتخنق بجد
وساعات بتقلب معايا لهيستريا من الكحة
سعنس عندي اسفكسيا السجائر :)

شكراً لمرورك يا أستاذ

د. ياسر عمر عبد الفتاح يقول...

الرد اللي فوق ده كان لأستاذ فارس طبعاً

د. ياسر عمر عبد الفتاح يقول...

ايومي

نخلص منه بس الأول
وبعدين نشوف بقية الروائح

غير معرف يقول...

ههههههههههه

معلش لازم في كل مكان ناس لا تحترم حقوقك ولا أنفك :)

تحياتي

فاتيما يقول...

ازيك يا دكتور

البوست دا
فكرنى بيوسف قوى

هقولك ليه

اول سبب انه كان
و هوه صغنن بينطق الميم (باء)
و لما كان بيجيى حد يصلح حاجة
عندنا ف البيت
كان بينبرى دفاعا عن الصحة
زى سيادتك و يقول

يا عمو
السجاير
بّضرة
بالصحة

الراجل يقعد يضحككككككك
بس بعد ما يفك الشفرة دى

تانى سبب
انا معرفش انتا عندك فكرة
عن حكايتى و لا لأ ...بس عموما
اختك فاتيما مرت بشوية
حاجات رخمة و كدا
خلتنى قاعدة انا و يوسف لوحدنا
ف مكان منعزلين
عن العالم شوية
لسنين


كانت بتوصلنى اخبار سيئة
ان لسه
الوقت مخلصش
و خليكوا عندكو

كنت اغلب الوقت قابلة
و راضية
بس فيه اوقات كنت بتخنق
و ابقى عاوزة اعمل حاجة مجنونة
و أخر جنانى كان انى هشرب سجاير
و انحيرف بقى
كان معايا فلوسها
و كان عندى المكان الفاضى
و عدم التدخلات من اى حد و وصاية
و كمان كان عندى الرغبة ف تدمير صحتى من باب اليأس


اشتريت العلبة فعلا
و قعدت ف البلكونة ف الفجر مع نفسى
و بصيت كدا و فكرت
و تراجعت



تعرف ايه اللى منعنى ؟

يوسف

ومنظرى قصاده
فكرة انى اعمل حاجة غلط
و بقوله دايما انها مضرة
بينما انا بعملها عادى كدا

زائد انى فكرت
ف اللى المعنى الاوسع شوية
انا دلوقتى بدمر صحتى و مش حاسة
هييجى وقت البشاير تبان
ساعتها هبقى عبء على نفسى
و ع اللى حواليا
طب ليه؟
هوه ربنا جايبنا الدنيا عشان نقرف روحنا بنفسنا ؟؟

زائد الفكرة الأشمل بقى
الناس و البيئة اللى حواليا ذنبهم ايه اخربهم بعادة انا عارفة انى تقريباً مش هتخلى عنها لآخر العمر


دا غير ان فلوسها اولى تنصرف
ف شىء تانى اقيم

م الآخر خدت قرار
و طلعت السجاير لويتها و فرفرتها
وطوحتها ف الهوا


و الحمدلله


تسلم ايدك
ع البوست دا
و لعل الجميع يعى
و يحس قد ايه بياذى روحه و غيره


خالص ودى يا فندم

admin يقول...

كلام في الصميم..

كنت هنا..

كلمات من نور يقول...

من اسبوعين أعلنوا يا بني الإسكندرية مدينة خالية من التلوث ...ومنعوا شرب السجاير في المناطق المغلقة بغرامة تصل ل 100 جنية للمدخن و لعشرة آلاف جنيه لصاحب المنشأة...عقبال يارب سواقين التاكسي وراكبين التاكسي اللي يقعدوا ادام والواحد يبقى قاعد ورا والدخان كله يدخل مناخيرك وصدرك وطز فيك لو قلتله حضرتك السجاير يبقى عايز يقولك : ما تنزل من التاكسي وتريحني؟؟؟؟

بجد التدخين السلبي داه قاتل اسالني أنا أصل زوجي مدخن و أنا مدخنة حريق سلبية (:

شكلنا حنعمل جمعية سد مناخيرك من فضلك ( مشبك غسيل من نوع كويس مش صيني ألا الصيني بيتسكروا والغسيل بيطير)ههههههههههه

نورت مدونتك يا بني

د. ياسر عمر عبد الفتاح يقول...

فتاه من الصعيد

لا مفيش احترام خالص
بس كله يهتصلح بعد الجمعية إن شاء الله

د. ياسر عمر عبد الفتاح يقول...

