04 مارس، 2009

فوائد طوابير العيش

الأسباب الجوهرية والفوائد المجنية من طوابير العيش المصرية

أصدرت وزارة التموين نشرة عاجلة رداً على الهجوم المعلن فى وسائل الإعلام المتعددة على ظاهرة إنتشار طوابير العيش بشدة فى جميع قرى ومحافظات مصر.
وقد أوضحت الوزارة فى نشرتها أسباب تطبيق تلك السياسة والفوائد والأهداف المرجوة منها.
وقد جاء البيان وافياً ومقنعاً ومنظماً فى عدة نقاط ومنها:

1-تعمل تلك الطوابير على إرساء جو من الألفة والمحبة بين أعضاء الطابور الواحد نظراً لقضائهم فترات طويلة من حياتهم معاً فى مكان واحد وفى تماسك وتلاصق شديدين.
2-تعمل على خلق روح الفريق حيث تتمثل جميع معانى التكاتف المعنوى والمادى بين مرتادى الطوابير فى إتجاه هدف سامى واحد ألا وهو الحصول على (بجنيه عيش).
3-تربية نشأ قادر على مواجهة تحديات الحياة ومجابهة مخاطر المستقبل المجهول بإصرار وعزيمة حتى يحقق هدفه (بجنيه عيش).
4_تمرين عضلات السمانة والفخذين وعضلات الظهر ومفاصل الركب وغيرها أثناء الوقوف لفترات طويلة من أجل(بجنيه عيش).
5_إنقاذ مجموعة نادرة من الأسماك كانت على وشك الإنقراض نتيجة إستهدافها المتكرر من هواة الصيد بغرض تعلم الصبر ,حيث وفرت لهم تلك الطوابير طريقة أفضل ووقت أطول لتعلم الصبر.
6-التخلص من الوزن الزائد عن طريق ممارسة مجهود عضلى شديد خلال عملية شراء(بجنيه عيش) خاصةً مع إرتفاع درجة حرارة الفرن من الداخل وسقوط أشعة الشمس الحارقة عليهم من أعلى لتوفر مناخ اشبه بساونا طبيعية تساعد من حرق المزيد من السعرات الحرارية الضارة بالجسم.
7-كما أوضح البيان أن التعرض لأشعة الشمس لفترات طويلة أثناء شراء(بجنيه عيش) يزيد من صلابة العظام ويقلل من فرص الإصابة بالأمراض كما أثبتت أخر الأبحاث العلمية.
8-تقضى على البطالة بعدة طرق ومنها:
أ.يضطر صاحب المخبز الى توظيف عمالة أكثر من الجنسين لتنظيم الطوابير والعمل على عدم إختلالها.
ب.لن يحتاج أى فرد من أفراد المجتمع الى العمل فترة ثانية لأنه سيكون منشغلاً فى شراء(بجنيه عيش).
ج.توفر فرص عمر فى المنطقة المحيطة بالمخبز لتوفير إحتياجات مرتادى الطابور من لب وفول سودانى للتسلية أثناء إنتظار الحصول على(بجنيه عيش).
9-محاربة الإجرام وتخفيض نسبة الخروج على القانون حيث يمضى العاطلون أوقاتهم فى الطوابير ولن يجدوا وقتاً لشرب الممنوعات أو الجلوس على المقاهى وإحتلال النواصى.
10_إرساء ثقافة الإلتزام بالمواعيد والحضور المبكر حيث يسعى الجميع الى الحضور مبكراً-بعد الفجر- مع إنارة شعلة الفرن الأولى لكى يستطيعوا أن يستفيدوا(بجنيه عيش) فى وجبة العشاء.
11-إزالة الفوارق بين الطبقات حيث يشمل الطابور الواحد فئات الشعب المختلفة فى ترابط مثمر.
12-تمثل فرصة ذهبية للحصول على فترة سلام نفسى وعصبى لكل شخص ليراجع فيها أهدافه وخططه المستقبلية وتقييم أوضاعه الحالية بصفة مستمرة أثناء إنتظار (بجنيه عيش).
13-تقليل نسبة الغياب من المدارس والتسرب من التعليم حيث أن التلميذ يعلم أنه فى حال غيابه لغير سبب مقنع سيكون عليه الذهاب الى المخبز بدلاً عن والده للحصول على(بجنيه عيش).
14-كما أضحت الطوابير المكونة من عدة ألاف من الرجال والنساء للحصول على(بجنيه عيش) مزاراً سياحياً تتوافد عليه الأفواج السياحية ليشاهدوا روعة حياة المصريين, مما يدر دخلاً كبيراً على خزانة الدولة.
15-تمثل فرحة المواطن المصرى كل يوم بإنجاز الحصول على (بجنيه عيش) عاملاً مهماً فى التغلب على الإحباط والفشل الذى يواجهه فى باقى مجالات الحياة.

