17 يونيو، 2009

اشتغالات الإمتحانات



اشتغالات الإمتحانات

أيام الإمتحانات بتبقي ايام غريبة جداً
ودايماً بتبيقي مليئة
بالغرائب والطرائف والعجائب
علشان كده بسميها اشتغالات الإمتحانات

::: اشتغالات شركة الكهرباء :::
دايماً ليلة الإمتحان النور بيقطع
ده شيء طبيعي جداً لا يدعوا أبداً للدهشة أو الإستغراب
بالنسبة ليا علي الأقل
وبقيت دلوقت مبسألش يا تري النور هيقطع ولا لا؟
بقيت بسأل ياتري النور هيقطع إمتي؟

ودي مش حالة فردية ليا بس علي فكرة
كثير بلاقي حد من أصحابي بيتصل بيا يقولي 
أنا هاجي أذاكر معاك لحد الصبح لأن النور قطع عندي
(خاصةً إن بيتي أشبه بالبنسيون , أو معسكر إيواء المشردين واللأجئين)

::: اشتغالات الدي جي :::
كمان ليلة الإمتحان بتبقي فرصة مناسبة جداً للتعرف علي 
أحد الجيران والذي تكتشف أنه يقطن قريباً منك جداً أو علي بعد عدة شوارع فقط

واللي كان طول عمره بيجهز نفسه , وبيدور علي بنت الحلال اللي تستاهله
وأخيراً لقاها علي حين غرة
وقرر فجأةً إنه يدخل دنيا ويتزوج
وطبعاً لازمن وحتمن ولا بود يعمل حنة ,,
فيه فرح من غير حنة؟
ده حتي يبقي حرام ولا يجوز ,, ولو المأذون عرف يرفض إتمام العقد

وساعات كمان المحل (المعفن) اللي مقفول من سنين طويلة تحت بيتكم
قرر صاحبه فجأة إنه يعمله سوبر ماركو أو مخبز فينو
وطبعاً لازم افتتاح
طيب إيه العلاقة الأثمة اللي بين الحالتين دول؟
إن في كلتا الحالتين هيبقي فيه دي جي
والدي جي بالمناسبة هو الإسم الحركي لجهاز الكمبيوتر
بتاع بن أخت العريس أو صاحب المحل غالباً يوم الحنة
ولكن مع إضافة عدة سماعات من الوزن الثقيل له.

ملحوظة : قد يكون أحد اصدقائي اللي وقع في الورطة دي
وطبعاً أنا اللي بتحمل مصيبة دي لأنه بيجي يذاكر معايا
((راجع النقطة الأولي .. :))

::: اشتغالات الفيفا :::
يتقمص الإتحاد الدولي لكرة القدم دائماً دور الوغد الجبان أيام فترة الإمتحانات
فلازم تلاقي ميعاد كأس أوربا أو تصفيات كأس العالم أو حتي النهائيات
أو أي بطولة مهمة تبقي أيام الإمتحانات
وهنا بقي بيبقي فيه صراع داخلي كبير بين
صوت الضمير (المذاكرة)
وبين صوت الكورة (الماتش)
وبينتهي غالباً الصراع بالضربة القاضية من أول جولة ,
طبعاً بتفرج علي الماتشات

::: اشتغالات التأمين الصحي :::
لو بقي الدنيا ماشية معاك أوي ,
تعيا يوم الإمتحان ,, مش مرض جامد
بس يكفيك شوية برد .. بس فول أوبشم
(يعني بالصداع بتاعه (بتاع بلاده) وتكسير العضم ورشح ودوخة .. واللذي منه)

أو حتي نزلة معوية برضه ودي مش لازم تبقي فول أوبشن
كفاية بس تكون نازلة بالمغص ,, والإزاز الكهربا .. 
نياهاهاهاهاهاهاهاها

::: اشتغالات العيال الصغيرة :::
برضه من اشتغالات الإمتحانات المتعارف عليها
إن عمتك وخالتك وتانتك وخالك وعمك ,, يقرروا يعملوا مفاجأة (سعيدة)
ويجيبوا الأولاد ويجوا يزورونا في يوم ما قبل الإمتحان
والمشكلة الحقيقية لا تكمن فيهم .. دول حتي طيبين
المشكلة في جحافل الجيوش الجرارة من الأطفال
وإذا ذكر الأطفال (جمع يعني) يبقي أكيد لازم نذكر
الرغي والزن والرخامة والتباتة والزيطة والتنطيط حواليك
واللعب في المناخير وإنت نايم , واحتلال الكمبيوتر
وطبعاً مش هتقدر تعملهم حاجة
لأنهم رد الفعل الطبيعي جداً .. إنه هيشغل السرينة
ويقعد يعيييييييييييييط ويصرخ ويقلب الدنيا عليك..
وطبعاً بيبقي نفسك وقتها ترميه من أي بلكونة 
لكن اللي بيمنعني إننا ساكنين دور تاني ...
فمش هيحصله حاجة

::: اشتغالات المونبه :::
اشتغالة أخري دايماً بتحصل
المنبه المقرف سواء في الموبايل (ابو مونبه منه فيه)
أو لو منبه منفصل
أيوه اللي بيفضل طول السنه قارفك ويصحيك من النوم وينكد عليك
المنبه ده بقي بتنزل عليه الطيبة والوداعة في اليوم ده
ولما بتظبطه علي ميعاد علشان يصحيك .. بتصعب عليه ومبيرداش يقلقك
فتصحي تلاقي الإمتحان تقريباً بدأ
وتصرخ تقول
سبق الإمتحان العزل ... اااااااااااااااااااه
....
وبناسبة ذكر المنبه
تعرفوا ليه بلدينا بيحط جنبه كوباية شاي وهوه نايم؟
علشان الشاي منبه
طيب وليه ساعات كوباية شاي وكوباية قهوة؟
علشان لو الشاي مرنش
(محدش يضرب)

::: الفجـــر :::
لما تنزل تصلي الفجر ,
تفاجيء إن نفس الشيخ اللي بيصلي كل يوم في ثلاث دقايق
وتبقي متضايق منه ساعتها ,, وتقول متنفعش الكروتة دي
فتتنزل عليه التقوي والإيمان والورع والخشية ..
كل ده مرة واحدة .. ربنا يزيده
فيأخر بين الأذان والإقامة ساعة إلا ربع
وبعدين يصلي بنصف القرآن (علشان ميطولش علينا يعني)
لكن بيعوض التقصير الجامد ده في الدعاااااااء
وهنا لازم يتذكر كل إخواننا المستضعفين والمغلوبين علي أمرهم في كافة بقاع العالم
ويدعيلهم بشدة .. نفر نفر
وفي النهاية يختم بقوله
اللهم وفق ابنائنا في الإمتحانات ..
بعد إيه؟
ما خلالالالالالالالالالاص


كل ده بقي والمفروض إن أنجح صافي
طب ازاي بقي؟
شوفتوا إن العيب مش فيا وإني مظلوم ..!!


طبعاً البوست ده برضه معمول علشان أستدر عطفكم وتدعولي
معلش استحملوني شوية ..
إنتم معندكومش اخوات بلاستيك؟

هناك 125 تعليقًا:

إيمان يقول...