فاتيما

هوه أنا مش فاهم حاجة
بس مقدر يعني إيه حد بيكره السجائر ,, يشربها من كثر اليأس والفراخ

ربنا يعينك وييسرلك أمرك
ويخليلك يوسف
وعمره يا رب ما يكون (بدخن)

د. ياسر عمر عبد الفتاح يقول...

خالد أبجيك

لا يا راجل
مش مصدق إنك كنت فعلاً هنا :)

د. ياسر عمر عبد الفتاح يقول...

كلمات من نور

لالا مشابك إيه بس
بتونجع المناخين
وهتخنيني أخنف

همه اللي يلبسوا لبس زي بتاع رواد الفضاء
ويدخن جوه بقى براحته
مع نفسه

لكن مشابك ,, نووووو

عقبال ما مصر كلها تطبق القانون ده

mostafa rayan يقول...

اخي الفاضل د.ياسر
اتفق معك في رأيك وانا معك لابد ان يكون هناك ألية لوقف هذا الشيء الغبي المسمي تدخين
لكن اظن ان اقل شيئ نعمله اننا نرفض السلبية ونتمسك بحقنا في منع التدخين في الاماكن العامة .. لما نقوله بقوة وحسم اطفي السيجارة لازم يكش ويختشي لازم مانسكتش لانه إذا كان هو ارتضي يدمر صحته فاحنا ارتضينا ان نحتفظ بالبقية الباقية السليمة منها
موضوع جميل وهادف وقوي .. احيك عليه وضم صوتى لك

عمرو يسرى يقول...

انا معاك واضم صوتى لصوتك

Noha Saleh يقول...

انا كمان احب اعمل معاكم تصويت
بس انا عارفة ان مفيش فايدة غير لما تتمنع السجاير خالص
انا لو عندى سلطة كنت منعتها نهائيا

ghorBty يقول...

احنا ندعى لهم

ربنا يعفيهم من هذا البلاء

ويرحمهم ويرحمنا

د. ياسر عمر عبد الفتاح يقول...

mostafa rayan

مظبوط جداً
متسكتش على حقك

لازم تعرف إن اللي بيدخن جنبك غلطان
بيمد إيده جوه جسمك وبيزرع سموم وزفت وقطران

يعني نحاول نتعلم نقول
لالالالالالالا

د. ياسر عمر عبد الفتاح يقول...

غير معرف

طبعاً مش هروح عندك
حاجة بايخة أوي

د. ياسر عمر عبد الفتاح يقول...

عمرو يسرى

أهلاً بيك
حد يعد بقينا كام واحد؟

د. ياسر عمر عبد الفتاح يقول...

Noha Saleh

مظنش المنع السلطوي هيكون الحل لوحده
كانت نفعت مع أميركا لما منعوا الخمور زمااااان
لازم ثقافة المجتمع تتغير

د. ياسر عمر عبد الفتاح يقول...

ghorBty

ربنا يعافيهم
ويحفظنا

جزاكِ الله خيراً

حياتى نغم يقول...

السلام عليكم ورحمة الله وبركاته

جزاك الله خيراً .

بالفعل قبل ركوبى للمواصلات أتأهب وأستعد لوقف ذلك التعدى أو تحمل رائحة راكب مدخن ولولم يكن يدخن حينها .

عافاهم الله وعافانا آمين .

طوبه فضه وطوبه دهب يقول...

فعلا محتاجين الرحمه من دخان السجاير والعودام لو يعرف كل مداخن ولا كل صاحب سياره شكمانه تعبان كميه الادويه والتكاليف بتاعت الدكاتره وحساسيه الصدر خصوصا اللى نسبتها عليت جدا فى الاطفال حديثى الولاده كان رحمنا من اللى بيعمله فينا بحييك تسلم ايديك

تــركــي الــغــامــدي يقول...

سعدت بمرورك على مدونتي المتواضعة ، وتظل وجهات نظر ليس بالضرورة أن يقتنع الآخرون بها ، قدر أن تصل إليهم لنستفيد من رؤاهم ، راجياً لك من الله تعالى التوفيق .

د. ياسر عمر عبد الفتاح يقول...

حياتى نغم

أيوه كده
مش عاوزين نسكت على حقنا

د. ياسر عمر عبد الفتاح يقول...

طوبه فضه وطوبه دهب

للأسباب دي كلها
كان لابد من وجود مثل تلك الجمعية
وطبعاً أنا الزعيم والمؤسس والقائد والرفيق

حد عنده اعتراض

د. ياسر عمر عبد الفتاح يقول...

