ومضــــــات
وعلى طريقة ممدوح فرج
معانا وممممضاااااااااااااااااااااااات
هيه بقلك إنت
تعالوا
نششششوفوها مع بعض
*علمنا التاريخ
أن العظماء هم من يستخرجون
الحياة من رحم الموت.
*حين يصبح الموت والحياة وجهان
لعملة واحدة
يكون الموت هو الصورة
الأكمل للحياة.
*قمةاليأس أن تعيش لتموت
وقمةالأمل أن تموت فتعيش.
*لا يعرف الإنسان قيمة الشىء
إلا حينما يحصل عليه بعد مجهود
أو حينما يُسلب منة.
*لا يشيخ الإنسان حقاً إلا حينما يريد
لذا فلا تستعجب إذا رأيت شاباً شاخ
فى ريعان أزمانه.
*الخلاف فى الرأى قد يفسد للود قضية
خاصة لو طال المسائل العقائدية المسلم بها
أما الخلاف فى الود فهو الذى لا يجب أن يفسد للرأى قضية.
*ابن الوز عوام دائماً
أما بعيداً عن عالم البط
فإن ابن الوز غالباً ما يغرق فى شبر مية.
*عصفور فى اليد خير من عشرة على الشجرة
حكمة بلهاء خرقاء
لأنه لا مانع من الإحكام على عصفور اليد
واصطياد بعض العصافير من على الشجرة أيضاً.
بقلمى المتواضع
هناك 42 تعليقًا:
ازيك يا دكتور ياسر
تحياتى
فى حياتنا امثال كثيره غلط وفى حاجه الى الغائها اوتعديلها وعلى الرغم من تعريف الامثال انها ما ثبتت صلاحيتها فى خبرة وضمير المجتمع .. فكون هذه الامثال الخطأ ثابته فهذا يعنى ان هناك شيئ ما خطأ فى خبرة وضميبر المجتمع .. فمثلا عصفور فى اليد ...... هذا المثل تعلمناه لنرضى بما قسم الله لنا على الرغم من ان الله سبحانه وتعالى قد يكون قد قسم لنا اكثر من هذا العصفور ولكنه الخنوع والذل والرضاء وعدم الطموح .. وقس على ذلك امثال كثيره خطأ ومجتمعنا فى حاجة الى تعديلها .. ولكن علينا تعديل ثقافة المجتمع اولا حتى يتم تعديل هذه الامثال .. المهم ثقافة المجتمع
تحياتى
السلام عليكم
د/ياسر شرفت بالزيارة والتعليق أما عن الأمثال الشعبية
فقد ورثناها أباً عن جداً ولكن لى ملاحظة فى المثل القائل الخلاف فى الود قد يفسد فى الود قضبةوأنا أقول أن كثيرامن الخلاق للرأى قد يفسد للود قضية لأننا لا نملك ثقافة الحوار
دمت بكل الو
جميله جدا جدا الومضات دي
كلمات جميله جدا جدا
وعجبني بشكل خاص
*عصفور فى اليد خير من عشرة على الشجرة
حكمة بلهاء خرقاء
لأنه لا مانع من الإحكام على عصفور اليد
واصطياد بعض العصافير من على الشجرة أيضاً.
وعجبوني كلهم طبعا
وعلى فكره انا مبحبش ممدوح فرج ده خالص
لكن ده ميمنعش اني بتفرج على برنامجه
شوفت التناقض
تحياتي
جميله جدا المقتطفات المذكوره في البوست
جميله جدا و عميقه جدا
يا مرحباً بالسويفييين
اول زيارة لمدونتك يا دكترة
وإن شاء الله ليست الاخيرة
خصوصا أني بعز السويفيين جدا
ههههههه إيه بس يا ياسر الحاجات الجامدة دي ,
أنا هقول لك الحاجات اللي علقت معايا بس , لأني لو قعدت أعلق على كل واحدة مش هنخلص :) ,
نبدأ :
----------
*قمةاليأس أن تعيش لتموت
وقمةالأمل أن تموت فتعيش.
---------
كنت فعلا عايش علشان أموت , جربت أموت و عشت , لكن لسه ناقص الأمل
---------
*لا يشيخ الإنسان حقاً إلا حينما يريد
لذا فلا تستعجب إذا رأيت شاباً شاخ
فى ريعان أزمانه.
--------------
حد بينادي ؟؟
----------
*الخلاف فى الرأى قد يفسد للود قضية
خاصة لو طال المسائل العقائدية المسلم بها
أما الخلاف فى الود فهو الذى لا يجب أن يفسد للرأى قضية.
-----------
أيوة أيوة الله يخليك ,
قل لهم إلا الدين
--------
*ابن الوز عوام دائماً
أما بعيداً عن عالم البط
فإن ابن الوز غالباً ما يغرق فى شبر مية.
