21 أغسطس، 2009

الدرر المنتقاة : إن استطعـت ألا يسبقـك الى الله أحد فافعل


قال وهيب بن الورد:

إن استطعــت ألا يسبقـــك الى الله أحـــد فافعــــــل


التعليـــــــــــــــــق


أنتم عارفين انا بحب أشبه الحياه بالرالى .. عارفين رالى السيارت
؟
كلنا فى الدنيا دى غرباء عن وطننا ... اتنفينا منه

ولازم نسافر علشان نرجعله تانى


عارفين ايه هوه وطننا ..؟؟؟


الجنه ... ايوه الجنه


أحنا هنا فى منفى بعيد عن بيتنا .. وبعيد عن وطننا


وحشنا قوى ... ولازم نرجعله


قدامنا طرق كتيييير .. طريق واحد بس هوه اللى بيوصلنا لله


الطريق ده

..

طريق الاسلام على مذهب أهل السنه والجماعه


الطريق اللى مشى فيه الرسول والصحابه والتابعين


الطريق ده وسيلة النقل فيه ... قلبك

(وهوه بيأثر علي الجوارح)


واحنا ماشيين بطاريات الايمان بتاعتنا بتفضى شحن


Battery low


قام ربنا سبحانه وتعالى عملنا محطات شحن كبيرق قوى

أكبر محطه منهم

..


رمضـــان


طيب أحنا ياما دعينا وقلنا ,,, اللهم بلغنا رمضان


وربنا أستجاب دعوتنا بفضله ومنه وبلغنا


لازم بقى نلحق نشحن بطاريات الايمان لأكبر قدر

Battery Full

علشان تكفينا لرمضان الجاى

الحق بسرعه من أول ليله ... متضيعش ساعه ...

متقعدش لحظه فاضى

أرفع رايه

...


لن يسبقنى الى الله أحد


هختم القرآن أكثر من كل أخوانى


هقيم الليل كل يوم


هتصدق باللى أقدر عليه


هيبقى ليا فى كل فرع من فروع الخير يد


محدش أحسن منى ... هوصلك يارب أول واحد

..

عارف أنى طولت عليكم .. بس أقرأوا القصه دى وهختم بيها كلامى


كان أحد سلفنا الصالح أسمه


أبو مسلم الخولانى


الراجل ده كان مستجاب الدعوه


وقد فعل به الله كما فعل مع سيدنا ابراهيم فجعل له النار برداً وسلاماً


عارفين ليه ؟؟؟


شوفوا حاله مع الله كان ازاى


كان يضع سوطا فى محراب بيته، كان يقوم الليل طويلا فاذا وجد من نفسه فترة قال لرجله


انت احق بالضرب من دابتى


فيضرب رجله ويقول


والله لاقومن بك حتى يكون الكلل منك لا منى


ثم يقول:

أيظن اصحاب محمد صلى الله عليه وسلم ان يستأثروا به دوننا


كلا والله لنزاحمنهم عليه زحاما حتى يعلموا انهم قد خلفوا ورائهم رجالا
.


كل عام وإنت بخير

وربنا يتقبل منا جميعاً صالح الأعمال

هناك 57 تعليقًا:

Soul.o0o.Whisper يقول...

ايه دااااااااااااا

لالالالالااااااااااااااااا

و اول تعليق كمان

احمدك يااااااااااااارب

Soul.o0o.Whisper يقول...

ايه الحظوظ السعيدة دى؟؟؟

طب ناخد كمان تعليق

الواحد مش ضامن

Soul.o0o.Whisper يقول...

يعنى نعوض الفترة اللى فاتت

مش كدا و لا ايه؟؟

Soul.o0o.Whisper يقول...

كل سنة و انت طيب يا دكتور

و رمضان كريم عليك

و ان شاء الله ربنا يعينا على الصيام و القيام و سائر الاعمال

Soul.o0o.Whisper يقول...

دمت فى رعاية الله

و كدا يبئا خمسة فى عين العدو

:)

أبو العريف يقول...

ازيك يا دكتور

كل عام وانت بألف خير

البوست رائع كالعاده

واحييك علي هذا الاسلوب الشيق

والقصه الجميله التي تحمل الكثير من العظه

رمضان كريم


كنت علقت عالبوست اللي فات

ومش لاقي التعليق

او يمكن الزهايمر بوظ الدنيا وقريت ومعلقتش

المهم البوست اللي فات جامد

ودمه خفيف بشكل غير عادي

ولسه بجدد مطلبي انك تنزل موضوع دولة شقلوبستان ده في كتاب

وانا اوكدلك انك هتبيع نسخه

اللي انا هشتريها

واكيد هيبقي عليها ديسكونت

تحياتي

بنت الأسلام يقول...