هههههههههه
فكرتنى بأيام الامتحانات والاشتغلات

يا سلام بقه لو جحافل جيوش التتار قصدى الاطفال دول كانوا اخواتك واصحابهم من الجيران بيبقى ساعتها اشتغاله جامده موووووووووت
وياجمالوا بقى لو الدى جى قلب فرح بلدى واداها سعد الصغير لحد اذان الفجر
هيييييييييييييه دنيا كلنا لها
ربنا يوفقك ويسهلك المناهج ويقوى ذاكرتك
ويحنن عليك قلب الداكتره فى الشفوى قادر يا كريم

Bola 7elmi يقول...

ههههههههههههههههههههه
نياه هاهاهاهاهاهاها
اشتغالات بجد

بوست ف الجووووووووووووول
بجد دا اللي بيحصل
اليومين دول امتحنات ثانويه عامه .. والنور كان قاطع انهردا و اول مبارح ... بس انا نسيت اربط الوقعتين ببعض
سبحان الله


ربنا معااااااااااااااااااااااااااااااااك















و ربنا ع المفتري D:

MǿиY El-Shreef يقول...

هههههههههههههه

هي الحوارات دي بتحصل عندكو ف مصر :P

ايه ده كمان هو انت الي بتصحي نفسك :P:P

هع هع هع

احنا ماعندناش الاشتغالات دي خالص الحمدلله ههههههههه

بس موتني من الضحك ف حتت كتير اوي لايسعني ذكرها عشان دماغي مابقاش قابل يذكر او يتذكر او يتنيل ع عينه اي حاجه دلوقتي :D

كل الي اعرفه ان عنيا بتعيط من الضوحك :))

وبعدين انت خايف من الحسد

قال انجح صافي قال هع هع

بردوا بحسد :P:D

سلام بقى

موناليزا يقول...

ياااه:)
تعرف لو كنت لسه ماخلصتش دراسة وحبيت اكتب موضوع مشابهه كنت تقريبا هكتب عن نفس النقاط واضح فعلاً ان الموضوع ده عام ومنتشر جداً فى انحاء الجمهورية:)
عموما ربنا ينجحك يارب ويوفقك ويبعد عنك كل الاشتغالات المعلومة والمجهولة ايضاً

شموع يقول...

د/ ياسر عبد الفتاح
السلام عليكم
اللهم اجعل لك الصعب سهلا ويسر لك أمرك واحلل عقدة من لسانك يفقه لك أمرك
آميين آميين

Lady E يقول...

كلها اشتغالات وبتحصل فعلا

ربنا يوفقك في الامتحانات ويبعد عنك الماتشات :)

اللؤلؤة يقول...

د/ياسر عمر
اللام عليكم
من الواضح أنها إشتغالات تحدث فى كل بيت فلا مراعاة لشعور الأخرين هما مالهمش دعوة وبعدين إحمد ربنا إن أختك لم تكلفك بمرجحة العيال على العموم ربنا يوفقك وتخلص من الوش ده
تقبل مرورى

THE illusionist يقول...

باشا
انت محترف
انت لخصت اللى بيحصل لاى طالب فى اى امتحان
وخصوصا
::: اشتغالات الفيفا :::

يااااااااه
الاتحاد ده المفروض يتقفل من اللى بيعمله ايام الامتحانات
واشتغالات الامام دى وربنا مجربها
والكربا
محصلتش والله غير مره واحده
يوم امتحان التفاضل بتاع الثانوى السنه اللى فاتت
ومن ساعتها
وانا بكره الكهربا وتوماس اديسون
واخيرا
دكتور
انت بجد ابدعت فى البوست ده
نسيت بس تقول
اشتغالات الوزير ايام الامتحان
بييجوا بليل
ويقولك الامتحان سهل
تصحى الصبح يقولك احنا عيال
هنجيبوا صعب

د. ياسر عمر عبد الفتاح يقول...

إيمان

لا الحمد لله إخواتي مش صغيرين
وجنة بنت أختي صغيرة أوي علي التنطيط

والدي جي بيقلب والله كل حاجة
ده بيبقي أسوأ من الفرح البلدي
بس الحمد لله بيتنا الجديد مفيهوش الحاجات دي

د. ياسر عمر عبد الفتاح يقول...

Bola 7elmi

شوفتوا
يبقي موضوع النور ده عالمي يا جماعة
لا لازم نربط بقي
الموضوع كبير كبير كبير
دول بيعملوها قصد

ربنا يقدرنا ونطلع من سلك التعليم علي خير

د. ياسر عمر عبد الفتاح يقول...

MǿиY El-Shreef

أه بتحصل في مصر كلها
أما يعني في قبيلة الأشانتي كوتكو
___

أه أنا اللي بصحي نفسي
هوه حد بيعرف يصحيني ..
كله فشل من زمان في الموضوع

___

طيب الحمد لله إنك ضحكتي
الضحك عملة صعبة دلوقت

___

حسد إيه بس
هيه ناقصة حسد
والله صافي .. وياريتني عارف كمان أطلع صافي

الحمد لله علي نعمة الصحة
والمقبول عند الله جيد

د. ياسر عمر عبد الفتاح يقول...

موناليزا

ومعانا شهادة تاني
يا جماعة فيه فخ بيعملوه لينا علشان يسقطونا
(نظرية المؤامرة هتشتغل أهي)
هيه اسرائيل بنت التيت
بتبعت اشعاعات بتقطع الكهربا
وكمان بتبعت ناس تتجوز وتعمل حنة جنبنا
احنا لازم نتصدي لأعدائنا

وربنا إن شاء الله هينصرنا
ونطلع صافي

د. ياسر عمر عبد الفتاح يقول...

شموع

اللهم ءامين
ولنا جميعاً إن شاء الله

د. ياسر عمر عبد الفتاح يقول...

Lady E

ومعانا اعتراف تاني أهو
الموضوع بيكبر
ده ولا أنفلونزا الخنازير

د. ياسر عمر عبد الفتاح يقول...

اللؤلؤة

مرجحة العيال
مهو ده اللي كان ناقص
بس أختي معندهاش عيال ..!!
أختي عنده عيلة واحدة
وصغيرة علي المرجحة

بس برضه ده دليل علي إنتشار الإشتغالات

د. ياسر عمر عبد الفتاح يقول...

THE illusionist

معلش موضوع الوزير ده أصلي نسيته
ثانوية عامة دي كانت من أيام العصر الزحلقي بالنسبة لي

ده إنت اللي باشا ورئيس قسم كمان
منور يا (باشا)

Sweet Violet يقول...

ههههههههههههههههههههههههههه

يااااه فكرتنى باايام الامتحانات

تخيل فعلا ان يوم الامتحان ده لازم يحصل اى حاجة

بس الحمدلله موضوع النور ده ماحصلش ولا مرة 55555 معلش علشان القر بس

عندى اخوات لسه فى الدراسة ((:

ربنا يوفقك يارب

أم مالك يقول...

ضحكتنى والله يادكتور
بقى كل ده بيحصل كان الله فى العون
بس على فكرة ديه شكوى فى كثير من البيوت
ربنا يسهلك الامور وجاى تقول الحاجات ديه دلوقت
قرب الامتحانات ماحتخلص
لو عارفة كده كنت طلبت انك تعمل تحويل عندنا
احنا عندنا لاالنور بينقطع ولا الافراح تقدر تطول
مش انا قلت جيرانا مين
ربنا يعينك ويوفقك
تحياتى

شقاوة مراهقة يقول...

هههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههه

توحفه جدا البتاع ده .. تسلم ايدك ..

كلها اشتغالات جامده ..

