29 مارس، 2009

تاج من خالتى ستيتة

تاج هدية من خالتى ستيتة


أسمك؟

ياسر عمر عبد الفتاح


المشهور بيه وسط صاحبك؟


ياسر عمر عبد الفتاح

وساعات ياسو
ومرات ياسور
وواحد صاحبى بيقولى يا يوتو


سنك؟

23 سنة ..

بس مش عارف ليه
الناس بتفتكرنى عجوز


مجال دراستك؟

الصيدلة


أسم مدونتك؟

ومضات


صورتك الرمزية في المدونة بتعبر عن أيه؟

الكائن الصيدلى


هل فكرت في أغلاق المدونة؟ والسبب؟


ده إحنا لسه بنقول يا هادى

ومكملتش فى التدوين 3 شهور لسة


أيه رد فعلك لو حد قل أدبه عليك في تعليق؟

هلغى الرد بتاعه وخلاص ...

يعنى هعمل ايه يعنى

هقتله يعنى؟؟


أسوء مدونة؟

أى مدونة تسول لصاحبها نفسه إنه يتعدى القدسية الدينية

وإنه يتجرأ فى الكلام بدون علم ويعك الدنيا

ارغى براحتك ..
بس لحد الدين وستوب


هيحصل أيه للإيميل بعد ما تموت؟


محمد أخويا هيدخل من على الجهاز وطبعاً الباسورد متسجل

وهيقول للناس ياسر مات .. وادعوله

بس يارب يلاقى قصة حلوة عن حسن الخاتمة يفرح بيها أصحابى(قصة حقيقية يعنى)


أديت الباسوورد لحد قبل كده؟

لالا


السفر بالنسبة لك؟

حاجة حلوة بس متطولش


المود بتاعك ايه؟

أنا ليا خمسين مود

مود كئيب ومود مجنون هادى ومود فيلسوف ومود دكتور ومود ضحك هيستيرى وحاجات كثير

لكن أهم حاجة
إنهم كلهم المفترض إن يشملهم مود متدين (المفروووض)


بتعمل أيه في وقت فراغك؟

عادى يعنى


الأكلة المفضلة؟

كثير يعنى

مش أكلة محددة


الصفات التي أخذتها عن والدك؟


الرجوووووووووووووولة

مع شوية حاجات تانية كثير


الصفات التي أخذتها من والدتك؟

الطيبة

مع شوية حاجات أكثر


اكثر ست حاجات بتكرهها؟

حاجات كثير ..
ومبحبش الأسئلة دى


اكثر ست حاجات بتحبهم؟

نفس الإجابة اللى فاتت


شخصيتك نوعها أيه؟

بيجو 307

يعنى ايه نوعها ايه؟

أنماط الإنسان بتختلف بتغير المكان والزمان والصحبة

ومفيش حد بيستمر على وتيرة واحدة أبدا

شخصية عادية وديماً بفخر بكونى عادى


لماذا دخلت عالم التدوين من الأساس؟

دخلته علشان
حاجات كثير أوى

لأنه عالم تانى
مختلف وموازى للعالم الحقيقى ومليان كل الإتجاهات والأفكار
مليان ثقافة
وأدب وناس بتفكر وشخصيات محترمة وعقول ناضجة وبرضه فيه قلة أدب وناس قذرة

كان لازم أجى أقيس نفسة بالنسبة ليهم كلهم ..


أحلى جملة قيلت في وصف مدونتك؟

مش عارف

محدش وصف مدونتى تقريباً قبل غير بكلمات عادية

زى جميلة ورائعة
ومتميزة والكلام بتاع المجاملات ده


أهمية التعليقات بالنسبة لك؟

زى أهمية الجماهير بالنسبة للعيب الكورة

تشجيع وتقويم


احلى بوست كتبته؟ وضع اللينك ثم أذكر السبب؟

بوستات ومضات كلها

وعصور الضياء


افضل مدونة قرأتها؟

مبتتحسبش كده

مينفعش أقيس مدونة سياسية بمدوة دينية

أو مدونة أدبية بمدونة شخصية

بس فيه مدونات جميلة كثير بتعجبنى

مدونة تيمى تظبيط

ومدونة عمنا فشكول

ومدونة رئيس التحرير وهنا العزبة

ومدنة محمد غالية

ومدونة خالتى طبعاً ستيتة ملهاش حل

مدونة دكتور عرفة الإعلانية بتفيدنى وبتعجبنى

مدونات الأخوات غربتى وسلمى وأمة الله وصفاء 

وكل المدونات اللى على الريدر بتعجبنى طبعاً

كلهم كلهم وشكر خاص لكل الناس اللى على الريدر

ولولا ضيق الوقت كنت نقلتهم كلهم


أفضل بوست قرأته؟

كتير قوي وظلم أني أحدد بوست واحد ..


