01 مايو، 2009

المقامة الصيدلية


تحديث مهم
مجلة رؤية مصرية نزلت وأخوكم كتب فيها حاجتين كده
أول حاجة كلمة العدد
والثانية
فيه هناك دفتر حضور(التعليق يعني) ولازم كله يمضي
يلا بقي اقرأوا
المقامة الصيدلية

أولاً تعريف بسيط بفن
المقامات
: هوه فن نشأ في القرن الرابع الهجري علي يد بديع الزمان الهمذاني , والمقامات عبارة عن مجموعة من الكلام المحسن والبديع والمقفي ويعتبر فن قصصي علشان بيحكي قصة معينة أو فيه نصيحة.

لو تفتكروا أخدنا المقامة الحلوانيةلبديع الزمان الهمذاني في ثانوي.


ثانياً : ياريت نخلي بالنا من التشكيل الموجود علي الكلمات الأخيرة حين النطق وخاصة هل فيه تنوين أو لا علشان القافية تتظبط.


المقامة الصيدلية



فِيْ لَيْلَةٍ قَدْ كُنْتُ فِيْهَا نَائِمَا , أَفْتَرِشُ الأَرْضَ وأَلْتَحِفُ السَمَا , وَعَيْنِيَّ يَمْلَؤُهَا القَرِيْر , وَتُرَدِدُ الأَفَاقُ أَصْدَاءَ الشِّخِيْر , حَتَي سَمِعْتُ أَصْوَاتِ الهَرَج , وَتَعَالَتِ الحَرَكَاتِ وَاشْتَدَ المَرَج , فَصَحَوْتُ فَوْرَاً فِي فَزَع ,  وَجَرَيْتُ نَحْوَ أَهْلِي فِيْ جَزَع , مَاذَا دَهَاْكُمْ يَا تُرَي؟ , وَلِمَ الصَّرِيْخُ وَالْبُكَا ؟ , نَادَوا بِإِسْمِي فِيْ فَرَح ,تَعَالَي قَدْ زَالَ الطَّرَح , ظَهَرَتْ نَتِيْجَةُ ثَانَوِي , فَطَفِقْتُ رُعْبَاً أَهْوِي , حَتَي أَتَانِي صَوْتُ أُمِّي فِيْ سَعَادَة , حَصِلْتُ عَلَيْ مَجْمُوْعِ طِبٍ وَزِيَاْدَة , وأَخْذُتْ أُمِّيْ فِيْ عِنَاقي , وَقَدْ كُنْتُ فَرِحَاً لانْعِتَاقِي , مِنْ سِجْنِ الدِّرَاْسَةِ الثَاْنَوِيْة ,وَبِمَجْمُوْعِي ذِي الطَلَّةِ البَهِيَّة .

ولَمَّا ذَهَبْتُ لأَسْحَبَ الوَرَقَاتِ , مِنْ قِسْمِ تَنْسِيْقِ الرَّغَبَاتِ , وَضَعْتُ أَوَّلَهَا الصَّيْدَلَة , فَغَيْرَهَا كُلِّيَةً لَنْ أَدْخُلَ (تُنطَق أدخلا) .



ذَهَبْتُ أَوَّلَ يَوْمٍ مُوْقِناً , بَأَنَ حُلْمِي أَضْحَي وَاقِعَاً , وَأَنَنِي سَأُصْبِحُ صَيْدَلِيَا , مَهِيْبَ الخَطِوِ فِيْ الدُنْيِا ثَرِيَّا ,  فَلَمَّا دَخَلْتُ لِلْمُدَرَجِ بَابَا , عَانَيْتُ فِيْ التَّوِ إِكْتَئَابَا , فَمَا رَأَتْ عَيْنِي مُحَاْل , وَجَالَ فِيْ ذِهْنِيْ سُؤَاْل , أَتِلْكَ كُلِّيَةٌ عِلْمِيْة؟ , أَمْ أَنَّهَا فُصُوْلُ مَحْوٍ لِلأُمِّيَة , كُلُّ الوجُوْهِ تَنْظُرُ فِي اقْتِضَاْبِ , وَقَامَاتُهُمْ لِضِيْقِ الدُرْجِ فِيْ انْتِصَابِ , فَوَقَفْتُ بُرْهَةً مِنَ الزَمَن , أَخْطَأْتُ وَدَفَعْتُ الثَمَن ..!! , قَدْ قَاْلَ لِيْ الدُكْتُوْرُ بِاحْتِقَاْر , اطْلَعْ بَرَه يَاض يَا حُمَاْر , فَدُرْتُ عَلَي عَقِبَيَّ , وَأَطْلَقْتُ لِلْرِيْحِ قَدَمَيَّ , لأَنْفُدَ وَلَوْ بِبَعْضِ جِلْدِي , وَنَحَوَ الكَافِيْتِرْيَا كَانَ قَصْدِي ,
وَمَنْ يَوْمِهَا طَلَّقُتَ ذَا المُدَرَج , وَقَدْ قَارَبْتُ اليَوْمَ لِلْتَخَرُجِ , وَلَمْ أَحُضُرْ وَلا مُحَاضَرَة , وَقَدْ أَسْمَيْتُهَا مُهَاتَرَة .

