27 أبريل، 2009

حلقة جديدة من ومضات


ومضــــات
----

تحديث :

يا جماعة أنا اللي كتبت الكلام ده كله ... مش منقول يعني

وكل سلسلة ومضات أنا اللي مألفها

وهتعرفوا كده لو قرأتوا المقدمة

-----


لمعرفة أصل ومضات

وسبب تسميتها يرجى زيارة الرابط التالى

المقدمة



*الجهلة أقل ضجيجاً من المتعلمين
ولأن أكون جاهلاً أحبُ إلىَّ
من أن أكونَ نصفَ مثقف متفيقه.


*ومن العلم ما قتل.

.
*أنت لن تعرف كل شىء

ولن تدرى هذا حقاً إلا إذا تعلمت بعض هذا الشىء.


*العلم فى حد ذاته ليس دائماً وسيلة

ففى التعلم والقراءة متعة عظيمة.


*السعادة

إختيار وإتجاه بغض النظر عن ظروف الحياة.



*يستطيع الجميع أن يكتبوا عن قضيةٍ استفزتهم

لكن وحدهم العظماء

من يستفزون القضايا ما بأقلامهم.


*لا تحكم على شىءٍ وأنت فى ثناياه.


*الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة.


*تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,

ورضا ربك فوق رأسك , والشوق الي الأخرة في قلبك.



*تبدوا لىَّ الحياةُ فى غرابتِها كقصيدةٍ مطلسمة
كلنا فيها باحث عن صوتيم.

(صوتيم الحياة الحقيقى هو التوحيد وعبادة الله)

هناك 62 تعليقًا:

MǿиY El-Shreef يقول...

اولا مبروك يادكتور شكل البلوج بقى جميل اوي

انا كنت هستخدم القالب ده والله

بس لقيت مقاساته مش مناسبه عندي

الف مبروك

ثانيا الحلقه انهارده جميله اوي مليانه كلام عجبني

خصوصا ده

*الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة

صح جداااا الكلمتين دول

دايما ذوق يادكتور

دمت بخير

fnoonh يقول...

اولا مبروك الف مبروك اللوك الجديد للمدونة حقيقي جميل
هقرا واجي اكمل تعليق

fnoonh يقول...

لا ومضات جامدة المره دي حقيقي مفيدة وجميلة دائما اختياراتك رائعة وفي محلها
وعجبني جدا المقطع ده

الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة

بجد جميل تسلم ايدك
واكرر واقول اللوك ده جميل بس لو تغير الصورة الفوق المكتوب عليها ومضات وتخلي لونها احمر او من درجاته يكون افضل

تقبل خالص تحياتي
وبالتوفيق

هذه حياتي يقول...

السلام عليكم ورحمة الله وبركاته

أخي الكريم

كلماتك معبرة شيقة مورقة


أنعم الله عليك ويسر لك الخير

فالحياة أمل والسعادة عمل وفي البساطة الجمال

رغم بديهية الأراء الا انها تكتسي برونق خاص


خالص مودتي وصادق دعائي

ايومي يقول...

ومضات رائعة فعلا,
وبصراحة الومضه عن الشعر جميلة جدا,

موناليزا يقول...

انت غيرت عفش البيت:)قصدى المدونة يلا على البركة

عاجبنى اختيارك لمعظم العبارات
بالتوفيق دائما

GiGi يقول...

ربنا يكرمك يارب
ويعزك
اولا شكل البلوج بصراحه الواحد دماغ اصلا فيها ميت الف حاجه فمش فاكره اللى فات اصلا
ثانيا ليه المره دى حضرتك ماقلتش كل كلمه من دول مين قالها
ربنا يعزك بس علا ومضات مضيئه فعلا

د. ياسر عمر عبد الفتاح يقول...

أولاً الله يبارك فيكي
الحمد لله إنك مستخدمتهوش .. علشان كنت هتعب أوي من غيره :)

ثانياً :
الحمد لله إنه عجبك
ودي حاجة بتسعدني

ربنا يكرمك
دايماً أول تعليق

د. ياسر عمر عبد الفتاح يقول...

fnoonh

الله يبارك فيكي
الحمد لله إنه عجبكوا
بصراحة مش ناوي أغير تاني خلاص

علي فكرة أنا مختارتش حاجة
ده أنا مؤلف الكلام ده
مش قصدي أتفزلك والله
بس بعد ما تعبت كل ده وكتبته ألاقي كل الناس فاكراه منقول؟

بس دي حاجة برضه بتسعدني
لأن الكلام بيبان وكأنه لناس كتاب حقيقين

جزاكِ الله خيراً علي المرور

د. ياسر عمر عبد الفتاح يقول...

