حد معاه فرد ..؟؟؟
فرد ..!!؟؟
ايه متعرفوش الفرد
طيب حد معاه كلاشينكوف أو رشاش ألى أو بندقية أو حتى مسدس؟
طيب مفيش حد معاه صواريخ أرض جو أو أرض أرض أو حتى قنبلة يدوية
يا جماعة أى رمانة ناسفة ..!!
طيب أكيد معاكم صواريخ وبمب
أه من بتاعة العيد ...
لا بقى
لو مش معاكم انزلوا اشتروا من أى سوبر ماركو
يا جدعان عاوز ضرب نار ... عاوز مفرقعات
أنا نجحت ...
هوه أنا صحيح أخدت جميع درجات الرأفة اللى حد يقدر ياخدها
بس اسمه نجاح برضه
والله العظيم جبتها من الكنترول وقالولى نجحت
(تبقى مصيبة لو طلعت غلط بعد الزيظة دى كلها)
أنا بقى ناوى أعمل إحتفالية ولا بتاعة مئوية النادى الأهلى
وهجيب برشلونة ومانشيستر وانتر ميلان كمان
ووو.. عاوز أجيب بتاع ريال مدريد
بس تقريباً المدرب بتاعم الخط بتاعه اتصالات .. وأنا فودافون
الدقيقة هتبقى 40 قرش ... مش عارف بقى
ما حد يسمعنا كده زغروطة ولا أى حاجة بقى
سايبينى عمال أرغى من الصبح .. ومحدش معبرنى
هوه انتم جايين تهنوا واحد محروق
تحية كبيرة جداً جداً جداً لكل الناس اللى عبرتى فى البوستين الى فاتوا
بجد ربنا يكرمكم .. نفسى أرد على كل واحد ووحداية
بس بصراحة مش فاضى
أصل الفراغ واخد كل وقتى
يلا بقى شوفوا هتجوبولى ايه هدية
هناك 32 تعليقًا:
الف الف مبروك
أول المهنئين عقبال التيرم التانى
وعقبال ما نيجى نباركلك فى جوازك
ان شاء الله
بس متنساش الحلاوه
لولولولولولوي
ولوني مابعرفش ازغرط الا كتابة
الف مبروك والله فرحتلك جدا وعقبال يارب مااسمع عن بنت خالتي هيا بردو في صيدلة بس من الشرقية مش عارفة بقى ظهرت ولا لسا
بجد الف مبروك
بو طااااااااااااخ بوبو طااااااااااخ
شوفت اكيد سامع الصواريخ مش كده ههههههههههههههه
عقبال الترم التاني يارب
وعقبال الدرجات العليا كمان في الاخرة
اه نسيت اديك هدية
شايف المعرض بتاع العربيات اللي في القاهرة البتروح له لما تدخل يمين في شمال وتمشي على طول هتلاقي لوحة خضره كده مكتوب عليها مقالي وتسالي عمو حسين
مش الجنبها لا البعدها اللي فيها خط احمر --ايوة ايوة دي
ادخل وقوله ((افنان جمال)) بتقولك تديني العربية الهمر الرصاصي دي اتصل عليا وانا افهمة اوك
على فكرة لو مش عاجباك لونها ممكن تختار براحتك بس شرط تكون همر سوري بقى على القد
تحياتي
الف مبروك
وان شاءالله ربنا يتمم عليك نعمته
بكل مايرضيه من اعمال ومن نجاح الي نجاح
ان شاء الله
ألف مبروك يا د ياسر
وعقبال الترم التاني
عايزين البيبس !!
مبروك مبروك مبروك جالك قلق
قلق ايه؟ مبروك النتيجة
وعقبال ما تفنش الترم اللي في ايدك وتنزل بورق الحيط
ده انت فعلا محتاج مدفع رمضان ونديها
بقى خدت كل درجات الرأفه؟ ليه انا كان قلبي حاسس من يومين انك تبع الرأفه؟ موش عارفه
مش مهم المهم النهارده نجحت وربنا يكمل ليك على خير ومش جايبة هدية انت اللي ها تعزمنا على دور ساقع "اضطريت الغي ابو شقرة شفكتا بيك"
ألف مبروك د.ياسر ..
جعلك الله ذخراً للإسلام والمسلمين ونفع بك ..
