29 أغسطس، 2009
خزعبلات من الحياة
انهاردة السبت ,,!!
يعني مجلة رؤية نزلت بالعدد الجديد ,,
وهوه عبارة عن سلسلة من التعليقات علي مواقف من الحياة
يعني تقدروا تقولوا تخاريف
أو ..
غريبةٌ تلك الحياة ,
فرغم كل ما فيها من مصاعبٍ ومتاعبٍ وكدٍ وعرقٍ وتعب
إلا أنها تبقي كوميدية إلي الحد الذي يجعل كل من يتأملها ساخراً علي نفسه.
صدق الكاتب والأديب الإنجليزي هوراس والبول عندما قال:
إن الحياة مأسوية أو تراجيدية للذين يشعورن كوميدية للذين يتفكرون.
وأنا هنا بصدد نشر بعد الخزعبلات الحياتية
والتي نشأت في مواقف متعددة أبت أن تمضي إلي حالها دون أن تثير حس الكتابة داخلي ,
ودون أن تداعب مستقبلات السخرية في أم رأسي.
خزعبلات حياتية ..
هي مجرد تأملات وتخاريف ساخرة علي بعض مواقف الحياة المعتادة.
سائقو الميكروباصات دائماً مجرمون وأشكالهم متشابهة إلي حد التطابق
وكأنهم صُبّوا في قالبٍ معين في إدارة المرور قبل الحصول علي لقب (سواق) ..
لهم مجموعة من المرادفات والكلمات البذيئة والتي يصرون علي توجيهها لبعضهم جهاراً بلامبالاة وسماجة
وبأفواه باسمة ووجوه سمراء خبيثة وأصوات غليظة ملتوية خارجة مباشرةً من الزور
وكأنهم يلقون التحية علي بعضهم ,, (صباح الخير) .
الغريب أن الكثير من تلك الكلمات تتعلق بعلاقات أمهاتهم المشبوهة
مما يجعلها تصل إلي حد القذف
لكن أكثر ما يثير حنقي أنهم إلى الأن ما زالوا يعتقدون أنهم هم وحدهم من يفهمون لغة الشتيمة عبر الكلاكس
على الرغم من كونها إحدي اللغات المعتمدة للتخاطب في الشارع المصري .
ومهما تحدثت معه لا يعيرك إنتباهاً أبداً
فأنت بالنسبة له لست أكثر من جنيه يتدحرج في الشارع
ومهمته أن يلتقطه من مكانٍ ما ,, ليلقيه في مكانٍ أخر
وليس لك الحق حتي ولو في الإعتراض علي نمط الحياة داخل جمهورية ميكروباصه ،
حتي أن الجدل العقيم الذي كان ثائراً حول السؤال الكوني الشهير
أراه قد انزوي واختفي ,, وانتهي بالتسليم من قبلنا نحن ..
واقتنع شعب ركاب الميكروباص أخيراً مجبراً أنها
(مش فارقة كثير) ..
__
خزعبلات من الحياة
وأي حد عنده إسهامات للمجلة يبعتها وميترددش أبداً
الاشتراك في:
تعليقات الرسالة (Atom)
هناك 62 تعليقًا:
خزعبلات بجد يعني !!!
