01 يونيو، 2009

شقلوبستان : السفالة والصعود إلي الهاوية

شقلوبستان
السفالة والصعود إلي الهاوية
.
.
.
  تن تن تن

  الساعة الأن التاسعة صباحاً بتوقيت مدينة القادرة 

  (قادرة أم عز)

  هكذا جاء الصوت عبر الأثير في تلك الساعة الصباحية , 

  قبل أن يخرج علينا مذيع(الراديون) قائلاً:

  كركركركركر ..
مسااااااااااااء الخييييييييييير

  نياهاهاهاهاهاهاهاهاهاهاهاهاهاها

  .

  .

  .

  لأننا في شقلوبستان العزيزة حيث التناقضات تجد لها سكناً مريحاً وحضناً دافئاً, 

  فكل شىء أصبح ضده

  ولأن شقلوبستان لها نصيبٌ من إسمها كما ذكرنا مراراً

  فكل شىء فيها أصبح 

  (متشقلب)

  حتي معايير النجاح والفشل والقمة والقاع

  فقمة المجد في شقلوبستان ليست إلا (الهاوية) , ومستقر قاعها هو في الحقيقة أعلي أعاليها.

  ولذا فإنك لن تصل لأي شىءٍ سوي بمعرفة القواعد وإتقان أصول اللعبة , 

  ويعتبر الأستاذ (عربيد السهتان) أحد هؤلاء المتربعين علي القمة .. 

  قمــة الهــاوية.

  الأستاذ عربيد ليس شخصاً بعينه ولكنه مثال بشري مستنسخ في شتي مجالات الحياة.

  فقد تجد نسخته مثلاً كأديب قد رأي أن الطرق الشريفة والكلمات النقية 

  لن تودي به إلا إلي (القاع) و(الضياع

  بينما أمانة القلم ومسؤلية الكلمات شعارات (يحسبها) خاوية , 

  ففكر وقدر فقتل كيف قدر 

  حتي رأي الحل يلمع أمامه كعين شيطانٍ حمراء بليل حالكٍ بهيم 

  (تحطيم الرموز وضرب الرؤس , والسير عكس الإتجاه)

  ذلك هو سبيل الصعود إلي الهاوية

  فكتب عن العري عن الإبتذال عن الفسوق عن المجون

  عن قتل الفضيلة بسهام الرذيلة , عن كل ما هو ساذج و(عبيط)


  (واديني في الهايف وانا أحبك يا .. فننس)

  فأصبح في غضون سنوات قليلة نجم المحافل الأدبية الأول 

  ثم زاد طموحه ونهمه وأصبح نصب عينه المحافل الدولية والجوائز العالمية.

  وهنا يجب أن يطور من تكتيكاته الهجومية (المنحطة)

  فتفتق ذهنه عن أسرع الطرق وأنجحها

  لا شيء أسهل من الدين تلك المرة.

  مقالات وقصص مليئة بالترهات والأكاذيب و(الإفتكاسات) الشخصية 

  والغمز واللمز علي أصول الدين وثوابت العقيدة , 

  عبثاً أراد أن يهدم بمعول كلماته أو أن يطفيء بفيهِ نور الله , 

  ويأبي الله إلا أن يتم نوره.

  نشأت بينه وبين مدام ( ساقطة ) الممثلة القديرة علاقةً قائمة علي (الإبتذال) المتبادل , 

  فهي الأخري تتقن أصول اللعبة جيداً وتتربع علي إحدي قمم (
الهاوية) الفنية بشقلوبستان العزيزة.

  فيكتب هو القصص والروايات , لتجعل منها هي واقعاً يُعاش علي شاشات السينما , 

  بارعة في أدوار الإبتذال والعري والإغراء

  لكن طبعاً الإغراء الموظف في السياق الدرامي للفيلم بشكل هادف 

  (مش أي إغراء يعني , هيه سايبة..!!).

  مشكلتها أنها (نساية شوية) , حيث تنسي دائماً (دون قصد طبعاً) إحدي قطع ملابسها أو أكثر في بيتها , 

  لذا فحينما تبدوا عارية فاعذرها (غصب عنها حقيقي). 