تركي الغامدي

بالتأكيد
لكن هذا عندما يتعلق الأمر بوجهات نظر
لكن حينما تكون وجهة النظر المضادة تسلبك هواء رئتيك ,, فلتكن الحرب إذاً :)

سواح في ملك اللــــــــــــــــــه- يقول...

سلام عليكم دكتور ياسر وحيات ابوك لو سمحت يعني اللون الخلفيه الحمرا دي مش عارفين نشوف الكلام منها لو سمحت ابقي غيرها عشان احنا بنحب نقرالك

د. ياسر عمر عبد الفتاح يقول...

سواح في ملك الله


طب قول الأول لا إله إلا الله
أنا عمال أدور على الخلفية الحمرا دي مش لاقيها خالص
مش عارف إنت قصدك على إيه
أنا خلفية المدونة بتاعتي بيضة زي القشطة بالصلاة على النبي

أقولك اعمل ريفريش ولا غير المتصفح
استخدم الموزيلا
أو لو تعبان أوي خد الكلام كله كوبي واطبعه على ملف ورد ,, واقرأه براحتك بقى
ده يعني لو كلامي فارق معاك أوي ونفسك تقرأه

لكن بجد المشكلة مش عندي خالص
وكل الناس بتقرأ المدونة بتاعتي من زمان من غير ما يقولوا إن خلفيتها ولمؤاخذة (حمرا)

سواح في ملك اللــــــــــــــــــه- يقول...

السلام عليكم شكرا دكتور ياسر كان عندي مشكله في المتصفح اعذر اخوك انا لسه في ابتدائي كمبيوتر وبحاول اكتسب العلم من كل المحترمين امثالك جزاك الله خيرا

Unknown يقول...

التدخين .. آفة من آفات المجتمع و عادة زي الزفت .. بتخلي البني آدم ريحته وحشة و بتخلي بشرته وحشة و بتضر اللثة و الاسنان ..
أصلا المفروض يتعمل قانون حظر للتدخين في الاماكن العامة

السُـلطانة يقول...

السلام عليكم ورحمة الله وبركاته ..

جميعة لذيذة .. ومميزة وأضم صوتي لك .. شكرا لك أخي في الله من كل قلبي على تهنئتي.

esraa يقول...

السلام عليكم
أؤيد هذه الجمعية و أى جمعية تعيد لنا حقوقنا على الأقل الآدمية لم نطلب حقوق غريبة مثل الحقوق السياسية مثلا..........
تحياتى

رحــــيـل يقول...

اتفق معك بالتأكيد

لكن بالطبع فى بعض المدخنين بيراعوا ده خصوصا لما بنت هى اللى تطلب منهم فى الموصلات او فى الشغل لانهم بيتحرجوا

واحده صاحبتى ركبت توك توك مره وكان صاحبه بيدخن فطلبت منه يطفى السيجارة فوقف بمنتهى الهدوء وطلب منها تنزل
هو كمان بيكون شايف انك بتتعدى على حريته وعنده مرجعيات غيرك وعنده مايشغل باله ومايؤرقه وبيكون شايف السيجاره هى منفسه الوحيد
الموضوع عايز تعامل بحكمه من غير ما يحس انك بتديله امر او درس او نصيحة او انك احسن منه

بقالى خمس سنين تقريبا بشتغل فى فريق لمكافحة التدخين وعدى عليا ردود افعال مختلفة لفئات وثقافات واعمار مختلفة

الموضوع عايز تعامل بحس انساني وبود عشان يقدر يتقبل منك الكلام
ممكن اصلا ابتسامه بود تكفي انها تحرجه وتخليه يطفى سيجارته

تحياتى واحترامي

♥ ♥ Amira Samy ♥ ♥ يقول...

جزاك الله خيراً على الموضوع الرااائع
و ان شاء الله يدوم التواصل و
المتاااااابعة
تحياتى لك على مدونتك الراااائعة

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

وانا معاك ان شاء الله

TIMMY !! يقول...

أظن أنك لو أدمجت فيها حقوق الآذان أيضا ضد اللي بيشغلوا أغاني الموبايل في المواصلات , ساعتها هتلاقي شعبية أكبر ,
و تبقة جمعية حماية الانف و الأذن ... و نبقى نشوف ندخل الحنجرة معاهم بعد كده

على الهامش :
واحشني يا مضروب :)

z!zOoOo يقول...