أنا معاك يا دكتور في موضوع السواق ده
ورمضان كريم
الحمد لله
انا من اللى لسه مش بيفهموا لغة الشتيمة عبر الكلاكس
بس لما تكون اعصابى تعبانه
بطلع زهقى فى سواق الميكروباص
مرة حصل موقف انا بستغربه من نفسى دلوقت
كنت مسافرة مع والدتى وكانت تعبانه وهتعمل عملية قريب
والدنيا سوده فى وشى
والسواق بيعمل حركات غريبة بالعربيه وسايق بجنون
بكل ادب قلت ياباشمهندس هدى السرعة علشان والدتى تعبانه
كررت الكلمة اكتر من مرة
وهو ولا هنا
ماحستش بنفسى الا وانا بقوله يابنى ادم انا مش بكلمك
انا بتركب بنى ادمين مش حيوانات
امشى زى البنى ادمين
وكانت المفاجأة ان قلة الادب جابت نتيجة
وطول الطريق كل ماينسى
يرجع لوحده تانى يمشى كويس
طبعا الركاب غالبا مع السواق علشان يخلصوا
معلش رغيت كتير
بس الموقف ده عمرى ماانساه منهم
ههههههههههههههههههههههههه
وكمان
هههههههههههههههه
مش عارفه انا بحب اجى اضحك عندك ليه؟
كيفى كده بقا
بس كمان انت بتفكرنى باللى عايزه انساه
المكروباصات والسواقين دول حبايبى
انا عمرى ما ركبت مكروباص الا وخدت من السوق كلمتينن ف جنابى تنهتى بنرفزتى عليه وممكن تنتهى بنزولى من المكروباص قبل المحطه بتاعتى
انا كنت بدرس ف معهد ف منطقه صناعيه اخر البلد
وتعالى اتفرج على المكروباصات مش هنقول بيرفعوا الاجره هقولك بيركبونا خمتاشر عشرين فوق بعض
واما نعترض يبحلقلنا بنظره مرعبه
دلوقتى الحمد لله شغلى قريب م البيت وكتير باخدها مشى عشان نترحم من لسانهم
أنا قلت اسلم وأقول كل سنه وانت طيب وبعدين أرح أقرأ
لكن تفتكر هى مأساويه ليه للناس العايشه بمشاعرها
أوح وأرجع تانى
السلام عليكم
بوست جميل يا دكتور
وبالذات السؤال الكونى ده
وتلاقى الواحد يا اما يسلم بالامر الواقع منعا
للتاخير او المشاكل يا اما يفتح على نفسه
باب من ابواب الوقاحه وقله الحيا مع بعض السواقين
مش الكل علشان منعممش
وبعدين ايه لغه الكلاكسات دى اول مرة اسمع عنها
كل سنه وحضرتك طيب
تصدق بالله طلعت جميله خزعبلاتك
وتنطبق على حوالى 90 % من السواقين
طبعا مش 100 % لن فى برضه ناس محترمه
وأسألنى أنا
سايح فى دنيا الله وبأركب مواصلات اكتر ما بامشى على الارض
لما نروح نقرا ونقول راينا يا دكتوووور
ارجع بعد اذنك تانى المدونة عشان فيه جزئية مهمة ضفتها فى البوست الاخرانى ويهمنى رايك فيها
دكتور ياسر
سواقين الميكروباصات او المشاريع
زى ما بنقول عندنا فى اسكندرية
دوووول مولد لوحده
دنيا لوحدها
بأشكالهم بأفكارهم
بعشوائيتهم
جميلة الخزعبلات وعلقت عليها في المجلة :)
اخبار الصندليه ايه :)
تحياتي
انا جاية علشان اسلم عليك
يادكتور واطمن عليك واخبار الصيام ايه
باذن الله تكون بخير
وعلى فكرة عمك ابراهيم بيسلم عليك
وبيقولك فكر فى مشوار اسكندرية ومش حتندم
بالنسبة للخزعبلات فالحمد لله
التعامل معهم بيكون للضرورة القصوى
وانا نفسى اشترك فى المجلة بمقالات صغيرة
