05 يونيو، 2009

مَنْ أنَــا

لكل من تاه عن نفسه
ونسيَّ أنه لله عبد
خلق من أجل عبادته
ومن أجل حمل الأمانه
.
...
.....
مَنْ أنَــا

وأظل أسأل في غيابٍ مِنْ .. ( أنـا )؟

مَنْ أنا؟

قد بِتُّ منذ الحين أبحث في الدُنَي

 عنِّي أنا ..!!

لأُزيح كل التيه عني والعَنَا

 من ذا أنا؟

 هل ضحكةٌ للشمسِ أَوْرَقََهَا اللهبْ؟

 هل حرقةُ الأصداءِ في نار الغضبْ؟

 أو نطفـةٌ وُجِدَتْ بِلا أَدْنَي سَبَْب؟

...

.

 حتي أتاني الردُ  مِن صمتِ  الهدايةْ

 هلَّا طَرَقْتَ الباب ..!

 قَدْ تُهْتَ وازداد الغياب

 أبشر فقد حان الإياب

 أنت المُوَّكْلُ بالأمانةْ ..

ونسيتَ دربَكَ في متاهاتِ الغوايةْ

فابدأ طريقك من هنا .. حتي النهايةْ



----------------------------


كانت هذه بداية شيءٍ قد يتم .. أو لا

من يدري ..!!؟؟

.....

..

.

عــذراً


فـــاصل ونــواصل


بإذن الله

هناك 93 تعليقًا:

رحلتنا في الحياة يقول...

.

حتي أتاني الردُ من صمتِ الهدايةْ



هلا طرقت الباب ..!



قد تهت وازداد الغياب



أبشر فقد حان الإياب



أنت الموكل بالأمانةْ ..



ونسيتَ دربك في متاهات الغوايةْ



فابدأ طريقك من هنا .. حتي النهايةْ




جميلة اوى بجد تسلم ايديك بس ياريت نقدر نفهم الكلام فعلا ونفذه صح اللحظة اللى الانسان بيكون فيها تايه مش عارف نفسه بيكون صعب يفكر فى اى حاجة تانية غير انه تايه

حفيدة عرابى يقول...

يارب يتم الجمال ده

Soul.o0o.Whisper يقول...

قلت أحجز تالت تعلييييييييييييق

أروح اقرأ و آجى

Soul.o0o.Whisper يقول...

رائعة رائعة رائعة بجد يا دكتور

حسيت معناها اوى

ربنا يبارك لك يارب

و ياريت فعلا شئ يتم

اعتقد هيكون شئ رائع جدا


دمت بود

عمرو جويلى يقول...

د/ياسر عمر
اليلام عليكم
بارك الله فيك وأعانك على تزويدنا بروائع الكلم
دمت فى خير

ebn roshd 777 يقول...

صباح الخير يا عم ياسر
كلامك كبير وجميل
اللهم ارزقنا الهدايه الي سراطه المستقيم
ونجنا من متاهات الغوايه
كثيرا ما اشعر بالغباء عندما اجد نفسي مهموما لامر من امور الحياه الفانيه باسرع مما نتخيل
ولكنها الفطره التي غرست بداخلنا ان نحب الحياه
ونتعلق بها
جميله اوي فكرتك

beautiful mind يقول...

الله ينور يا دكتور ماشاء الله عليك
كمل ياباشا
عايزين نشوف الابداع
فعلا ليست مجرد كلمات دي حاله حياة
من انا؟

غير معرف يقول...

ابشرفقد حان الاياب
انت الموكل بالامانة
كلمات رائعة فالانسان قد اختاره الله خليفة فى ارضه
فى انتظار التكلمة والله الموفق
دمت بخير

أبو العريف يقول...

دكتور
جميل قوي
قوي كلامك
حاول تكمله

تحياتي

غير معرف يقول...

