مجلة رؤية مصرية
إنهاردة السبت يا جماعة نزل أول عدد من
مجلة رؤية مصرية
دى مجلة إلكترونية ناشئة ..
إحنا كمدونين اللى بنقدمها وبنكتبها
أنا بدعوكم جميعاً لزيارتها والمشاركة فيها ككتاب وكمعليقين ومساندين
أنا شخصياً كان ليا الشرف بنزول موضوعين بقلمى فيها
بنهنى نفسنا بمجلة رؤية مصرية ..
وبنتمنالها التقدم والإزدهار
أى حد عنده إضافة أو موضوع للعدد القادم يبعت على الميل ده
ibrahemaladawy@gmail.com
وهمه بيرحبوا بالجميع
هناك 20 تعليقًا:
سلام عليكم
مع اني مش عارف ايه دة لسة
لكن أنا نازل أصلي دلوقتي و بعدين تفرج
و لو كان ممكن نشارك ابقى بلغنا يا دكتور بعد اذنك
بارك الله فيك
-
أكيد الكل يقدر يشارك يا أخى
أنا عملت تحديث يمكن إنت مشفتهوش لأن وقت الصلاة عندك قبلى بشوية
على العموم فيه إيميل موجود بإسم رئيس التحرير
وهمه بيرحبوا بكل مشاركاتنا
ياريت نشوف الكتاب المتميزين أمثالك هناك
سعيدة انى عرفت مدونتك جدا
ومبروك على كل المدونين المجلة
لانها بجد فكرة ممتازة
المقال بتاعك رائع وساخر جدا
والشعر ممتاز وكلماتك مميزة
ربنا يوفقنا جميعا
تقبل مرورى
بسم الله الرحمن الرحيم
السلام عليكم ورحمة الله وبركاته
ازيك يادكترة
يارب تكون بخير وفى احسن الاحوال دايما
الف مبروك ياعمنا على رؤيه
بس انا مستنى منك حاجه جديده لانى قريت فوايد طوابير العيش قبل كده
ولا احنا هنقضيها قص ولصق ؟؟؟
ههههههههههههههه
ربنا يكرمكم يارب ويوفقكم
تحياتى ودمت بكل خير وود
والسلام عليكم ورحمة الله وبركاته
يا ألف نهار أبيض , يا ألف نهار مبروك :)
أهنيء نفسي بهذه المجلة برضه , رغم إني ماليش في العمل الجماعي :( ,
لكن عسى أن تقدم جديدا
الف مبروك على المجله دكتره
وان شاء الله هتكلم عن مدونتك وعن المجله فى الدعايا
بس يا عم سجل مدونتنا عندك بقى فى المجله
هههههههههههههه
وربنا يباركلك فيها وتكون منبر للخير دايما
اوك سلام
مبروك علينا مجلتنا الخفة
لمسني قوي الكلمة اللي حاطيتها في التعريف فوق حتى اقشعر بدني لوقعها
رَفَعْتُ لِلَّهِ قِنْدِيْلِى فَأَوْقَدَهُ .. فَهَلْ تَظُنُّ يَدَاً فِى الأَرْضِ تُطْفِئَنِى؟
تحياتي
احساس طفلة محبة للرومانسية بس واقعية
والله ده أنا اللى سعيد
والحمد لله إن الحاجات بتاعى عجبتك
المعتصم
مهو فيه شعر
هتلاقيه فى شعر وشعراء
ده إنت تقريباً مشفتهوش
وإن شاء الله المرة الجاية هيبقى فيه جديد كثير
iBRAHiM sAllAM
ازبك يا عم هيما يا متخفى
مبتحبش العمل الجماعى ليه بس؟
متيجى معانا
د/عرفه
أنا قريت التنويه
بس على فكرة زى ما قلتلك
دى مش بتاعتى ولا حاجة
أنا مجرد كاتب فيها
وياريت تشاركنا فى المجلة بمواضيعك الهايلة
ستيته حسب الله الحمش
ازبك يا خالة ؟ عاملة ايه؟
بيت الشعر ده بتاع شاعر مصرى إسمه أحمد بخيت
قاله فى مسابقة أمير الشعراء
وعجبنى أوى زيك كده
لكن لو عاجبك ميغلاش عليكى والله
ده أنا ألفهولك وأبعتهولك البيت
د ياسر
لوسمحت غير اللغة لأني مش عارف اقرأ البوست
تحياتي لك
لغة ايه؟
أكيد المشكلة عندك فى البروسر
على العموم البوست أهو
مجلة رؤية مصرية
إنهاردة السبت يا جماعة نزل أول عدد من
مجلة رؤية مصرية
دى مجلة إلكترونية ناشئة ..
إحنا كمدونين اللى بنقدمها وبنكتبها
أنا بدعوكم جميعاً لزيارتها والمشاركة فيها ككتاب وكمعليقين ومساندين
أنا شخصياً كان ليا الشرف بنزول موضوعين بقلمى فيها
بنهنى نفسنا بمجلة رؤية مصرية ..
وبنتمنالها التقدم والإزدهار
أى حد عنده إضافة أو موضوع للعدد القادم يبعت على الميل ده
ibrahemaladawy@gmail.com
وهمه بيرحبوا بالجميع
وعاوزينك معانا يا درش
مبروووووك
الف مبروك
ما شاء الله
موفقين ان شاء الله
ماشاء الله .. مبارك يا فندم ربنا ينفع بك دوما إن شاء الله ويتقبل منك
انا معرفتش اقرا حاجة
الكلام كله في البوست اكواد
مشفتش غير العنوان
ومن خلال التعليقات فهمت انها مجلة تخصك
هعمل ذي ما الناس بتقول
الف مبروك
وربنا يديم عليك السعادة بيها وبكل حاجة تعملها
أجمل التهاني لفريق التحرير
وخالص أمنياتي لهم بالتوفيق
وشكرا لك يا ياسر على تلك اللفته الجميله
خالص تحياتي
د. ياسر
اول مرة اتشرف بزيارة مدونتك قرات موضوعين والموضوع هيشدني وانا ورايا شغل وهتضرب فقلت اصبح ولما اروح اكمل باقي المواضيع
تحياتي......
أحمد سعيد بسيونى
ايوشة
ghorBty
خديجة عبدالله
الله يبارك فيكم جميعاً
ويارب نشوف إسهاماتكم فى العدد القادم
maha zein
هوه كان فيه فعلاً مشكلة مع الإنترنت إكسبلورو
بس اتعدلت والحمد لله
وتقدر تقرأ الموضوع دلوقت
ahmed_k
ربنا يكرمك
ويارب نشوفك فى المجلة
ضايع
ويارب متبقاش أخر مرة
ومستنيك يا باشا تنور المدونة وتشرف صاحبها
وتحكيلنا عن العلقة .. ههههههه
إرسال تعليق