عن امهات المؤمنين والصحابة والصحابيات
بس ربنا يهدى احمد افندى ويسعفنى
بس بجد ياياسر قولى لو ممكن اشترك
ولو تمت موافقة من ناحيتكم انا اضغط عليه
ودمت بخير
السلام عليكم
رمضان كريم
والله بعد كلامك مافيش اجمل من كده
منتظرين المزيد ياقمر
مودتى
ايناس
اتكل على الله
ربنا يستر طريقك
ههههههههه
متألق وليس جديد
كل سنة وانت طيب
لسائقوا الميكروباصات قصاصة في التدوينة القادمة
مهداة إليك
تحياتي
السلام عليكم
هههههههههههههه
والله فعلا بتحصل
بس حلوه لفظ الخزعبلات ده
حياتى
كل سنه وحضرتك طيب
رمضان كريم
ياسلااااااااااام سواقين الميكروباز؟ هو فى زيهم؟ وبعدين انت مستغرب اوى ليه كده دى كفايه موجة الاغانى الموجهه ليهم لازم تخليهم يعملوا اكتر من كده..احمد ربنا انهم سامحين لامثالنا اننا نمشى فى الشارع:))
هنقول ايه غير ربنا يصلح الاحوال اللهم امين يارب العالمين
هههههههه
جمهورية ميكروباصه
اه والله عندك حق فعلا يادكتور دا بقى واقع فعلا
متألق كالعادة
مزيد من التميز
وكل سنة وانت طيب
مقدرتش اكتب العددين اللي فاتوا لأسباب قاهره
في حفظ الله
هههههههههههه
أضحك الله سنك يا ياسر :)
الفكرة دي جت لي زمان أيام ما كنت شغال في مصنع قبل الجيش ,
بس عمرها ما كانت هتطلع بجمال إخراجك :)
إيه الجمال ده ؟؟ ده جمل و لا ناقة :)
وأنا كمان معاك :)
الله أكرم يا ضوك
لقد خلقنا الله احرارا
موقف غريب فعلاً
لكن قلة الأدب مش دايماً بتجيب معاهم نتيجة
خاصةً لو كان السواق مكنش في كامل قواه العقلية
لأنه هيتبع مبدأ المعاملة بالمثل وزيادة حبتين
وده مش كويس
واحده من الناس
مفيش مشكلة
هنا الضحك ببلاش ,,
الحمد لله إن ربنا رحمك من هم ركوب الميكروباصات
بجد دي نعمة كبيرة من عند ربنا
الازهرى
إنت روحت فين؟
قلقتنا عليك
روحت تجيب طابع بوستة ,, ومرجعتش
حلم بيعافر
حاضر ,,
وماله نرجع
وعقبال ما ترجع إنت كمان
بدراوى
أيوه
دول جمهورية لوحديهم
ربنا يبعدنا عنهم
تامر علي
الجميل مرورك يا أستاذنا
الصندلية معرفش عنها حاجة
ونسيت الدوا خلالالالاص
أم مالك
أنا رديت عند حضرتك
وطبعاً مش هندم
ده أنا أتمني
إن شاء الله قريب
جزاكِ الله خيراً يا أمنا
عاشقة الأحزان
الله أكرم
ربنا يكرمك
جزاكِ الله خيراً
مسدس صغير
ههههههههه
هيه دي اللي عجبتك
ماشي يا عم صلاح
إنت اللي متألق يا باشا ديماً
وده بعض ما عندكم
أحمد سعيد بسيوني
ههههههههه
مهداة إلي ليه يعني؟
هوه أنا أسطي صيدلي؟
:)
تسلم يا دكترة
منتظرين
ريمان
اللهم ءامين
ربنا يكرمك
هيه فعلاً خزعبلات
يعني حاجات مش مفهومة أصلاً
اي كلام
الشعب لابد له من حكومه تشكمه
للا أنا مش زعلان ولا حاجة
ده أنا بهرج بس معاهم
بناغشهم ,, أصلهم حبايبي كلهم
وفعلاً كتر خيرهم
ناس طيبين أوي يا خال
أحلام حقيقية
اللهم ءامين
ربنا يصلح الحال
قلم رصاص
لعل المانع خير
إن شاء الله تبقي معانا من العدد الجاي
ربنا يكرمك
تسلم يا باشا
TIMMY !!
