21 أبريل، 2009

الدُّرَرُ المُنْتَقَاة .. الحلقة الأولي


قال أبو يزيد:

ما زلت أقود نفسي إلى الله وهي تبكي ، حتى سقتها وهي تضحك .

التعليــــق

شوفوا جمال فقهه وعلمه ....
بينورلنا طريق هوه مشى فيه قبلنا

مشي فيه وعرفه وعرف خباياه ومنحنياته ومخاطره

وقرر إنه يعملنا علامات مرورية عليه للتنبيه

وكأنه بيقول خلو بالكم يا جماعه فى الاول ومع بداية التوبة وعمل الطاعات

أنفسكم هتأمركم بالسوء وهتتعبكم ...

لأنها واخدة علي الراحة وواخدة علي المعصية

فهل نسلم بسرعة قدامها؟؟؟

أبسليوتلي نوو

هتقودها وهى بتبكى ...

هتقودها وهيه مش مطاوعاك خالص

هتسوقها بالعافية وغصب عنها كمان


طيب هنفضل كده كتير..؟؟؟؟؟


لالا بعد كده هيه اللى هتقودك للطاعه
بعد ما تذوق جمالها ووتعود عليها
وتستشعر لذة القرب من الله
ومتعة الأنس به سبحانه وتعالي

وكما قال سعيد بن المسيب

(الذى لم تفته تكبيره الاحرام اربعيييييييين سنه)

راقبت نفسى عشرين سنه وراقبتنى عشرين سنه
.

طيب ما تيجو نشوف حال السلف مع أمر واحد مثلاً
وهو الصلاة وقيام اليل
هل كانت عبأ وهم ثقيل عليهم؟

يقول أحد السلف: إني آتي إلى الصلاة وأنا أحمل هم الخروج منها

وكان ثابت البناني يقول: "اللهم إن كنت أعطيت أحدًا الصلاة في قبره فأعطني الصلاة في قبري
".
وقال سفيان الثوري: إني لأفرح بالليل إذا جاء، وإذا جاء النهار حزنت
.
إنها الجنة التي لما دخلها الداراني قال: إن أهل الليل في ليلهم ألذ من أهل اللهو في لهوهم...وإنه لتأتي على القلب أوقات يرقص فيها طربا من ذكر الله فأقول: لو أن أهل الجنة في مثل هذا إنهم لفي عيش طيب".

طيب هل لما بدأو التعود علي الصلاة كانوا كده؟

أكيد لا
وتذكردائماً أنك تشتري سلعةً غاليةً جداً.
(ألا ان سلعة الله غالية .. ألا ان سلعة الله هي الجنة)

يَا سِلعةَ الرَّحمنِ لَستِ رَخيصَةً

بَل أنتِ غَاليةٌ عَلَى الكَسلانِ

يَا سِلعَةَ الرَّحمنِ ليسَ يَنالُهَا

فِي الألفِ إلا وَاحِدٌ لا اثْنَانِ
يَا سِلعةَ الرَّحمنِ أينَ المُشترِي ؟
فَلقد عُرضتِ بأيسرِ الأَثمَانِ

يَا سِلعَةَ الرَّحمنِ هَل مِن خَاطِبٍ ؟
فَالمَهرُ قَبل المَوتِ ذُو إِمكَانِ
يَا سِلعةَ الرَّحمنِ لَولا أنَّهَا
حُجِبَت بِكلِّ مَكَارِهِ الإنسَانِ
مَا كَان عَنهَا قَطُّ مِن مُتخلِّفٍ
وتَعطَّلتْ دَارُ الجَزاءِ الثَّانِي
لكنَّها حُجِبتْ بكلِّ كَريهَةٍ
لِيُصدَّ عَنهَا المُبطِلُ المُتَوَانِي
وتَنَالها الهِمَمُ التي تَسمُو إلى
رَبِّ العُلا بمشِيئةِ الرَّحمنِ
فَاتْعَبْ لِيومِ مَعَادِكَ الأَدنَى تَجِدْ
رَاحَاتِهِ يَومَ المَعادِ الثَّانِي


ولقد بلغت لذة العبادة وحلاوتها ببعض ذائقيها

أن قال أحدهم من شدة سروره: لو يعلم الملوك وأبناء الملوك ما نحن فيه – يعني من النعيم -لجالدونا عليه بالسيوف.

