01 أغسطس، 2009

مجلة رؤية مصرية : ويمضي ركاب الحلم

دي الكلمة الإفتتاحية اللي كتبتها بمناسبة افتتاح الموقع الجديد لمجلتنا

مجلة رؤية مصرية

ودي عدت ليها للمجلة بعد فترة إنقطاع طويلة

بسبب ظروف خاصة

.

الشكل بجد جميل جداً جداً

وفيه مواضيع رائعة

يلا بسرعة .. هستناكم هناك

وعاوزين مشاركاتكم كل أسبوع إن شاء الله

.

.

يارب الإفتتاحية تعجبكم

.

ويمضي ركاب الحلم .


تَمْضِي بِنَا الأَحْلامُ حَيْثُ يَسْوْغُهَا .. وَالشَّمْسُ تُعْلِنُ فِي القُلُوْبِ بُزُوْغَهَا

فَهُنَا ( بِرُؤْيَـة ) قد تَجَمَّعَ شَمْلُنَا .. لِنَصُـوْغَ مِنْ دَفْـقِ المَحَبَةِ رُوْحَهَا

مِصْرِيَةُ الخَفَقَاْنِ مِنْ نَبْضِ العَرَبْ .. وَعَلَي ضِفَاْفِ (النِّتِ) أَشْرَقَ نُوْرُهَا

.

ومازلنا علي الطريق

ويمضي بنا ركاب الحلم نحو مبتغاه

ونمضي به إلي متنهاه

.

نقطع الخطوات , ونطوي المسافات , ونقطف الثمار الباسقات , ونرفع علي مرافينا المنارات .

نهيم _علي هديً _ في غضون هذا الكون الفسيح ,

لنعلن أن الأماني ماتزال ممكنة , وأن الله لا يضيع أجر من أحسن عملا ..

.

فأحلامنا تتجاوز رؤي عيوننا , وإِقْدامنُا تحدى ضِيقَ دُروبِنَا , آفاقنا بلا حدود , وأفكارنا تسري بغير قيود , أعمارنا غضةٌ يافعة , ولكنَّ عقولَنا ناضجةٌ يانعة.

.

تِلْكَ المَجَلـَّةُ فِي السَّمَـاْءِ تُضِيءُ .. شَمْسُ العُلُوْمِ عَلَي النُّجُوْمِ تَفِيءُ

كَمْ أَعْلَنَتْ نَبْضَ الشَّبَاْبِ وَفِكْرَهُمْ .. وَبِكُـلِّ أَلْـوَاْنِ الفُنُـوْنِ تَجِيءُ

.

إن التغيير بمنظورنا يعني التقدم والتطوير ولا نرضي بهذا بدلاً ,

الفرق بيننا وبين غيرنا أننا لا نعتقد أن التطوير ردة فعل مرحلية ,

ولكنه هو الفعل والسياسة العامة والنهم ,

.

قدرنا أن نكون في الطليعة , قدرنا أن نفتح الأبواب والنوافذ للأخرين , لتشرق الشمسُ في عيونهم عبرنا , فلا عجب إذا رأينا من يقتفي أثر خطانا علي الجادة , وينظر إلينا كنظر المسافر في القفار نحو السماءِ ملتمساً هداه من النجوم اللامعات في دجي الليل المظلم البهيم.

.

دعونا نعود معاً للماضي قليلاً لنسرد فصول الحكاية ..

.

عندما بدأت الفكرة كانت مجرد مدونة صغيرة مجانية وكنا نقاسي الأمرين في تنسيق الموضوعات وبرمجة المجلة وترتيب الأعداد وغير هذا , وكنا مهددين بين الفينة والأخري بضياع كل جهودنا , ثم لم نلبث أن انتقلنا إلي الموقع الأول وفيه خطونا عدة خطوات واسعة , ثم الأن عدنا _وإن كنا لم نغب_ بالقالب والتصميم الجديد بكل ما يحملهُ من مزايا إضافية وأقسامٍ جديدةٍ لتفتح أمامنا آفاقاً لطالما حسبناها مغلقةً.

.

نحن لا ندعي فضلاً في هذا , فالفضل كلُّه بعد الله سبحانه وتعالي يعود

.

لكل من ساهم بسطرٍ معنا

لكل من شارك بقلمه

لكل من أدلي بعصارةِ فكره

لكل يحمل فوق كتفيه هماً وأملاً

بــ

.

إعلام عربي مختلف

.

لكم أنتم.

.

بَوْحُ القُلُوْبِ عَلَي صَحَائِفِ رُؤْيَة .. تَشْـدُو بِهِ الأَقْلاَمُ مُنْذُ بُزُوْغِنَا

فَهُنَا أَقَـمْنَا الكَـوْنَ فِي مِعْرَاجِنَا .. لِنَقُوْلَ أَنَّ الصّبْحَ أَضْحَي دُوْرَنَا

.

وكما قلت سابقاً :

.

تلك المجلة فكر فيها الشباب ورأوا فيها معراجاً لبوحهم وصديً لصوتهم وتنفيساً لأفكارهم وتبادلاً لتجاربهم الضئيلة كماً والكبيرة كيفاً , تلك المجلة ليست صفحات تكتب بمدادٍ من حبرٍ إليكترونيٍ علي صفحاتٍ مبرمجة ولكنها نقوش أنامل بناة الغد وراسمي لوحة المستقبلِ والذي يأملونه مشرقاً رغم خيوط الليل القاتمة التي تلف أركانه.

.

نحن لا نعدكم بأن نقطف وميض النجوم ولكن نعدكم بأن نوفر معكم وبكم , لكم ولنا طريقةً أفضل لرؤية بديعِ تألقها وروعةِ تلألؤها , نحن لا نكتب لكم ولكن نكتب بكم ومعكم .

.

تلك هي المعادلة المرجوة

.

مجلة رؤية مصرية

.

لنا ومنا ومنكم , معكم وبكم .

.

اقول أخيراً ..

.

أَسْرِجْ حُصَاْنَكَ فِي الدُنَي قَلَمَا .. وَأضِيءْ حُرُوْفَكَ فِي الدُجَي عَلَمَا

وَارْوِي غُيُوْمَ الفَجْرِ إِنْ نَضَبَتْ .. وَاطْـوِي المَعَـارِجَ لِلْسَمَا نَهَمَا

.

كانت تلك الكلمات الأخيرة ,

كانت النهاية

ولكن ..

كل نِهَاياتِنا بِدَايَاتٌ

بِألقٍ جديدٍ وبريقٍ فريدٍ بأفقٍ مديدٍ

وما زال الركب يمضي

وما زالت المعادلة سارية ..

نحن لا نكتب لكم ولكن ,,

نكتب بكم ومعكم

مجلة رؤية مصرية

لنا ومنا ومنكم , معكم وبكم .

------------

.

جميع الأبيات الواردة من كتابة العبد لله


هناك 67 تعليقًا:

Ebraheem Aadam يقول...

ما شاء الله ما شاء الله ,

افتتاحية روعة يا ياسر ,
بالذات الأبيات اللي من كتابة العبد لله :)

أنا شكلي هغير علشان أنا مش معاكم في المجلة

غير معرف يقول...

ربنا يبارك يادكتور
وايه ده كل شوية اكتشف حاجة
الابيات جميلة ونعم العبد لله
انا طبعا عارفة انك بتكتب لكن كل مدى فى تالق
انا دخلت ونظرت نظرة شمولية
وسادخل تانى اتفحص بتانى
ربنا يجزاكم كل خير

The illusionist يقول...

المقدمه جميله جدا يا استاذ ياسر
والف الف مبروك ليكم
والله فرحتلك جدا
الف مبروك يا استاذ ياسر
الفييييييييييين مبرووووووووووك

ستيتة يقول...

شاعر أخطأ طريقه للصيدلة والكيميا والمواد اللي ريحيتها وحشة ودكاترة الجامعة اللي طلعوا على عينيه النجيلة الخضرا
انا قرأتها إمبارح
وهي الإفتتاحية بس اللي لحقت أشأطها
بس دلوقت ها اروح افتح المواضيع اللي شدني عنوانها
الف مبروك ويارب من نجاح لنجاح لك انت وابراهيم وكل الفريق يارب

Israa El-sakka يقول...

مبروك على المجلة و إن شاء الله للأمام دائما و إن شاء الله حقراها و أبقى أقول رأيي

ن يقول...

السلام عليكم
مبروك المجلة يا دكتور ياسر .. أخبار النتيجة ايه انا زرتك كتير قبل كدة كل مرة الاقيك لسة فى الامتحانات .
اتمنى لك التوفيق
مع خالص تحياتى

blue-wave يقول...

ربنا يوفقكم يارب

ست البنات يقول...

مبروك انطلاقة المجلة
وإلى الأمام دائما :)))

طيرااااااااااااان على هناك

تامر علي يقول...

إلى الأمام معتدل ...مارش :)

ربنا يوفق الجميع يارب ويوفقكم لما يحب ويرضى .... طبعاً مش هاعلق على الموضوع لأن رأيي معروف لكن هاروح أعلق هناك :)

تحياتي :)

الازهرى يقول...

المقدمة أقل ما يقال عنها أنها رائعة

وأتنى دوما لكم النجاح
باذن الله أتابعها معك

ولو وجدت وقتا أحاول أن يكون لى شرف المشاركة

تحياتى دوما

mimi يقول...

أولا خواطر شعرية تستحق عليها تصفيق حاد

ما شاء الله عليك

تحياتي

اتمني أنضم ليكم بس إزاي؟

ممكن تبعتلي ايميل؟

ديالا يقول...

ماشاء الله ربنا يبارك فيك يادكتور

ليك عندي سؤال ولازم تجاوبه

تقبل مروري

أبو العريف يقول...

والله زمان

عودا حميدا يا رجاله
والن شاء الله ابداع مستمر
وتقدم داااااائم


تحياتي

GiGi world يقول...

يااااااه يادكتر ربنا يحفظ عليك النعمه ويزيدك من فضلهحقيى حضرتك مبده وشعرك اروع شعر قراته ومش اي حد يكتبه
طبعا الكلمه اكثر من رائعه وتستاهل فعلاان حضرتك اللى تكتب الافتتاحيه
ربنا يكرمك على الكلمه دي
جزاك الله خيرا والى الامام لحضرتك وللمجله يارب

fL0weR-giRL يقول...

السلام عليكم
****************
يارب باالتوفيق

الي الأمام دائما
وفعلا جروب جميل
وربنا يحقق كل احلامكم

بنجاواتى يقول...

المجلة بقت حاجة تانية يا ياسر

ما شاء الله

اما الكلام الجامد اوى اللى فوق ده مش محتاج ثناء منى خالص
لانك ما شاء الله جامد طول عمرك

الافتتاحية خلت للعدد شكل تانى

تحياتى

MǿиY El-Shreef يقول...

انت داخل صيدله غلط ع فكره :)

بسم الله ماشاء الله عليك يادكتور

مستنيه ليك كتاب

عايزه نسخه موقعه بقى

د. ياسر عمر عبد الفتاح يقول...

iBRAHiM sAllAM

طيب وإيه اللي مانعك
ما تيجي معانا
ولا إحنا مش قد مقام جنابك؟

منور يا أستاذي

د. ياسر عمر عبد الفتاح يقول...

أم مالك

المجلة هتنور بوجود حضرتك والله
ويزيدها شرف كمان
ربنا يكرمك ويبارك في حضرتك

د. ياسر عمر عبد الفتاح يقول...

THE illusionist

ألفين شكر ليك
لا الفين ألفين كمان
الجميل هوه كلامك يا باشا
منور كالعاده
وعاوزينك هناك بقي

د. ياسر عمر عبد الفتاح يقول...

ستيته حسب الله الحمش

ليه كده فكرتيني بدكاترة الجامعة المفتريين
الحمد لله الذي عافانا

منورة يا خالتي

د. ياسر عمر عبد الفتاح يقول...

Israa El-sakka

مستنين رأي حضرتك
وكمان مشاركاتك معانا

د. ياسر عمر عبد الفتاح يقول...

ن

والله زيارة حضرتك بتسعدني جداً
وليها طابع خاص
رغم إني بحس بالكسوف من مقام حضرتك العالي
ورغم كل ده بتصري دايماً
تثني علي موضوعاتي المتواضعة بالنسبة لكلام حضرتك

ربنا يجازيكي خير
وربنا يوفقك ويبارك في حضرتك

د. ياسر عمر عبد الفتاح يقول...

blue-wave

اللهم ءامين
وربنا يكرم حضرتك كمان

د. ياسر عمر عبد الفتاح يقول...

ست البنات

مشفناش حضرتك يعني هناك؟
طيب وده ينفع؟


برضه مستنين لسه
جزاكِ الله خيراً

د. ياسر عمر عبد الفتاح يقول...

الازهرى

الرائع هوه وجودك معانا
ربنا يكرمك
ده بس من ذوقك
وياريت نشوف حضرتك هناك

د. ياسر عمر عبد الفتاح يقول...

mimi

أكيد الرد وصل
حضرتك شرفيت

د. ياسر عمر عبد الفتاح يقول...

ديالا

ربنا يكرمك
جزاكِ الله خيراً


سؤال إيه؟
مش فاهم

د. ياسر عمر عبد الفتاح يقول...

أبو العريف

ربنا يخليك يا باشا
ده بس من ذوقك
مش ناوي تزورنا بقي؟

د. ياسر عمر عبد الفتاح يقول...

GiGi world

ربنا يكرمك
ده بس من ذوق حضرتك
شكراً علي الإطراء الجميل ده
والمجاملة الرائعة


جزاكِ الله خيراً

د. ياسر عمر عبد الفتاح يقول...

fL0weR-giRL

يارب كلنا دايماً للأمام
جزاكِ الله خيراً
عاوزين حضرتك معانا كمان

د. ياسر عمر عبد الفتاح يقول...

بنجاواتى

ماشي يا عم بنجا
ربنا يكرمك
ثبتني بجد ,, مش عارف أتحرك :)

ربنا يخليك

د. ياسر عمر عبد الفتاح يقول...

MǿиY El-Shreef

مش غلط ولا حاجة
الإثنين ماشين مع بعض
وبعدين الكتابة دي هواية
وبعدين مبتوكلش عيش ,, :)

كتااااااااب مرة واحدة
حاضر
لو كتبت كتاب هبقي هديكم كلم نسخ ,,
بس مش موقعة ,, خطي وحش :)

د. ياسر عمر عبد الفتاح يقول...

تامر علي

يعني مجتش يا أستاذنا
لا أنا زعلالالالالالالالالالالالان

مستين حضرتك إن شاء الله
وبعدين يا عمنا دي مش عزومة
فيه حد بيتعزم في بيته

غير معرف يقول...

الف مبروك
واتشرف بزيارتك مدونتى
http://eshraqtfagr.blogspot.com/

تأثير الفراشة يقول...

ألف مبروك لافتتاح المجلة و بإذن الله تكون متميزة

الافتتاحية ممتازة و الأبيات رائعة ما شاء الله

بارك الله فيك و بالتوفيق بإذن الله فى المجلة

كلمات من نور يقول...

مبروك يا ولدي

ربي يبارك فيك وفي المجلة ويجعلها خالصة لوجه الله تعالى

أبيات جميلة و افتتاحية أجمل

وفقك الله لما يحب ويرضى

عمرو جويلى يقول...

السلام علييكم
إفتتاحية أكثر من رائعة
وبالفعل
أنا مشترك بهذه المجلة لأنها أعجبتنى كثيراً
أتمنى لأعضاء المجلة ولك وللمسلمون التوفيق
دمت بكل الخير

mohamed ghalia يقول...

بالتوفيق يا شباب

رحلتنا في الحياة يقول...

ربنا يوفقكم دايما ومن نجاح لنجاح ان شاء الله :)

Me7'o يقول...

والله يا جدع أول مرة أحس بالفخر إنى من بنى سويف
تسلم إيدك يا دكترة والله

وربنا يوففك

حياتى نغم يقول...

السلام عليكم / ما شاء الله شاعر يا دكتور بارك الله فيك ووفقكم فى مجلتكم آمين .

ghorBty يقول...

السلامـ عليكمـ

ما شاء الله .. انا قرءات الافتتاحيه في المجله وعلقت هناك وهذا لا يمنع ان اقول هنا ايضا جزاك الله خيرا ورفع قدرك كلامـ في غايه الروعه والابداع

Ahmed Othman يقول...

أهلا يا دكتور
فين لينك المجلة
و لا انا مش شايفه

عاوزين نتابعك هناك كمان


تحياتي

Ahmed Othman يقول...

أيوة تمام وصلت
معلش العتب على النظر

ابو المفاصل الواصل يقول...

,ونعمة العبد
ونعمة الكلمات
تحيات

د/عرفه يقول...

ازيك يا دكترة انا بسلم وبطمن عليك بس

وحشنى والله

د. ياسر عمر عبد الفتاح يقول...

اشراقة فجر

ربنا يبارك فيك
شكراً ليك

د. ياسر عمر عبد الفتاح يقول...

تأثير الفراشة

ربنا يكرمك
ربنا يوفقنا جميعاً
جزاكِ الله خيراً علي تشريفك

د. ياسر عمر عبد الفتاح يقول...

كلمات من نور


جزاكِ الله خيراً
ربنا يبارك في حضرتك

د. ياسر عمر عبد الفتاح يقول...

اللؤلؤة

اللهم ءامين
المجلة والمدونة منورين بحضرتك
جزاك الله خيراً

د. ياسر عمر عبد الفتاح يقول...

mohamed ghalia

تسلم يا محمد
منوووووووور

د. ياسر عمر عبد الفتاح يقول...

آيوشة

ربنا يكرمك

د. ياسر عمر عبد الفتاح يقول...

Me7'o


هههههههههههههههه
يا عم ربنا يجبر بخاطرك
منور يا بلدياتي

د. ياسر عمر عبد الفتاح يقول...

حياتى نغم

بعض ما عندكم
ربنا يوفقنا جميعاً

د. ياسر عمر عبد الفتاح يقول...

ghorBty


ده بس من ذوق حضرتك
جزاكِ الله خيراً علي الإطراء الجميل

د. ياسر عمر عبد الفتاح يقول...

وجه جديد د.أحمد عثمان

الحمد لله إنك وصلتله
وبعدين ده إحنا اللي عاوزين نتابعك هناك



متنساش تكشف نظر هههه :)

د. ياسر عمر عبد الفتاح يقول...

ابو المفاصل الواصل

ونعم التعليق :)
نورت وشرفت يا باشا

د. ياسر عمر عبد الفتاح يقول...

د/عرفه

ازيك يا دكترة
ليك وحشة والله يا راجل
إيه يا عم
قفلت مدونة إعلن معنا ليه؟

شمس النهار يقول...

:)
ازيك
عامل ايه وايه الكلام الجميل ده
الحمد لله اسمي مكتوب حلو البوست ده
مش زي اللي فات قلت عليا الحارقه:)

انا مقصره في الردود والمتابعه بس مافيش وقت ولما بيكون في بأحاول اتابع شويه

وماتخفش انا نكدتلك علي الامريكان
عارف انا بتمشي في البلد بالاسدال المشجر بتاع الصلاه اه والله :)

حتي في لاس فيجس وماادراك مالاس فيجس
بلد الشيطان

ان شاء الله راجعه 13 اغسطس

فشكووول يقول...

السلام عليكم دكتور ياسر

تحياتى

انا يا دكتور جات لى كذا دعوه ومتهيأ لى من ضمنهم مجلة رؤيه مصريه وكمان ميكانوا عشان اشترك معاهم بس انا مش عارف ايه المطلوب بالضبط وخصوصا انى يا دوب كلاك ازور وكلك ارجع وما ليش فى الكمبيوتر خالص

عموما انا ح آخد اللينك من عندك واروح اشوف مجله مصريه ... طبعا هى اليكترونيه

تحياتى

yara يقول...

عودة حميدة ان شاء الله .. ومقدمة أكثر من رائعة د.
بالتوفيق للجميع ان شاء الله ومزيدا من الابداع ..

Dr. Ibrahim يقول...

وفقكم الله ...مجلة رائعة وكلمة رائعة

وفقكم الله وسدد خطاكم

د. ياسر عمر عبد الفتاح يقول...

شمس النهار

يا هلا يا هلا
المدونة نورت والله

إسدال في لاس فيجااااااااااااس ..!!
أهو هوه ده الجديد
ربنا يثبتك
ويرجعك مصر بالسلامة

د. ياسر عمر عبد الفتاح يقول...

فشكووول


يا سلام
ده حضرتك هتنور المجلة والله بجد
ياريت حضرتك تاخد الموضوع علي محمل الجد
ومتشغلش بالك
حضرتك بس تكتب وإحنا هننشر

د. ياسر عمر عبد الفتاح يقول...

yara

جزاكِ الله خيراً
شكراً

ربنا يوفقنا جميعاً

د. ياسر عمر عبد الفتاح يقول...

Dr Ibrahim

اللهم ءامين
جزاك الله خيراً يا دكترة
ربنا يكرمك ويبارك فيك