ياباشا ده إسمه توارد خواطر
إحنا بنستمد بريق إبداعنا من شمس تألقكم
إيه رأيك؟
بعرف أثبت .. مش كده؟
ربنا يكرمك يا هندزة
وربنا يتقبل منك صالح الأعمال
ليس فقيرا من يحب
لا بلاش تسمعي عنها خالص
وفعلاً زي ما قلتي بالظبط
ربنا يهديهم ,, ويرحمنا
اة انت جيت على الوجيعة والله
اسكت انا كنت ساكت عن السواقين دول
وكل ما اقول هتكلم عنهم
ارجع واقول لا بلاش
بس هتعمل اية فى جمهورية مكروباصة العالمية
اللى بيدخل المكروبصات بتاعة بنات بس
وخاصة لازم يركبوا جبينة بنتين اخر تمام
وكمان جنب الكمسرى
والشباب يولوعوا ان شا الله يروحوا مشى
او يكبوا اربعات ورا
انا مش هتفتح اكتر من كدة علشان ميبقاش موضوع
وربنا يبعد عنك ولاد الحلال يركبوك اربعات
اميييييييييييييييين
الازهرى
إنت جيت
تصدق مخدتش بالي؟
فعلاً طبعاً أنا لا أقصد التعميم بتاتاً
فيه ناس منهم أكيد محترمين
Darsh Basha
هههههههههههه
يا راجل ده إنت شكلك مبقوق منهم
قول قول لا يطقلك عرق ولا حاجة
بقي بيركبوا البنات ويسيبوك كده؟
تصدق دي جديدة ومحصلتش معايا
تسلم يا درش
السلام عليكم دكتور ياسى
كل عام وانت بخير
على فكره انا عايز اجرب اشتغل سائق ميكروباص عشان اتعلم اللغه اصل احنا ضعنا فى فكرهم وعقلهم وهما فاكرين اننا هطل وبرياله ... ياياسر الجماعه دول لهم مخ لوحدهم وفاكرين انهم هما كل المجتمع وان ما سواهم ليس شيئا
تحياتى ورمضان كريم
حقيقي التشابه اللي بينهم بيكون غريب جدا سبحان الله!! ولما تلاقي واحد شكله طبيعي ومحرتم زيادة بيبقى هو دة الحلاة الشاذة اللي الناس تستغرب لها
تحياتي
السلام عليكم و رحمة الله و بركاته
أولا الموضوع رائع جدا بجد
و عجبتنى جدا حكاية الكنبة دى
و رغم ان المعظم سلم فعلا بإنها مش فارقة كتير
بس الموضوع مانزواش اوى
لسه فى كتير بتخانقوا على انها تلاتة بس
ولو مش عاجبك اطلع بينا على اقرب قسم
و هنا الحمد لله السواق هو اللى بيسلم و يسوق بتلاتة بس
هههههههههههه
بس احنا ارخص من عندكم
عندنا بربع جنيه بس و احيانا نص جنيه
شفت فرق المسافات بئا
,.............
بالنسبة للأثر لم اقف له على تخريج
لو عندك تخريج له ياريت تبعتهولى
و دمت فى رعاية الله
السلام عليكم ورحمة الله وبركاته :
دى مش بس خزعبلات دى امور وغيرها امور كتيييييير تانية بقت معبرة عن مدى الانحطاط الاخلاقى اللى وصل اليه مجتمعنا المصرى بكل فئاته واللى اصبح سواق اليكروباص فيه صاحب صيت وكلمته مش بس مسموعة لاء دى اوامر لازم تتنفذ ، والغريبة ان ادارة المرور باين عليها رفعت شعار الشرطة فى خدمة السواق ، بمعنى ان لو طلع واحد فزلوك كدة وعارف حقوقة كويس واعترض على السواق فى حاجة ( يعنى اتمرد على رئيس جمهورية الميكروباص) بتبقى ليلته مش فايته (دا اذا كانو باليل) اما لو بالنهار بيبقى نهار مش فايت ، واذا قال للسواق ياللا بينا عالقسم بيلاقى السواق هوه اللى سابقة على هناك( حاجة غريبة ) كان زمان السواق يسمع الكلمة ميحطش منطق ويقفل بقة ويقول (الزبون دايما على حق) اما دلوقتى وبعد انتشار الفساد فى كل اجهزة الحكومة ومنها ادارات المرور واقسام الشرطة بقى السواق من دول يكيش عشان يسلم من شرهم وكمان البشوات دول مبقوش فاضيين لينا وانتشر شعار ( السواق دايما على حق