هذه حياتي

ربنا يكرمك يا أخي
قلتلك قبل كده إني بحبك في الله؟
تقريباً قلت
بس برضه نقول تاني
إني أحبك في الله والله

د. ياسر عمر عبد الفتاح يقول...

ايومي

دي شكل بتاعة الشعر دي كويسة بقي
كله بيعلق عليها يعني
طيب مفيش حاجة تاني كويسة؟

جزاكِ الله خيراً علي المرور

د. ياسر عمر عبد الفتاح يقول...

موناليزا

لا العفش زي ما هوه
أنا بس دهنت الحيطان :)

والله العظيم مش إختيار
والله أنا اللي كاتب الكلام ده كله
كل سلسلة ومضات بتاعتي أنا

بس برضه دي حاجة بتخليني أفرح
لأن كلامي شبه الكتاب الكبار

د. ياسر عمر عبد الفتاح يقول...

GiGi

ربنا يكرمك يا أختي
فعلاً والله الشكل مش مهم أوي
أحم حاجة الحشو

ثانياً
لا أنا كده هموت بقي
والله يا جماعة أنا اللي كاتب الكلام ده
هوه أنا يعني شكلي ميديش؟
ولا إكمني صعيدي؟

:( :( :(

جزاكِ الله خيراً علي المرور والتعليق

صيدلانيه طالعه نازله يقول...

الفقرات اللى حضرتك كاتبها جميله قوى و خصوصا الفقره دى

*تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,


ورضا ربك فوق رأسك , والشوق الي الأخرة في قلبك.

ياريت كلنا نقدر نطبقها لانها لو

اتطبقت صح مش حيبقى عندنا مشاكل فى

دنيتنا خاااالص

تسلم ايدك على كلامك الحلو ده

شمس النهار يقول...

ماشاء الله عليك يادكتور
ومضاتك دائما جميله
ربنا يكرمك

اللؤلؤة يقول...

د/ياسر
السلام عليكم
أنا عندى الثقة الكافية فى صدق كل كلمة وكل حرف تكتبها
ويشهد الله على ذلك أما عن أكثر ما أعجبنى هو
*السعادةإختيار وإتجاه بغض النظر عن ظروف الحياة.
أنا أرى السعادة فى الرضا والقناعة بغض النظر عن ظروف الحياة والإثنين بمعنى واحد
أدام الله عيك رجاحة عقلك ورزقك بسعادة الدارين

ebn roshd 777 يقول...

ما شاء الله عليك يا دكتورنا
انا اول مره للاسف اخد بالي من الاقوال الماثوره الجميله دي وكونك انتي اللي
ابدعتها ده بجد بيدل عن موهبه جميله جدا وفضل ونعمه من الله ان تتحكم في الكلمات لتنسج منها ابدع المقطوعات الادبيه

أحمد عمر يقول...

السلام عليكم و رحمة الله و بركاته

اولا التنبل جيد و اعتقد ربما يكون مناسب من حيث المقاسات و و و و

و انت غلبتنى ف التغير ههه

--

حلقت اليوم لا تقل عن اول مره كلها رائعه ..

و شعرت انها كتبت بقلم مفكر كبير

تمنياتى لك بالتوفيق و الفلاح و البركه

ستيته حسب الله الحمش يقول...

اولا التمبليت الجديد شكله يستحق التهنئة
وألعب براحتك
ثانيا ومضاتك عبقرية وانا قلت قبل كده ان بينا ناس نجهل قدرهم بشكل عام ولو عرف الناس قدرهم لأقلع أغلبنا عن الكتابة

ثالثا
العلم فى حد ذاته ليس دائماً وسيلة
ففى التعلم والقراءة متعة عظيمة.
-----------------------
اظن ده كان بوست قبل كده وكان ده رأيي في القراءة في العلوم غير الشرعية

تسلم ايدك ومضات منورة بزيادة

Soul.o0o.Whisper يقول...