  وعلاقة أخري تربطه بالأستاذ (فاسد إمام) أو الزعيم

  وهوه بالفعل زعيم وقمة عالية من قمم (الهاوية)

  مع أول نظرة إلي وجهه تجذب إنتباهك تلك التجاعيد التي شقت طريقا في وجهه بفعل السنين 

  وكأنها (ترع صرف غير صحي وغير مغطي)

  وفشلت جميع أنواع المساحيق وعمليات الشد (والجذب) في محو أثرها

  كما تلاحظ بؤر سواد غريبة تلف عينيه بفعل شرب (المية) كثير

  رغم كل هذا يعتقد أنه (عنتيل) السينما الشقلوبانية الأول

  وأنه الرجل الذي يستطيع أن يغوي كل (البنات) .. بقوته وجبروته وعنفوانه

  وأهم من كل هذا .. بخفة دم (أمه) الطاغية

  حتي إنك تشعر أنه يحاول أن يكمل نقصاً ما لديه عبر الأفلام 

  يهوي إعادة صياغة الكلمات

  فللغرور عنده تعريف أخر (ثقة في النفس)

  والسفالة ... أصبحت (إبداع)

  التجرؤ علي الدين ... اضحي (فكر وحرية رأي)

  الدعارة .. (فن)

  الدياثة .. (تحضر وتمدن)

  قلة الأدب .. (خفة دم)

  الهبل ... (روشنة)

  ولا ينسي الأستاذ فاسد ان يتحفنا بين الفينة والأخري بخلاصة فكره في كل فروع الحياة

  فعلي إحدي القنوات كان يتحدث عن مفهومه عن (الوسطية) في الإسلام

  وأثناء كلامه عنها تشعر أنها أقرب ل (الأستكية) في الإسلام

  وتتخلص في جعل الدين كالأستيك .. يستطيع أن يتمدد ليسع ويبرر كل شيئ يفعله الزعيم

  وعلي قناةٍ أخري يمدنا بخلاصة فكره الرشيد في السياسة أو الكرة أو الفن أو الثقافة

  فهو (بسم الله ما شاء الله عليه ) موسوعة شاملة في كل مجالات الحياة

  وكأنه استقي حكمته الخاصة العالية من أحضان الغانيات.

  يهدف في النهاية من كل أفلامه لتوصيل فكرة

  أن كل متدين عبارة عن رجل بلحية كبيرة .. مكفهر الوجه

  يرتدي (جلابية) بيضاء قصيرة يبدو من تحتها سروال أبيض طويل 

  يتلفظ ببعض الأيات القرآنية بتنطع شديد 

  بينما تنشغل عينه بال(بصبصة) علي النساء الفضليات العاهرات

  وعلي استعداد تام أن يساوم كل مباديءه بطرف كحيل أو مبلغ كبير

  وهناك هدف أخر

علي ألناس أن تدرك أن
الحب (الزنا) شيء طبيعي وغير مثير (للإشمئزاز) ولا حاجة 

  فنعم الغايات السامية. 

  قد تجد أيضاً الأستاذ عربيد في صورة الشاب (سهوكة) المطرب العاطتشفي .. جداً.

  وهبه الله من المقومات ما يجعله نجم (الجيل) بلا منازع , 

  حيث يعاني من غزارة في نمو (شعر صدره) , وفي خفة دم (أمه) الطبيعية (أيضا), 

  ونعومة شعر رأسه , وعيون جريئة يجيد بها فن (التسبيل) ,

  وصوت ( حونين) , وبنطلون ساقط , وعضلات مفتولة بفعل الحقن , 

  ومشية متكسرة تجعلك تقسم أنه (هارب) من الجيش.

  وقلما تجتمع كل تلك الصفات في أحدهم , لذا فهو فتي احلام العذاري الأول , 

  حيث يبدوا دائماً في أحلامهن ممتطياً ذاك (الجحش ) الأبيض ليخطفهن عليه .. 

  علشان يغتصبهم ويرجعهم تاني صاغ سليم.

  ولأن البحر بيحب الزيادة , فإنه لا مانع أبداً من استحضار بعض الفتيات المدفوع لهن مسبقاً , 

  لتسخين جو الحفلات ...

  ولا ننسي طبعاً مجهوداته الخيرية العظيمة

  حيث أنه استغل كل ما حباه الله به من مواهي من أجل مناصرة

  الكتايا العربية .. والكهاد في سبيل الله 

  وهناك مثال أخر للأستاذ عربيد نعرفه جميعاً , وهو الواد ( حموءة العبيط ) المدون المشهور جداً ,

  فمنذ أن مد وصلة (دي إس إن) ب25 جنيه في الشهر وهوه (لاجيء) علي مدونته

  والتي تشبه مقالب ( الزبالة ) , ففيها كل ما لذ وطاب من فنون الهجص والتهبيل , 

  ولا أدري من أخبره أن دم ( أمه ) خفيف هو الأخر

  ولا مانع لديه هو الأخر (يعني جات عليه) من كتابة أراءه السديدة .. 

