عُـصُــوْرُ الضِّيَــاء
أَينَ الطَّريْقُ وَأَيْنَ الحَيَاة ؟
وَكَيْفَ العُبُوْرُ لِشَطِ النَّجَاة
وَكَيْفَ سَيُحْيِِّى العَمَارُ الفَلاة
فَمَازِلْتُ بَيْنَ الدُرُوبِ أَسِير
وَمَازِلْتُ أَحْيَا حَيَاةَ الأَسِير
وأَرْنُو لِصَوتِ غِنَاءِ الغَدِير
أُعَفِرُ وَجْهِى بِمِلْحِ السِِّنِين
وَأَرْحَلُ فِى كلِ وقتٍ وَحِيْن
وَأَرْشُفُ مَاءَ بحُوْرِ الحَنِيْن
أُحَاوِلُ قَطْفَ وَمِيضِ النُّجُوم
وَأَرفَعُ رَأسِى لِشَرفٍ مَرُوم
وأَغمِضُ عَينِى بِحُلْمٍ يَدُوم
أُنَاضلُ جَيْشَ الليَالِى الظَلِيمَة
وءأسرُ عِنْدَ الصَّبَاحِ الغَنِيمَة
وَأَهْفُو لِنَصْرٍ يُعِيْدُ العَزِيمَة
أُقَاوِمُ يَأْسَاً يُثيِرُ المَنَايَا
وَأَهْجُرُ بُؤْسِى وَضِيقَ الزَّوَايَا
وَأقهَرُ زَيْفَ ظِلَالِ المَرَايَا
سَأَمضِى حَثِيثَاً لضَىِّ المَنَار
وَدِفْىءِ الأخُوةِ عِنْدَ الدِّيَار
ونحرِ دُجَايَا بِسِيفِ النَّهَار
سَأَحْضُرُ حَفْلَ إِنْتِهَاءِ الشَّقَاء
وَأَرْقُبُ فَجراً يَشُقُ السَمَاء
لِيُعلِنَ فَوراً عُصُورَ الضِيَاء
(بقلمى)
أنا كنت حيران ومش عارف أنزل ايه
قصدى طبعاً غيه ولا إيه ولا إيه
إنتم عارفين طبعاً مواهبى متعددة
(وش مغرور)
واستقريت فى الأخر على الشعر
يارب يعجبكم .. عاوز رأيكم بجد
هناك 66 تعليقًا:
والله روعة أنا كنت متخيل فى الأخر إنك هتقول منقول
بجد روعة تسلم إيدك
والله يا ياسر كنت فاكرة زي محمد ها تقول منقول
ما شاء الله لا قوة الا بالله
ده انت موهوب بقى والواحد مش مديك قدرك
استاااااااااااذ
وَأَهْفُو لِنَصْرٍ يُعِيْدُ العَزِيمَة
وانا كمان اهفو اليه كثيرا
أُقَاوِمُ يَأْسَاً يُثيِرُ المَنَايَا
وَأَهْجُرُ بُؤْسِى وَضِيقَ الزَّوَايَا
مش عارفه اعبر لأني اصلا على قدي قوي
بس هي ابيات تمتليء عزيمة ومؤكد تعبر عنك بشكل او بآخر فهي احاسيس لا تولد من اصطناع
تحياتي
بسم الله ما شاء الله
ايه المواهب ديه كلها بجد روعه جدا ربنا يبارك
دا كله من تأثير النجاح واضح جدا
الواحد بعد كدا هيجاف يكتب خواطره اللي علي قد الحال قدام الكلام الحلو دا
استمر ربنا يكرمك ان شاء الله
وخلي الوش المغرور تستاهل
سلمت يمناك
غربتي
جميل فعلا,
ربنا يزيدك من فضله.