الحمد لله انا مش فـ مصر خاااالث :d

كان الله فــ عونك يا دوك ..

بالتوفيق ان شاء الله ..

وربنا عــ الظااااااااالم والمفتري ..


تحياتي / شقاوة مراهقة

hager za3bal يقول...

هههههههههههههه

تحفه
موتني م الضحك

بتحصل دايما معايا اشتغالات القرايب والسرينه اللي بتتفتحدي :))

وعجبني اوي صاحبك اللي جابه لنفسه :)) يعني النور يقطع وكمان الدي جي :))

ولا الشيخ
ايه الورع والتقوي اللي جم اذ فجاه دول

لا لا لا
بجد ربنا معاك
وان شاء الله تنجح صافي

ALMOJADED يقول...

خخخخخخخخخخخخ

يحلى النوم وقت الدراسة
يحلى الانترنت أيام الدراسة

وفقك الله

مجرد مدونة يقول...

ايه الحلاوة دى :)
لا بس عيب عليك انت إن شاء الله هتجيب تقدير بس انت قول يا رب :)

عاشقة الأحزان يقول...

السلام عليكم


عسل مووووووووت يادكتور والله

ههههههههههههه

هع هع هع هع هع هع هع


هموووووت من الضحك

ربنا يروق بالك يارب
ويجحقق ليك ما بتتمنا
امين يارب العالمين
وان شاء الله تجيب احسن تقدير ومتنسانيش فى الحلاوة

تحياتى
اختك
انوسه

ايومي يقول...

فكرتني باللي فات,
الظاهر انها طقوس للامتحانات في بلدنا الغالية,
بالتوفيق ان شاء الله.

ست البنات يقول...

ربنا معاك يا د ياسر
هتعدي صافي إن شاء الله مادام التقصير مش منك :) هيا الظروف هتعمل ايه يعني...:)
ربنا يديك على أكتر من مجهودك :)
ادعيلنا أنت أيضا

ديالا يقول...

تصدق والله والله ده فعلا الي بيحصل وبالحرف كمان

انا قلتلهم لما فشلت في دخول الهندسه ودخلت كليه التربيه ان شركه الكهرباء هيا السبب ومحدش صدقني الحمد لله اني لقيت حد مصدقني

بس الحمد لله اترحمت من مقالب الاتحانات السخيفه دي وخلصت الكليه هيييييييييييه

ربنا يعينك بقي وحلوه اوي نكته الشاي والقهوه دي

عثل عثل

تقبل مروري

أبو العريف يقول...

هههههههههههههههه

ايه يا عم كل الاشتغالات دي
والله شكلك انت اللي بتشتغلنا

اقولك بجد
انا بقي كنت بخترع اشتغالات

يعني المشاوير اللي متأجله من التلاتينات
ما يحبكش اروحها الا في الامتحانات

كمان اصحابي الرخمين اللي داينا
بنفضلهم في الايام العاديه

اتصل بيهم و
انت ليه ما بتسألش
وما تيجي تضرب معايا كبايه شاي

وهكذا دواليك

يعني ان مالقيناش اشتغالات
هنشتغل نفسنا

من أجل التمكين يقول...

بأقولك ايه

خليهم يدعولي أنا كمان معاك

ونعم الاشتغالات

ربنا يستر يا صيدلي باشا

-

المشخبطاتى يقول...

والله روعة يادكتور..الواحد كان نفسه يكتب حاجة بالأسلوب دا..لكن بصراحة أنا فطست من الضحك..

والحمد لله أنا خلصت إمتحانات..بس الإشتغالات الترم التانى متظبطة وكانت أى حاجة بتبقى فى اليوم اللى الواحد راجع فيه من الإمتحان..!

mohamed ghalia يقول...

حبيب قلبى وحشتنى جداااااااااااااا
أنا لسه مخلص إمتحانات النهاردة
عقبالك يادكتور

همسة يقول...

هههههههههههههههههههه
بس والله بتحصل .وخصوصا الكهرباءفى إمتحانات الميد ترم كان لازم قبل أى إمتحان النور يقطع وانزل زى المشردين فى الارض أذاكر عند تاتا ماشى خالتو مفيش مشكلة واول ما أوصل ألقيهم بيتصلوا بيا فى البيت تعالى خلاص النور جة والحمد الله .لدرجة انو المادة إلى النور مقطعش فيها قولتلهم المادة دى هتيجى وحشة وفعلا جت وحشة جدا.والله الاشتغالات دى كتير عايزة بوست الواحد يكتب فية .

همسة يقول...

اة نسيت أهم حاجة أحباب الله يعنى يا دكتور دول بيجوا عندكوا زيارات ساعة ويمشوا أمال إللى زى يعمل أية ينتحر .الحمد الله عندى أختين شقاوة الدنيا فيهم .فأنا عندى عرض مستمر طوال العام .ربنا يقوينى

MaNoOoSh يقول...

لالالالالالالالا
انت صوعبت عليا والله
خلاص الواحد هيدعيلك دعوتين بضمير
ربنا يوفقك وتنجح بدرجات عالية كمان

بس تصدق فعلا تحس ان ايام الامتحانات كل حاجة فى الكون بتتفق على الواحد علشان تمنعه من المذاكره.. (ال يعني لو مفيش اى موانع احنا هنذاكر)
هع هع هع


يللا سلام الوقتى
وربنا معاك بقى
بس ركز انت شوية

beautiful mind يقول...

ياخبر يا دكتور

فكرتني والله باشتغالات ايام الامتحانات ( الله لا يعودها )

بس انت امتحاناتك طولت اوي

دا انا من يوم ما دخلت مدونتك وانت بتمتحن

اخلص بقي يا دكتور

وتحياتي اليك

Rooma Qandil يقول...

كله الا عملية الدي جي بيبقى فعلا ايام الامتحانات الصعبة وان لم يكن ليلة الامتحان
لاء ومرة في ديجي فرح نااس تقريبا كانوا بيقعدوا معرفش بيعملوا ايه لانه مش فرح طبيعي والديجي كان لغاية قبل الفجر...طلع في الاخر بتاع حد في الشرطة وبمزااجه ونولع احنا بقى..:D

ربنا يعينك في الامتحانات ان شاء الله...:)

norahaty يقول...

ايام الامتحانات
ومن خوفى من المنبة
كنت بأصحى من قبل ما يرن حتى!
اصحى قبله واقفله وأنـــــــام!
شفت الهنا اللى كنت فيه:)

norahaty يقول...

ربنا ينجحــــــــــــك ياصيدلى
انا مش بزعق! انا بس بوصلك صوتى:)

Mo7ammed يقول...

ههههههههههههههههههههه

انا كمان بستدر عطف الناس
ويارب يدعولى لأنى منيل اوى الترم ده
اينعم طالع الترم اللى فات بمادة
بس الترم ده ب 4 موااد
ولسة فاضلى مادة يوم الاحد

دعواتك بقى

بالمناسبة
انا قدام بيتنا ساحة شعبية
يعنى مركز شباب
يعنى لعب كورة ليل نهار
وانا الحمدلله بتابع اللعيبة دايما
علشان ابقى فخور بمهارات عيال حتتى
يعنى افخر بيهم ولا ازاكر يعنى ؟

قلمي يقول...