وقال آخر مبديًا حزنه وتأسفه على الذين لم يشهدوا هذا المشهد: مساكين أهل الدنيا، خرجوا منها وما ذاقوا أطيب ما فيها.. قيل: وما أطيب ما فيها؟ قال: محبة الله ومعرفته وذكره
.

وكان شيخ الإسلام ابن تيمية – رحمه الله تعالى – يقول:

إن في الدنيا جنة من لم يدخلها لم يدخل جنة الآخرة..



هناك 69 تعليقًا:

MǿиY El-Shreef يقول...

جميل اوي القول ده

فعلا كأنه بينبهنا انه مش بالسهل

وتعليقك والله يادكتور بيخلي الواحد عايز يبقى كده فعلا

ربنا يهدي الكل

السلسله باديه بدايه جميله جدا

اكيد متابعه ان شاء الله

جازاك الله كل خير يادكتور

ايومي يقول...

جزاك الله خيرا,
كلام رائع,جعله الله في ميزان حسناتك

ملحوظه
بس ساعات الريسنت فيزيتورز بتاعك مش بيسجل الزياره.

ستيتة يقول...

البوست ده رغم أنه من السير وارقائق بس يا ياسر صعب قوي على نفسي
قد كده انا زفت طيب
هو الحقيقة انا باقود نفسي وهي مش بتبكي بس هي بتصرخ وبتضربني وبتحاربني كمان
البوست جميييييييييل اكتر من اي كلام
كمل كمل رائع وربنا يقبله منك خالص لوجهه الكريم
تحياتي

mohamed ghalia يقول...

بجد احسنت الإختيار
ربنا يكرمك ويسعدك

♥نبع الغرام♥♪≈ يقول...

السلام عليكم ورحمة الله وبركاته
إذيك يا دكتور
جزاك الله كل الخير على مثل هذا الموضوع بجد
جميل قوووى يارب يجعله بميزان حسانتك
اللهم أمين يارب العالمين
تقبل مرورى
تحياتى

عمرو جويلى يقول...

د/ ياسر
السلام عليكم
كلمات أبلغ من كل الكلام
وبارك الله فيك
فى إنتظار المزيد

ebn roshd 777 يقول...

الله علي الكلام لما بيكون اغلي من الدرر
يارب اهدينا واهدي نفوسنا
وقوينا علي وساوسنا وروض لينا
نفوسنا
جزاك الله كل الخير يا عم ياسر

د. ياسر عمر عبد الفتاح يقول...

MǿиY El-Shreef

ربنا يكرمك علي كلامك
وربنا يجازينا جميعاً كل خير

د. ياسر عمر عبد الفتاح يقول...

ايومي

في البداية بس
هههههههههههههههههههههههههههههههههههههههههههههههههههه

ثانياً لو ال recent visitors مسجلتش الزيارة فالترافيك مبيسبش حد في حالة
حدودنا مأمنة تأمين دقيق

ثانياً

ربنا يكرمك ويجعل كا ما خطي يدانا في ميزان جسناتنا يوم نلقاه

د. ياسر عمر عبد الفتاح يقول...

ستيته حسب الله الحمش

لا إنتي مش زفت ولا حاجة
إحنا بس مقصرين شوية
لكن مع جهاد النفس والشيطان هنبقي عال
أنا ليا عندك تعليقين فى البوسيتن اللي فاتوا على فكرة
وعاوزهم

د. ياسر عمر عبد الفتاح يقول...

mohamed ghalia

ربنا يكرمنا كلنا يا محمد
تسلم وشرفت بجد

د. ياسر عمر عبد الفتاح يقول...

عاشقة الأحزان

وعليكم السلام
الحمد لله تمام

ربنا يكرمك ويبارك فيكِ يا أختي
شكراً علي المرور

د. ياسر عمر عبد الفتاح يقول...

اللؤلؤة

ربنا يبارك في حضرتك
مرورك أسعدني وأتمني دوام التواصل

د. ياسر عمر عبد الفتاح يقول...

ebn roshd 777

لو تعرف بس مرورك بيسعدني قد إيه

اللهم أمين
ربنا يبارك فيك ويكرمك

Soul.o0o.Whisper يقول...