ايه ياعم الجمال دا
قبل ماانسي مبروك علي النجاح ياباشا انا عندي قنبلة ذرية شايلاها في الدولاب لوقت عوزة تحب افجرهالك في المدونة دي احتفالا بنجاحك دي ماتغلاش عليك ابدا انت تؤمر بس
طبعا انت عارف رأيي من زمااااااااااان .. مش من زمان قوي يعني :) من يومين و لا حاجة :)
هكرر تاني و أقول لك إن الجزء ده أكثر جزء عجبني فيها :
سَأَحْضُرُ حَفْلَ إِنْتِهَاءِ الشَّقَاء
وَأَرْقُبُ فَجراً يَشُقُ السَمَاء
لِيُعلِنَ فَوراً عُصُورَ الضِيَاء
جزاك الله خيرا يا ياسر ,
mohamed ghalia
ربنا يكرمك يا محمد
وبعدين ده بعض ما عندكم
دايماً منور المنتدى ومشرف صاحبها
ستيته حسب الله الحمش
---
ما شاء الله لا قوة الا بالله
ده انت موهوب بقى والواحد مش مديك قدرك
استاااااااااااذ
---
احم احم
أخجلتم تواضعنا والله يا خالة
ربنا بجد يكرمك ...
مش متصورة ردك أسعدنى قد ايه
---
بس هي ابيات تمتليء عزيمة ومؤكد تعبر عنك بشكل او بآخر فهي احاسيس لا تولد من اصطناع
---
ده كلام مظبوط
هوه ده أنا ..
انتى كنتى قاعدة معايا وأنا بكتبها؟؟
ghorBty
ربنا يكرمك يا أختى
بس دى والله كتبتها قبل النجاح
مش بقول وأهفو لنصر يعيد العزيمة
الحياة كلها إمتحانات وفيها نجاح وفيها ..
ربنا يوفقنا جميعاً
---
الواحد بعد كدا هيجاف يكتب خواطره اللي علي قد الحال قدام الكلام الحلو دا
---
يا أختى ده إحنا بنتعلم منكم
salma mohamed
ربنا يبارك فيكِ
وجزاكِ الله خيراً على الدعاء
ربنا يزيدنا جميعاً من فضله
المفـقوعــة مـرارتـهـا
الأستاذة سحر غريب بنفس ذات شخصيتها
ده والله شرف كبير جداً ليا
وبهنى حضرتك على الكتاب
مع إنها تهنئة متأخرة حبتين
والله يبارك فى حضرتك
بالنسبة للقنبلة الذرية بقى
هدية مقبولة .. بلا تفجريها انتى لتعورك
هاتيها أنا هفجرها على باب المدونة
على الأقل هتعمل شوية قلق
والناس تتلم بقى وأشتهر
TIMMY
ازيك يا عم تيمى يا متخفى
يا باشا لما شاعر كبير زيك تعجبه شخبطتى
ده يعتبر إنجاز شخصى .. ووسام كبير يوضع على صدرى
(ايه رأيك فى التثبيت)
ربنا يهديك يا تيمى وتبطل أفكارك الغريبة دى الى شبه أفكارى بالظبط
مشكلتك إنك شبهر فى كل حاجة
لا حلو بجد
كويس انك استقريت انك تنزل دى فى الاخر
اسعدتنى اول زيارة لك
مشاء الله تبارك الله
والله افتكرته منقول من مكان
ربنا يحفظك ويجعلك دائما متقدم كده
حقيقي كلمات رائعة
تسلم ايدك بجد
يظهر النجاح بيولد حجات حلوة
وربنا مايجعلناش مغرورين ابدا
بس حقيقي
رائع ومبدع
تقبل خالص تحياتي وتقديري
فنونة
وان شاء الله الهمر يكون مشي معاك
هههههههههه
رأينا وبجد ؟
والله انا كنت فاكراه شعر عباسى او حماسى من بتوع أيليا ابو ماضى اللى كانو بيدوة لنا فى المدرسه
بسم الله ما شاء الله فعلا
الاوزان والقوافى والصور الجماليه
ياااة دة انت فكرتنى بامتحان النصوص فعلا
ربنا يديم عليك التصميم والأصرار والتفائل بالقدرة على تحقيق الحلم
لا بعد كدة انا وانت مش مفروض نسكت على نفسنا
أنتبهو أنتبهو الصعايدة قادمون
اتمنى زيارتكم لمدونتى وابداء الراى فى الموضوع المطروح ، فلا تتاخروا ولا تبخلو ا بالمشاركة
شعرك جميل لك زيارة فيما بعد
ما شاء الله
بجد بجد رائع جداااااا.........