ربنا يوفقك بس في اشتغلات اكبر بكثير زي مثلا
اشتغلات شباب الاطباء بسيطه اذا ما قورنت باشتغلات البنات


واحده تدخل من باب بيتهم بعد النظري تلاقي مامتها رجلها مكسوره وتاني يوم الشفوي


واحدة يجيلها التهاب رؤي حاد قبل امتحان الباطنه بس تقرر تدخل وتعدي مش مستحمله تأجل
والحمدلله تدخل يقوم يجيلها dental abcess قبل امتحان الورقه التانيه في الباطنه وتبقي هتولع في نفسها في اللجنه ....بس الحمد لله عدت برده

او واحده تانيه تتخطب ايام الامتحانات والمفروض هتتجوز اول ماتخلص تبقي بتمتحن وبتفكر في الفرح والنكته والاشتغاله فعلا ان حنتها تكون يوم شفوي اخر يوم امتحان في البكالريوس تخلص الشفوي وتطلع تتحنى:D


واحده بقي ترزق باول مولود لها في نص امتحانات 6 طب بين الجراحه والنسا

الاجمل ان دكتوره تنجب يوم امتحان الزمالة :D

ديت الي بيتقال عليها اشتغلات بجد مش انفلوانزا ودي جي وكلام من ده


البنات والله مظلومه
ربنا يوفقكم جميعا

د/عرفه يقول...

ايه يا دكتور لازم كده
امال اسوء ليالى السنة ازاى

وبعدين لازم تطلع صافى معندناش حد يشيل حاجة
وخصوصا المبدعين زيك

ربنا يوفقك يارب

أحمـــــــــــــد أبو العلا يقول...

هههههههه

لا لا مش ممكن ياجميل
يظهر ان في حد مسـتأصدك

اشتغالات الامتحانات ديه وردت عليا قبل كده بس مش بالحرفنه بتاعك ديه ابد

حلوه اوي الاشتغاله اللي بنتزل فول اوبشن او هاف اوبشن

ربنا يوفقك ياجميييييل

enjy يقول...

صح والله انا مجربة كل هاذوهى الاشتغالات اشتغالة اشتغالة

GiGi worled يقول...

صح تمام
لكن ياعزيزى الانسان برده اللى ساكن جنبنا بيطلع الاول طب ليييييييييييييييييييييييييه
يمكن عنده واسطه
ولا احنا لازم نلقى كل حاجه على الظروف
طبعا انا عارفه ان كل ده تريقه
بس فى ناس دماغها كده فعلا
ربنا يكرمك وامتحانات موفقه يارب
بس فى حاجه بقى مهمه جدا حضرتك نسيتها
النت
يعنى المفروض الطالب المجتهد يسيب هذا الجهاز اللعين اللى بيسرق الوقت دووووووووووول فتره الامتحانات اصل هى بس خمس دقايق ويبقى اليوم ضاع لان ببساطه مش هتقوم

تحياتى

saheda.com يقول...

أنشئ عدد من المدونين مدونة تحمل إسم فارس بركات وقد تضمنت المدونة العديد من الكليبات الفنية بخصوص قضية ال26 المقبوض عليهم من الإخوان المسلمين يوم الاحد 17/5/2009 يوم إلقاء فارس بركات من شرفة الدور الرابع .

وقد تصدرت صور فارس بركات المدونة وهو يرقد بالمستشفي وهو مقيد بالاغلال ولا حول له ولا قوة له إلا بالله

وقد ذكروا في المدونة كلمات تعريف بفارس بركات ذكروا بها:-

فارس بركات هذا الهادئ الوديع الطيب الداعى للهدوء والتعامل بحكمة يعرفة كل اهالى حى ابو الريش ينادى من صغره بالشيخ فارس لم يتجرأ كبير او صغير فى حى ابو الريش ان يناديه باسمه مجردا دون القاب ذالك تقديرا وتوقيرا منهم اصغر منه يشعرون انه اباهم الحنون العقل الوقور رفقاء سنه يشعرون انه كبيرهم واكثرهم اتزانا وعقلا اما منهم اكبر منه يستشيرونه ويحترمون رأيه

فارس بركات نحبه جميعا ونحترمه ونوقره ندعو الله ان يشفيك ويعافيك وندعو على من اذاك ان ينتقم الله منه شر انتقام وان يشفى غل صدورنا منهم وان ينتقم منهم فى ابناءهم وذويهم اللهم ااااااااامين


رابط المدونة

farsbrkaj.blogspot.com

ستيته حسب الله الحمش يقول...

هو انا ها أسكت
ها ارد باشتغالات امتحانات من نوع تاني خالص
التعليق اللي قبلي على طول ده وجع قلبي
اه يا مصر بقيتي كلك على بعضك كتلة ألم

ربنا ييسر لك امرك انت وكل اللي زيك
تحياتي

dr aly khamis يقول...

السلام عليكم و رحمة الله و بركاته
لا لا لا لا
ده ابداع و الله جامدة اوى
أضحكتنى أضحك الله سنك
تسلم ايديك يا باشا

بس انت نسيت اشتغاله
اشتغاله المدونة
ييجى واحد حلو مقطقط كده فاكر نفسه شاعر كاتب بيتين ملهومش لازمة و يقولك بالله عليك يا أخويا يا ياسر اقرأ القصيدة دى و قولى ايه رأيك فيها
خلاص يحلى الشعر و المواهب المدفونة أيام الإمتحانات

D:

بارك الله فيك
أسأل الله لك التوفيق فى الإمتحانات و بعدها
روح الهى يجوزك يا شيخ

د. ياسر عمر عبد الفتاح يقول...

Sweet Violet

فعلاً لازم يحصل حاجة
ولو محصلش حاجة ,, يبقي أكيد فيه حاجة

ربنا يوفقك إخواتك
بس علي فكرة أنا مبحسدش
أنا بقر

د. ياسر عمر عبد الفتاح يقول...

أم مالك

هههههههههه
ربنا يكرمك
يجعله عامر
وبعدين زي ما حضرتك قلتي ,, هااااااانت

د. ياسر عمر عبد الفتاح يقول...

شقاوة مراهقة

طيب الحمد لله ,,
شوفتوا بقي بنتعب قد إيه
وعلي فكرة كل حتة ليها اشتغالاتها الخاصة
يعني مش علشان إنتم في مصر ميبقاش فيه اشتغالات


ربنا يبعد عننا كل أنوع الإشتغالات

د. ياسر عمر عبد الفتاح يقول...

hager za3bal

دي اشتغالات عالمية
لازم كل واحد يلاقي اشتغالة ولا اتنين راكبين معاه
ربنا يقويتا ,, ونتخرج بعقلنا

د. ياسر عمر عبد الفتاح يقول...

ALMOJADED

فكرتني بالنوم
أصل بقيل أكثر من ساعتين صاحي
وبدأت أنعس تاني
مفيش أحسن من النووووووووم

د. ياسر عمر عبد الفتاح يقول...

مجرد مدونة

ياااااااااااااااارب
اديني قلت أهو
منور يا أخي

د. ياسر عمر عبد الفتاح يقول...

عاشقة الأحزان


اللهم ءامين
ربنا يسمع من حضرتك
أنا مش طماع
بس أنجح

د. ياسر عمر عبد الفتاح يقول...

ايومي

أه هيه فعلاً طقوس
ربنا يوفقنا جميعاً

د. ياسر عمر عبد الفتاح يقول...

ست البنات

ربنا يوفقك يا أختي
هيه فعلاً الظروف واقفة ضدنا
هعمل إيه يعني
هقطع نفسي؟

د. ياسر عمر عبد الفتاح يقول...