  ( السديدة خالث

  في مختلف نواحي الحياة 

  خاصةً الثقافة والحب والدين وثوابت العقيدة ,

  يناصر حرية الرأي ..
وهيه باختصار الحرية في ان يقول ( هو ) ما يريد

  بينما يكتب علي جانب مدونته ..
كلمات مثل
ممنوع دخول أكياس الزبالة
  هذا بالطبع لأنه يعشق (الزبالة) الغير مكيسة , لأنه يجد نفسه فيها أكثر

  (لسه هايفك بقي ويطلع) 
ممنوع دخول المتخلفين الأصوليين
أما الملحدين ..
فبالأحضان بالأحضان بالأحضاااااان


  وأنصح أي شخص واكل أكلة (مش ولا بد) بدخول مدونته فوراً , 

  لأنه سيفرغ محتويات بطنه (اللي مش ولا بد) مع أول بوست , 

  لذا فوزارة الصحة الشقلوبانية تفكر في توفير كتابه الشهير 

  ( اللؤلؤ النفيس .. في فن التهييس

  في استقبال المستشفيات العامة والخاصة لمثل هذه المواقف.

  حيث ثبت نجاحه بنسبة عالية في علاج التسمم الغذائي

  ولكنه للاسف يصيب بتسمم فكري بعدها. 

  سؤال الحلقة

  مين يقدر يجيبلي مثال علي كل عربيد من دول

  (في دولة شقلوبستان طبعاً)

  اللي يعرف الإجابة ..

  برضه يخليها في سره الله يستركم .. وميقلش لحد عليها

  ولعلمكم بقي مفيش خط ساخن خلاص

  ايوه مفيش خط (موحوح)

  العمر مش بعزقة 

  أي حد عنده أفكار 

  يبعتها علي الميل الرسمي للدولة

shaklobstan@hotmail.com
رابط الموضوع علي مجلة رؤية المصرية

هناك 76 تعليقًا:

Mo7ammed يقول...

ههههههههه
جامدة جدااا

"واديني في الهايف وانا أحبك يا .. فننس"

اسكت مش اتعدلت
بقت

واديني في الهايف وانا أحبك يا شعب

ايه رأيك فى التعديل الجديد

اللى كان ناقش التعديل ده فى "قعدة" الشعب النايب "عربيد السهتان"
وبقيت النايبين كتفو "ايدو" القرار

Mo7ammed يقول...

يلا ياعم وادينى اول تعليق كمان
شفت ربك بيحبنى ازاى

انا عايز بقى وعلى اقل واجب كرتونة شوكولاتة مورو

Mo7ammed يقول...

والتعليق التالت عربون محبة

وبرده علشان انا بحب الاعداد الفردية

د. ياسر عمر عبد الفتاح يقول...

Mo7ammed

عربون محبتك وصل يا غالي والله
والعب براحتك
المدونة مدونتك ..
بس حاس تكسر حاجة وإنت بتلعب كده

حلو التعديل (الدستوري ) ده
بس الشعب مبيديش في الهايف
ده الشعب ولمؤاخذة بياخد في الهايف

منور يا محمد

صفــــــاء يقول...

دة انت مخلتش فى البلد حاجه يا ياسر لخبطت كل حاجه
وجبت عاليها واطيها وبهدلت قمم الفن والادب والرأى
حتى نجم الجيل
الواد ابو دم رخم دة
لا شديد
بس متشدش اوى كدة انت عارف الاحوال عندنا عامله ازاى
وانا معرفش مديريه امن بنى سويف فين بالظبط

تامر علي يقول...

للأسف الحالة الفنية في مصر وكذلك الثقافية والسياسية يسيطر عليها (النخبة) المسموح لهم بالكلام وتفتح لهم منابر الإعلام هم من عينة هؤلاء (الزبالين)... والشعار هو كن زبالاً ..تكن فناناً

د. ياسر عمر عبد الفتاح يقول...

صفــــــاء

طيب وأنا مالي بمصر
ركزي شوية
دي شقلوبستان

والله شقلوبستان

(شكلكوا هتحبسونا ..!!)

د. ياسر عمر عبد الفتاح يقول...

أستاذ تامر باشا بيك


مليش دعوة .. إنت اللي بتقول مصر
انا بتكلم عن شقلوبستان

منور يا أستاذنا

الشعب لابد له من حكومه تشكمه يقول...

كله كووووووووم والحج لا مينفعش يتقال عليه حج..الراجل اللى بلغ من العمر ارذله وفاكر نفسه مثكف وبيتكلم فى كل حاجه سياسه ,,دين,,علم نفس بتاع كله يعنى والمصيبه انه فاكر نفسه بيفهم وهو اصلا دماغه مشقلبه اخر شقلبه...ومحتاجه جينرال علشان تنضف.
طب وبعدين يا دك فى شقلوبستان دى مش هتتعدل باه وتبطل شقلبه ولا هى هتفضل كده علطووووووول...
وبما انها متشقلبه يباه شعبها يتشقلب معاها يمكن يشوفها عدله:)

فشكووول يقول...