وبتقول عاوز تاخد رأينا دة بعد كدة المفروض احنا اللى ناخد رأيك فى اللى بنكتبه .
بارك الله لك ودمت مبدعا .
بجد ما شاء الله .
أُقَاوِمُ يَأْسَاً يُثيِرُ المَنَايَا
وَأَهْجُرُ بُؤْسِى وَضِيقَ الزَّوَايَا
وَأقهَرُ زَيْفَ ظِلَالِ المَرَايَا
***
كلمات جميلة .. حفظكم الله
انتظروا أولى تدوينات الدكتور توكل والتى خرجت من بين القيود "هكذا يكون الجيران(1)|"
arsenalwy
شكراً على المرور
ويارب متباقش أخر زيارة
fnoonh
الله يكرمك ..
والله كتبتها قبل النجاح
على فكرة أنا والله مش مغرور ولا حاجة
أنا بس بهرج
على فكرة العربية الهمر جابت جوان وش سلندر
تقريباً خدت عين عندنا فى الصعيد
هيه الصيانة مش عليكى؟؟
صفـــــاء
الله يكرمك
لالا أنا كده ممكن أخد مقلب فى نفسى
خاصةً يعنى إن ده رأيى من أهل الصنعة
وأنا معاكى مش هسكت على نفسى
هرح أكشف برضه إن شاء الله
Beram ElMasry
يافندم روحت وعلقت
ومستنى عودتك إن شاء الله
نبض الحياة
ربنا يكرمك ويبارك فى حضرتك
أخجلتم تواضعنا
إسراء توكل مسعود
جزاكِ الله خيراً على المرور والتعليق
ومنتظرين التدوينة الجديدة للدكتور توكل
ربنا يفك كربه
سَأَحْضُرُ حَفْلَ إِنْتِهَاءِ الشَّقَاء
وَأَرْقُبُ فَجراً يَشُقُ السَمَاء
لِيُعلِنَ فَوراً عُصُورَ الضِيَاء
بسم الله ماشاء الله انت فعلا موهوب جدا ومن حقك يكون عندك ثقة فى نفسك وبموهبتك تسلم ايديك
جميل ان اقرا كلمات لشاب في زمننا هذا
يتحدث عن العزيمه
بجد فكره حلوه اوي وكلمات احلي
د/ ياسر
السلام عليكم
أسعدنى زيارة حضرتك
ومليون مبروك على نجاحك
أما عن القصيدة فهى رائعة تحث على عدم اليأس ومازال الأمل موجودا وصدقنى لقد توقعت أنك ستكتب فى نهايتها منقول ولكن ماشاء الله عليك مواهب متعددة
وربنا يزيدك من فضله
دمت بكل الحب
ايوشة
ربنا يكرمك
والحمد لله إن الكلام عجبك
ebn roshd 777
كلامك مشجع
وبعدين لو مش الشباب همه اللى يتكلموا عن العزيمة
مين طيب هيتكلم؟
الشباب والعزيمة المفروض يبقوا وجهين لعملة واحدة(حطلى تحت المفروض دى كام خط)
إطراء من كاتب كبير زيك ... شىء مشرف
اللؤلؤة
الله يبارك فى حضرتك
والحمد لله إن كلامى بقى شبه المنقول
مع إنى لسه مبتدأ .. والله لسه مبتدأ
ماشاء الله عليك
فنان موهوب وكلماتك تؤثر القلب والعقل
عشت مدبعا وفنانا ....ياحكيم
اممممممممممممممممممممممممممممممم
مش ولا بد
وش بيضحك
طبعا جميل جدااا
جزاك الله خيرا وفي انتظار المزيد
اعجبني جدا قولك
أُحَاوِلُ قَطْفَ وَمِيضِ النُّجُوم
جميل جدا المعني
قصيده رائعه يا ياسر بالفعل
وتدل على موهبه كبيره
فكلماتها وميزانها صعب
وليس من السهل نظم مثل تلك القصائد
هذا بالإضافه إلى ما تحويه من بعث للأمل
وتحميس على الكفاح والمواجهه
بالتوفيق دايما يا دكتره
د. ياسر
يعنى انا متهيأ لى انك حتبقى صلاح جاهين نمره 2