الف مبروك,
ربنا يكتبلك التوفيق دايما.
د/عرف
ربنا يكرمك يا دكتور
أنا اصلاً بعد البوست قاعد مستنى اشوف أول حد
لقيتك انت
عقبال ما نفرح بنجاحك فى القريب العاجل
fnoonh
ومعانا أول زغروطة يا جماعة
ربنا يكرمك بجد
وكمان صورايخ
لا ده كثير علينا والله
وكمان همر ورصاصى
أحمدك يا رب
بس اوعى تكون اتش وان
أزعل أوى أوى أوى
ebn roshd 777
جزاك الله خيراً
دعائك حتى رائع
حسام غانم
عقبال الترم التانى فعلاً إن شاء الله
بالنسبة للبيبس
الحمد لله مقاطع
أول فائدة مباشرى محسوسة من المقاطعة
ستيته حسب الله الحمش
تصدقى بالله يا خالة
أنا افتكرتك بعد النتيجة بشوية
مش عارف ليه .. بس افتكرتك وخلاص
وبعدين ماله بقى الرفع .. مش فاهم
يعنى عاوزانى أسيبلهم درجات الرأفة بتاعتى
أنا أحب أخد حاجتى كلها وأنا ماشى
وبعدين ربنا يخليكى .. رحميتنبى من العزومة اللى مكنتش هعملها أصلاً
ده أنا تلموذ صغنن ..
وبعدين هوه لما ابنك بينجح
بيعزمك ولا انتى اللى بتجيبيله هدية؟؟
لن أتنازل عن الهدية بتويتاً
ابنة أبيها .... "مدونة بلا وطن"
ربنا يكرمك
وياريت تبلغى سلامنا جميعاً للدكتور توكل
وربنا يفك كربه
salma mohamed
يارب
وكل المدونين والمسلمين يا رب
شكراً على المتابعة الدائمة والدعاء
ربنا يجعلك نصيب منه
طبعا طبعا الف مبروووووووووووك ليك وعقبال الترم التانى ... ان شاء الله .
وهديتك لينا بوست جديد طبعا حلاوة النجاح ..
دمت بكل خير .
مليون مبروك
وبالتوفيق دايما
هو انتم جايين تهنوا واحد محروق
ههههههههههههههههه
الف مبرووووووووووووك ربنا يوفقك دايما يارب
الف مبروك يا دكتور وعقبال الدكتوراه
^_^
ألف مبروك يا دكتور أنا افتكرتك داخل حرب
مبروك النجاح
بسم الله ما شاء الله
الف الف الف مبروك
ربنا يفرحك كمان وكمان
وعقبال الترم التاني ان شاء الله
وربنا يفرح الجميع
نبض الحياة
الله يبارك فيكِ
ومتقلقوش .. البوستات هتنزل ترف بعد كده
بس انتم متزهقوش منى بس (إن شاء الله يعنى)
mohamed ghalia
الله يبارك فيك يا محمد
ربنا يكرمك يا محمد
ايوشة
الهم ءامين
شكراً على المرور
شرفتينا يا يافندم
لقد خلقنا الله احرارا
الله يبارك فيكم
دكتوارة ايه بس
هوه انا ممكن بعد ما أنفد بجلدى من الفاكيولتى دى أرجع تانى
سيت أمبوسيبل طبعاً
زهرة الأمل
الله يباكر فيكِ
ما هيه الصيدلة حرب .. ومش ذكية
حرب مش ذكية
ghorBty
ءاميــن يا رب
جزاكم الله خيراً على الدعاء
وربنا يبارك فيكِ
الناجح يرفع ايده هيه
أنت مابتعرفش ايدك ليه؟:)
الف مبروووووووووك وعقبال كل مرة
مليون والف و ستماية تلاته وخمسين وتلات تربع مبروك
معلش بئ مبعرفش اعد اكتر من كده
موناليزا
برفع أهو والله برفع :)
الله يبارك فى حضرتك
مسلمة وافتخر
ربنا يكرمك
جزاكِ الله خيراً على المرور
يا ألف نهار ابيض يا الف نهار مبرووووك
الف الف مبروووووووووووووووووووك
ان الله لا يضيع اجر من احسن عملا
الف مبروك يا دكتور ياسر
ويارب بالتوفيق دايما
وعقبال العروسة :D
إرسال تعليق