ازيك يا دكتور
انا شفت الحلقه بتاعة الفاسد ده
فاكر هو زمان راح الصعيد عشان يعرض مسرحية مش عارف ايه قال يعنى بيحارب الارهاب ... يا خى خليه ينقطنا بسكاته مكانش حد غلب ... لانه من اهل الباطل فهو يدافع عن الباطل باستماته والا من اين سيأتى بالفلوس اللى يشترى بيها الخمور والعربده لانه لا يفيق من الخمر اطلاقا. وكان زمان فاهم ان دمه خفيف وكان بيضحك علينا وكنا فعلا مستمتعين بهيافاته ولما يتكلم ينطق الكفر لانه طبعا بيهبر الملايين وفعلا كل حاجه بقة بالشقلوب فى شقلوبستان وعلى فكره انا رئيس جمهورية فشكولستان الحره والديمقراطيه والشعبيه والعنتيليه والعبثيه وكل حاجه فيها ايه
تحياتى يا دكتور

Ahmed Talk يقول...

مية مية يا ياسر

بس اقصدك مين يعني
هههههه

أحمـــــــــــــد أبو العلا يقول...

د./ياسر
انا مبسوط جدا جدا جدا اني قرأت البوست ده
بالنسبه ليا ده أجمل بوست قرأته من فتره طويله

طول مانا عمال اقرا بفكر واقول ياترى البلد ديه فيييين؟ انا فاكر اني شفت البلد ديه قبل كده (رغم ان عمري ماسفرت) بس طبعا لازم تكون بلد بعيده جدا (ولا ايه, خلي بالك سلومه الأقرع مبيرحمش)

الشخصيات اللي اتكلمت عنها بالفعل تحولت الى قمة المجتمع المقلوب
اصبحوا هدف وأمل يحتذى به

وده الطبيعي في البلد المقلوبه

الطبيعي ان الملتزم يكون متشدد والمنحل يكون اووووه وااااووووو
الطبيعي ان الملتزمه تكون هبله والمفكوكه السايبه (معلش بأه الرقابه تبقى تشيل الكلام الخارج) تكون البت المتحضره اللي بتفهم

ابقى طمني عليك من وقت للتاني, احسن جهاز امن شقلوبستان مبيعرفش ابوه
هههههههههه

ستيتة حسبو يقول...

اخص على القريحة
كده
نسيت مدام قارعة المضروبة
الولية اللي جوزها ضربها علقة مُكن وبعدين طلقها واتجوز ست عدلة
فخرجت للإعلام الشقلوبي
تجعر وتنعر بكل فكر شقلوبي مسموم
وهي تدعو لحروق النسوان وهبل الغلمان وماءماءة الخرفان

دي الإعلام بيحبها موت موت موت ورغم إنها قاااااااارعة لكن "رأس" الأمر بإيدها "ورأص" البلد شغلتها

انت كاتب بوست تحفة ومفيش كلمات توفيه حقه

عارفة انا وقت الزنقات ده اللي بيطلع احلى ما في القريحة

تسلم ايدك

القدر و انا يقول...

د. ياسر
جمهوريتك عجيبة جدا .. يملانى الحزن وانا اقرا عنها
تفكرنى باختنا ستيتة وهى بتتكلم عن الهرم المقلوب
اللهيصبر شعب شقلوبستان المسكين
تحياتى لك يا دكتور

الفقيرة إلى الله أم البنات يقول...

بس فين ناس معرفتهمش يا ياسر
بس مش مشكله
تدوينه شديده قوى
ربنا يسترها معانا يا بنى

ايوشة يقول...

ههههههههه تحفة الحلقة دى بجد ماشاء الله عليك بتكتب فى كل حاجة وباى اسلوب بطريقة ممتازة جدا مش هنحسد دماغك دى اللى بتجيب الافكار التحفة دى :)

dr aly khamis يقول...

السلام عليكم و رحمة الله و بركاته
ميه ميه يا دكترة
اخذت كل العرابيد ( جمع عربيد ) غسيل و مكوة ..بس الله يكرمك تقل المكوة شوية ..عايزينهم (يوحوحوا!!)
الصراحة مفيش أمثلة فى شقلوبستان اللى انا اعرفها زى كده ...كل اللى انا اعرفهم بالطريقة دى العن و اضل سبيلا
حلوة و الله فعلا

هو انت يا عم الحاج مش عندك امتحانات و لا ايه

ربنا يقويك

أسأل الله أن يوفقك لما يحب و يرضى
و أن يزيدك علما و فهما و ابداعا
بارك الله فيك
تقبل خالص تحياتى

حنعيش يعنى حنعيش يقول...

الله ينور عليك ياباشا بس مين يسمع ومين يفهم

المعتصم يقول...