ديالا

لا هيه السبب
اصل فيها خبراء يهود عاوزين يسقطوا أبناء المسلمين
(نظرية المؤامرة )

ربنا يوفقنا جميعاً
ونخلللللص بقي

د. ياسر عمر عبد الفتاح يقول...

أبو العريف

إنت عارف أكثر حاجة ندمت إني منزلتهاش
موضوع إني بشتغل نفسي
بس دي محتاجة بوستات
مجموعة حلقات عن كيفية إشتغالة نفسك
متقلقش
لو عملت المجموعة دي
هبقي أحط الإشتغالات بتاعتك
مع حفظ حقوق الملكية الفكرية طبعاً

د. ياسر عمر عبد الفتاح يقول...

من أجل التمكين

ياسلام
بس كده
ادعوله يا جماعة

بس شد حيلك إنت كمان

د. ياسر عمر عبد الفتاح يقول...

المشخبطاتى

يا عم ولا يهمك
أنا كتبت بالنيابة عن جموع الطلبة
الحمد لله إنك خلصت إمتحانات

ربنا يوفقك

د. ياسر عمر عبد الفتاح يقول...

mohamed ghalia

ازيك يا محمد
ألف مبروك يا عم
بس إنت جاي تغظيني يعني؟
ماشي ,, ماشي

منور يا محمد

د. ياسر عمر عبد الفتاح يقول...

همسة

مش بقولكم
شركة الكهرباء دي لازم نعمل معاها وقفة
وقفة من اللي هيه دي

ربنا يوفق الجميع
ونخلص بقي

د. ياسر عمر عبد الفتاح يقول...

همسة

قاعدين طول النهااااار
لا ربنا يعينكم

د. ياسر عمر عبد الفتاح يقول...

MaNoOoSh

وهوه ده المطلوب
إني أعب عليكم
وبكده تدعولي
وبكده أنجح

هيييييييييييييييييييييييه
أيام الإمتحانات دي أيام كرب

د. ياسر عمر عبد الفتاح يقول...

beautiful mind

والله من قبلها يا عم
ده أنا امبارح قعدت أفكر كده
هوه أنا بدات إمتي امتحانات؟
لقيت نفسي مش فاكر
اللي فكره إني بمتحن من زمااااااان
ولو عليا والله أنا عاوز أخلص من زمان
همه اللي مش عاوزين

د. ياسر عمر عبد الفتاح يقول...

Rooma Qandil

انا بقي عارف قاعدين بيعملوا إيه
ربنا يهديهم
فعلاً الشرطة في خدمة الشعب

د. ياسر عمر عبد الفتاح يقول...

norahaty

تقفليه وتنامي
أنا خلاص مبقتش أظبط منبهات أصلاً
دي كانت مرحلة وانتهت
دلوقت سهر طول الليل بدون نوم
الحمد لله
شفت كثير أوي في الكلية دي

الحمد لله
__
شكراً علي التوضيح
أنا كنت فاكرك بتزعقي
أصل مبحبش حد يزعق عندي هنا

د. ياسر عمر عبد الفتاح يقول...

Mo7ammed

ربنا يوفقك
__
لا طبعاً لازم تقف جنب ولاد حتتك
وتشد من أزرهم
وكمان تنزل تلعب معاهم :)
هيه دي الأصول

د. ياسر عمر عبد الفتاح يقول...

قلمي

خلاص خلاص
قطعتي قلبي
ربنا يكون في عون الأخوات والله
بس برضه يعني إحنا بنقاسي كثير
ولا علشان إحنا بنستحمل ومبنحبش نتكلم
بنكتب بوستات بس

د. ياسر عمر عبد الفتاح يقول...

د/عرفه

لا والله يا دكترة
ده المبدعين اللي زيي أكثر ناس بتشيل
مش فاضيين للدراسة
قاعدين بيبدعوا

منور يا دكترة

د. ياسر عمر عبد الفتاح يقول...

أحمـــــــــــــد أبو العلا

حد مستقصدني؟
ده حد وأربه وخميس
اسكت اسكت يا هندسة متفكرنيش

__
ده الجديد
فول أوبشن
ولو عاوز من غير كاسي كمان فيه
زي ما تحب

د. ياسر عمر عبد الفتاح يقول...

enjy

كلهم كلهم ..!!
طيب الحمد لله إني مش لوحدي
ربنا يوفق الجميع

د. ياسر عمر عبد الفتاح يقول...

GiGi worled

مفيش حد جنبي بيطلع الأول ..!
وبعدين أنا لو عاوز أطلع الأول هطلع
دي حاجة بسيطة جداً
بس هذاكر
الموضوع سهل يا جماعة بس إحنا بنصعبه علي نفسنا

أنا عارف إن فيه ناس بتحب الشماعات أوي
علشان يعلقوا عليهم أخطائهم
بس أنا والحمد لله مبعملش كده
ده أنا مموت نفسي من المذاكرة
(سامحني يارب)

فعلاً الكمبيوتر ده رهيب
بيسرق الوقت بطريقة رهيبة

د. ياسر عمر عبد الفتاح يقول...

saheda.


ربنا يكرمك يا أختي
وينصر الإسلام والمسلمين

د. ياسر عمر عبد الفتاح يقول...

ستيته حسب الله الحمش

شفت البوست
بتردي عليا ببوست كامل
ليه هوه أنا عملت إيه يعني؟
كلكم عليا

د. ياسر عمر عبد الفتاح يقول...

dr aly khamis

ههههههههه
ربنا يخليك يا دكترة
المهم إنك ضحكت شوية
دي أهم حاجة عندي


علي فكرة إنت شاعر كبير
بس إنت مش حاسس بقيمة نفسك ...!!

وأنا مش عاوز أوريك الهجص اللي كنت بكتبه زمان
ده إنت هتضحك عليا جداً
بجد بجد ادرس بس عروض
وغنت هتلاقي نفسك زي الفل
بس تبقي قولي هتدرسه من فين
علشان أنا كمان عاوز أدرسه :))

mosooz يقول...

هى الامتحانات اشتغالات
دى اللى قبل المتحانات بس
طيب واشتغالات الامتحانات نفسها
واشتغالات الدكاترة
بس تعرف كل حاجة من دى ليها لزمة
يعنى الكهربا لما تقطع ..بيطعوها ..علشان محدش يشغل جنبك حاجة ..تقوم تعطلك عن مذاكرتك
والدى جى...علشان تذاكر على انغام الموسيقى فيرتاح قلبك كدة ..وبالذات لو بحبك يا حمار..والبانجوا شغالين..هذة الموسيقى الراقية

المنبة ...علشان تنام كويس ..وترتاح فالراحة اهم حاجة عند دخولك الامتحان

وكدة ..فهة بيحصل كدة لمصلحتك

بص لنص الجردل المليان
هههههههههه

ربنا مهاك فى امتحاناتك يارب
وتخلص على خير

ميرام يقول...

ههههه
بجد واله بتحصل
(:
افتكرت آخر مادة ..
الدكتور كان سامحلنا ندخل بورقة A4 ونكتب عليها وش وظهر أي notes عايزينها ..
وطبعا أنا قررت أحط المنهج ..وبالفعل ...عملت المستحيل لحد مابقت الورقة مكدسة ..وكنت واثقة بقى من نفسي داخلة بالمنهج
وحسيت اني داخلة امتحان أوبن بوك ..
وصحيت الصبح مالقيتهاش ):):

وكانت أسوأ اشتغالة حصلت في حياتي ..
وربنا يستر وانجح في المادة

ربنا يوفقنا جميعا (:

تحيــــــــاتي

عطش الصبار يقول...