د/ ياسر
السلام عليكم
كل عام وإنت والأسرة الكريمة بكل خير وبكل صحة وبكل سعادة
وأتمنى أن يعود هذا الشهر على جميع المسلمين باليمن والخير والبركات
أماعن الموضوع
فالجهد مشكوووووووور جداً
ودمت بكل الخير
ومعذرة ع التأخير
دكتور ياسر
السلام عليكم
اسلوب اكتر من رائع
وكلام في الجووووون
وفي عصام الحضري كمان مش اي جوووون تاني
حسستني اني في مصر وفي الموقف كمان
وفعلا الزبون بيمثل جنيه ماشي علي الارض مهمة السواق انه يجيبه ويحطه في جيبه
بالنسبه للمجله
تفتكر الهبل اللي انا بكتبه ينفع في حاجه
السلام عليكم ورحمة الله وبركاتة
ان شاء الله تكون بخير
اتمنى من حضرتك المشاركة فى المسابقة الرمضانية فى اخر عشر ايام فى رمضان ان شاء الله مسابقة من نوع تانى ان شاء الله تعجبك
على الرابط التالى
http://shbabmoslm.blogspot.com/
السلام عليكم دكتور ياسر
كل عام وانت بخير ورمضان كريم
تحياتى
سلام عليكم
كل سنة وانتم طيبين
ويارب تكونوا بخير
ده سلام ع السريع كده معلش بقى
كل سنة وانت بخير يا دكتور
السودان أرض مصرية
لم يعد مخطط تقسيم السودان إلى دويلات – بالأمر السري الذي تتداوله أجهزة مخابرات الدول الكبرى بل أصبح متداول فى وسائل الأعلام الأوروبية و الأمريكية . فالسودان سيتم تقسيمه إلى خمسة دويلات هي : دارفور ، جبال النوبة ، الشرق ، السودان الجديد ، السودان الشمالي والمقصود بالسودان الجديد – بداهةً – جنوب السودان. ويهدف هذا المخطط لخدمة “إسرائيل” أولاً وأخيراً، وحرمان العرب من أن يكون السودان الغني بأراضيه الخصبة وموارد المياه “سلة الغذاء العربية”، ومحاصرة واستهداف مصر، بالتحكم في مصدر حياتها، أي مياه النيل، ودفعها لأن تضطر إلى شراء مياه النيل بعد اجتراح قوانين جديدة بتقنين حصص الدول المتشاطئة القديمة والدويلات الجديدة…………………….
باقى الموضوع يوجد ضمن مقالات ثقافة الهزيمة فى الرابط التالى:
www.ouregypt.us
الأخ الفاضل :: د.ياسر عمر عبدالفتاح ::
تحية طيبة وبعد
خزعبلات !!
إنها تأملات ونظرة للحياة
من زاوية عميقة
دمت يا أخي مبدعًا
فشكووول
والله عندك حق
لو لقيت ميكروباص فاضي
تبقي احجزلي عليه شفت معاك
Wish I were a Butterfly ...
مظبوط
كل عام وانت بخير
Soul.o0o.Whisper
لا إحنا عندنا الأجرة تقريباً بأقل من كده
معرفش والله بجد ,, أصلي مبركبش ميكروباصات
قصدي يعني في بني سويف
لكن الموضوع ده كتبته وأنا في القاهرة
وحكاية اطلع بينا علي القسم دي قدمت أوي
بقي قلبهم جامد دلوقت
رديت عليكي في موضوع الأثر
طارق محمد
شكلك مخنوق منهم علي الأخر
ربنا يهديهم
منور المدونة
اللؤلؤة
وحضرتك بخير ,, وكل الأمة الإسلامية
:):)
أبو العريف
ربنا يخليك يا هندسة
وطبعاً كل إبداعاتك هتنور المجلة
مستنينك إن شاء الله
عم فشكووول تاني
وحضرتك بخير :)
شاب مسلم
إن شاء الله :)
بنجاواتى
ولا يهمك يا دكترة
وسلامك اللي مش علي السريع وصل كمان
محمد سعد القويري
أكرمك الله أخي الكريم
هذا فيض من غيضكم
كنت كاتب من فترة عن مشكلة سب الدين في مصر !!
الدولة الاكثر تدينا حول العالم !!
السلام عليكم
موضوع رائع
وجهد مشكور
جعله الله فى ميزان حسناتك
خالص تقديرى
إرسال تعليق