السلام عليكم و رحمة الله

أولا : مبروك عليك المشروع الجديد ( درر منتقاه )

و هى فعلا درر ربنا يبارك لك يارب

ثانيا : بالنسبة لموضوع البوست دا ،
ففعلا أول شئ بيقابل الانسان لما بيبدأ طريق الالتزام

بيرسم الخطط الوردية و ان خلاص مدام تاب
يبئا كل شئ هيبئى سهل و متيسر
و يقعد يقول هأعمل و أعمل و أعمل

و بعدين يصدم لما يلاقى نفسه مش قادرة
و بتشده لكل حاجة كان بيعملها قبل كدا

فمنا من يثبته الله و يمده بمدد من عنده
فيصر على المواصلة و مجاهدة النفس
حتى يصل إلى تلك اللذة

و منا من يستهواه الشيطان
فيقول انا اصلا مانفعش
أنا اصلا وحش
ربنا مش رايد لى الهداية
و يزين له الشيطان طريق الشهوات حتى يعود أسوء مما كان



ربنا يثبتنا جميعا يارب
و يرزقنا لذة عبادته


بارك الله لك

و دمت بود

د. ياسر عمر عبد الفتاح يقول...

Soul.o0o.Whisper

وعليكم السلام ورحمة الله وبركاته

أولاً : الله يبارك فيكِ
ثانياً : كلامك صح جداً
علشان كده بنقول إن الإلتزام طريق طويل
محتاج خطط طويلة المدي ومراحل محددة وقراءة مستمرة ووقفات لمراجعة الوضع الحالي , وكمان دراسة علوم شرعية وحفظ قرآن وصحبة صالحة.
الإلتزام مش مجرد مظهر أو كلمة أو ترك مجموعة معاصي وطرق باب الطاعات
الإلتزام أسلوب حياة كامل

جزاكِ الله خيراً على المرور والتعليق

ريمان يقول...

السلام عليكم

موضوع جميل اوى ومتكامل

احييك اخى فى طريقتك الجميله فى عرض الموضوع


ربنا يجعله فى ميزان حسناتك

فارس عبدالفتاح يقول...

في حركة الحياة كلها هو الصراع بين ما هو كائن وبينما يجب ان يكون

الطريق طويل بين تصور التطور وتحقيق هذا التصور والعقبات رواسب وامكانيات لها حدود

فارس عبدالفتاح .. قومي عربي

Ebraheem Aadam يقول...

مش عارف و الله أقول لك إيه يا ياسر ؟؟

مش عارف الواحد حاسس إنه ما يعلمه حجة عليه !!

ربنا يرزقنا العمل , و ينفعنا بما علمنا ,

و جزاك الله خيرا

fnoonh يقول...

جزاك الله كل خير على كل حرف كتبته
وربنا يجعله في موازين حسناتك يوم القيامة
ويارب ينفعنا بالكلام ده ويقدرنا نعمل بيه

تحياتي وتقديري

۩ Nour ۩ يقول...

السلام عليكم ..
قال عبد الله بن مسعود." إنكم فى ممر من الليل والنهار فى آجال منقوصه وأعمال محفوظة والموت يأتى بغته ، فمن زرع خير فيوشك أن يحصد رغبة، ومن زرع شراً فيوشك أن يحصد ندامه .. ولكل زارع مثل ما زرع .. لا يسبق بطىء بحظه ولا يدرك حريص مالم يقدر له ..فإن أعطى خيراً فالله أعطاه ..ومن وقى شراً فالله وقاه ..فالمتقون ساده ..والفقهاء قادة ومجالسهم زيادة.."

والطريق الى الله ليس بالهين.. فلديك أعداء يتربصون لك مع كل نفس .. لديك الشيطان الذى يزين لك ويمنى ويوسوس لك ويقلب لك الامور .. ولديك الهوى الذى يساند ذلك اللعين ،والنفس ناقتك فى ذلك الطريق ..وتلك الام المزخرفة " الدنيا" التى تشاهد سيرنا على سطحها وفى الاخير ستتبرأ منا " فقد قال على بن أبى طالب ".. إن الدنيا قد ترحلت مدبرة .. والاخرة قد ترحلت مقبله ولكل واحده منها بنون فكونوا من أبناء الاخرة ولا تكونوا من أبناء الدنيا فإن اليوم عمل ولا حساب وغداً حساب ولا عمل "
ولكن من اراد الطريق بحق وصدق واخلاص فسيجد العون ممن يسير اليه ..