دكتور ياسر
السلام عليكم
زى ما بنستعد للعيد باالكعك والبسكويت وغيره وزى ما بنستعد لرمضان بالزحف المقدس على السوبر ماركت
وزى كل العادات والتقاليد والمواسم لازم نستعد باشياء غريبه فى البدايه تتحول بعد كدا لعاده ربنا مايقطعها
برضه مولد سيدى الامتحان لازم نستعد له بكل الاشياء اللى ذكرتها انت
كل سنه وانت طيب بمناسبه عيد الامتحانات
تقبل تحياتى

المهاجر يقول...

دايما يا دكتور الظروف مبتخدمش حد خالص مهما كان والغريبة إن كل ده مبيجيش إلا فى الأوقات الازمة جدا

وشكرا على التدوينة الجميلة

ياسر سليم يقول...

ربنا يوفقك ويكرمك يارب

رابطة هويتي اسلامية يقول...

بالتوفيق ان شاء الله
وربنا ييسر الامور لجميع المسلمين

ننتظركم فى زياره رابطتنا ورابطتكم هويتى اسلاميه ونسعد بذلك

محمد سعد القويري يقول...

الأخ الفاضل :: د.ياسر عمر عبدالفتاح ::

السلام عليكم

اشتغالات الامتحانات

والله فعلا في أوقات الامتحانات
الشواغل والصوارف بتكثر وتحلو

أعانكم الله
ونلتم أعلى الدرجات

Hossam يقول...

hahahahahahahahhahahahahahaahahha
بجد حاسس اوى بحالة الطلاب فى مصر
عجبنى اوى التهكم السخرى ده
حبيتة اوى الا موضوع صلاة الفجر والله عملها معايا يوم الامتحان والمفروض بمتحن على طريق مصر الاسماعيلية
يلا الحمد للله
وحشتنى جدا صديقى
تحياتى لك ويا رب كل الطلبة موفقيين

بـسـمـــة صـــــلاح يقول...

يالهوووووووووووووووووووووووووي
كل دا بيحصل
ايه ده انا في نعمه ياناس ولله الحمد
احمدك يارب
اني مش في مصر
هههههههههههههههههههههه

ربنا معاك يادكتور
ويعينك على اللي بيجرالك
بس دم حضرتك سكر والله ماشاء الله عليك

طوبة ذهب وطوبة فضة يقول...

لا بجد اللى يقولك بعد كل الاشتغالات دى تنجح بيور يبقى حد مش عايش فى الدنيا وبجد صعبت علينا وبعد كل الحواديت اللى قطعت قلبنا كان ممكن تقولنا من الاول ادعولى وكنا هندعيلك من غير ما نضيع وقت ذى ماتش الكوره ربنا يكرمك يارب وكلنا مرينا بكل اللى بتقول عليه ده وبجد بكره تفتكر الايام دى وتعرف انها كانت احلى ايام فى حياتك ربنا يوفقك وتعدى كل امتحانات على خير يارب ونطمن عليك وعلى اخواتنا البلاستيك كمان

كلمات من نور يقول...

ٍسبحان الله يا بني

كلامك صح الصح وخاصة جزئية النور

عندنا في المنطقة النور بدأ يتقطع بالساعات من ليلة امتحان العربي للثانوية العامية
وابني الغلبان اللي بيقطع الورق والكتب من كتر المذاكرة وغيره من الغلابه كانوا حيتجننوا و أنا بدأت أشجب و أستنكر ولسه حاكلام المحافظه أتوعد و أهدد لقيت النور جه بس بعد ساعتين من حرقة الدم


نيجي بقى للشاي والقهوة كمنبهات فكرتك عجبتني علشان ابني الكبير بدأ التمرين في شركة وكل يوم يقولي صحيني الساعه 8 الا ربع أو اشتري منبه و أنا اضبطه و أصحى عليه

بس الاخ داه بقى لو حطيت جنبه 890 كوب شاي وزيهم قهوة وكوكا وموبايلات البيت وتليفونات الجيران كمان مش بيصحى

بس حجرب نصيحتك

ربنا ينجحكم يا أبنائي آجمعين( أبنائي أجمعين تعني أبناء وبنات أمة محمد

سمو الامير يقول...

هههههههههههههههه

الحمد لله ان فيه حد يشاركني المأساة دي :D

هو اللى بيحصلنا ده شوية

حسبي الله ونعم الوكيل

د. ياسر عمر عبد الفتاح يقول...

mosooz

جردل إيه بس
ده أنا اللي جردل
أنا كنت وقفت تعليم بعد ثانوية عامة
إيه اللي رماني علي الغلب ده

د. ياسر عمر عبد الفتاح يقول...

ميرام

الإشتغالات دي حاجة عالمية
كل واحد عنده اشتغالاته الخاصة
مفهمتش يعني ندخل بورقة؟؟

د. ياسر عمر عبد الفتاح يقول...

عطش الصبار

والله أنا بحس إن الإمتحانات هيه اللي بتستعدلنا
وبتحمي شفرتها علينا
مش إحنا اللي بنستعدلها

د. ياسر عمر عبد الفتاح يقول...

المهاجر

فعلاً
دايماً يبقي فيه متاعب في الحياة
تأتي الرياح بما لا تشتهي السفن

د. ياسر عمر عبد الفتاح يقول...

ياسر سليم

وإياك
شكرااااااا

د. ياسر عمر عبد الفتاح يقول...

رابطة هويتي اسلامية

اللهم ءامين
دايماً بزورها علي فكرة

د. ياسر عمر عبد الفتاح يقول...

محمد سعد القويري

بالظبط كده
منور يا أخي الفاضل

د. ياسر عمر عبد الفتاح يقول...

Hossam

إيه حال الطلاب في مصر ده؟
هوه إنت مش معانا هنا ولا إيه؟

والله إنت اللي واحشني
محدش بيشوفك من زمان

د. ياسر عمر عبد الفتاح يقول...

بـسـمـــة صـــــلاح


أه والله
كل ده بيحصل

والحمد لله إني في مصر .. مش العكس

د. ياسر عمر عبد الفتاح يقول...

طوبة ذهب وطوبة فضة

الناس فاكرو النجاح في حد ذاته سهل
شوفتوا بقي إني مظلوم ..

هوه ده المطلوب
إنكم تدعولي

د. ياسر عمر عبد الفتاح يقول...

كلمات من نور


هههههههههههههههههه
أنا بقي بطلت أتعب أهلي
ومبقتش بنام أصلاً ليلة الإمتحان
ربنا يوفق أبناء حضرتك (اللي همه أبناء وبنات الأمة كلها)
جزاكِ الله خيرا يا (أمنا)

عمرو يقول...

بوست جميل جميل جميل :))
أكتر شىء بيضايقنى فعلا و بصراحه الدى جى أبو سماعات كل واحده فيهم قد جبل المقطم تحيه للعروسين !!
طكيب بالذمه أعصاب العريس تبقى شكلها أيه بعد هذه الدوشه المريعه الغير حضاريه و اللااٍنسانيه دى ؟؟!!
كمان زيارات الأقارب بعيالهم العفاريت الزرق اللى لا تحلو اٍلا أيام الاٍمتحانات بدون مراعاه لأى شىء و ممكن يكون بقالهم شهور ما بيفكروش فى الزياره لكن تحلا بقى أيام الاٍمتحانات !!
تقبل تحياتى و تقديرى و اٍعجابى بمدونتك ..

ghorBty يقول...