بسم الله الرحمن الرحيم
السلام عليكم ورحمة الله وبركاته
د/ياسر
تحياتى ياوزير
بجد بجد جامده
بس انا اكتر واحد عاجبنى فى الجماعه دول
حمؤة العبيط
مش قادر امسك نفسى من الضحك عليه
يخرب بيت نافوخك
بس انت كده مش مخلى فى شقلوبستان حاجه نافعه خالص على فكرة
وده ممكن يكون فيه خطر عليك
خلى بالك يادكترة
ومش عاوز النظرة الانهزاميه التشاؤميه التعسه دى تسيطر عليك
عاوزين نظرة تفتحيه تفاؤليه سعيده كده
علشان يبقى فيه امل ان شقلوبستان ينصلح حالها
...........
وبعدين انت سايب الحلف وواخد اجازة مدفوعة الراتب علشان الامتحانات
يبقى تسيب الامتحانات وتقعد قصاد شقلوبستان بتاعتك دى ؟؟؟ كده يبقى مش نافع ياعمنا
والمرتب يرجع اه
دى فلوس صعايده انا بقولك اهه
ههههههههههههههههههههههه
تحياتى يادكترة ودمت بكل خير وود
والسلام عليكم ورحمة الله وبركاته

MaNoOoSh يقول...

طيب اما شقلوبستان فيها السخسيات دي وألعن منها كمان

مين اللي شهرهم ووصلهم للمكانة دي.. مش شعب شقلوبستان بردو؟؟

بس على فكرة سيادة المطرش سهوكة باشا دة مستفزززززززززززززز لأقصى درجة اساسا.. والبنات اللى بتحلم بيه يخطفها على الجحش الابيض.. يبقوا اكيد عندهم عمى ألوان صدقني.. مش هو دة فارس أحلام البنات.

غير معرف يقول...

ازيك يا دكتور
ممكن اعلق ؟!!!

انا اول ما دخلت فى موضوع المدون اياه
تحسست رأسى على طوول
بس و الله ما انا
انا عمرى ما عملت كدة خالص و لا قولت اكياس زبالة و لا اكياس خضار !!

عارف لو كنت تقصدنى حزعل منك خالص !!
:-(

د. ياسر عمر عبد الفتاح يقول...

الشعب لابد له من حكومه تشكمه

والله أدينا معاه لحد ما ينصلح و(ينعدل) حال الشعب ده
وفعلاً الراجل ده زودها أوي أوي أوي

د. ياسر عمر عبد الفتاح يقول...

فشكووول

أخيراً يا عمنا افتكرتنا تاني
ده أنا قلت إنك خلاص نسيتنا

أه الراجل ده أصله بيحب يحارب الإرهاب من زمان
بيحاربه بالخمره والسكر والعربدة

تسلم يا رئيس جمهورية فشكولستان العربية

د. ياسر عمر عبد الفتاح يقول...

Ahmed Talk

الله يكرمك
قصدي علي ناس كده من بلد إسمها شقلوبستان
بس تلاقيك إنت متعرفهومش

د. ياسر عمر عبد الفتاح يقول...

أحمـــــــــــــد أبو العلا

لا البلد دي ملناش دعوة بيها
ولا نعرفها ..
حتي لو تشبه بلد معينة كده .. فده غير مقصود
(ربنا يكملها علينا بالستر)
وهيه فعلاً بعيدة .. بعيدة خاااااااالص
(لا بلاش سلومة الأقرع)

هبقي أطمنك يا هندسة
بس لو غبت .. خلي بالك من المدونة
وصيتك المدونة يا احمد
رش قدامها كل يوم مية .. وطري الجو
وأنا مش هأخر
كلها 130 سنة وراجع علي طول

د. ياسر عمر عبد الفتاح يقول...

ستيتة حسبو

معلش ..
اصل مدام قرعة (اتزفلطت) من البوست
نعملها بوست تاني لوحدها

إنتي هتقوليلي علي أيام الزنقات والإمتحانات

دعواتك يا دكتورة

د. ياسر عمر عبد الفتاح يقول...

القدر وهي

أه والله إدعليهم
إدعليهم دول غلابة أوي أوي أوي
ويستحقوا الدعاء

د. ياسر عمر عبد الفتاح يقول...

الفقيرة إلى الله أم البنات

مش لازم تعرفيهم
همه أصلاً نكرة ومش لازم نعرفهم
أنا شخصياً نفسي أنساهم

ربنا يسترها علينا فعلاً
متنسيش تدعليل معاكي الله يكرمك

د. ياسر عمر عبد الفتاح يقول...

ايوشة

ربنا يكرمك
ده بس من ذوقك .. وبعض ما عندكم
جزاكِ الله خيراً

د. ياسر عمر عبد الفتاح يقول...

dr aly khamis

غسيل ومكواه
هههههههههههههههههههه
حاضر المره الجاية هظبطهوملك علي الأخر
أو ظبط إنت ...
مهو إنت برضه بتعرف تكوي كويس


عندي إمتحانات
وبعدين مش انا قلت محدش يفكرنيييييي
:( :( :( :( :(


اللهم ءامين
منور يا دكترة
والله الميل نور ;)

د. ياسر عمر عبد الفتاح يقول...