السلام عليكم و رحمة الله و بركاته

أولا مبروك عليك التامبلت الجديد

و غالبا كل جديد بيكون أجمل
لحد ما نتعود عليه
هههههههه


المهم

البوست بجد رائع جدا جدا
و بجد ربنا يبارك لك يارب

و اكتر حاجة عجبتنى
تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,

ورضا ربك فوق رأسك , والشوق الي الأخرة في قلبك.

فعلا والله العظيم
فى سعادة تامة
فقط برضا الله ، فيرضيك عما يحدث لك ايا كان
و شوقك الى الاخرة ، فتهون عليك الدنيا باكملها

دمت بود

إيمان يقول...

ماشاء الله بجد كلمات او ومضات تستحق التسجيل
فقليلون هم من يستحقون ان نأخذ عنهم
اعجبتنى كثيرا
السعاده اختيار واتجاه

ايومي يقول...

انا ذكرت ان كل الومضات رائعة,
ولكن جذبتني ومضة الشعر لانها تعتبر جديدة,
يعني الومضات الاخرى هناك الكثير عبر عنها,وان كنت انت قد اصغتها باسلوب رائع,
سلم عقلك وسلمت يداك.

فشكووول يقول...

ازيك يا دكتور ياسر
مبروك الديكورات الجديده
يا ترى كلفتك كام
هههههه
ومضاتك حلوه وجميله
وكلامك ممتع وخصوصا نهاية الومضات وغاية الخلق عباده الله سبحانه وتعالى
كل سنه وانت طيب واشكرك على التعليق فى فشكول
تحياتى دكتور

د/عرفه يقول...

دايما ومضاتك مضيئة
ودايما متألق
فعلا سلسلة تبدو رائعة

ghorBty يقول...

السلام عليكم

مبروك الشكل الجديد للمدونه جميل ما شاء الله وصوت كمان ...

بالنسبه للومضات هي فعلا ومضات ومن اقدرش اقول عنها حاجه اكتر من كدا ربنا يديم عليك فضله ويديم عليك الفهم والحكمه ..

وعجبتني جداااا الومضه ديه

*الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة

مذكرات مشاغب يقول...

كلمات رائعه جدا جدا
اختيار رائع يا د.ياسر

*أنت لن تعرف كل شىء
ولن تدرى هذا حقاً إلا إذا تعلمت بعض هذا الشىء.

عجبتني جدا جدا

تحياتي

د. ياسر عمر عبد الفتاح يقول...

صيدلانيه طالعه نازل

ربنا يكرمك يا دكتورة
ده بس من ذوق حضرتك
همه أصل الصيادلة بيحنوا لبعض

ربنا يديم علينا رضاه

د. ياسر عمر عبد الفتاح يقول...

شمس النهار

الجميل هوه مرور حضرتك من عندنا
جزاكِ الله خيراً

د. ياسر عمر عبد الفتاح يقول...

اللؤلؤة

يا فندم ده مرورك بس كده شرفك كبير
فمال بالك بقي إن الشخابيط دي عجبتك
ربنا يبارك فيك ويكرمك ويرزقك الفردوس الأعلي

د. ياسر عمر عبد الفتاح يقول...

ebn roshd 777

إيه الكلام الكبير ديه
ربنا يجبر بخاطرك زي ما جبرت بخاطري كده

تورت وشرفت كمان

د. ياسر عمر عبد الفتاح يقول...

أحمد عمر

التيمبلت عجبك؟
طيب كويس
بس أنا مش ناوي أغير تاني خلاص
دي حاجة تزهق
أوووووف


ربنا يكرمك علي الإطراء ده
إحنا مش قد كده
جزاك الله خيراً

د. ياسر عمر عبد الفتاح يقول...

ستيته حسب الله الحمش

ازيك يا دكتورة
عاملة إيه دلوقت؟؟
يارب تكوني بخير وأحسن


لالالا انا مش قد الكلام الجامد ده
ربنا يكرمك يا دكتورة بجد


بقلك إيه
هيه مين الناس دي اللي إنتي بتتكلمي عنها؟ ماتقوليلي علي حد منهم يمكن أبطل كتابة أنا كمان

ثالثاً بقي
أه ده كان موضوع بوست
وأنا رأيي كمان كان كده في البوست
متابعة إنتي وحافظة كله .. الوحيدة اللي أخدت بالها

د. ياسر عمر عبد الفتاح يقول...