ربنا يكرمك يا دكتور على التذكرة وبوست لشحن الهمم رائع وسأرفع شعار
لن يسبقنى إلى الله أحد
كل عام وانت إلى الله أقرب وعلى طاعة ادوم
رمضان كريم

موناليزا يقول...

الموضوع جميل وبسيط
ربنا يكرمك عليه
وكل عام وانت بخير

♥نبع الغرام♥♪≈ يقول...

السلام عليكم

كل سنه وحضرتك طيب

بصراحه جميل قووى ما كتبت ومبسط جدآ
جزاك الله عنا كل الخير

رمضان كريم

ايومي يقول...

جزاك الله خيرا,
وكل عام وأنت إلى الله أقرب,
لاتنسونا من صالح دعائكم.

غير معرف يقول...

صحيح جدا

أعانك اللة ووفقك لكل خير

ماشي يا عم

نتسابق

وتقبل اللة من جميعا

رحلتنا في الحياة يقول...

كل سنة وانت طيب يادكتور ياسر وجزاك الله خيرا على البوست

ستيتة يقول...

كل عام وانت بخير
تقبل الله منا ومنكم

أحمد سعيد بسيوني يقول...

بسم الله

كل عام وأنتم بخير

أسأل الله العظيم أن يبارك لكم في هذا الشهر الكريم ويرزقكم القول والعمل الصالح

اللهم سلمنا إلى رمضان وسلم رمضان لنا وتسلمه منا متقبلا

دمتم في طاعة

Unknown يقول...

رمضان كريم يا دكتور
و معانى جميلة
اشكرك عليها

المعتصم يقول...

كل سنه وانت طيب يابشمهندس ياسر
(انا عارف انك واخد صيدله بس انا حر)
ههههههههههههههههه
ورمضان كريم
ويارب ربنا يتقبل منا ومنكم صالح الاعمال ويعيننا على ادائها وعلى الصيام والقيام

الشعب لابد له من حكومه تشكمه يقول...

بجد البوست ده يحرك المشاعر,وربنا يجعله فى ميزان حسناتك وعمال تاخد ثواب من كل حد فينل قرأ البوست(شوفت الحقد؟)
كل سنه وانت طيب ورمضان كريم وربنا يتقبل الصيام والقيام وصالح الاعمال ان شاء الله:)

شوكولاتة يقول...

ماشاء الله يادكتور ياسر دي أول زيارة لمدونتك الرائعة والموضوع روحاني إلى أعلى درجة وعلى فكرة أنا كاتبه بوست قريب من كده ياريت تتفضل عندي في مدونتي المتواضعة وتقراه
تقبل مروري

The illusionist يقول...

معنديش غير انى اقولك يا دوك

ربنا يكرمك ويكرم نيتك
ويبلغك ليله القدر ويدخلك فسيح جنته
ربنا يعينك على طاعه الله

سمسم/سما يقول...

السلام عليكم
كل سنة وانت طيب
وربنا يجعلنا ممن يغفر له
ويعتق من النار
ويعيده علينا بالخير
اللهم اميــــــــن
البوست والله رائع جدا
وعجبتني الكلمات اوي والله
احلى بوست قراته لحد دلوقتي عن رمضان
ربنا يباركلك

yara يقول...

السلام عليكم ..
كل عام وانت بخير والى الله أقرب أن شاء الله ..
وان شاء الله يعيده علينا وعلى جميع امة المسلمين باليمن والركات ..
دمت بحفظ من الرحمان ..

Me7'o يقول...

كل سنة وإنت طيب ورمضان كريم

وتقبل الله منا ومنكم صالح الأعمال

مسدس صغير يقول...

موضوع قيم للغاية
اسأل الله العظيم ان يأجرك على موضوعك
وجزاكم الله خيرا
وكل عام انتم بخير

ليس فقيرا من يحب يقول...

السلام عليكم

موضوع قيم جدا ربنا يجعله

فى ميزان حسناتك

ربنا يعينا على طاعته ومجهاده النفس

كل سنه وحضرتك طيب

رمضان كريم

مشخبطاتي يقول...