حنعيش يعنى حنعيش

مين يسمع ..؟
كلنا نسمع إن شاء الله

جزاك الله خيراً

د. ياسر عمر عبد الفتاح يقول...

الزعيم

المعتصم

وسع يا عم منك ليه


عجبك حمؤه العبيط ..؟؟
ألفهولك؟ بس ده مش مقامك يا باشا
ههههههههههههه

مفيش نظرات إنهزامية ولا حاجة إن شاء الله
وشقلوبستان هينصلح حالها قريباً

انا مسبتش حاجة والله يا زعيم
ومأخلتش بسؤلياتي تجاه الحلف ولا الوطن الصعيدي
وبعدين هوه إحنا شفنا منكم فلوس خالص
خلونا ساكتين بقي ..!!


منور يا زعيم

د. ياسر عمر عبد الفتاح يقول...

MaNoOoSh

طبعاَ الشعب هوه اللي شهرهم
مهو شعب متشقلب هوه التاني
كلهم شقاليب .. متشقلبين

ربنا يهديهم

د. ياسر عمر عبد الفتاح يقول...

غير معرف

أه ممكن طبعاً تعلق
لي الأهم ممكن توضح
علشان أنا مش فاهم حاجة :)

المهم منور

beautiful mind يقول...

السلام عليكم حبيبي واخي د ياسر
ماشاء الله عليك وعلي موضوعك انا بجد قريته وانا منفعل جدا معاه ووالله العظيم كل النمازج من البشر الزباله اللي انت ذكرتها لا تساوي عندي تفله من فم شخص مسلم متدين هم فاكرين ان هي دي الشهره والمجد ومتخيلين انهم بكدا ربنهم اداهم حب الناس
لكن ادينا كلنا بنشوف اخرتهم بتبقي عامله ازاي
الواحد فيهم بيمرض سنين بامراض محدش عارفلها علاج وبعدين يموت كانه كلب وراح
وانا واحد من الناس والله بدعي ربنا يطول في عمري بس لغاية ما اشوف نهاية الزعيم فاسد امام هتبقي عامله ازاي
بس ليا عتاب صغير عندك يا دكتره
ليه بقي مجبتش سيرة وزير ثقافة شقلوبستان مش بردو الراجل دا له اراء سديده حول الحجاب والاسلام ولا ايه
ههههههههه
تسلم يا جميل علي موضوعك

ايومي يقول...

بجد فكرة ممتازه
فكّر عقلك فابدع حقا.

مصري جدا يقول...

مية مية يا دكترة

أصبر الزبد لابد وأن يذهب جفاءولا يبقى في الارض الا ما ينفع الناس

هذه حياتي يقول...

جميل يا دكتور


تحياتي

أبو العريف يقول...

السلام عليكم
تحياتي ليك يا دكتور
انا احييك علي افكار الشقلوبستانيه

وادعوك ان تجمعها قريبا في كتاب
يكون اسمه الحياه في دولة شقلوبستان

ليتاح للجميع قراءة هذه الافكار
فهي بصدق تستحق ان تطبع في كتاب
وساكون اول واحد
يستلف منك نسخه يقراها وما يرجعهاش تاني


بجد والله اعملها فكره تستحق التفكير


تحياتي

المعتصم يقول...

الله الله
وكمان بتجيب سيرة الفلوس
عاوز تعملى ثورة فى الحلف
ومش عاجبك النظام بتاعه
ماشى ماشى
بس اما تخلص امتحانات
ولما اشوف انا محمد اخوك
ولا تكونش انت بتشتغلنا وبتشتغل نفسك
وعندك كيبورد وماوس تانيين فى درج المكتب ؟؟
ده كده الموضوع محتاج حملة تفتيشيه كبيرة
وهتكون مفاجئه على فكرة ومن غير ماتعرف
واتلقى وعدك بقى
ههههههههههههههههه
ســـــــــــــلام

حياتى نغم يقول...

السلام عليكم / تحياتى يا دكتور على تلك التدوينه الشقلوبستانيه ، ربنا يحفظنا من شقلبتها وشقلبة مبدعينها ورموزها من الهجاصين والفسقاء أقصد الفنانين والأدباء معذره خاننى التعبير .
جزاك الله خيراً .

بنت أبيها يقول...

:D

No comments

شمس النهار يقول...

هي الدوله دي مافيهاش حد عدل خالص كده:)
ياحرااااام
طب نبعتلهم حد من عندنا يشقلبهالهم
قصدي يعدلهالهم زي عندنا كده

تصدقوا انتم وحشين خالص

اخبار الاستمحانات ايه ياريس

سارة احمد يقول...