الشغل بالنسبة لك؟

أنا


الأنترنت بالنسبة لك؟

ليلُ سرمدىُ حالم

وكنز لكل باحث غانم

ونهار مشرق سالم

وضجيج عالى وزحام قاتم


تمرر التاج ده لمين؟

لا مفيش

(رخامة)


هناك 20 تعليقًا:

ستيتة يقول...

هههههههههههههههههههههههههههههههه
اجمل شيء رخاااااااااااااااااامة

بس برضه مرغيتش
خفت كولومبو يكشف عن شخصيتك فمقلتش بتحب ايه ولا بتكره ايه
يا حظك يا ياسر
انا كنت ها اخد البوست اوريه لعروسة دلوقت كل اجابتك من غير اجابه هههههههههههههه

العروسة طارت
شفت من اجابتكم سلط عليكم ههههههههههههههههههه

الحق الحق حدث البوست واكتب قد عشر صفح

تحياتي لك

fnoonh يقول...

كويس انك مش رخم ربنا يخليك في بعض الناس بتنقله لكل البيقراؤه
---------------
ليلُ سرمدىُ حالم

وكنز لكل باحث غانم

ونهار مشرق سالم

وضجيج عالى وزحام قاتم

-------------------
اجمل وصف قراؤته عن النت والله

تقبل تحياتي وتقديري

د. ياسر عمر عبد الفتاح يقول...

خالة سوتيتة

والله يا خالتى أنا الأسئلة اللى من نوع أحسن تسع حاجات وأوحش ست حاجات وأكلتك المفضلة مبحبهاش
بتستفزنى وبتحسسنى إنها بتتعامل مع ألة كل حاجة فيها ماشية بالأرقام واحد اتنين تلاتة
علشان كده أنا مكنتش عاوز أجاوب
ولولا إنك إنتى اللى بعتى التاج ده أنا كنت هعتذر عنه وش كده


-------
الحق الحق حدث البوست واكتب قد عشر صفح
--------

لست أنا ذاك الرجل اللى يغير كلامه من أولها
أنا كلمتى متنزلش الأرض أبداً
(يا واد يا جامد)

وبعدين مش لما يبقى فيه عروسة تقولى من الأول
هههههههههههههه

د. ياسر عمر عبد الفتاح يقول...

fnoonh

ربنا يكرمك
انا مردتش أزنق حد الزنقة اللى كنت مزنوقها
مع إن فيه ناس بتحب الكلام ده .. أه والله

TIMMY !! يقول...

يا عيني على الدبلوماسية ,
انت كروتنا في كام إجابة كده و لفيت و درت على الحاجات اللي كنا عاوزين نعرفها :)

المفروض كان التاج يتعامل مع عقلك اللاواعي كي نحصل على إجابات غير مباشرة تتصل بصورة أو بأخرى بعقل كالواعي و الاتصال ينقطع علشان الرصيد خلص :)

د. ياسر عمر عبد الفتاح يقول...

عم تيمى

شفت الدبلوماسية
بالله عليك مش أنا برضه أنفع؟


إيه يا واد الكلام الكبير اللى قلته فى الأخر ده؟
إنت بتذاكر من ورايا ولا ايه؟؟
اخص عليك .. اخص

ebn roshd 777 يقول...

بص يا عم ياسر ومن غير ما تزعل مني
انتي فعلا ما جاوبتش علي معظم الاسئله
يبقي كان الاحسن ترفض التاج ده
وتقولهم انك من الزاهدين في الملك
وعلي فكره انا كمان زيك كده
مش بعرف ارد علي الاسئله بتاع التيجان دي خالص
الاهم من التاج اني اهنيك علي اشتراكك بمجله رؤيه
وطبعا انا كنت قرات المقال بمدونتك من قبل
ومدونتك بجد رائعه من وجهه نظري ومش مجامله
واوعدك لما تكتب حاجه مش عجباني هاقولك
دمت بكل الخير

حزينه يقول...

ردك على الاسءله مختلف اوى
بس ليه مش بتحب الاسءله بتاعت حاجات بتكرها وحاجات بتحبها


حزينه

ghorBty يقول...