رمضــــانـ كريـــــمــ يادكتور

وبجد بجد موضوع جميل وقيم.

محمد يقول...

السلام عليكم ورحمة الله وبركاته

أعتذر عن التأخير في التعليق ولكن أرجو التماس العذر لي

وكل عام وأنت بخير والي الله أقرب وعلي طاعته أدوم

في رعاية الله

صدفة جميلة يقول...

السلام عليكم
اولا كل سنه وانت طيب
دى زيارتى الاولى وباذن الله مش الاخيره
جميله قصتك وكلامك
بس ايه رايك بيوت ربنا برده تعتبر مكان للشحن تخيل نفسك كده وانت داخل وخارج من الجامع
ممكن باه نقول رمضان محطه تموين حاجه تدعيم لكل العباد
تقبل الله منا ومنكم وفقنى واياكم الى الخير

محمد سعد القويري يقول...

الأخ الفاضل :: د.ياسر عمر عبدالفتاح ::
السلام عليكم ورحمة الله
وبركاته
أحسست بنفحات إيمانية
جاءتني من أحرفك العذبة
أسأل الله أن يعيننا على أنفسنا
فعلاً .. نحن بحاجة إلى شحن

رمضان مبارك

تامر علي يقول...

دكتره :)

ايه الحلاوة دي ؟؟ فعلاً لازم الواحد يطلع من رمضان full tank قصدي full charge :))

انت عارف ان التابعي الجليل ده استعرض البحر بجيشه :))

رمضان كريم وومضات جميلة :)

تحياتي

عمرو يقول...
أزال المؤلف هذا التعليق.
عمرو يقول...

كل سنه و أنت طيب يا دكتور و ألف مبروك للتخرج ربنا يوفقك دايما ..
ربنا يجعله شهر خير و بركات و سرور و يتقبل صيامنا و قيامنا ..
بارك الله فيك و تقبل تحياتى و تقديرى ..

شمس النهار يقول...

ااااااااااالف مبروك
كده اعرف من بره
بجد برغم اللي انا فيه اليومين دول بس بجد فرحت جدا جدا انك خلاص اتخرجت
وعقبال الدكتوراه ان شاء الله

كل سنه وانت طيب

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله

أبو كريم يقول...

سألت عن صديق لا يفارقنى أبدا فلم أجد
سألت عن صديق لا يتركنى عند السؤال فلم أجد

إلا العمل الصالح وكتاب الله

قال الشاعر

المرء فى زمان الإقبال كالشجره
والناس من حولها مادامت الثمره
فإذا راح عنها حملها أنصرفوا
وتركوها تقاسى الحر والغبره


اللهم أنسنا بالقرأن وعطر أنفاسنا بالقرأن وحبب إلينا القرأن وجعله شفيعنا لنا يوم نلقاك

عاشق الحور يقول...

ربنا يبارك فيك يا دكتور ويجعلك من الدعاة الية والله انا مش عارف اقول اية ولكن انا سعيد جدا بأسلوبك الشيق
اسأل الله ان ينفعنا والمسلمين بة
وربنا يشرح صدرك وييسر لك امرك
وكل عام وانت الى الله اقرب

حلم بيعافر يقول...

تشبيه جميل يا دكتور
كل سنة وانت طيب

حياتى نغم يقول...

السلام عليكم / جزاك الله خيراً .
بلغنا الله وإياك رمضان بالخير وبلغه منا الخير آمين .

ست البنات يقول...

رمضانك كريم جميل مقبول د.ياسر :)

فارس عبدالفتاح يقول...

ربنا يصلح حالنا وحالك

شموسة يقول...

جزاك الله خير علي مجهودك
كل عام وأنت بكل خير
رمضـــ كــــريم ــان
أعاده الله عليك بالخير

تقبل مرورى
تحياتي لك

فشكووول يقول...

السلام عليكم دكتور ياسر

طبعا انا ما قريتش البوست عشان عمال الف اعيد على كل ولادى المدونين اصل من يوم الازهر بارك وانا مقطوع عندى النت وما صدقت انه رجع قلت اروح اعيد على المدونين


كل سنه وانت بالف خير ورمضان كريم

فشكووول يقول...

العنصريه واضحه قوى عندك البت الدكتوره سووول ويزبر عامله احتلال عنصرى للمدونه

TIMMY !! يقول...

جاي أسلم و أمشي ,

ما تنساناش من دعائك يا ياسر ,


كل عام و أنت بخير

Maryama Qandil يقول...