السلام عليكم

ازيك يا دكتور

يارب تكون بكل خير

علي فكره انا برضه بدخن بس مش في اماكن مغلقه عشان بقدر شعور الناس الي معايا

ولو مثلا دخنت في مكان مفتوح وحسيت إن حد إتضايق من الريحه ببعد عنه او بطفيها


ولسه كان حاصله معايا في الجامعه واحد قالي بعدت عنه خالص

لإني فعلا برغم إني بضر صحتي الناس مش مرغمه إني أضايقها واضرها كمان

انا مؤيد معاك برضه

يلا حتي نبطل السجاير ونرتاح

D:

حمد الله علي السلامه يا عم ياسر

ماتغيبش كتير بقي

كل سنه وانت طيب

:)

فكرة من الزمن ده يقول...

اخيرا لقيت حد زيي ايه رايك نعمل حملة على الفايس لكل الناس نطالب كل الناس انها ماتسكت عن حقها في انها تطلب من المدخن يطفي سيجارته وبكده يبقى هو ده الطبيعي والمنطقي السائد مش نشعر اننا بنسير عكس الاتجاه وجايين من عالم اخر لما نطالب بحقنا
تحياتي

Tamer Moghazy يقول...

عجبني قوووووي موضوع توزيع الاوغاد ده..
وبعدين اشمعنى الكيلو 86 يعني..؟؟
ليه مش يروحوا يستثمروا نفسهم ويزرعوا المريخ مثلا..؟؟

بجد بوست هايل وانا اضم صرختي لصرختك :)

د. ياسر عمر عبد الفتاح يقول...

سواح في ملك الله

ربنا يبارك في حضرتك
لكن حصرتك مقلتش رأيك في البوست

د. ياسر عمر عبد الفتاح يقول...

قهوة بالفانيليا - شيماء علي


والخاصة كمان والله

د. ياسر عمر عبد الفتاح يقول...

السُـلطانة

الشكر لله يا أختي

د. ياسر عمر عبد الفتاح يقول...

esraa

شكراً لتأييدك
فعلاً طلباتنا معتدلة ومقبولة جداً

د. ياسر عمر عبد الفتاح يقول...

رحــــيـل

مش كلهم طبعاً وحشين
لكن فيه منهم بيبقى سمج جداً

شكراً لتفاعل حضرتك

د. ياسر عمر عبد الفتاح يقول...

سلسبيل

الشكر لله
جزاكِ الله خيراً

د. ياسر عمر عبد الفتاح يقول...

طهر فؤادك

وإياكِ يا أختي

جزاكِ الله خيراً

د. ياسر عمر عبد الفتاح يقول...

TIMMY !!

يعني تبقى أنف وأذن وحنجرة؟
والله ممكن

وبيقولوا إنهم كلهم سالكين على بعض


على هامش تاني خالص
انت أكثر يا هندزة

د. ياسر عمر عبد الفتاح يقول...

z!zOoOo

ياريتهم كلهم زيك
مكناش عملنا جمعيات


انت أكثر يا باشا
إن شاء الله مش هغيب تاني

د. ياسر عمر عبد الفتاح يقول...

فكرة من الزمن ده

نعمل ,,
بس طبعاً هبقى أنا الزعييييييييم

د. ياسر عمر عبد الفتاح يقول...

Timo..

ربنا يكرمك
الكيلو 86 علشان فيه هناك ضلاية يقعدوا فيها براحتهم ,, متدقيش أوي

كده الصرخات كثرت أوي
يارب بقى يحسوا

shereen hamdy يقول...

حلوة اوى فكرة جمعية حماية حقوق الآناف دى بس ياريت بقى يكون ليها شعار قوى زى مثلا....اترك انفى من فضلك او...انا انفى دليلى مثلا.لكن المشكلة اللى ممكن تقابل حضرتك بقى هو رد فعل المدخنين وخاصة اصحاب السيجارة البنى.اللى هيقولك ياعم انف ايه اللى انت جاى تقول عليه.او ياسيدى ما الجو مليان تلوث اهو ولاهيه جات ع السيجارة الصغتوتة بتعتى.وبرغم سزاجته واحيانا غباوته ماتعرفش ترد عليه مهو فعلا الجو مليان ملوثات وخصوصا بقى لوكانت مواصلات رايح جاى فيها كل يوم حاول تجرب كده اسبوع واحد بس هتتعود وتجيلك تناحة وتاخد مناعة وتفقد حاسة الشم تماما واحتمال تدخن انتى كمان محاولة منك لاخفاء تلك الروايح بريحة السجاير اللطيفة جدا.... طبعا ده كل كان من باب الهزار هى فعلا مشكلة كبيرة جدا ويارب حضرتك تقدر تحل حاجة فيها وانا طبعا معاك يازعيم.