لهذا تنصح الوزارة بتطبيق سياسة الطوابير طويلة المدى فى جميع أنشطة الدولة العامة والخاصة من أجل مستقبل أفضل لنا ولأولادنا.

هناك 72 تعليقًا:

ستيته حسب الله الحمش يقول...

اظنك نسيت
ان المصريين اصبحوا يقضوا الكثير من المصالح في اثناء الوقوف في الطابور من مصالح اجتماعية "خاطبة" لمصالح مادية "ها أعدي عليك ياعم أحمد تعملي كعب بدل اللي داب بما انك جزماتي" لمصالح ثقافية "كله واقف يفتي في السياسة متقلش الشعب بقى عمرو موسى"

الطوابير ألغائها الآن "بعد الأدمان" سيكون عبىء على وزارة الصحة .. تجيب منين مستشفيات لعلاج المدمنين دول؟

تحياتي ضحكت لما فطست

عابر سبيل يقول...

بسم الله الرحمن الرحيم
السلام عليكم ورحمه الله وبركاته
والله موضوع مهم جدا وانا شخصيا بشوفه كل يوم الصبح وانا رايحه الشغل وبيصعب عليا الناس وصاحب الفرن كمان مش عجبه والناس واقفه واللي يتكلم منهم يوقف العيش حاجه يعني اخر ذل ربنا يرحمناواصلا الطوابير ديه في حاجه في حيانت مش العيش بس ده حتي في مرة كنت في مكان في القاهرة والمفروض اركب الميكروباص علشان اروح لقيتهم عاملين طابور وبيقولوا ركوب الميكروباص بالطابور ضحكت وقالت احنا بقينا بلد طوابير كل حاجه بالطوابر وكمان فكرت ندخل موسوعه جينس للارقام القياسيه في الطوابير واكيد هنحطم الارقام القياسيه
بس والله في فوائد كتتتتتير اوووووووووووي للطابور حضرتك قولتها الواحد مكنش واخد باله منها ربنا يكرمك
بس كمان في حاجه احنا بقينا والحمد لله عندنا فهم كامل للوضع حوالينا بس المفروض نفكر هنخرج منه ازاي وايه الحل بما اننا فهمنا المشكله واسبابها كويس اوووووي
وجزاك الله خيرا علي الموضوع وعلي طرحه بهذا الاسلوب الجديد والسهل
عابر سبيل

salma mohamed يقول...

بجد جميييييييل جدا,
اسلوب هايل في الكتابة,
ودي فايده كمان لطوابير العيش انها بتخرج المواهب المكبوته(:
سلمت يمناك.

خديجة عبدالله يقول...

:) جزاك الله خيرا يا فندم ده منشووور مهم جدا يلزمه التعميم عشان الفايدى تعم بالمثل لكل من يؤمنون بنظرية المؤامرة ومش عاجبهم البلد وكده :)

أضحك الله سنك فكرتنى حضرتك ببيت شعر كتبته وطبعا الاخوة والاخوات المدونين شجعونى جدا زى ما حضرتك عارف الطبع :(
المهم البيت هو : يا عينى عليك يا شعب وانت علطول منداس ده انت حتى ولا حصلت المداس
المهم قالولى ده بيت مهدوم بس انا طبعا لم أهتز وكتبت تانى :)

عذرا للاطالة ودمت بخير

إيمان يقول...

ههههههههههههه
بجد شكرا جدا جدا على نقل هذه المعلومات
لعقل الشعب المضلم اللى مش عارف مصلحته
وبيعترض عمال على بطال
تسلم أيدك ومتشكرين على النصيحه
لما أقوم أدور فى الدليل على أقرب فرن حكومى لبيتنا
وبالمره نستفيد بالتمشيه الصباحيه
فى الهواء الطلق
تقبل مرورى الدائم

fnoonh يقول...