كل سنة وحضرتك طيب ورمضاان كريم عليك

حلوو جداً التشبيه ده,,, ووصف عملي جدا لباتري لوو
جزاك الله كل خير

القصة مشجعة جداً,,, تنم فعلا على الحرص الشديد
ربنا يرزقنا جميعا النية الصاافية والعزيمة للافضل
ربنا يثبتك ويثبت الجميع على الصوااب

رمضان كريـــــــــم,,,

قلم رصاص يقول...

كل سنة وانت طيب يادكتور
رمضان كريم

وربنا يتقبل منا ومنكم ومن سائر المسلمين الصيام والقيام والدعاء وصالح الاعمال ان شاء الله

واشكرك على القصة الجميلة والتذكرة الرائعة

ان شاء الله في ميزان حسناتك

وتأكد اخي الكريم ان بطارياتنا الايمانية سنحاول جاهدين بإذن الله ان نشحنها بالطاعة والايمان طالما حيينا

في حفظ الله

عمرو جويلى يقول...

د/ ياسر
السلام عليكم
كل عام وإنت بألف خير
ورمضان كريم

Hossam يقول...

حبيب قلبى وصديقى
بجد عجبتنى اوى القصة ومكنتش اعرف ان فى ناس كانوا كده
بجد انا اول مرة فى حياتى السنة دى اصلى التراويح وبجد انشالله تكون عادة متقطعش
كل سنة وانت بخير وكلنا نشحن بطاريتنا باذن الله
رمضان مبارك

المسلم الصغير يقول...

السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..

رامز عباس حبيبك يقول...

ازيك يا دكتور كل دول بيعلقوا عندك علي كدة مش هتاخد بالك مني لو علقت من كترة معجبيك

للعلم حمله رجوعلي سمعي ناس عملهولي علي الفيس بوك محتاجكم جنبي

z!zOoOo يقول...

السلام عليكم

العزيز د/ ياسر

كيف احوالك اسئل الله ان تكون بخير

موضوع جميل جدا جدا جدا

وفعلا لأبد ان نوقن بأننا إن استطعنا ان لا يسبقنا أحد إلي الله فلنعمل علي ذلك

والموضوع رغم بساطته إلا أنه مليء بالعبر والأليء والدرر

سلمت يدالك علي هذا الموضوع الجميل

ورغم تأخرها لكن سأقولها

كل عام وانت بخير وجميع المسليمن بخير

جعلنا الله ممن ربحوا رمضان وكل رمضان بإذن الله

وإن شاء الله من الفائزين بحب الله مجتمعين عليه

وأيضا بالجنه

رمضان كريم

امل يقول...

كل عام وانت بخير
تمنياتى بان لايسبقنى احد الى الله
وربنا يدينا على قد نيتنا
ويديك ويجازيك خير على هذا العرض البسيط الرائع
ونرجوا لك ولى وللمسلمين الفوز بليلة القدر ان شاء الله

مصطفى ريان يقول...

اخى الفاضل جزيت كل الخير على هذا البوست الرائع

Unknown يقول...

يكرمك ويكرمنا ربنا ياصيدلى
كل سنة وانت بألف خير .رمضان
كريم والله سبحانه وتعالى اعلى
وأكــــــــــــــــــــــــرم

Abd Al-Rahman يقول...
أزال المؤلف هذا التعليق.
Abd Al-Rahman يقول...

يحكى أن أحد السلف الصالح وهو على فراش موته يحتضر جلست بجواره أخته تبكى ، فأشار إلى زاوية بغرفته ، وقال لها : لا تبكى فأخوكى ختم القرآن فى هذه الزاوية ثمانية عشرة ألف ختمة ...
أين نحن من هؤلاء؟!
لكن لنحاول أن نقترب منهم
وليكن شعارنا الرمضانى
" لن نرضى بالصف الثانى "
بوركت ، وبوركت كلماتك
أعانك الله على طاعته

خواطر شابة يقول...

رمضان كريم
وفقنا الله جميعا لما دعوت اليه في تدوينتك
جعله الله في مبزان حسناتك يوم القيامة ان شاء الله
تحياتي

Darsh Basha يقول...

كل سنة وانت طيب يا دكتور
انا عارف انى أتأخرت كتير جدا عليك
بس معلش اسنحملنى بقى
وتسلم على الكلام الجميل اللى كلة حكم والله
ورمضان كريم