ولكن دوماً تبقى مشكله الصراع بين النفس وتلك الزخارف والفتن الضاربة بحائط الدفاع لدينا . ولكن خير دليل بعد الاستعانه بالله ان نقتدى بالسابقين.. ونقرا لكل ما يعمر لنا الطريق ويعطى شحنه ايجابيه .. والاقتداء والموعظه بالاموات " لا يقلدن أحدكم دين رجل فإن آمن آمن ..وإن كفر كفر وإن كنتم لا بد من مقتدين فاقتدوا بالميت فان الحى لا تؤمن عليه الفتنه".
ونسال الله الثبات على الحق والهداية الى الطريق المستقيم..وان يجعل اقولنا كافعالنا ..آمين

دمت بخير ..وجزاك الله خيراً..

محمد يقول...

السلام عليكم ورحمة الله وبركاته

بسم الله ماشاء الله يا دكتور ياسر
ربنا يبارك لك ان شاء الله وييسر لك الخير


حلوة قوي القصيدة وكلمات ابن القيم دايما جميلة

حفظك ورعاك وثبتنا واياك علي الطريق

خالص مودتي وصادق دعائي

د. ياسر عمر عبد الفتاح يقول...

ريمان

ربنا يبارك فيك ويكرمك
الموضوع جميل بوجود الدرر
وبوجود تعليقاتكم

د. ياسر عمر عبد الفتاح يقول...

فارس عبدالفتاح

كلمات رائعة وحكيمة لأبعد مدي
أثريت بها البوست
أسأل الله تعالي أنا يرزقك الفردوس الأعلي

د. ياسر عمر عبد الفتاح يقول...

iBRAHiM sAllAM

والله يا هندزة بحس بالإحساس ده كثير
لدرجة إني كثير مبحبش أقرأ جديد
أقول كفاية لحد كده

د. ياسر عمر عبد الفتاح يقول...

fnoonh

جزاك الله خيراً يا أختي الكريمة
ربنا ينفعنا بما علمنا ويعلمنا ما ينفعنا
ربنا يكرمك

د. ياسر عمر عبد الفتاح يقول...

Nour

والله تعليق من أجمل مايكون
لدرجة إن البوست بتاعي يبدو إنه بدأ يتاوري خجلاً .
جزاكِ الله خيراً

د. ياسر عمر عبد الفتاح يقول...

هذه حياته
والله يا أخي الكريم أنا بحبك في الله من غير حتي ما اشوفك
وبشوف إني ساعات كثير بنول شرف كبير لأني بحس إني بشبهك شوية

ربنا يبارك فيك ويكرمك وييسرلك أمرك ويوسعلك رزقك ويغفرلك ذنبك

موناليزا يقول...

جهاد النفس وترويضها من اصعب الاشياء
وما اجمل نجاحنا فى هذا الجهاد

د/عرفه يقول...

ما شاء الله
أولى الدرر رائعة
تحفزك على متابعة باقى الحلقات بشغف
جميلة الحلقة الاولى فعلا ياريت الباقى يكون بنفس القوة

Ahmed يقول...

الكلام والأمثله مش بعيده عننا
يعني مثلا كل سنه لما ييجي رمضان
نلاقي الناس بتستعد للصيام واللي مبيصليش نلاقيه يوميا في القيام

بس لأننا بنستسلم بسهوله للنفس اللي بتبكي بننسى وبنترك اللذه ديه

يارب الحلقات كلها تبقى جميله وعلى نفس درجة القوه ديه
رينا يجازيك خير

hasona يقول...
أزال المؤلف هذا التعليق.
الفقيرة إلى الله أم البنات يقول...

رائع يا ياسر
ربنا يرزقنا واياك الإخلاص
والله من البوستات المميزة
ربنا يجعلك من الذاكرين المذكرين
وذكر فإن الذكرى تنفع المؤمنين

ربنا يرزقك الخير

GiGi world يقول...

ربنا يبارك لحضرتك وجزاك الله خيرا
حقيقه كلام اكثر من رائع بس يارب نقدر نحسه وعمل بيه
يارب نقدر نسوق نفسنا لانها فعلا من كتر اللى حوالينا والقرف كله من مسلسلات وقرف خلاص بقت وحشه جدااااااااااااااااااااااااااااااااااااا
ده ربنا ده كريم قوي انه بيسترنا

غير معرف يقول...

مساكين أهل الدنيا، خرجوا منها وما ذاقوا أطيب ما فيها.. قيل: وما أطيب ما فيها؟ قال: محبة الله ومعرفته وذكره

---

صدق و ربى


سننتظر ذلك منك دائما انعم الله علينا و عليكم بمحبة و رضاة

بارك الله ف عمرك

صمت الحنين يقول...

جزاك الله خيرااااا على هذا البوست الرائع جعله الله فى ميزان حسناتك ان شاء الله

د. ياسر عمر عبد الفتاح يقول...