Soul.o0o.Whisper

لا بس ده هيفضل جميل علي طول إن شاء الله
لأني مش ناوي أغير تاني
انا أصلاً إنسان نمطي جداً وملول وعشري
ولولا إن الأول ظهر فيه مشاكل كثير وكان تقيل .. مكنتش هغير أبداُ

__ ثانياً بقي

ربنا يكرمك
والحمد لله إنها عجبت حضرتك
ربنا يرزقني وإياكِ رضاه

د. ياسر عمر عبد الفتاح يقول...

إيمان

سجلتيهم بجد؟
ياسلام يا سلام

والله وبقي بيتسجل يا واد يا ياسر
جزاكِ الله خيراً

د. ياسر عمر عبد الفتاح يقول...

ايومي

أنا طبعاً فهمت وجهة نظر حضرتك
بس أصل كل الناس اللي قبلك قالوا علي الومضة دي بس
فأنا قلت أمال الباقي فين؟
وقلت يمكن وحشين

جزاكِ الله خيراً علي المتابعة

د. ياسر عمر عبد الفتاح يقول...

فشكووول

عمنا فشكول رئيس الجمهورية(أي جمهورية والسلام) عندنا
يا مرحبا يا مرحبا

الديكورات والله دفعت فيها حرقة دم بين تيمبلتات كثير وكل شوية أجرب واحد ويطلع مش مظبوط , دفعت فيها سهر وتعب
.

شهادة سيادتك يا زعيمنا والله وسام علي صدري
ربنا يكرمك

د. ياسر عمر عبد الفتاح يقول...

د/عرفه

ربنا يكرمك يا دكتورنا
جزاك الله خيراً

د. ياسر عمر عبد الفتاح يقول...

ghorBty

جزاكِ الله خيراً يا أختي
ربنا يكرمك ويبارك فيكِ
شكراً علي المرور والتعليق

د. ياسر عمر عبد الفتاح يقول...

مذكرات مشاغب

يا راجل إنت فين من بدري
أخيراً حد قال حاجة من الحاجات اللي بتعجبني أنا شخصياً

ربنا يكرمك يا باشا
وابسط يا عم دماغك طلعت قريبة من دماغي
(قريبة بس .. أوعي تتغر :):) )
بهزر معاك طبعاً
هوه إحنا نيجي إيه جنبك بس

بس أرجع وأقول ده مش إختيار والله
دي كتاباتي
وأي تشابه بينها وبين كتابات شخص تاني مش مقصود .. أنا لا أتعمد ده
لكن الحكمة واحدة

واحد من العمال يقول...

السلام عليكم

ألف مبروك النيولوك الجديد يادكتور
وومضاتك ومضات فعلاً
********
وأعجبتنى ومضتك التى تقول فيها
(*أنت لن تعرف كل شىء
ولن تدرى هذا حقاً إلا إذا تعلمت بعض هذا الشىء.
*العلم فى حد ذاته ليس دائماً وسيلة
ففى التعلم والقراءة متعة عظيمة
********)
نعم أخى يجب أن نعلم عن كل شىء شىء
والقراءه متعه التعلم بحق
*********
ممكن سؤال
من أين أو من الذى يستطيع تغيير القالب للمدونه وهل هناك محترفين لذلك
لأنى واحد من العمال وتعلمت الكمبيوتر والأنتر نت بالأيد والرجل يعنى بالعافيه
أرجو الأفاده ومع خالص الشكر مقدماً

وأرجوا أن تتقبل تحيتى ومرورى وسؤالى

ودمت بخبر

تامر علي يقول...

الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة.
______________________

جميل جداً هذا التعبير ويحتوي على لمسة فنية (لذيذة) :)

الشكل الجديد جميل جداً ... تُحسد عليه :)

dr aly khamis يقول...

السلام عليكم و رحمة الله و بركاته
بارك الله أخى د/ ياسر
زادك الله حكمة و علما نافعا
و الله أخى الكلمات جميلة جدا و معانيها عميقة و واضحة فى نفس الوقت ..
فعلا من العلم ما قتل..
أسأل الله أن يرزقنى و إياك علما نافعا و عملا صالحا

فارس عبدالفتاح يقول...