جميل بجد جميل موضوع مهم جدا يا دكتور ياسر
تسلم ايدك
دا دي ازمة كبيرة جدا ولازم نهتم بيها جدا
بس يارب ازيد حاجة
يتقسم الطابور اتنين قسم نساء وقسم رجال
عشان ربنا ييسرها ههههههههههههههههههه
عموما ربنا يجزيك خير وبالتوفيق اكتر واكتر واكتر

تقبل خالص تحياتي

mohamed ghalia يقول...

ههههههههههههههههههه
حلوة قوى سياسة الطوابير طويلة المدى
دمت بكل الود
سلم لك قلمك

حسام غانم يقول...

هههههههههههههههههههه

جامد جدا

أحييك

الفاتح الجعفري يقول...

سلام الله عليكم ورحمته وبركاته
حفظك الله اخي الكريم
ياسلام كل ده في طوابير العيش ربنا يخليهم لينا
وبدل ما الواحد يضيع وقته في الرياضة ينزل يقف في طابور العيش 7 او 8 ساعات يمرن جسمه شوية ,
انت عارف اخي لو حسبت الوقت اللي بيضيع في شراء الاكل والعيش خصوصا والمواصلات والنوم ,هتعرف ليه حال امتنا وصل لهذه الدرجة ممكن ناس تضيع اعهمارهم بالكامل من غير اي فائدة او بدون هدف ,ومن الاسباب مثل هذه الاشياء
---
عامة وفي الطوابير فوائد
:)
حفظك الله من كل سوء
وجزاكم الله كل خير

iBRAHiM sAllAm يقول...

دعنا نأخذ الموضوع من وجهة نظر " مخبر " :) ,

الطوابير هي اجتماع لأكثر من 5 أفراد لفترات طويلة ,
قد يتعرضوا فيه للحديث عن السياسة و الاقتصاد و غيرها من المواضيع التي " لا يجوز " لهم الخوض فيها - مواضيع أسيادهم - مما قد يسبب العبث بالأمن العام , و الخاص فقد " تشعشع " العملية في دماغ البعض و يعمل مظاهرة " ضد التأخير " أو اعتصام من أجل " بجنيه عيش " , و غيرها ...

و أنا من موضعي هذا لا أطالب بإلغاء طوابير العيش ,
و لكن عمل طوابير عيش private ما حدش يكلم التاني ,
أو يوقفوا عليهم واحد يمنعهم من الكلام و يبقى زي رئيس الفصل كده يعملوا " رئيس الطابور " ..

معلش طولت عليك ,
بس قلت " أستخف دمي " شوية :)

Sweet Violet يقول...

هههههههههههههههههههههههههههه

شوفت اتارى الحكومة فعلا عايزة مصلحه الشعب و الشعب مش عارف

طول عمرى اقول على شعب مصر انه شعب ظالم صحيح و الحكومه دايما بتدور على مصلحه الشعب

امتى بقى نكبر و نفهم ده مش عارفه ... الله يكون فى عون الحكومه هتلاقيها من مين ولا من مين ((:

صفـــــاء يقول...

.
دة انت ضحكتنى بحوالى 2 جنيه عيش
وبعد الاسهاب فى المنشور دة مبقاش فيه فوائد تانيه للطوابير نقدر نكتشفها
البيان بتاعك قال كل حاجه
وياريت لو تعممه وتوزع منه نسخ علينا عشان نتعظ ونعرف ان الله حق
.

نبض الحياة يقول...

مشكوووووووووووووور جدا
كل دى فوايد ناس صحيح مش عارفة مصلحتها فين الناس من اى حاجة بتشتكى وخلاص وسايبين المشاكل التانية ماهم فاضيين بقى ومشاكلهم اتحلت خلاص ومفاضلش الا طوابير العيش .

أحمد عمر يقول...

السلام عليكم و رحمة الله و بركاته :

أهلا أخى :

ف اعتقادى ان مقالتكم جائت متأخره سنه او ما يقرب فطابور العيش للاسف انتهى عصره و لم نعد نشهده الا ما ندر ليحل بدلا منها اشتراكات الجمعيات و اللى برضه عملت "اكشاك" كبديل عن" المخابز" ليحل طابور"الكشك" بدلا من طابور" المخابز" و لا شك ف انه بحقق نفس الفوايد و ان كان اقرب للمواطن من قبل >_<


ع ما بها من سخريه ع ما بها من آسى


تقبلى وقوفى المتواضع ع مدونتك القيمه :-)

بس خلاص ... يقول...