في دولة شقلوبستان الشعب مسكين ييهيس ييصاب بالجنان ...دولة شعبها شقيان بيزرع في ارضهم قلة مال وفكر هدام...عمتا دي من علامات يوم الدين ان السفهاء يكون لهم راي مسموع...المشكلة يادكتور ياسر ان حرية الراى والفكر مسموحة في التهيس وبس يعني لو فى موازنة والحرية مسموحة فعلا لكل الاراء ماكنش في نااااس كتيررر زعلت من الفكر المعاكس حتي لو لم يعجبهم لان حرية الراى كانت ستكون علي الجانبين فشعب الدولة المسكين كان حيختار فكره...ياما كان يختار يهيس او يكون فايق وصابر...يلا قصرة في مثال تاني لابطال قمة الهاوية وهي دكتورة هالة دهشان من فضلك غمض عينيك...تحياتي لك...تسلم ايدك

رؤية يقول...

بصراحة االبوست اثار اعجابى

ولو انى ما اعرفتش كل الاجابات
لانى ماليش فى موضوع الشقلوباسات دا
لكن عموما
افادكم الله

تحياتى

غير معرف يقول...

تسالىىىىىىىىىىىىىى
انا جيييييييييت
شوف انا صحيح غبى وباكل كتييييير
بس اللى افهمه ان دمك زى العسل
قولى يادكتور آنى عندى استبحس فى اللوحس ده سببه ايه
اناجىىىىىىىىىىى .. تانى

د. ياسر عمر عبد الفتاح يقول...

beautiful mind

ربنا يكرمك
وكلامك كله ظبوط
وزير الثقافة اقل من إننا حتي نذكره

د. ياسر عمر عبد الفتاح يقول...

ايومي

ربنا يبارك فيك
جزاكِ الله خيراً

د. ياسر عمر عبد الفتاح يقول...

مصري جدا

إنت جبت المفيد
وده وعد ربنا سبحانه وتعالي

بس إمتي؟

د. ياسر عمر عبد الفتاح يقول...

أبو العريف

هههههههههههه
بعد كل ده .. هتستلفه

ياريت والله يا أبو العريف
أنا ياما فكرت في كده
بس دي حاجة صعبة أوي

المهم إنك منور

د. ياسر عمر عبد الفتاح يقول...

المعتصم

يا باشا دي غلطة مطبعية كي بوردية
وبعدين يا باباشا إنت اللي قلت الفلوس الأول

ولعلمك إحنا ورقنا سليم وجاهزين للتفتيش في اي وقت
وخلاص بطلنا ندي كيبورداتنا لمحمد

هههههههههههه
منور يا زعيييييييم

د. ياسر عمر عبد الفتاح يقول...

حياتى نغم

ربنا يعدل حالهم
وحالنا

جزاكِ الله خيراً علي المتابعة

د. ياسر عمر عبد الفتاح يقول...

بنت أبيها

:)
طيب
كده أحسن برضه
محدش ضامن يمكن يكون فيه مراقبة ولا حاجة

د. ياسر عمر عبد الفتاح يقول...

شمس النهار

لا نبعت إيه بس
همه ناقصين


الحمد لله الإمتحانات كويسة
بس برضه متبطليش دعاء
الإمتحان الجاي صعب اوي

ربنا يكرمك
جزاكم الله خيراً

د. ياسر عمر عبد الفتاح يقول...

سارة احمد


كلامك مظبوط جداً
أه معلش نسينا هاله دهشان
بس هيه ممكن تدخل مع المؤلفين شوية
لأنها كانت بتالف شوية حاجات
وبعدين مهي خالص راحت ورحات أيامها

د. ياسر عمر عبد الفتاح يقول...

رؤية

طيب الحمد لله إنه نال إعجاب حضرتك
جزاكم الله خيراً

د. ياسر عمر عبد الفتاح يقول...

عم تساااااالي
كويس إنك قريبت الموضوع المره دي وكمان رديت
الحاله اللي عندك دي علشان إنت م راضي تعمل مدونة لحد دلوقت
وماشي عمال تعمل تسالي في الردود

عاوزين نشوف مدونتك قريب يا تسالي
أهو تلاق مكان تتسلي فيه .. ويبقي تمليك

Soul.o0o.Whisper يقول...

السلام عليكم و رحمة الله و بركاته


ايه البوست الشقلوبستانى دا؟؟؟

جاااااااااااااااااااامد
والله عندك حق يا دكتور فى كل اللى قلته

لدرجة ان جالى انغلاق نفساوى من الكلام
و مش لاقية كلام اعلق بيه

ربنا يهدى الجميع


دمت بود

على عبدالله يقول...

السلام عليكم

ابدعت يا دكتور
ابدعت
ابدعت
ابدعت

تحياتى

القلم السكندري يقول...

وكم في مصر من المضحكات/// ولكنه ضحك كالبكا

ولكنها السنة الكونية في قول الله عز وجل: (وإن تطع أكثر من في الارضِ يضلوك عن سبيل الله)

وفي قول النبي صلي الله عليه وسلم: (بل أنتم يومئذٍ كثير، ولكنكم غثاء كغثاء السيل)

تلك حالنا نسأل الله العافية



جزاكم الله خيراً

تقبل وافر التحية

الازهرى يقول...