الجهلة أقل ضجيجاً من المتعلمين
ولأن أكون جاهلاً أحبُ إلىَّ
من أن أكونَ نصفَ مثقف متفيقه

لا يوجد مثقف حقيقي متفيقه المتفيقهون هم اجهل خلق الله ولا يستند فكرهم او كلامهم او فعلهم على دليل عقلي او حتى نقلي

يستطيع الجميع أن يكتبوا عن قضيةٍ استفزتهم
لكن وحدهم العظماءمن يستفزون القضايا ما بأقلامهم.

اي عظماء تتحدث عنهم اخي الكريم هل تقصد الكتاب الكبار


*لا تحكم على شىءٍ وأنت فى ثناياه

تستطيع ان تحكم على الشيء وانت في ثنياه ولكن بشرط ان لا يؤثر على وجدانك وعقلك

عفواً

ما هو معني كلمة( صوتيم )اللغوي وما مصدرها اللغوي

بـسـمـــة صـــــلاح يقول...

بجد بجد بجد
والله العظيم حضرتك تستاهل تكون كاتب كبير كمان
رائعه فعلا
يعني اتبهرت بيها جدا

انا قلت اقول رايي الاول لاني طول منا بقرا قمة الاندهاش
فقلت اقول راي الاول في كلماتك

اما بقى عن التمبلت فهو بجد جميل اوي
وكنت هموت من الدحك على اختيارت الاستفتاء

دمت بود اخي
تحيــ بسومةــاتي(:

ايوشة يقول...

تسلم ايديك يادكتور دايما الومضات اروع ما يكون
*يستطيع الجميع أن يكتبوا عن قضيةٍ استفزتهم


لكن وحدهم العظماء

من يستفزون القضايا ما بأقلامهم.



عجبتنى جدا الجملة دى
الف مبروك على الشكل جديد جميل جدا

GiGi يقول...

ربنا يكرمك
بس انا ماقصدتش والومضات الى فاتت
ماكانش حضرتك اللى كاتبها
فماتلومنيش يعنى
تحياتى

عالم حبيب يقول...

جميلة ومضاتك يادكتور .. وجميلة أوي بتاعة الشيكولاة وتذوق الشعر

أول زيارة لمدونتك الجميلة دي ونتواصل دائما على خير

دعواتي لك بالسعادة والتوفيق

د. ياسر عمر عبد الفتاح يقول...

واحد من العمال

أهلاً بالبروليتاريا
منور المدونة
وثنائك علي ومضاتي شيء أكيد بيسعدني

أما عن نغيير شكل المدونة فدي حاجة أنا مش خبرة أوي فيها

لكن إنت بتروح لأي موقع بتاع تيمليتات وتختار واحد بوعدين بتحمله عندك من التخطيط وبعدين تحرير HTML
بس كده
وياريت تشوف حد خبرة شوية عني

د. ياسر عمر عبد الفتاح يقول...

تامر علي

كاتبنا الكبير عندنا
يامرحبا يا مرحبا

حلوة تعبير لذيذ دي
منور يا باشا والله
تشرب كابتشينو؟

د. ياسر عمر عبد الفتاح يقول...

dr aly khamis

حبيب قلبنا وعمنا أبو الزمل
ربنا يكرمك يا دكتورنا الكبير
جزاك الله خيراً علي الزيارة

د. ياسر عمر عبد الفتاح يقول...

فارس عبدالفتاح

تأبي أن تترك مجرد .. تعليق

بالنسبة للملاحظة الأولي
فأنا ذكرت (نصف مثقف) ولم أقل أبداً مثقف والفرق شاسع بينهما
----------
نعم يا أخي أقصد الكتاب الكبار والمفكرين والصحفيين وكل أصحاب الأقلام
----------
تستطيع بهذا الشرط
ولكن من يقدر عليه
في الغالب ستتأثر به وبالتالي يؤثر علي حكمك
---------
كنت أتوقع أن يسأل البعض عن الصوتيم
ولكن يبدوا أن الجميع يعرفونه
في بعض القصائد الملطسمة وخاصة لشعراء الحداثة أو قل الدياثة
تجد القصيدة رمزية وتشكيلية لدرجة أنك لا تفهم ماذا يريد الشاعر بها
ولكنها مثل اللغز , يترك لك الشاعر صوتيم أو مفتاح لمعرفة الفكرة العامة للقصيدة , وعليك أنا ايها القارىء أن تبحث عنه وتجده.


شرفت بمرورك

د. ياسر عمر عبد الفتاح يقول...