ايه الجمال ده
تصدق خليتنى هقوم دلوقتى حالا اقف فى الطابور وهرفض انى امشى نوهائيا علشان استفيد بكل هذه المقومات الحقيقية للسعادة الابديه
شفت بقا الدولة بتحبنا ازاى واحنا اللى كنا مش فاهمين حاجة
بس فى نقطة اختلف معاك فيها وهى إزالة الفوارق بين الطبقات لان فى طبقات ماببتعاملش مع عيش الطوابير اصلا ....وطبعا هما اللى خسرانين مش هيستفيدوا من الحاجات دى كلها
والله فعلا معاك حك طابور العيش بيربينا ويعلمنا الادب

الازهرى يقول...

انا معترض
لانى لوحدى ممكن اكل بجنيه عيش فى اليوم
يعنى بيتنا يحتاج على الاقل بجنيه ونص
يا جماعة انا كده هاتظلم
شوفو لى حل

ebn roshd 777 يقول...

الغريب ان فيه ناس بتنتقد الحكومه وبتشنع عليها
باكاذيب وافتراءات وبتقول ان فيه ناس بتموت في الطوابير
بس صراحه انت عرفتنا اد ايه كنا ظالمين الحكومه
يا ريت تتوسط بننا وبينهم علشان يقبلوا اعتذارنا
نورتني واشكرك كثيرا

يــوم جــديد يقول...

والله حضرتك فتحت نفسنا على الطوابير بعد ما عرفنا فوائدها الجمة
العلم نور والله يا ولاد
طول عمر الحكومة تقول احنا بنعمل لمصلحة المواطن والمواطن الوحش مكانش فاهم لازم دور تنويري زي حضرتك كده يفهمه بتعمل لمصلحته ازاي

د. ياسر عمر عبد الفتاح يقول...

ستيته حسب الله الحمش

أنا منستش ولا حاجة
كله فى البيان
بس ده حتة منه بس
وبعدين هيه الحكومة بتنسى؟؟

شرفتينا يا خالة

د. ياسر عمر عبد الفتاح يقول...

عابر سبيل

ربنا يكرمك
احنا مش لازم نبص لنص الكوز الفاضى
وبعدين لما شفت الفوايد وجهت نظرك اتغيرت

شرفتنا

د. ياسر عمر عبد الفتاح يقول...

salma mohamed

ربنا يكرمك
شكراً على المجاملة الجميلة دى

د. ياسر عمر عبد الفتاح يقول...

خديجة عبدالله

شفتى بقى إننا كنا وحشين
ربنا يخليهم لينا دياماً

يا عينى عليك يا شعب وانت علطول منداس ده انت حتى ولا حصلت المداس

مش مهدوم ولا حاجة
هوه صحيح أوضتين ودورة مية لكن بيت يعنى

د. ياسر عمر عبد الفتاح يقول...

إيمان

شفتى بقى كنا ظالمينهم ازاى
كلنا لازم نستفيد من الطوابير
أنا شخصياً هعمل جدول نزول للطوابير
يعنى بفكر أروح سبت واتنين واربع

شكراً على المرور

د. ياسر عمر عبد الفتاح يقول...

fnoonh

ربنا يجازينا كلنا خير
شكراً على مرورك وإضافتك

د. ياسر عمر عبد الفتاح يقول...

mohamed ghalia

ربنا يكرمك يا محمد يات مشجع الغلابة
تسلملنا انت ياعم

د. ياسر عمر عبد الفتاح يقول...

حسام غانم

ده بعض ما عندكم
شكراً يا حسام بيه

د. ياسر عمر عبد الفتاح يقول...

الفاتح الجعفري

شفت بقى مهمة قد ايه؟؟
ولا كنا واخدين بالنا من النعمة اللى احنا فيها
ربنا يصلح حالنا جميعاً

د. ياسر عمر عبد الفتاح يقول...

iBRAHiM sAllAm

وجة نظر المخبر ؟؟
مش معنى المخبر
على أساس إنكم انتم الإثنين متخفيين
ماشى يا عم هيما يا متخفى

د. ياسر عمر عبد الفتاح يقول...