--------
دي تنطبق على المعيدين من أبناء الدكاترة اللي عندكم ,, صح ؟؟ :) :)
و ربنا يخليك و تومض لنا كمان و كمان :)
هايل والله يادكتور
بوست أكثر من رائع
ربنا يكرمك وبالتوفيق دايما
.
هى مش بلهاء خرقاء اوى يعنى
متنساش انك لو أحكمت ايدك على العصفور تقتله
ولو حاولت تحافظ عليه وعلى حياته صعب تقدر تركز عشان تصتاد غيرة من على الشجرة
تقبل زيارتى
.
علمنا التاريخ
أن العظماء هم من يستخرجون
الحياة من رحم الموت.
........
قمةاليأس أن تعيش لتموت
وقمةالأمل أن تموت فتعيش.
........
عجبتني أوي الومضات دي يا دكتور ياسر
ربنا يوفقك ويكرمك
عاوزين كماااااان :)
كلامك حكم يا دكتور
وان كان لايمنع اني ممكن أختلف معاك في حتتين
ومضات جميله
تحوي كثيرا من حكمه
تقبل مروري:)
fashkool
ازيك يا عمنا
أول رد .. ربنا يكرمك على تشجيع صغار المدونين أمثالى
أما بالنسبة لتغير المجتمع فده محتاج جيل بحالة
نغير الأمثال اسهل
اللؤلؤة
عندك حق محتاجين نغير كثير من صفاتنا
ونكتسب ثقافات كثير وأخلاق أكثر
مرورك أسعدنى كثير حقيقى
مذكرات مشاغب
يا عم طيب الحمد لله إنها عجبتك
ده شرف كبير يعنى
أما ممدوح بيه فرج .. فمطنش إن فيه حد بيحبه أساساً
أما التناقض فأنا مشفتهوش ... أنا عشته
ساعات بتفرج عليه :)
ذو النون المصري يقول...
الجميل حضورك المتميز وتعليقك الرائع
دمت بود مع تمنياتى بدوام التواصل
القلم السكندري
يا مراحب بأهل الإسكندرية كلهم
وتشرفنا فى أو وقت .. مدوتتك يعنى
TIMMY
حليب قلبى يا عم تيمى يا متخفى
شفت بقى أنا حاسس بيك ازاى
كل حاجة كتبتها طلعت ماشية معاك فل
--
أيوة أيوة الله يخليك ,
قل لهم إلا الدين
--
والله بقلهم كثير بس مبيسمعوش كلامى
طيب ما تقلهم انت كده
mohamed ghalia
يا عم ده بعض ما عندكم
إحنا بنتعلم منكم
صفـــــاء
رأيك مقبول .. بس برضه فيه نقطة منتصف
ولو نعرفناش نركز علشان نصطاد تانى
يبقى يكفينا شرف المحاولة
وبرضه مخسرناش حاجة .. لأننا هنأمن العصفور
سمو الامير
سمو الأمير نفسه ..
طيب ما تشفلنا معاك صرة من الدنانير كده ولا حاجة؟؟
ولو عاوز تانى تبقى عدى كده وإن شاء الله دائماً فيه جديد
شرفت ونورت المدونة وصاحبها يا سمو الأمير باشا
ابن الإخوان والأزهر
ابن الإخوان والأزهر
(يا نهار اثود ده انت اسمك فيه 6 اشهر ..
بهزر معاك طبعاً)
الإختلاف سنة الحياة
ولازم يبقى فيه اختلاف
بس كنت قلتلنا عليهم ..
طبعاً شرفتنا .. مش محتاجة كلام يعنى
اقصوصه
أهلاً بأخل الإمارات
يعنى الناس اللى بتحب مصر بجد
يعنى البلد اللى إن شاء الله هزورها..