السلام عليكم

ربنا يكرمك بجد علي الاجابات اللي جوبتها واللي قلت فيها مش عارف كمان

احلي شئ في الانسان انه يكون صريحه مع نفسه ومع غيره

ومن غير مجاملات والله بجد مدونتك جميله جدا ومن المدونات المحترمه والواحد لما بيدخل بيستفاد منها بجد مش بيحس انه قرا كدا وخلاص ربنا يزيدك من فضله

بارك الله فيكم

غربتي

عمرو جويلى يقول...

د/ياسر

لقد حللت شخصيتك من خلال إجاباتك
شاب عملى شخصية قوية إيجابية
تمزح أحيانا
دمت بكل الخير

salma mohamed يقول...

انا برضه مش بحب الاسئلة اللي انت مش مجاوب عليها,
بس اجاباتك التانيه ممتازه زي مدونتك,
ولو كانت دي مجاملة مكنتش هتلاقي مدونتك في الريدر عندي وعند غيري,
الا لو انت بتعمل كده وتضيفنا وتكتب اسم مدوناتنا في اجابتك مجاملة (:

د.خالدأمين يقول...

ابسط ياعم فيك كتير قوي مني



ههههههههههههههه


لا بجد من خلال اللي قريته انا معاك في حاجات كتير ولو التاج ده انا جاوبت عليه مكنتشهزود كتير علي ما اعتقد


وبعدين ليه بتقول لما حدبيقولك المدونه حلوه يبقي بجاملك


ياعم والله المدونه جميله بدون مجامله


شكرا

سلام

Ahmed يقول...

هههههههههه
رخامه؟
وبيجو 307؟
ايه يادكتور الكلام ده

واضح جدا انك بتتخنق من الأسئله والامتحانات
ياترى لسبب معين ولا زي بقية خلق الله ياعني؟

مصطقي ريان يقول...

ربنا يوفقك ياصاحبي وتحققكل احلامك

Call for coexistence يقول...

اجابات دبلوماسيه

د. ياسر عمر عبد الفتاح يقول...

استاذنا الكبير بن رشد

طيب وأزعل منك ليه؟؟
هوه أنا أقدر أًصلاً أزعل منك
إنت عندك حق ..
بس مش معظمها يعنى .. اللى وقع منى كام سؤال
والعيب طبعاً فى السؤال مش فيا .. هههههه
وبعدين الخالة ستيتة قال الأسئلة إجبارى
وانت عارف منقدرش نزعلها

ياعم ربنا يكرمك على مرورك وردك
وإشادتك بمدونتى الغلبانة شرف كبير
وأكيد لازم لما أكتب حاجة مش حلوة تقولى
إنت كده هتفيدنى وهتخلى للتدوين طعم
بس متقرصش عليا أوى الله يخلك

ولعلمك بقى أنا كمان مش هسكتلك
علشان تبقى عارف .. ههههههه

يارب دايماً متابعنى على طول
شرفت ونورت

د. ياسر عمر عبد الفتاح يقول...

حزينه

مبحبهاش علشان بتحسسنى إنى ألة
يعنى فيه حاجات كثير الواحد بيحبها ومقدر أقارن بينها .. أنا مش مقالة ولا كتاب

جزاكِ الله خيراً على المرور
وربنا يفرج حونك وهمك

د. ياسر عمر عبد الفتاح يقول...

ghorBty

كلامك حضرتك بيخلى الواحد سعيد باللى بيعمله بجد
ربنا يكرمك ويجازيكِ خير على التشجيع

اللؤلؤة

مع إنى مليش فى موضوع تحليل الشخصيات ده
بس يارب أكون كده فعلاً

salma mohamed

ربنا يبارك فى حضرتك على التشجيع الكبير ده
وطبعاً المدونات اللى عندى على الريدر كلها بتعجبنى وبتفيدنى ويسعدنى إنى دايماً أدخل عليها

د. ياسر عمر عبد الفتاح يقول...

د.خالدأمين

فيا كثير منك؟
ده أنا كده بقى أبقى ضمنت الجنة .. هههه
ربنا يرزقنيها وإياك إن شاء الله

يا عم والله كلامك ده شرف كبير لينا
ده أنا الفرحة مش سايعانى حقيقى
ويارب متبقاش أخر زيارة

أحمـــــــــــــد أبو العلا

والله عندك حق
بتخنق من الإمتحانات بطريقة رهيبة
إدعيلى كده بقى أتخرج وأخلص منها نهائياً
شرفتنا يا باشا

د. ياسر عمر عبد الفتاح يقول...

مصطقي ريان

شكراً يا درش
وانت كمان ربنا يوفقك

Call for coexistence

وهيه الدبلوماسية وحشة .. دى زى الفل
ههههههههه
شكراً على المرور والتعليق