ايوه يادكتور
انا لسه داخلة المدونة بتاعتى وقرات ردك
باذن الله ربنا يعدى المادة الصعبة ديه على خير
بس انت ركز فى مذكراتها من دلوقت
وبلا ش ليلة الامتحان
لن اترك الدعاء لك بتسير الامور وابقا طمنى
ربنا يوفقك يارب

د/على خميس يقول...

السلام عليكم و رحمة الله و بركاته
تسلم ايدك يا دكترة
لازم تمكل ان شاء الله
كلام حلو جدا و اسلوب رائع ..
مستنيين الباقى بعد الفاصل ...متطولش

بارك الله فيك أخى الحبيب

تقبل خالص تحياتى

ستيتة يقول...

قَدْ تُهْتَ وازداد الغياب
أبشر فقد حان الإياب


من منا لا يتمنى هذه البشرى؟
ربنا يبلغها لنا وتبقى سعادة الدارين الدنيا والآخرة

رائعة يا ياسر واكثر من رائعة
مكملتش ليه؟ والا دي مجرد خاطرة صغنونة؟
على العموم هي مكتملة وجميلة

Unknown يقول...

السلام عليكم ورحمة الله تعالى وبركاته
(هلَّا طَرَقْتَ الباب ..!
قَدْ تُهْتَ وازداد الغياب
أبشر فقد حان الإياب
أنت المُوَّكْلُ بالأمانةْ).
تــــــــسلم ايدك
ياصيـــــــــــــدلى
جميلة اوى

تامر علي يقول...

جميلة فعلاً ياريت تكمل :)

في انتظار الباقي بعد الامتحانات

تحياتي :)

Unknown يقول...

جميل
----
بالتوفيق ان شاء الله
----
مع تحياتى

محمد يقول...

الشمس تجري تخبر أنت المجد المرتجي عفو الإله

والقمر يخسف يدرك ان اللحاق بك متاهة في الفلاة

والعمر يغدق غصنه ما دمت طوعا في عبادتك الإله


لا تسل من انت فقد كرمت فس سابق عهدك رغم ملائكة الإله

وعلمت أسماء عظيمة قد اتيتها كلها بفضل الذي سجدت له كل الجباه


فالآن هيا لا تنم بل شمر الساعد واجتهد فأنت الخليفة واللقا عند الصلاة

MǿиY El-Shreef يقول...

مش عارفه اقولك ايه غير ربنا يحميك

انت بجد مشكله ماشاء الله

كلامك جميل اوي يا دكتور

مستنيين الباقي

Kiara يقول...

هل ضحكةٌ للشمسِ أَوْرَقََهَا اللهبْ؟

هل حرقةُ الأصداءِ في نار الغضبْ؟

أو نطفـةٌ وُجِدَتْ بِلا أَدْنَي سَبَْب؟

*************

الله جميله اوي اوي بس ليه موش كملتها مستنيه التكملة في اقرب وقـــــــــــــت

شموع يقول...

أشضكر لك أخر الكريم على هذه التذكره القيمة وبارك الله فيك وآدام عليك نعمة الإسلام ومتابع معك إن شاء الله

د/عرفه يقول...

دايما مواضيعك رائعة يا دكتور

ولكن بعتذر
هنحاول نغير شوية الاسبوع ده

رغم اعجابى الشديد بالبوست ده
بس عايز اختار مدونات جديدة شوية

The illusionist يقول...

جميل البوست يا دوك
وكلامك جميل قوى وصادر من شخص من غير ما اشوفه
بس حاسس انه كلام شخص محترم
وذو قدره لفظيه عاليه
تركت اثر اهه
ادعيلنا فى الامتحانات بقى

Unknown يقول...

الله ينور عرفتنا مين احنا

تقبل مروري وتحياتي

ويبقى التواصل

حارة سد يقول...
أزال المؤلف هذا التعليق.
حارة سد يقول...

رائع...راق لي كثيرا ما كتبته
ابدعت يا طارق الباب
دمت بخير وود وتالق

MaNoOoSh يقول...

أبشر يا د. ياسر أبشر
ان شاء الله نبدأ تاني من الطريق الصح.. ونكمله لآخره فى الجنه بإذن الله.

في انتظار التكملة.

GiGi world يقول...

ربنا يباركلك بنا مش مصدقه ابدا
ان فى حد زي حضرتك بينا
بجد شاعر بالثلث
ربنا يكرمك ويعزك يارب
لكن لاتسال من انت فان كنت لاتعرف من انت فمن نا يعلمان منت انت لاتعلم

تحياتى

مصطفى ريان يقول...

اخى الفاضل دكتور ياسر
اعذرنى على الغياب عنك ولكن الرئيس السابق واعترافاته وانقطاع النت كانو من اسباب ذلك
بالنسبة لقصيدة فهى حلوة جدا ومعبرة قوي
ربنا يوفقك دايما
تحياتى لك ودمت بكل الخير

ناصــــر يقول...

والله إستمتعت جدا
وفقك الله
وغلى الأمام...

سلوى يقول...

ده كلام حضرتك ؟؟

حلو جدا ما شاء الله

الأمانه
كلنا حامل لها
رجل وأمرأه
الكل حامل للأمانه
والقليل من يتحملها
وقليل من يفهم معناها

الكلمات مرة أخحرى رائعه

ست البنات يقول...

متابعين بشغف...
دمت مبدعا

د. ياسر عمر عبد الفتاح يقول...

ايوشة

أهم حاجة فلاً التنفيذ
جزاكم الله خيراً

د. ياسر عمر عبد الفتاح يقول...

لقد خلقنا الله احرارا

ربنا يكرمك
بس هوه تم علي كده خلاص
علي الأقل في الفترة دي

د. ياسر عمر عبد الفتاح يقول...

Soul.o0o.Whisper

طيب بسرعة
أنا مستني أهو

د. ياسر عمر عبد الفتاح يقول...

Soul.o0o.Whisper

كويس إنك لحقتي الحمد لله

ربنا يكرمك
ده بس من ذوق حضرتك
وبعض ما عندكم

د. ياسر عمر عبد الفتاح يقول...

اللؤلؤة

ربنا يبارك في حضرتك
دمت بكل خير

د. ياسر عمر عبد الفتاح يقول...

ebn roshd 777

منورنا والله بعد الغيبة الطويلة دي
وكلام حضرتك وثناؤك شرف كبير
فعلاً كلنا بنشعر كثير بالشعور ده
لكن إحنا لو دايماً شايفين الأخرة قدامنا لصافحتنا الملائكة في الطرقات
لنص حديث سيدنا أبي الصديق وسيدنا حنظلة مع النبي صلي الله عليه وسلم

د. ياسر عمر عبد الفتاح يقول...

beautiful mind

ربنا يكرمك
منور يا باشا
بس مش هقدر أكمل دلوقت
دعواتك معانا
وشد حيلك إنت كمان

مرايتى يقول...

بجد جميله جدا
فى انتظار البقيه
جزاك الله خيرا

حياتى نغم يقول...

السلام عليكم / ما شاء الله كتابات حضرتك متميزة ورائعه جعلها الله لك فى ميزان الحسنات .
وأجمل سطورك من حتى أتانى الرد من باب الهداية إلى آخرها .
دمت مبدعاً وجزاك الله خيراً .

فى قلبى نور يقول...

السلام عليكم ورحمة الله وبركاته د: ياسر بارك الله فيك ...

* اللهم صل على سيدنا محمد *

د. ياسر عمر عبد الفتاح يقول...

أم مالك

ربنا يكرمك يا أمنا
والله أنا ببقي سعيد جداً برد حضرتك

د. ياسر عمر عبد الفتاح يقول...

أبو العريف

ربنا يكرمك
إن شاء الله هبقي أحاول

د. ياسر عمر عبد الفتاح يقول...

أبو زمل

dr aly khamis

جزاك الله خيراً
ربنا يكرمك يا أخي
ده بعض ما عندكم

د. ياسر عمر عبد الفتاح يقول...

ستيته حسب الله الحمش

ربنا يكرمك يا خالتي
هيه فعلاً خاطرة صغنونة

د. ياسر عمر عبد الفتاح يقول...

norahaty

ربنا يكرمك يا دكتورة
جزاكِ الله خيراً

د. ياسر عمر عبد الفتاح يقول...

تامر علي

حقيقي عجبتك؟
مع إن حضرتك كلاسيكي ..!!

د. ياسر عمر عبد الفتاح يقول...

بدراوى

ربنا يعزك يا بدراوي
الجميل مرورك

د. ياسر عمر عبد الفتاح يقول...

هذه حياتي

يا سلالالالالالام علي الجميل
قول وقسم يا سيدي
ربنا يكرمك يا هندسة
يعني مبقتش بتسأل زي الأول ..؟؟

د. ياسر عمر عبد الفتاح يقول...

MǿиY El-Shreef

ربنا يحمينا جميعاً
والحمد لله إن مشكلتك مع الردود اتصلحت
شدي حيلك في ثانوي

د. ياسر عمر عبد الفتاح يقول...

كيــــــــــــارا

ربنا يكرمك
هيه كده كاملة ججزء منفصل
لو هكمل هيبقي موضوع تاني منفصل متصل
حد فهم حاجة؟؟

د. ياسر عمر عبد الفتاح يقول...

شموع

اللهم ءامين .. ولكم المثل
الشكر لله
جزاكم الله خيراً

د. ياسر عمر عبد الفتاح يقول...

د/عرفه

كفاية علينا إعجابك
وفعلاً لازم ندي فرصة لمدونات تانية
ههههههههههههههه
ربنا يكرمك يا دكترة

د. ياسر عمر عبد الفتاح يقول...

The Illusionist

يا باشا ده أجمل أثر والله
ربنا يكرمك
ده إنت اللي محترم علشان كده بتشوف الناس كلها زيك

منور

د. ياسر عمر عبد الفتاح يقول...

أستاذنا الكبير

معتز شاهين - باحث تربوي

ربنا يعزك ويبارك فيك
ويبقي التواصل :)

د. ياسر عمر عبد الفتاح يقول...

حارة سد


عاش من شافك يا أخي
ده والله مرورك هوه اللي راق لي كثيراً
دمت كما تحب

د. ياسر عمر عبد الفتاح يقول...

MaNoOoSh

إن شاء الله
ياريت فعلاً نوصل للجنة
بس من غير سابقة عذاب
جزاكم الله خيراً

د. ياسر عمر عبد الفتاح يقول...

GiGi worled

والله دايماً حضرتك بتحرجيني بذوقك
ربنا يكرمك ويعزك ويبارك في حضرتك
انا مكنتش أعرف إن المدونة رابطها اتغير علي فكرة
والحمد لله إن حضرتك رجعتي عن فكرة إعتزال التدوين

د. ياسر عمر عبد الفتاح يقول...

مصطفى ريان

مفيش مشكلة
وأنا طبعاً مقدر
ربنا بعينك
إن شاء الله لما انزل القاهرة هشتري من كتابك نسخة
ربنا يوفقك
ومنوووووووور

د. ياسر عمر عبد الفتاح يقول...

ALMOJADED

جزاك الله خيراً
وفقني الله وإياك

د. ياسر عمر عبد الفتاح يقول...

سلوى

أه دي كلماتي أنا
فعلاً كلنا حاملين للأمانة
فهل هنبقي قدها؟
جزاكِ الله خيراً

د. ياسر عمر عبد الفتاح يقول...

ست البنات

أكرمكِ الله
وجزاكِ كل الخير

د. ياسر عمر عبد الفتاح يقول...

حياتى نغم

بارك الله فيكِ
ده بعض ما عندكم
جزاكِ الله خيراً

د. ياسر عمر عبد الفتاح يقول...

فى قلبى نور

وفيكم
جزاكم الله خيراً

محمد سعد القويري يقول...

الأخ الفاضل :: د.ياسر عمر عبدالفتاح ::

من أنا ؟؟

كتبت أحرفًا

فكان نصيبها الإبداع

بانتظار ما بعد الفاصل

تأثير الفراشة يقول...

ما شاء الله، رائعة يا د/ياسر ، رائعة فى الأسلوب و فى المعنى

بالتوفيق فى امتحاناتك إن شاء الله

تحياتى

z!zOoOo يقول...

السلام عليكم

ارجو الرجوع الي اخر موضوع عندي

لرؤيه التحديث في اخر الصفحه للأهميه

وعذرا للإزعاج

z!zOoOo يقول...

السلام عليكم

بوست هايل وليا عوده

في رعايه الله

فارس عبدالفتاح يقول...

السلام عليكم يا دكترة

اية اخبار الامتحانات معاك انا بدعيلك انت واللى زيك من شبابنا ربنا يوفقكم يا رب

واردت ان ارد عليك في موضوع علم الكلام انا قرأت اراء هل السنة والجماعة في موضوع الكلام والمتكلمين وانا اراها اراء ناقصة لانها تعتمد على النقل دون الفهم او التفسير لهذه النصوص المنقول

وهذا نداء لتوقيف العقل وانا اظن ان هذا امر خاطئ يحسب على اهل السنة والجماعة وليست لهم وانا واحد من اهل السنة والجماعة

وارى ان التفكر شيء وجبه الاسلام وان هذا التفكر له حدود بحيث لا يبحث في ذات الله والامور الغيبية الاخرة ان لم تكن عليها دليل سواء كانت دليل نقلي او عقلي ولكن البحث في النصوص القرآنية والاحاديث والعلوم وكل شيء امر وجب في الاسلام يا اخي الكريم


وكان اراء علم اهل السنة والجماعة في المتعزلة هو عحزهم عن الرد عليهم وعلى ادلتهم وعلى فكرهم وعلى منطقهم

واخيرا لا تشغل بالك بهذه الامور لاني اعرف انك لن تطيق البحث فيها او معرفة اصلها وما آلت اليه

تقبل كل التحية والتقدير واطيب التمنيات


فارس عبدالفتاح .. قومي عربي

جلال كمال الجربانى يقول...

السلام عليكم ورحمه الله وبركاته

سلمت كلماتك وحروفك
أيها الدكتور الشاعر
ربنا يحفظك ويعزك

ودمت فى أمان الله وحفظه

شمس النهار يقول...

ماشاء الله
كلامك جميل جدا
ورغم بساطته
الا انه به فلسفه عميقه جدا

واهم حاجه ان اسمي (مكتوب):)

غير معرف يقول...

السلام عليكم و رحمة الله و بركاته


أخيرااااااااااااا خلصت و الحمد لله ع خير و اتمنى كمان تخلص انت قريب و نشوفك كدايما متألق


عمر

انت دائم التألق حتى ف استخدامك لنوع الخط رائع سأنتظر ان شاء الله :)

محمود خاطر يقول...

جميل قوي الشعر ده
احيانا كتير الواحد بيكون عاوز يعرف هو فين بالظبط من العالم ده

مجرد مدونة يقول...

جزاك الله خيرا يا حبى وفقك الرب :)

daktara يقول...

تسلم ايدك
منتهي الروعة
واللغة في اعلي مستوياتها

Israa El-sakka يقول...

بحد جميلة أوي خصوصا إني كنت بفكر في المعنى ده من فترة جزاك الله كل خير

Darsh Basha يقول...

اية الكلام الجامد والرائع دة يادكتور
بجد جميلة جدا
اتمناى لك التوفيق

ايومي يقول...

من أنا؟
باختصار
أنت المُوَّكْلُ بالأمانةْ
فيارب يقدرنا على حملها,
كلامك رائع فعلا كالعادة,
انا قرأته من اول ما كتبته بس انشغلت وماعلقتش وقتها.

daktara يقول...

د. ياسر عمر
عن قصة مختل اللي منشوره عندي
ممكن اعرف انت قرأتها قبل كده فين؟
انا اتصدمت لما انت قلت كده
فياريت تقولي قرأتها فين؟

شكلها باظت
انظر حولك
د. خالد عزب

د. ياسر عمر عبد الفتاح يقول...

محمد سعد القويري

أخي الكريم
بارك الله في ذوقك وحسك
منور المدونة كلها

د. ياسر عمر عبد الفتاح يقول...

تأثير الفراشة


جزاكِ الله خيراً
ربنا يوفقنا جميعاً

د. ياسر عمر عبد الفتاح يقول...

z!zOoOo

رجعت وشوفت
___

ده بس من ذوقك يا زيزو
ربنا يكرمك

د. ياسر عمر عبد الفتاح يقول...

فارس عبدالفتاح

يا أخي الكريم
أهل السنة عمرهم ما قالوا وقفوا العقل
وفيه كلمة لابن تيمية : لا تعارض بين عقل سليم ونقل صحيح

نادراً ما بشوف حد لسه بيدافع عن المعتزلة
رغم كل الشطط اللي كان عندهم؟

علي العموم أنا هستمع لنصيحتك
ومش هخوض تاني في الكلام ده
وده مش علشان أنا لا أطيقه ..!!

د. ياسر عمر عبد الفتاح يقول...

واحد من العمال

ربنا يكرمك يا زعيم البروليتاريا
ده بس من ذوق حضرتك

د. ياسر عمر عبد الفتاح يقول...

شمس النهار

هههههههه
لعلمك أنا بتعمد أجيب اسم حضرتك
علشان بس الكلام يبقي فيه شمس .. يعني نور ودفأ

ربنا يكرمك حضرتك

د. ياسر عمر عبد الفتاح يقول...

أحمد عمر

ربنا يكرمك
الف مليون مبروك
وعقبالي يا رب
بس يارب تكون خلصت علي خير

أنا مش عمر
أنا ياسر
عمر قاعد جوه :)

د. ياسر عمر عبد الفتاح يقول...

محمود خاطر

الجميل مرورك
نورت وشرفت

د. ياسر عمر عبد الفتاح يقول...

مجرد مدونة

ربنا يوفقنا جمياً يا أخي
منور دايماً

د. ياسر عمر عبد الفتاح يقول...

daktara

دي شهادة أعتز بيها
ربنا يكرمك يا دكترة

د. ياسر عمر عبد الفتاح يقول...

Israa El-sakka

ده بس من ذوق حضرتك
ربنا يكرمك

د. ياسر عمر عبد الفتاح يقول...

mosooz

ده بعض ما عندكم يا باشا
وأدينا بنحاول

منور والله

د. ياسر عمر عبد الفتاح يقول...

ايومي

جزاكم الله خيراً يا أختي
كويس إنك لحقتيه لأن كان أخر يوم

همسة ايمان يقول...

ماشاء الله المدونة رائعه

ان شاء الله ابقى من زوارها

انا بس جايه زيارة خاطفه وليا عودة بعد الامتحانات

ان شاء الله

جوزيت خيرا وتقبــــــ مرورى ـــــل

د. ياسر عمر عبد الفتاح يقول...

همسة ايمان

حضرتك تشرفي في أي وقت
وجزاكِ الله خيراً علي الإطراء
وربنا يوفق الجميع في الإمتحانات