بس عايزين نشوف مواهبك فى الرسم
تحياتى
ماشاء الله
ولا مغرورر ولا حاجة يا دكتور
وكلام فكرنى بالمتنبى
وإذا غامرت فى شرف مروم
فلا تقنع بما دون النجوم
فطعم الموت فى أمر حقير
كطعم الموت فى أمر عظيم
إستمر فى المحاولة فعصور الضياء ستأتى وتضىء
عاجلاً ام أجلاً
تحياتى لك
د إبراهيم سماحة
كيمياء المدونة تعكس شخصيتك
احييك بشدة
تحياتي
جميل أن تخرج كلماتنتا من ثانيا الفلب
بيد أن ليس كل ما يشعر المرء به يستطيع أن ينزفه لسانه
مدونة رائعه..استمر في تألقك
الحارة سد
ايه دا كله يادكتور
اتغر براحتك يا ريس
كلام رائع
من نوعيه
يحلق بعيدا في افق شغريه
جديده خاصه به
يصنع من وحي ابياته
عالما من خيال
تسلم ايدك
بامانه و من غير اي مجامله
القصيده ممتازه فعلا و فيها تعبيرات بلاغيه ممتازه
يااااااااااه
كانت فين المواهب الحلوة دي من زمان يا عم يا سر
بجد قصيدة روعة
أحييك بشدة عليها
ربنا يكرمك ويوفقك
ومتحرمناش من الحاجات الحلوة دي الله يخليك
بس خلاص ...
والله أنا اتسمرت قدام الكلام الجامد ده كله
ربنا يكرمك
بس بجد يعنى مستحقش كل الكلام ده
هوه مين حكيم ده؟؟
قلمي
ربنا يبارك فيكِ
جزاكِ الله خيراً على المرور والتعليق
أنا برضه بحب الحتة دى جداً
ahmed_k
رأى أعتز بيه با باشا والله
ربنا يكرمك ويبارك فيك على الكلام الحلو ده
وخاصة إنها كاتب كبير زيك
fashkool
نورتنا والله يا عمنا
بس صلاح جاهين حتة واحدة؟
ده إحنا غلابة
وبعدين صلاح جاهين كان بيكتب عامى ورباعيات
وأنا مبعرفش أكتب عامى خالص .. وكمان بكتب ثلاثيات
وبعدين هوه إحنا نطول نبقى تمن عمنا صلاح جاهين
Dr Ibrahim
ربنا يكرمك يا دكترة
أنا على فكرة لما كتبت شرف مرووم كان فى بالى نفس البيت
أنا مش عشاق أشعار المتنبى
وأنا شايف من وجهة نظرى المتواضعة
إنه أعظم شعراء العرب على مر العصور
حاول تفتكرنى
الله يكرمك ويبارك فى حضرتك
شرفتنى ونورت المدونة
حارة سد
الأجمل مرورك فضلاً عن تعليقك
مع تمنياتى بدوام التواصل
أبو العريف
وهوه أنا برضه أقدر أغر وانت موجود
هيه العين تعلى عن الحاجب
بس ايه الكلام الجامد اللى فى الأخر ده
أوعى يكون شتيمة
ذو النون المصري
والله يا أستاذنا
حضورك ليه بريق مميز ورونق مختلف
وإعجابك بنصرى وسام على صدرى
سمو الامير
موجودة يا سمو الأمير
بس كانت محتاجة إذن معاليك علشان تطلع
يا عم نورتنا وشرفتنا
ومتقطعش الجوابات تانى
الله ينور كلام من ذهب فعلا
10/10
وأدعوك لزيارة مدونتي
ويبقى التواصل
كلمات تعلو بها الهمم
وحروف تسطر أحاسيس من نور
لينجلي الظلام
ويأتي الضياء
تحياتي لقلمك
لغة سليمة
و اسلوب سلس رائع يا د 0 ياسر
متمكن جدا
لي فقط ملحوظة بسيطة
و هي قلة الصور الشعرية
او تقليديتها نوعا
لا اعرف ان كنت قد قصدت هذا في هذه القصيدة
و ان كنت قد قصدته فما هو الداعي ؟
أحييك
السلام عليكم ....