بـسـمـــة صـــــلاح


بجد بجد بجد
ربنا يكرمك ويبارك فيكِ
شكراً علي الكلام الكبير اللي مستحقهوش أوي
جزاكِ الله خيراً

د. ياسر عمر عبد الفتاح يقول...

ايوشة

الله يبارك فيك
الحمد لله إن ومضاتي عجبتك
ربنا يكرمك ويجازيكِ خير

د. ياسر عمر عبد الفتاح يقول...

GiGi

شكراً علي المتابعة
ربنا يبارك في حضرتك

بس أنا كده بقي هنهار خلاص
الله العظيم كل الومضات أنا اللي كاتبها .. هوه أنا مش باين عليا؟
يمكن حضرتك تقصدي الدرر المنتقاة
لكن الومضات دي بتاعتي أنا

أحمد سعيد بسيوني يقول...

جمل جميلة جدا بحق

وكويس انك كاتب تحديث عشان مانفتكرش ان الكلام ده قاله حكيم كبير

وانت فعلا حكيم

المشخبطاتى يقول...

هذه أول دخلة ليا عندكم..وإن شاء الله مش هاتكون الأخيرة..وعلى فكرة مدونتك جميلة جداً..

وبالنسبة للحلقة الجديدة من الومضات فأكثر ما أعجبنى فيها:


*يستطيع الجميع أن يكتبوا عن قضيةٍ استفزتهم


لكن وحدهم العظماء

من يستفزون القضايا ما بأقلامهم.



وأيضاً:

الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة

وأيضاً:

تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,


ورضا ربك فوق رأسك , والشوق الي الأخرة في قلبك.
*******************

أنا يعجبنى جداً هذا الأسلوب من الكتابة تقدر تقول إعجاب لحد العشق...

دمتمــ بخير..

بنجاواتى يقول...

السلام عليكم

التمليت جميل يا دكتور

فى حاجات جميلة مكتوبة زى:


*الجهلة أقل ضجيجاً من المتعلمين
ولأن أكون جاهلاً أحبُ إلىَّ
من أن أكونَ نصفَ مثقف متفيقه.

*أنت لن تعرف كل شىء
ولن تدرى هذا حقاً إلا إذا تعلمت بعض هذا الشىء.

فعلا بجد الواحد كل ما يتعلم حاجة جديدة بيعرف انه كان ما يعرفش حاجة ولا يزال امامه الكثير علشان يعرف حاجة

وتقبل تحياتى

ابو المفاصل الواصل يقول...

المجد الزائف يتطلب التضحية بالاخــــــرين

فى مجتمعات لا تقيم وزنا للقتلى والمصابين

سواء كانت حروب ولا اشتباكات مع ارهابين

المهم عندنا النصر الاعلامى الهلامى المبين

وتسجيل مواقف لانفس ذات فكر مهيــــــــن

ومسنوده من اغبياء يتامى العقل الثميـــــــــن

واصحاب الفجاجة والصوت العالى اللعين

وده للاسف حالنا ………..لكن تقول لمين

د. ياسر عمر عبد الفتاح يقول...

أحمد سعيد بسيوني

الله يكرمك يا دكتور
حكيم مرة واحدة ..!!
ربنا يجبر بخاطرك
جزاك الله خيراً
منور والله

د. ياسر عمر عبد الفتاح يقول...

المشخبطاتى

منور يا باشا
يارب دايماً منورنا
أنا كمان بحب الأسلوب ده في الكتابة
علشان كده بحاول أكتب بيه
الحمد لله إن كلامي عجبك

د. ياسر عمر عبد الفتاح يقول...

بنجاواتي

منور والله المدونة ومشرف صاحبها كمان
كلامك مظبوط طبعاً
ربنا يرزقنا العلم النافع
جزاك الله خيراً

د. ياسر عمر عبد الفتاح يقول...

ابو المفاصل الواصل

كنت ممكن تكلف نفسك وتقرأ البوست وتعلق عليه وبعدين تحط إعلانك
وبما إنك مقدرتش المدونة
فأنا كمان هقلوك رأيي بصراحة
اللي إنت كاتبه ده حاجة مترهلة جداً
مجرد كلمات تنتهي بنفس الحرف
لا فيه وزن ولا فيه إحساس
حتي المعني
هجوم نمطي ومعارضة تقليدية

برحب بيك بعد كده كقارىء وكمعلق
وكصديق للمدونة
لكن بلاش الطريقة دي