دكتورنا الغالى
شكل التهييس عندك واخد حقه
وده يفرحنى لانه ببساطة بيطمنى ان الامتحانات ماشية عال

عموما يومين بس وابقى فاضى واجى امسك رياسة الدولة دى واعدلهالك تمام

أم مالك يقول...

معلش جيت متاخرة علشان عطل الجهاز
اولا انا عاوزة اطمن عليك وعلى الامتحانات
والله قلبى وجعنى انك عايش فى بلد
زى شقلوبستان دبه
تلاقى الامتحانات كانت صعبة قوى فيها
لااحنا عندنا مصر حاجة تانية خالص
فالاعلام لايتكلم فيه الا من هو قدوة
لافنانين ولاساقطات ولامخرجين هلس ولاوزرا كدابين
اما فى الدين فلا يتكلم الا العلماء
قلبى عندك مستعدة ابعتلك تاشيرة دخول
لمصر علشان تعرف الفرق
طمنى ضرورى على الامتحانات
ودمت بخير

ملكة بحجابى يقول...

ههههههههه
ايه يادكتور ده
مقال ساخر شمل كل الاوضاع المذرية
اتفق مع رأى تامر على
كن زبالا تكن فنانا

بجد كنص أدبى لا غبار عليه
وتحياتى للفكرة
رغم ان شهادتى فيك مجروحة
لانك مدون زى حالاتى
بس انت عارف انى مش بجامل
بجد
ماشاء الله عليك
انتظر منك المزيد
والقادم أروع


:)
تقبل مرورى
ملكة بحجابى

كيــــــــــــارا يقول...

يالهوووووي ياانفوووووخي

افكار ايه بس انت جبت درفها خالث عااااااااااااااا


والله معاك حق

عاشقة الأحزان يقول...

السلام عليكم


ايه يادكتور الحلاوه دى


والله انت عسل ودمك شربات

ربنا يروق بالك يارب ويسعدك

تحياتى لحضرتك

ايناس

The Illusionist يقول...

والله العظيم يا
دوك انت جامد والله
فعلا
الاستاذ
فاشل امام ده ربنا يعينه
بجد
والله تلاته مش عارف
الراجل دايما كده طالبينه فى المناسبات المهمه
عندك مثلا برنامج عمرو الليث
مفيش حرف ال ى
الراجل قال درر
امال ايه
مش هلاس
والهلاسين ليهم اراء
بس للاسف قالها عن الحجاب
عمرك شوفت بتاع كشرى
وبيحط هوجو
هو ده والله
واحد هلاس بيتكلم فى الدين
ربنا يرحمنا من الناس دى
شكر على المرور عندى
وانا بس اخلص امتحانات
وابات عند حضرتك فى المدونه المشقلبه دى
سلام
وادينى فى الهايف
وانا احبك
يا
امام

د. ياسر عمر عبد الفتاح يقول...

Soul.o0o.Whisper

إنغلاق نفساوي؟؟
ربنا يشفي

جزاكِ الله خيراً

د. ياسر عمر عبد الفتاح يقول...

على عبدالله


ربنا يكرمك يا أخي
بعض ما عندكم والله

د. ياسر عمر عبد الفتاح يقول...

القلم السكندري

ربنا يكرمك يا أخي
وفعلاً كلامك صح
دي سنة كونية

د. ياسر عمر عبد الفتاح يقول...

الازهرى

لا إطمن
الإمتحانات مبتأثرش فيا
أنا اللي بأثر في الإمتحانات

مستنيك

د. ياسر عمر عبد الفتاح يقول...

أم مالك

ياريت والله تبعتيلي التأشيرة دي
دي شكل مصر بتاعتكم دي بلد جميلة أوي

الإمتحانات الحمد لله كويسة

د. ياسر عمر عبد الفتاح يقول...

ملكة بحجابى

ربنا يكرمك
وشهادة حضرتك حاجة كبيرة بالنسبالي
ولو مجروحة .. نعاجلها ونخيطها

جزاكِ الله خيراً

د. ياسر عمر عبد الفتاح يقول...

كيــــــــــــارا

والله هيه درفها جايه لوحدها
أنا مجبتش حاجه والله

ربنا يكرمك
جزاكِ الله خيراً

د. ياسر عمر عبد الفتاح يقول...

عاشقة الأحزان

ربنا يروق بالنا جميعاً
ربنا يكرمك
جزاكِ الله خيراً

د. ياسر عمر عبد الفتاح يقول...

The Illusionist

يا عم متقلقش
وأنا هجهزلك سرير بمرتبة سوست
بس إنت تبقي تعالي ومتشغلش بالك
منور يا باشا

smithe يقول...

hello friend. you want to come race Blog Design, Read more. Can you be a friend again