موناليزا

صعب بس في بدايته
لكن بعد كده هنستمتع بالطاعة

د. ياسر عمر عبد الفتاح يقول...

د/عرفه

جزاك الله خيراً
وربنا يكتبلنا جميعاً العمل ما نقول

د. ياسر عمر عبد الفتاح يقول...

أحمـــــــــــــد أبو العلا

ربنا يبارك فيك يا أحمد
فعلاً الكلام ده كله قريب من حياتنا اليومية وبنشوفه كل يوم حتي في نفسنا

د. ياسر عمر عبد الفتاح يقول...

الفقيرة إلى الله أم البنا

ربنا يباركلك في وقتك وصحتك وأولادك
مرورك والله بيسعدني جداً

جزاكِ الله خيراً

د. ياسر عمر عبد الفتاح يقول...

GiGi

مهو إحنا بدل ما نفضل نقول قرف وزفت
ممكن بمنتهي البساطة نسيب الكلام ده
ولو صدقنا في النية ربنا بجد هيعيننا

ربنا يتوب علينا جمبعاً من المعاصي

د. ياسر عمر عبد الفتاح يقول...

أحمد عمر

ولك المثل أخي الكريم
جزاك الله خيراً
ومتعك الله بخيره في الدنيا والأخرة

د. ياسر عمر عبد الفتاح يقول...

صمت الحنين

وإياكِ يا أختي
وربنا يتقبل مننا جميعاً صالح الأعمال

ghorBty يقول...

جزاك الله خيرا وجعل الله ما خطته ينماك في ميزان حسناتك

ما شاء الله بجد قلت كل حاجه

اول دره : فكرتني بقول الله تعالي

وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ

بس احنا علينا البدايه والله عز وجل عليه التمام ..


ربنا يجعلنا ممن يستمعون للقول فيتبعون احسنه

بوركت

مصطفسي ريان يقول...

جزاك الله خيرا على هذه الدرر

بـسـمـــة صـــــلاح يقول...

بوست جميل جدا
بجد صحيتنا من الغفله اللي كنا فيها
ربنا يجزاك كل خير عليه ويجعله في ميزان حسناتك

ربنا يهدينا للطريق الصح ويحسن خواتمنا امين يارب

وحضرتك ماشاء الله كتاباتك في المجله رائعه وبتعجبني

دمت بكل ود
تحيــ بسومةــاتي(:

فقه الحياة يقول...

السلام عليكم ورحمة الله وبركاته
كلامك جميل ومفيد ويحمل معانى كثيره ولن يفهمها إلا من عاشه بالفعل وذاق حلاوتها
أرجو أن تقبل بى أخاً صغيراً لك.
جزاك الله كل خير

د/على خميس يقول...

السلام عليكم و رحمة الله و بركاته
أخى د / ياسر
أولا الفكرة جميلة جدا ... نحن فعلا نملك من الدرر الكثير فى تراثنا .. وفقك الله فى أن تنفض بعض غبار النسيان عنها ..
و اختيار هذه الدرة موفق جدا ..
و الله أخاف أن أقضى حياتى كلها فى ترويض نفسى بدون أن أصل إلى مرحلة فعل الخير بتلقئية و بدون جهاد .. و ماأحسب ذلك إلا لأننى أطاوع نفسى كثيرا
أسأل الله أن يعيننى و إياك و المسلمين جميعا على طاعته

رئيس التحرير يقول...

بسم الله الرحمن الرحيم
السلام عليكم ورحمه الله وبركاته
آسف ...علي التأخير
أنت استاذ الأساتذه ...وما تطرحه يحتاج لمدونه كامله للتعليق عليه.
سأكتفي بالقراءه ... ومجاهذه النفس علي الألتزام ... وربنا يجعل لك نصيب في ثواب توبه النفوس الضآله .
------ ليه حرمتني منك الفتره الماضيه؟
اتمني ان يكون السبب خيراً.

د. ياسر عمر عبد الفتاح يقول...

ghorBty

جزاكِ الله خيراً
كلامك مظبوط فعلاً
البداية دائماً من الإنسان والأدلة علي ذلك لا يتسع لها المجال هنا

أسأل الله أن يعلمنا ما ينفعنا وأن يرزقنا العمل بما نعلم

د. ياسر عمر عبد الفتاح يقول...

درش


ولك المثل يا درش
منور والله

د. ياسر عمر عبد الفتاح يقول...