ان شااااااااء الله يارب بعد كل دا وتنجح صافي برضوه

لا مكان للحجج عندنا :)

البوست عجبني جدا اضحك الله سنك واسعدك بما تحب ..

وفاء بركات يقول...

نسيت حاجه يادكتور الجيران بيطلقو العيال في الشارع مهما خلصو إمتحان فلازم يفرجو شويه عن نفسهم .
طب ياستي في ناس لسه بتمتحن ترد وتقول اللي ذاكر ذاكر من السنه يعني أحبس العيال وأخنقهم الشقه ضيقه والراجل عايز يريح شويه وانا وريا طلبات ومش حتخلص ويمكن تقلب بخناقه..
ربنا معاك ومع كل الطلبه بالنجاح الصافي وتقدير
يفرح إن شاء الله

غير معرف يقول...

مقبول منك النصيحة يادكتور
احنا لسه على قدنا وبكرة نتعلم ونبقى زيكم (:,
ممكن تعاود النظر هناك.

جريدة الصباح العربي يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/groups.php?ref=sb#/group.php?gid=78080770039
انتهينا من مسابقة العدد الاول ونحتاج كميات أكثر من القصص لباقي الاعداد
العدد الاول سيكون في يوليو وقد قمنا بتأجيله نظراً للامتحانات الدراسية وسنكون بالاسواق بعدها ...
المسابقة ستكون دورية نريد أن نظهر أكبر عدد من الأدباء الشباب الى النور
تحياتي للجميع

mimi يقول...

الف الف مبروووووووك ...

بجد فرحتللك ...

http://advsarab.blogspot.com/2009/06/blog-post_22.html?showComment=1245677152161#c7374220927420802427

فشكووول يقول...

زى ما يكونوا مستقصدين الطلبه ايام المذاكره وقال تكتر قوى الحاجات الغريبه دى
بس اوحشه بقى الدى جى الله يخرب بيت اللى اخترعه
عموما قلبى معاك وربنا ينجحك ولو انك بتقدم عذر يعنى ... وفقك الله
تحياتى

لاسع افندى يقول...

هههههههههههه

المهم دعواتنا لك بالتوفيق
اقولك فزوره
اذكر ثلاثة اشياء مرتبطه ببعض مالهاش تأثير فى بعض ؟

الاجابه

المذاكره الامتحان النتيجه
ممكن تذاكر كويس وتحل كويس وتسقط
ممكن ماتذاكرش وتحل كويس وتسقط
ممكن تذاكر وماتحلش وتنجح
الخ الخ الخ.....
كل الاحتمالات وارده

ن يقول...

السلام عليكم
الدكتور .. ياسر
وبعدين ايه أخرة ايام الامتحانات دى طولت انا جيت قبل كدةلقيتك فى الامتحانات وبعدين أخذت دور بردونمت مريضة وانت فى الامتحان وربنا شفانى وعدت من فترة النقاهة وانت فى الامتحان .. ربنا معاك يا بنى ويعينك على الامتحانات بالنجاح ان شاء الله .
وآسفة على التأخير .
مع خالص تحياتى

غير معرف يقول...

دكنور ياسر ربنا يعزكي ارب تبقى فى خير وسعاده وخير حال
حضرتك غبت شويه قلت بس نطمن على حضرتك ويارب يكون الامتحانات ماشيه كويس
ربنا يوفقك ويعزك يارب

غير معرف يقول...

على فكره انا اللى الغير معرف ده
جيجي والعالم

أدهم يقول...

السلام عليكم
د/ بوست رائع ينم عن خفة ظل واضحة وتحويل المشاكل إلى مادة للسخرية بدل ما نطق نموت .بالتوفيق دائما

القلم السكندري يقول...

السلام عليكم

موفق شاء الله

كله بيمر :)

أم مالك يقول...

ازيك يادكتور واخبارك ايه
انت والامتحانات قلبى عندك
يارب تخلص على خير
انا قلت ادخل اسلم واطمن
وبجد لك وحشة وربنا يطمنى عليك
دعواتى

egyboy يقول...

ازيك يا دكتور ولكن هلى لى أحجز مكانا فى بيتك حيث أن الإشتغالات تحاصرنى من كل الجهات بالطبع سأجد هذا المكان ولكن يجب أن يكون بحريا لأننى أعشق البحر والتصيف أيام الإمتهانات أليست كذلك يا دكتور

شموع يقول...

السلام عليكم
جئت لأهنئك بفوزك بالمركز الأول وأنت تستحقها
فمليوووووون مبروووووووووووووووووك
وعقبال المركز الأول فى إمتحانات هذا العام
تقبل مرورى

saheda.com يقول...

كشف الدكتور صلاح البردويل القيادي في حركة المقاومة الإسلامية حماس والمتحدث باسم كتلتها البرلمانية أن الرئيس الأمريكي الأسبق جيمي كارتر قدَّم رسالةً لحماس أسوأ من شروط "الرباعية"، مؤكدًا أن الحركة لن تخضع لأي ابتزازٍ سياسي فيما يتعلق بالثوابت رغم كل الضغوط والتهديدات، مشددًا على أن هذا قرار إستراتيجي.



وأوضح البردويل في تصريحاتٍ له خلال ندوة سياسية عقدتها صحيفة (فلسطين) أعلنت اليوم؛ أن خطاب مشعل سيؤكد ويذكر العالم بالثوابت الفلسطينية في ضوء المستجدات السياسية الأخيرة، مشيرًا إلى أن هذا الخطاب سيتناول أمرين: الأول يتعلق بتذكير العالم كله بالثوابت الوطنية الفلسطينية، وسيكون تعقيبًا واضحًا على خطاب رئيس حكومة العدو الصهيوني بنيامين نتنياهو، أما الأمر الثاني: فهو أن هناك خشيةً من تصفية القضية الفلسطينية؛ حيث إن رد فعل السلطة لم يكن مستنكرًا خطاب نتنياهو إلا ببعض العبارات العاطفية، ولا يزال التنسيق والعمالة الأمنية جارية في الضفة الغربية.



وأشار القيادي في حماس إلى أن خطاب مشعل يأتي بعد خطابي نتنياهو وأوباما وزيارة كارتر التي كشف لأول مرة عن رسائل تهديد حملتها.



وأوضح البردويل أن الرئيس الأمريكي الأسبق جيمي كارتر، وخلال زيارته إلى قطاع غزة مؤخرًا، قال لـ"حماس": "ساعدونا حتى نساعد أوباما على أن يتغلب على اللوبي الصهيوني ويحقق سياسته"، متسائلاً: "بماذا يريد أن نساعده حتى يساعد ميتشيل، وحتى يساعد ميتشيل أوباما، وحتى يستطيع الجميع أن يتقدموا في سياسة التغيير، وأن يرفعوا شروط "الرباعية" عن الشعب الفلسطيني!".



واعتبر أن كارتر قدمَّ رسالةً أسوأ من شروط "الرباعية"، قائلاً: "طلب منا أن نوقع عليها (الرسالة) لنرسلها إلى ميتشيل ليرسلها إلى أوباما.. كلهم يلعبون لعبةً واحدة".



وأضاف: "وقال كارتر: (إن ميتشل ينتظرني على أحر من الجمر، وإذا لم يحصل على هذه الرسالة فأنا أعتقد أن مصيركم سيكون صعبًا جدًّا جدًّا، وحتى لو حدثت انتخابات لن يسمح لكم حتى بدخولها.. أنا حزين لذلك.. أنا لا أريد ذلك، ولكن القرار ليس بيدي)".



وشدد البردويل على أن "اللعبة واضحة.. أوباما يبدأها.. نتنياهو يستثمرها.. كارتر يلعب في تشبيك العلاقات والاستفادة المباشرة من ردود الأفعال عمليًّا".



واعتبر البردويل أن أوباما لعب في منطقة فارغة لا علاقةَ لها بالملعب السياسي ولا بالقرارات، وترك بعدها المجال لنتنياهو ليضع النقاط على الحروف، وقالها بشكلٍ واضح: دولة يهودية، لا عودةَ للاجئين، لا قدس لكم، لا سيادة لكم، لا دولة لكم، لا جيش لكم، لا ماء لكم، وهذا الخطاب تم تأييده فورًا من الإدارة الأمريكية"، قائلاً: "الآن باتت الصورة واضحة، سواء لفريق رام الله، أو لكل الذين راهنوا على أن هناك تغيرات؛ فقد وضحت سمات التغيير لدى أوباما".



وتابع: "كارتر لا يأتي إلى المنطقة بمحض الصدفة، وليس رجلاً بلا قرار.. كارتر بالتأكيد جاء بأوامر من أوباما شخصيًّا؛ لأن أوباما تلميذ كارتر، وميتشيل تلميذه كذلك، وهذا ما قاله كارتر بنفسه.. هذا الحراك الأوروبي الذي بات يتململ، له ما بعده ونحن لا نخشى أن يكون القادم أخطر على "حماس".



وأكد أن أمام "حماس" خيارات، والفاصل في ذلك صمودها، وأن تكون نموذجًا لذلك، وهناك رياح التغيير تهب في العالم العربي ككل، وهذه التغيرات تشكل مفاتيح في يد "حماس" قائلاً: حماس ليست وحدها في مأزق؛ الاحتلال وأمريكا ودول أوروبية وعربية كثيرة في مأزق، والمأزق سياسي أخلاقي اقتصادي.. الآن الفيصل هو الحكمة والهدوء والقدرة على اختراق الساحات.. الفيصل هو الحفاظ على الثوابت، وسيحقق إنجازًا على الأرض".

محمد فكري يقول...

سعدت بالمرور من هنا
..

تحياتي

سمسمه يقول...

أولا ربنا يكرمك ويسر لك الخير وكل طلاب العلم
اللهم أمين

ثانيا طبعا فى إشتغالات تانيه كتير كمان ما بتحصلش غير ليلة الإمتحان وياما شوفنا ما بيحللهاش انها تحصل غير ليلة الامتحان
طب ما الامتحان كان قدامه إسبوع حبكت ليلتها
أأأأأأأأأأأه

هى كانت بضايق ساعتها بس دلوقت بنضحك عليها

ربنا ييسر لك الخير يادكتور

هانى سعيد يقول...

فعلا والله دا بيحصل عندى انا كمان واكيد عند ناس كتير خاصة الجوازات ايام الامتحانات او النور اللى بيقطع ليلة الامتحان نفسه انا فى مرة اتصلت بشركة الكهربا والله واتخانقت مع الموظفيين بسبب الموضوع دا لكن ارجع واقول
ابتسم انت فى القاهرة

أحمد عمر يقول...

السلام عليكم و رحمة الله و بركاته

طبعا بعتذر جداا لاتأخير ف الرد و الغيااااااااااااب فما بين الامتحانات و بين تحديث المدونه لمشاكل التحديث للرغبه ف التغيير لفتره الا استقرار التى تعقب الامتحانات وووووووو كتير كتير الله المستعان


امممم
انا كنت فاكر انى انا بس اللى بعانى ايام الامتحانات من الاشتغالات دى

لكن للحقيقه اصعب اشتغاله حصلت لى

كانت يوم زيارة الريس للفيوم و كنت رايح الجامعه ف بنى سويف و الفيوم كانت متقفله و موقفين العربيات و معطلين الحركه و فقط بعد طول الروح سمحوا للعربيه بتاعتنا فقط تعدى علشان الطلبه :((


وكان ما يوم ما يعلم به الا ربنا يلا كله يهون علشان الريس :))


يارب يكون خلصت امتحاناتك و تكون بخير


بوركت و بارك الله حياتك

وجه جديد د.أحمد عثمان يقول...

اهلا يا دكتور
كويس اني عرفت اوصل لك

دعواتي و تحياتي

Dr. Kafy يقول...

هههههههه
و الله أنا أول حاجة عملتها بعد ما قرات لك إنى دعيت لك، ربنا يوفقك و ينجحك ، و أصلك فكرتنى بوضوع الجامع ده أيام الامتحانات ده أنا كان بيحصل لى مواقف عجب يعنى مرة كان صابح عليه امتحان و نزلت أصلى العصر فى الجامع أوم إيه لقيت لك درس دينى شغال بين الآذان و الإقامة علشان يتأكد إن الناس مش هتقدر تسيبه و تمشى قبل ما تصلى العصر و قعد يتكلم ما أعرفش فى إيه لأنى كنت مركز فى غضبى عليه لإستغلاله للصلاة لحبس الناس و إجبارهم على سماع كلامه و ماكنتش عارف أتصرف إزاى ما هو ماكانش ينفع أسيب الصلاة علشان خاطرة بس هو اللى حرام عليه و فعلا حرام على كل واحد يستغل الدين فى إيذاء الناس.
حسبنا الله و نعم الوكيل

حياتى نغم يقول...

السلام عليكم / بجد ربنا يستر بعد اللى كتبته رربنا يوفقك وجزاك الله خيراً أضحك الله سنك وأسعد عمرك .

همسة ايمان يقول...

هههههههههههههه

طيب والله الكهربا مكنش يحلى ليها تقطع ويعملوا صيانة الا

ايام الامتحانات والاهل بقى والقرايب الى مجوش من سنين

بنهف عليهم بردوة ولا المنبه دة طول عمرى باخد بالى

ان ايه ام يعنى صباحا وبى ام مساءا فى الامتحانات بقى

لازم اعكس ..........يلا ربنا مايعودها ايام دانا لسة

مخلصة امبارح وموش عايزة اى حاجة تفكرنى بالمزاكرة

يلا ربنا معاك ويوفقك يارب ويوفق كل الطلبه

تقبــــــــ مرورى ــــل

rwsh يقول...

يابرنس اليلالى

الموضوع دة بيحصل فعلا كتير ايام الامتحنات

والكهربة مفيش يوم الا ما بتقطع فية ايام الامتحنات

يعنى موضوع اشتغلاة بجد

خليك زى

وسبها ع الله

انا مضيها لعب × لعب وضحك ونت وزى الفل

وماشية معايا اسهال والحمد لله

هههههههههههه


طنش تعش تنتعش

وبالمناسبة دى احب اقول لكم

انا فاشل ومش بفتح كتاب وكل سنة

بطلع فى الترتيب

لا اطلع التالت لا السادس

هههههههههههه

فل عليكو

MǿиY El-Shreef يقول...

زعلانه منك بجد

كل ده غياب يادكتور

ربنا يعينك

بس بجد اتأخرت علينااوي