Sweet Violet

الله يكون فى عونهم فعلاً
إحنا اللى مش عارفين مصلحتنا

د. ياسر عمر عبد الفتاح يقول...

صفـــــاء

كده اتنين جنيه عيش ونص جنيه بيك رولز
جمايلى كترت
يلا مش مهم ..

د. ياسر عمر عبد الفتاح يقول...

نبض الحياة

هههههههههه
شكراً على المرور والتعليق

د. ياسر عمر عبد الفتاح يقول...

أحمد عمر

أهى كلها طوابير يا أبو حميد
اسمك على اسم أخويا (أحمد عمر)
قلت فى الأول أخويا بيشتغلنى
بس هوه ميعرفش يكتب كلمتين زى دول

د. ياسر عمر عبد الفتاح يقول...

بس خلاص ...

الطوابير طلعت مفيدة واحنا مش عارفين
بس تختلفى معايا ليه؟
هوه انا اللى عملت البيان
اختلفى مع الوزارة بقى .. مليش دعوة

د. ياسر عمر عبد الفتاح يقول...

الازهرى

بجنيه عيش لوحدك ...!!
خلاص هكلمهوملك يدوك ب 2 جنيه عيش
شرفتنا يا أزهرى

د. ياسر عمر عبد الفتاح يقول...

ebn roshd 777

يبقى لازم نتعذرلهم
الغلطان لازم يعتذر
ابعتلهم جواب يا بن رشد شيد فيه بخططهم

د. ياسر عمر عبد الفتاح يقول...

يــوم جــديد

الحمد لله إنى قدرت أغير المفاهيم الغلط اللى كانت عند الناس
الطوابير دى المفروض تبقى واجب وطنى للشعب كله

شكراً على المرور والتعليق

ياسر سليم يقول...

بسم الله ماشاء الله

انت لو بقيت عضو فى الحزب

سنتين تلاته وتلقيها لعبت معاك وتبقى رئيس التبرير الشعبى لفساد الحكومة

اللؤلؤة يقول...

السلام عليكم
د/ ياسر والله العظيم أنا صدقت فى الأول لأنى لأ أستبعد أى شىء على حكومتنا السنية ولكن أسلوبك الساخر أسلوب جميل وبعدين أنا قررت تعيينك مكان أحمد رجب فى جريدة الأخبار
تقبل تحياتى

د.توكل مسعود يقول...

السلام عليكم ورحمة الله وبركاته...وبعد

فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا

والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،

فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط }ض{SHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط } ش{SHIFT+

هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى

وتقبلوا شكرى وتحياتى

fashkool يقول...

السلام عليكم يا دكتور
ما تنساش ان من فوائد طوابير العيش بيعلمنا الذل وبيعلما الخنوع .
اصل مطلوب مننا نقف فى طوابير العيش كل يوم ساعتين تلاته عشان نروح ننام وما نحسش بالدنيا.
وبعدين احنا بقينا شعب مطوبر
كل حاجه عندنا بالطابور
وتلاقى ناس بتستعبط وبيدخلوا من بره الطابور
وكلهم عربجيه وناس اونطه خالص وبيلاقوا نفسهم انهم يوروا الناس انهم بيعرفوا ما يقفوش فى الطابور
اذا رأيت طابورا فيدل هذا على فقر وتخلف البلد
تحياتى

د. ياسر عمر عبد الفتاح يقول...

ياسر سليم

طيب ما تشفلنا سكة كده تدخلنا
وتبقى عملت فى أخوك خدمة العمر

د. ياسر عمر عبد الفتاح يقول...

اللؤلؤة

خلاص يا ياسر متشفش سكة
أنا هروح الأخبار
طيب وأنا كده يطلعلى كام فى الشهر؟؟
أكيد هعدى 350 جنيه مستريح
والله وهتلعب معاك يا واد يا ياسر

د. ياسر عمر عبد الفتاح يقول...

د.توكل مسعود

جزاكم الله خيراً يا دوك على التنبيه
مع إنى عارف الموضوع ده بس ساعات بكتبها بالياء علشان بعض الناس اللى مش عارفة بتزعل وتفتكر إنى بتعمد أناديهم بالمذكر

بس إحم
هوه بالنسبة للبوست
مفيش أى تعليق عليه خالص؟؟

د. ياسر عمر عبد الفتاح يقول...

fashkool

والله عندك حق يا عمنا
بس دى مش فوايد .. دى مصايب
تسلم يا عمنا على المرور والتعليق

مذكرات مشاغب يقول...

هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
هههههههههههههههههههههههههههههههههه
موضوع شدييييييييييييييييييييد جدا
وانا من هذا المزنق باطالب بتعميم تجربة طوابير العيش على جميع اجزاء حياتنا بعد ما اثبت بالدليل القاطع اقايده الرهيبه بتاعته

تحياتي

وحـــــــــــى القلم يقول...

:-))
هههههههههههههه
حضرتك واضع الكتب المدرسيه لوزارة التربيه والتعليم ولا إيه ؟

ست البنات يقول...

السلام عليكم
ملاحظات جديرة بالتفكر :)
بصراحة هم يبكي وهم يضحك
أول زيارة ومدونة راقية هادفة
إلى الأمام

هذه حياتي يقول...

السلام عليكم ورحمة الله وبركاته
د ياسر
مالها الطوابير يا سي الدكتور

ربنا يهديك يا شيخ يعني البلد بتحاول تقرب ما بينكم توجد لكم مكان تتعرفوا فيه علشان التودد واالرحمة آه منكم شعب غريب وعجبي

mostafa rayan يقول...

وهكذا ايها السادة يتضح لنا مدي حب الحكومة المباركة الرشيدة للشعب اذ انها تمنح المواطنين كل هذه الفوائد من خلال شيء واحدقط هو الحصول على بجنيه عيش
ولذلك فمن هذا المكان اتوجه للحكومة الرشيدة باسمي ايات الشكر والامتنان
مصطفي ريان
مواطن اتعلمخبرات كتيرة في الحياة من خلال الوقوف في الطابورمن اجل بجنيه عيش

ghorBty يقول...

السلام عليكم

ما شاء الله بجد تفسير بليغ جدااااااا

فعلا

من قلب المحنه تأتي المنحه واحنا الحمد لله جالنا منح كتير وفوائد أكتر

ربنا يجزيك خير الجزاء هوونت علي ناس كتير

ياريت نطبع دليل ونسميه دليل طابور العيش

ونكتب الفوائد ديه علشان نقلل الاكتئاب اللي جاي للناس الغلابه ديه

بوركتم

د. ياسر عمر عبد الفتاح يقول...

مذكرات مشاغب

وأنا بأويد طلبك بشدة شديدة شداً .. أقصدى جداً

شكراً على المرور يا باشا

د. ياسر عمر عبد الفتاح يقول...

وحـــــــــــى القلم

لا والله العظيم ما وضعت أى حاجة
بس لما يشوفولى واسطة وأدخل الحزب
منكن أحط .. وماله

جزاكِ الله خيراً على المرور

د. ياسر عمر عبد الفتاح يقول...

ست البنات

الله يكرمك
وإن شاء الله متبقاش أخر مرة وتشرفينا على طول

د. ياسر عمر عبد الفتاح يقول...

هذه حياتي

هوه أنا قلت حاجة على الطوابير
ده أنا حتى بشكر فيها وبطالب بتعميمها

د. ياسر عمر عبد الفتاح يقول...

mostafa rayan

وأدى فايدة جديدة
تعلم خبرات جديدة من الحياة
وياريت يا درش تقلنا كان خبرة كده من اللى اتعلمتهم

علشان الناس تتعظ وتعرف حق ربنا

د. ياسر عمر عبد الفتاح يقول...

ghorBty

تحية كبيرة جداً للكومنت رقم خمسين لأول مرة فى تاريخ المدونة الغلبانة دى

والحمد لله إن الموضوع عجبك
وأنا معاكم فى الدليل
يا سلام .. هوه أنا أطول

موناليزا يقول...

تحيا مصر:)

لقد خلقنا الله احرارا يقول...