أخى الفاضل تقبل مرورى الأول لمدونتك الرائعه
دكتور ياسر بجد أسلوبك أكتر من هايل
بسم الله ماشاء الله ربنا يكرمك إلى طريق الخير
تقبل مرورى والتواصل الدائم إن شاء الله
تحياتى سلامى
يادي التدبيسه انا الجبته لنفسي كمان صيانه
لا لا الصيانه مش عليا بس ممكن تروح تاخدمن المعرض عربيه تانية بس المرادي اعذرني هتكون ارخص شوية انت عارف الاحوال بقى وكده
يلا بقى سلام وافتكر ان دي اخر عربيه تاخدها
اه يعني مش تسليه بقى ولتكونش بتديها لقرايبك
على اساس توزع على العيلة ههههههههههههه
ايوة ايوة نسيت
على فكرة والله مااقصدش ابدا اقول انك مغرور انا بدعي بس كده عادي يعني شكلك فهمت غلط
أنا جيت عشان أجاوب على السؤال
الحمد لله أنا الى بكتب مواضيعى كلها من دماغة
ولو فى جملة منقوله بنسبها لصاحبها زى تعريفات الإستقامة كده نسبت كل تعريف لصاحبه زى مشوفت من شوية
لكن كل الكلام بتاعى الحمد لله
متشكر للإهتمامك أخويا فى الله
بسم الله الرحمن الرحيم
د. ياسر
السلام عليكم ورحمه الله وبركاته.
رائعه من الروائع ...و نص جميل يستحق الدراسه والتحليل (إذا سمحت لي).
و مبروك النجاح ...لكن في ايه ؟
أشكرك علي زيارتك ...وعلي تعليقك وهو محل مناقشه لجديتك كل الأحترام .
د.ياسر لك ودي وتقديري.
سلمت يداك على ما خطت من كلمات يا دكتور ياسر وأنا رأيي انك أكثر من رائع
معتز شاهين - باحث تربوي
نورت المدونة يا أستاذنا
وشرفت صاحبها
يــوم جــديد
إيه الكلام الجامد ده
ربنا يحفظك
عبد الحميد محمد
رأى كاتب وأديب متميز مثلك يهمنى
ولكن أختلف معك فى جزئية الصور الشعرية
هيه متوفرة .. ولكن كما قلت تقليدية الى حد كبير
والسبب بسيط جداً
أننى مبتدأ .. أكتب هذه الكلمات المسماة مجازاً شعر منذ فترة وجيزة ودراستى بعدية كل البعد عن الأدب
تعليقك واريك أسعدانى
مع تمنياتى بدوام التواصل
عاشقة الأحزان
إطراء لا استحقه
ومجاملة مقبولة
جزاكِ الله خيراً
fnoonh
لا خلاص دى كويسة .. وأنا هجيبلها جوان على حسابى
وعلى فكرة أنا فهمت صح
وطبعاً كنت عارف إنك متقصديش إنى مغرور
جزاكِ الله خيراً على المتابعة
رئيس التحرير
يا أستاذى الجليل
أنا أكاد أرجوك أنا تحلل نصى
شرف كبير جداً ليا ولنصى
أرجو أن يجد منك وقتاً لهذا
الشاعر محمد عبدالرحمن
رأى حضرتك كشاعر شرف لى
وإعجابك بكلماتى البسيطة وسام
إرسال تعليق