طبعاً بعد ما أتخرج .. ويدينا طولة العمر
ربنا يكرمك على التعليق والمرور
والحمد لها إنها عجبتك
بوست جميل
تحياتي لحضرتك لقلمك
وشرفت بزيارتك ليا
ياسر حلوة ومضاتك ...وشرفتنا كتير زيارتك .... واسعدتنا تعليقاتك
قريب قوى هرد بومضات تشبه ومضاتك
ايه رايك فى الفكرة دى انت تكتب ومضات وانا ارد عليها بومضات
سلام الله عليكم ورحمته وبركاته
بارك الله فيك اخي الكريم علي هذه الومضات المضيئة واعجبتني كثيرا هذه الحكمة
"الخلاف فى الرأى قد يفسد للود قضية
خاصة لو طال المسائل العقائدية المسلم بها
أما الخلاف فى الود فهو الذى لا يجب أن يفسد للرأى قضية"
نعم هنا يفسد للود قضية طالما طال المسائل العقائدية لان كل انسان جزء اساسي من تكوينه عقيدته وهي ماضية وحاضرة ومستقبله لذا فهذا الجزء هو الاكثر حساسية في النفس البشرية
دائما تثرينا وتمتعنا يادكتور
جزاكم الله كل خير
لا يعرف الإنسان قيمة الشىء
إلا حينما يحصل عليه بعد مجهود
أو حينما يُسلب منه
جميلة قوي قوي دي
وبالنوسبة للعصفورة اللي يمسكها كويس ويحاول يجيبله اتنين تلاتة معاها .. فعلا هي دي الحكم يا باشا ههههههههههههههههههه
تحياتي
كلامك جميل بجد يا دكتور
وعجبنى اوى عالم البط اللى احنا عايشين فيه
كله بيعرف يعوم طالما ابوه عويم
وشكرا لزيارتك للمدونه المتواضعه بتاعتى
وان شاء الله مدونتك هتكون معانا فى المدونهالتانيه بتاعتى علشان نتابع كتاباتك اول باول
بعيدا عن اسلوب ممدوح فرج فالومضات حقا رائعة
وواقعية لحد كبير
صبرني يارب
الشرف لينا يا فندم
بس خلاص ...
ده شرف كبير إن حضرتك تردى على ومضاتى بومضات
مستنيها أكيد إن شاء الله
الفاتح الجعفري
مرور حضرتك شرف كبير
والحمد لله إن كلماتى المتواضعة أثارت إعجابك
مع تمنياتى بدوام التواصل دايماً
ستيته حسب الله الحمش
ربنا يكرمك يا دكتورة
كويس إنها عجبتك
يارب دايماً اشوفك عندى فى المدونة
وسلامى للدكتور حسب الله .. الحمش
د/عرفه
الأجمل مرورك يا أخى
ويارب بوستاتى تكون دايماً عند حسن ظنك
موناليزا
ماله بس ممدوح فرج :)
مش عاوزين نغتاب الراجل أكثر من كده ;)
جزاكم الله خيراً على المرور والتعليق
اتفق معك في هذه الومضات خاصةومضة عصفور في اليد
تحياتي لك يا اخي
*قمةاليأس أن تعيش لتموت
وقمةالأمل أن تموت فتعيش.
تمام اووي بجد
ومضات...ومضات الومضه بتخاطب العين
نحن في حاجه لمخاطبه العقل...
الومضه بتزيل ظلام الليل .
ونحن نستخدم حاسه الشم ...
خش المعمل كده يادكتره شوف لنا نشادرولاأي حاجه كده!!
اوففففففف على الكلام حسيت انك بتكتب حكم بجد
وكل كلمة من الكلام اللى حضرتك كتبته متوجها لكل حد من اللى انا اعرفهم
حسيت انك كتبها عايمة عشان كل واحد ياخد الكلام على الحالة اللى بيعيش فيها
تحياتى ولك ولبوستك الرائع
سلام
مصطفي ريان
منور كالعادة يا درش
شرفتنا
dr.lecter
ربنا يخليك يا دكترة
المدونة نورت
هــو..مش ..نـو
لا بقى
ومضاتنا فول أوبشم
بتشتغل على جميع أنواع الحواس
نظر تلاقى .. سمع موجود .. شم مفيش مانع
تذوق ولا البسبوسة
وعامة لو عاوز نشادر .. موجود برضه
تعالى إنت بس ومتشغلش بالك
نورت بهوهوتك هنا يا باشا
Hossam
أخجلت تواضعنا يا حسام
ده بس من ذوقك
بعض ما عندكم
شرفتنا ونورتنا ... ويارب متبقاش أخر زيارة
السلام عليكم
الومضات جميلة جدا
وكلام كله زى الفل
بس يعنى لازم تعكنن علينا بممدوح فرج ؟؟
طب مش مكمل تعليق هه
سلام
السلام عليكم
جزاك الله خيرا
ومضات جميله بالفعل
وفيها من الحكمه الكثير
بوركتم
غربتي
السلام عليكم ورحمه الله،،
الموضوع جميل اووي
و اكتر جمله عجبتني
ـــــــــ
لا يعرف الإنسان قيمة الشىء
إلا حينما يحصل عليه بعد مجهود
أو حينما يُسلب منة.
ـــــــــــــ
فعلا دي حقيقه لكن الكثير مننا لا يعيها
ربنا يكرمك يا دكتور
المعتصم
شرفتنا ونورتنا
وبعدين ماله ممدوح فرج بس؟؟
هههههههه
ghorBty
سعيد جداً إن البوست عجبك
مرورك فى حد ذاته شرف كبير
ويارب ميبقاش أخر مرور
:: Salma Emad ::
جزكِ الله خيراً على المجاملة دى
وربنا يكرمك
شركاً على المرور
إرسال تعليق