لا اله الاالله انا جيت ====مش عارفة الظاهر كان عندى مشكلة انا مش فاهماها==ما كنتش بعرف انشر التعليق دى تالت مرة اكتب الكلام ده ماعلينا=== انا ايام الازمة وقفت فى طابور عيش وطبعا كرهت نفسى من رغى الستات وحكاياتهم التى لاتنتهى عن ادق اسرارهم مع الغرباءوالاهم محاولاتهم المستمرة اثبات النصاحة واستخدام حيل كتير للنصب فى دورهم فى الطابور لكن الرجالة بصراحة اخر نظام ومفيش صوت بيتسمع منهم والمشكلة ظهرت لما عربية الدقيق وصلت وزى العادة العربيات الملاكى كانت مستنياها بره الفرن انا حسيت انى اتخنقت من طول الوقفة وسكوتنا على الظلم والسرقةقوم ايه حرضت الستات على الثورة وطبعا الرجالة كانوا سامعين الكلام وكنت حاسة انى هخرج من الفرن على قصر العروبة يووووووووووووووه قصدى قصرعابدين وبالمرة نطالب بمجلس نواب على النمط الاوربىولما وصلت لاول الطابور رفضت وبقوة انى اخد عيش بجنيه بس وقلت انى من خقى اخد العيش اللى يكفينى طبعا الباشا صاحب الفرن عمل فيها سبع رجالة فى بعض وماحدش هياخد باكتر من جنيه انا توقعت الاقى الناس كلها معايا لكن للاسف ولا واحد نطق مع ان الدقيق كان لسه ماشى قدام عينيهم وسرقته دى بصرف النظر عن انها حرام هى كمان السبب فى وقفتنا وهنا عدت اجر الخيبة وعيطت والله لما رجعت البيت وقلتلهم انا مش هجيب عيش تانى

maryooom يقول...

المحبة والالفة علي اساس انه الناس اللي بتموت بعض من الحب وكمان الوزد الزايد بينقص من حرقة دمهم كل يوم ولا عزاء للحكومة

بحـــر الدموع يقول...

السلام عليكم

وسنظل هكذا يا أخي
فنحن الذين ارتضينا هذا لأنفسنا وشاهدنا الجميع يلعب بدواليب حياتنا ويكسرها أمام مرآى عيوننا
باللـــه المستعان..

بارك الله فيك أخي ودمت بخير..

لا تنسوا اخوانكم في غــزة من دعائكم

||..بحــر الدموع..||

د. ياسر عمر عبد الفتاح يقول...

موناليزا

شوكرن على المرور

د. ياسر عمر عبد الفتاح يقول...

لقد خلقنا الله احرارا

شكلك عانيتى علشان تحطى كومنت
شكراً على الإضافة
وجزاكم الله خيراً على المرور

د. ياسر عمر عبد الفتاح يقول...

maryooom

جزاكِ الله خيراً على المرور والتعليق

د. ياسر عمر عبد الفتاح يقول...

بحـــر الدموع

ربنا ينصر إخواننا فى غزة على أعدائهم

شباك موارب يقول...

فكرتني بقصيده بحبها لشاعري جمال بخيت

مش باقي مني غير شويه ضي في عنيا..انا مش عايزهم لوكنت يوم هالمحك وانت بتوطي
اوواقفه في معركه مافيهاش لاطيارات ولاجيش
وانتي في طابور العيش
بتبوسي ايد الزمن
يناولك لقمه من حقك المشروع


خير خير


تقبل مروري وانتظر مرورك

د. ياسر عمر عبد الفتاح يقول...

شباك موارب

مرورك أسعدنى ونقلك جميل
مع تمنياتى بدوام التواصل

أبو العريف يقول...

ايه دا يا دكتور

والله انت حببتني في طابور العيش
وبعدين لنا لما جيت السعوديه كتبت

ياما نفسي ف يوم اتغدي سجووووووق
وكبده تلوث م اللي ف مصر
واقف ف طابور عيش كده مزنوووووق
م الصبح لغاية بعد العصر

طبعا عشان الفوايد اللي انت قلت عليها

د.توكل مسعود يقول...

السلام عليكم ورحمة الله... وبعد فكل ماقلته صحيح أشق عليك بقراءة موضوع هذين الرابطين

http://belawa6an.blogspot.com/2008/10/2.html

http://belawa6an.blogspot.com/2008/10/2_14.html

د. ياسر عمر عبد الفتاح يقول...

أبو العريف

هههههههههههههههه
جامد جداً على فكرة

د. ياسر عمر عبد الفتاح يقول...

د.توكل مسعود

جزاك الله خيراً يا دكتور على المرور والتعليق
مرورك أسعدنى للغاية
مع تمنياتى بدوام التواصل

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر