22 مارس، 2009

لولولىىىىىىىىىىىى

حد معاه فرد ..؟؟؟
فرد ..!!؟؟

ايه متعرفوش الفرد
طيب حد معاه كلاشينكوف أو رشاش ألى أو بندقية أو حتى مسدس؟
طيب مفيش حد معاه صواريخ أرض جو أو أرض أرض أو حتى قنبلة يدوية
يا جماعة أى رمانة ناسفة ..!!

طيب أكيد معاكم صواريخ وبمب
أه من بتاعة العيد ...
لا بقى
لو مش معاكم انزلوا اشتروا من أى سوبر ماركو

يا جدعان عاوز ضرب نار ... عاوز مفرقعات
أنا نجحت ...

هوه أنا صحيح أخدت جميع درجات الرأفة اللى حد يقدر ياخدها

بس اسمه نجاح برضه
والله العظيم جبتها من الكنترول وقالولى نجحت
(تبقى مصيبة لو طلعت غلط بعد الزيظة دى كلها)

أنا بقى ناوى أعمل إحتفالية ولا بتاعة مئوية النادى الأهلى
وهجيب برشلونة ومانشيستر وانتر ميلان كمان
ووو.. عاوز أجيب بتاع ريال مدريد
بس تقريباً المدرب بتاعم الخط بتاعه اتصالات .. وأنا فودافون
الدقيقة هتبقى 40 قرش ... مش عارف بقى

ما حد يسمعنا كده زغروطة ولا أى حاجة بقى
سايبينى عمال أرغى من الصبح .. ومحدش معبرنى
هوه انتم جايين تهنوا واحد محروق


تحية كبيرة جداً جداً جداً لكل الناس اللى عبرتى فى البوستين الى فاتوا
بجد ربنا يكرمكم .. نفسى أرد على كل واحد ووحداية
بس بصراحة مش فاضى

أصل الفراغ واخد كل وقتى


يلا بقى شوفوا هتجوبولى ايه هدية


 

هناك 32 تعليقًا:

د/عرفه يقول...

الف الف مبروك
أول المهنئين عقبال التيرم التانى
وعقبال ما نيجى نباركلك فى جوازك
ان شاء الله
بس متنساش الحلاوه

fnoonh يقول...

لولولولولولوي
ولوني مابعرفش ازغرط الا كتابة
الف مبروك والله فرحتلك جدا وعقبال يارب مااسمع عن بنت خالتي هيا بردو في صيدلة بس من الشرقية مش عارفة بقى ظهرت ولا لسا
بجد الف مبروك
بو طااااااااااااخ بوبو طااااااااااخ
شوفت اكيد سامع الصواريخ مش كده ههههههههههههههه
عقبال الترم التاني يارب
وعقبال الدرجات العليا كمان في الاخرة

fnoonh يقول...

اه نسيت اديك هدية
شايف المعرض بتاع العربيات اللي في القاهرة البتروح له لما تدخل يمين في شمال وتمشي على طول هتلاقي لوحة خضره كده مكتوب عليها مقالي وتسالي عمو حسين
مش الجنبها لا البعدها اللي فيها خط احمر --ايوة ايوة دي
ادخل وقوله ((افنان جمال)) بتقولك تديني العربية الهمر الرصاصي دي اتصل عليا وانا افهمة اوك


على فكرة لو مش عاجباك لونها ممكن تختار براحتك بس شرط تكون همر سوري بقى على القد

تحياتي

ebn roshd 777 يقول...

الف مبروك
وان شاءالله ربنا يتمم عليك نعمته
بكل مايرضيه من اعمال ومن نجاح الي نجاح
ان شاء الله

حسام غانم يقول...

ألف مبروك يا د ياسر

وعقبال الترم التاني



عايزين البيبس !!

ستيتة يقول...

مبروك مبروك مبروك جالك قلق
قلق ايه؟ مبروك النتيجة
وعقبال ما تفنش الترم اللي في ايدك وتنزل بورق الحيط

ده انت فعلا محتاج مدفع رمضان ونديها
بقى خدت كل درجات الرأفه؟ ليه انا كان قلبي حاسس من يومين انك تبع الرأفه؟ موش عارفه

مش مهم المهم النهارده نجحت وربنا يكمل ليك على خير ومش جايبة هدية انت اللي ها تعزمنا على دور ساقع "اضطريت الغي ابو شقرة شفكتا بيك"

ابنة أبيها .... "مدونة بلا وطن" يقول...

ألف مبروك د.ياسر ..
جعلك الله ذخراً للإسلام والمسلمين ونفع بك ..

salma mohamed يقول...

الف مبروك,
ربنا يكتبلك التوفيق دايما.

د. ياسر عمر عبد الفتاح يقول...

د/عرف

ربنا يكرمك يا دكتور
أنا اصلاً بعد البوست قاعد مستنى اشوف أول حد
لقيتك انت
عقبال ما نفرح بنجاحك فى القريب العاجل

د. ياسر عمر عبد الفتاح يقول...

fnoonh

ومعانا أول زغروطة يا جماعة
ربنا يكرمك بجد
وكمان صورايخ
لا ده كثير علينا والله

وكمان همر ورصاصى
أحمدك يا رب
بس اوعى تكون اتش وان
أزعل أوى أوى أوى

د. ياسر عمر عبد الفتاح يقول...

ebn roshd 777

جزاك الله خيراً
دعائك حتى رائع

د. ياسر عمر عبد الفتاح يقول...

حسام غانم

عقبال الترم التانى فعلاً إن شاء الله
بالنسبة للبيبس
الحمد لله مقاطع
أول فائدة مباشرى محسوسة من المقاطعة

د. ياسر عمر عبد الفتاح يقول...

ستيته حسب الله الحمش

تصدقى بالله يا خالة
أنا افتكرتك بعد النتيجة بشوية
مش عارف ليه .. بس افتكرتك وخلاص
وبعدين ماله بقى الرفع .. مش فاهم
يعنى عاوزانى أسيبلهم درجات الرأفة بتاعتى
أنا أحب أخد حاجتى كلها وأنا ماشى

وبعدين ربنا يخليكى .. رحميتنبى من العزومة اللى مكنتش هعملها أصلاً
ده أنا تلموذ صغنن ..
وبعدين هوه لما ابنك بينجح
بيعزمك ولا انتى اللى بتجيبيله هدية؟؟
لن أتنازل عن الهدية بتويتاً

د. ياسر عمر عبد الفتاح يقول...

ابنة أبيها .... "مدونة بلا وطن"

ربنا يكرمك
وياريت تبلغى سلامنا جميعاً للدكتور توكل
وربنا يفك كربه

د. ياسر عمر عبد الفتاح يقول...

salma mohamed

يارب
وكل المدونين والمسلمين يا رب
شكراً على المتابعة الدائمة والدعاء
ربنا يجعلك نصيب منه

نبض الحياة يقول...

طبعا طبعا الف مبروووووووووووك ليك وعقبال الترم التانى ... ان شاء الله .
وهديتك لينا بوست جديد طبعا حلاوة النجاح ..
دمت بكل خير .

mohamed ghalia يقول...

مليون مبروك
وبالتوفيق دايما

رحلتنا في الحياة يقول...

هو انتم جايين تهنوا واحد محروق
ههههههههههههههههه
الف مبرووووووووووووك ربنا يوفقك دايما يارب

حفيدة عرابى يقول...

الف مبروك يا دكتور وعقبال الدكتوراه

غير معرف يقول...

^_^

ألف مبروك يا دكتور أنا افتكرتك داخل حرب

مبروك النجاح

ghorBty يقول...

بسم الله ما شاء الله

الف الف الف مبروك

ربنا يفرحك كمان وكمان

وعقبال الترم التاني ان شاء الله

وربنا يفرح الجميع

د. ياسر عمر عبد الفتاح يقول...

نبض الحياة

الله يبارك فيكِ
ومتقلقوش .. البوستات هتنزل ترف بعد كده
بس انتم متزهقوش منى بس (إن شاء الله يعنى)

د. ياسر عمر عبد الفتاح يقول...

mohamed ghalia

الله يبارك فيك يا محمد
ربنا يكرمك يا محمد

د. ياسر عمر عبد الفتاح يقول...

ايوشة

الهم ءامين
شكراً على المرور
شرفتينا يا يافندم

د. ياسر عمر عبد الفتاح يقول...

لقد خلقنا الله احرارا

الله يبارك فيكم
دكتوارة ايه بس
هوه انا ممكن بعد ما أنفد بجلدى من الفاكيولتى دى أرجع تانى
سيت أمبوسيبل طبعاً

د. ياسر عمر عبد الفتاح يقول...

زهرة الأمل

الله يباكر فيكِ
ما هيه الصيدلة حرب .. ومش ذكية
حرب مش ذكية

د. ياسر عمر عبد الفتاح يقول...

ghorBty

ءاميــن يا رب
جزاكم الله خيراً على الدعاء
وربنا يبارك فيكِ

موناليزا يقول...

الناجح يرفع ايده هيه
أنت مابتعرفش ايدك ليه؟:)
الف مبروووووووووك وعقبال كل مرة

غير معرف يقول...

مليون والف و ستماية تلاته وخمسين وتلات تربع مبروك
معلش بئ مبعرفش اعد اكتر من كده

د. ياسر عمر عبد الفتاح يقول...

موناليزا

برفع أهو والله برفع :)
الله يبارك فى حضرتك

د. ياسر عمر عبد الفتاح يقول...

مسلمة وافتخر

ربنا يكرمك
جزاكِ الله خيراً على المرور

غير معرف يقول...

يا ألف نهار ابيض يا الف نهار مبرووووك

الف الف مبروووووووووووووووووووك

ان الله لا يضيع اجر من احسن عملا

الف مبروك يا دكتور ياسر

ويارب بالتوفيق دايما

وعقبال العروسة :D