بـسـمـــة صـــــلاح

ربنا يبارك في حضرتك ويكرمك
وأسأل الله أن يجعل كل ده في ميزان حسناتنا يوم أن نلقاه
وأن يرزقنا جميعاً الإخلاص في القول والعمل

د. ياسر عمر عبد الفتاح يقول...

فقه الحياة

أقبلك إيه بس
يا ريت إنت اللي تقبلنا
ده شرف كبير ليا والله
وإنت شكلك كاتب جامد
شد حيلك

د. ياسر عمر عبد الفتاح يقول...

dr aly khamis

مرور حضرتك والله بيسعدني جداً
خاصةً إني ميال ناحية الصيادلة ومتحيز ليهم كمان

والله يا دكتورنا العزيز كلنا ذاك الخائف
وربنا يقوينا علي نفوسنا

د. ياسر عمر عبد الفتاح يقول...

رئيس التحرير

كل مرة حضرتك بتضحك عليا وتقولي هرد عليك .. ومش بشوف ردك
أو بتقولي كلامك محتاج رد طويل

يا أستاذنا عاوزين نقد جامد كده
أمال هنتعلم إزاي بس

وعلي فكرة أنا فاتح الميل طول النهار
ومبلاقيش حضرتك خالص

Unknown يقول...

الله ينور حقا

قيام الليل شرف وعز وفخر المؤمن
اللهم اعنا على طاعتك ووفق نفوسنا لذلم واعنا عليها

ويبقى التواصل

ميرام يقول...

بجد جزاك الله خيرا على التذكرة ..
الواحد مش عارف ازاي متخيلين اننا هنزاحمهم في الجنة ..
,واواحنا مابذلناش ربعهم
):
ربنا يهدينا جميعا

تامر علي يقول...

على الرغم من أن هذا الزمان يصعب فيه أن تجد من يفهم تلك الكلمات أصلاً ... ولكن إن لم نكن من الرجال فلا أقل من أن نتشبه بالرجال :)

جزاك الله خيراً على تلك التذكرة وجعلها في ميزانك يوم القيامة

كلمات من نور يقول...

حقا درة منتقاة

ربي يقوينا على السير على نهج هؤلاء الصالحين

وفقك الله لما يحب ويرضى

في انتظار باقي الدرر

فشكووول يقول...

ازيك يا دكتور ياسر
ربنا يكرمك يارب فى الحاجات والطاعات اللى بتنبهنا ليها ويزيد فى حسناتك يارب
قولى لى؟
ايه موجة الكتابات الدينيه فى المدونات اليومين دول؟
ربنا يهدى الكل
تحياتى

د. ياسر عمر عبد الفتاح يقول...

معتز شاهين - باحث تربوي

ربنا يكرمك يا استاذنا
مرورك أسعدني

د. ياسر عمر عبد الفتاح يقول...

ميرام

فعلاً إزاي؟
ده إحنا ضايعييييييين
ربنا يتولانا برحمته

د. ياسر عمر عبد الفتاح يقول...

تامر علي

أيوووووه التشبه بالرجال
لأن الرجال قلوا أوي اوي

جزاكم الله خيراً

د. ياسر عمر عبد الفتاح يقول...

كلمات من نور

اللهم امين
ربنا يوفقنا جميعاً
جزاكِ الله خيراً

د. ياسر عمر عبد الفتاح يقول...

فشكووول

اللهم امين
جزاك الله خيراً يا عمنا

بالنسبة للموجة
فدي حاجة كويسة
ربنا يزيدها
بس أهم حاجة ميبقاش كلام وبس

صفــــاء يقول...

ولأن طاعه الله والقدرة على عبادته غير هينه فلها الثواب الأعظم لمن استطاع ان يثبت قلبه وعقله على تلك الطاعات الجسام
أجدت طبعا أختيار الامثله
وأن كان الشعر جميل جدا

جزاك الله كل خير يا دكتور على دررك المنتقاة
تحياتى لك

ضحكات الحياة يقول...

السلام عليكم

فعلا حلو اوى البوست ده

و ربنا يهدى الكل ان شاء الله

و جزاك الله خيرا على ذلك

د. ياسر عمر عبد الفتاح يقول...

صفـاء

جزانا وإياكم
وربنا يكرمنا جميعاً بلذة الطاعة

د. ياسر عمر عبد الفتاح يقول...

ضحكات الحياة

الهمءاميــن
جزانا الله وإياكم
شرفتنا