وَمَرَ العَاْمُ الأَوَّلُ فِيْ عِنَاْدِ , وَكَمْ صَاْدَفْتُ فِيْهِ مِنْ مَوَاْدِ , نَجَحْتُ فِيْهَاْ بِالدُّعَاْءِ , وَذُقْتُ الوَيْلَ مِنْبُؤْسِ العَنَاْءِ , وَجَاْءَ العَاْمُ الثَاْنِي عَلَي عَجَل , وَمِنْهُ القَلْبُ يَخْفُقُ فِيْ وَجَل ,
وَأَرْسَلَ لِيْ عَقْلِي اسْتِغَاْثَة , أَرِحْنِي مِنْ هَمِّ الدِرَاسَة , وَأَضْحَتِ الحَيَاْةُ كَالِهَبابَا , وَطَارَتِ الأَمَانِي كَالذُبَابَا ,  وَجَائَتْ النَتِيْجَة كَالقَضَاْءِ , لِيُعْلَنَ ضَمِّيْ فِيْ كَشْفِ الغَبَاْءِ ,

أَبَعْد كَلِ هَذَا الهَمِّ ..!!

أُدَبْلِرُ ..!! فَيَا وَيْحَ أُمِّي؟


فَكَمْ مِنْ مَاْدَةٍ ذَاْكَرْتُهَا , وَطَوْلَ الليْلِ قَدْ رَاْجَعْتُهَا ,
وَلَمَّا أَشْرَقَ الفَجْرُ وَلاَح , ذَهَبْتُ لِلَجْنَتِي أَرْجُو  النَّجَاْح , وَفِيْهَا جَلَسْتُ طُوَالَ الوَقْتِ أَهْذِي ,
أَهَذَا إِنْجِلِيْزِي يِا وِاْدْ يِا مُرْسِي؟ .

وَمَرَّتِ السُنُوْنُ فِي رَتَاْبَة , أَقَاسِي كَأَنِي وَسْطَ غَاْبَة , فَكَمْ شَرَّحْنَا فَي الفَارَمَا ضَفَادِع , وَكَمْ  رَسَمْنَا مَاكِيْنَاتِ المَصَانِع , وَكَمْ حَرَقْنَا فِي المَعَاْمِلِ مِنْ ثِيَابِ , وَشَاْبَ الشَّعْرُ فِي سِنِّ الشَبَاْبِ , وَعَانَيْنَا المَرَارَةَ فِي المَسَاْئِل , وَكَشَفْنَا الجَوَامِدَ وَالسَّوَائِل ,
وَكَمْ شَرِبْنَا فِي البيبت كُلَّ حِمْضٍ , وَكَابْدَنَا مَعَ الفِئْرَانِ سُوْءَ عَضٍ , وَذُقْنَا فِي البَيْو ذَلَ المَهَانَة , وَتَعِبْنَا أَكْثَرَ مِنْ شيل الحِجَارَة , وَنَطْقْنَا فِي العَقَاقِيرِ اللاتِيْنِي , وَضِعْنَا فِيْ حِفْظِ المَارِيْنِ , وَفَارَقْنَا السِيُوْتِكَال بَعْدَ وَيْلٍ , لِتَلْقَانَا الكِوَالِيْتِي بِكِل غِلٍّ .


فَهَلْ لِيْ مِنَ الكُلِّيَة .. بِوَشْكِ البَيْن* ,

بِحُسْنِ السَيْرِ .. وَحِفْظَاَ لِمِاءِ العَيْن.

وَلَكِنْ
لِمَنْ أَشْكُو وَأَنْعِي سُوْءَ حَالِي
وَمَنْ يُصْغِي ؟
وَهَلْ يُجْدِي سُؤَالِي؟.


-------

(بقــلمي)

*وشك البين : سرعة الفراق

وزي ما قال عمرو بن كلثوم في معلقته

قِفِي نَسْأَلْكِ هَلْ أَحْدَثْتِ صَرْمَاً .. لِوَشْكِ البَيْنِ أَمْ خُنْتِ الأَمِينَا

اقعدوا بعافية

هناك 89 تعليقًا:

MǿиY El-Shreef يقول...

هههههههههههههه

بجد عجبتني اوي

ياعيني يادكتور

كل دي معاناه

الحمدلله مش بفكر اصلا ف صيدله

وانت كده شطحت كل تفكيري بعيد اصلا

بس بجد موهبة جامده

انت ايه الي حدفك ع البلا الازرق ده :D

بنجاواتى يقول...

روعة روعة روعة

ما شاء الله الاسلوب جميل جدا

وارجو ان تكون كلماتى ومن سبقنى ومن يخلفنى سببا فى التصبر على هذا العناء

لست وحدك على الدرب يا دكتور

فهناك اناس يعانون مما تعانى -وبقالهم ست سنين يا عينى-

لكن نرجو من الله العافية وانه يعدينا منها على خير

ومع هذا فإننا صامدوووووون

بس فى حاجة انا مستغربلها... من اول محاولة كده لقيت الترحيب والحفاوة(قَدْ قَاْلَ لِيْ الدُكْتُوْرُ بِاحْتِقَاْر , اطْلَعْ بَرَه يَاض يَا حُمَاْر )

وتقبل تحياتى

من أجل التمكين يقول...

ما شاء الله

احساس واحد في كلية عملية فعلا


أخوك طبعا في كلية علوم

ربنا يستر و نخلص منها

-

fnoonh يقول...

لا لا بجد انت الكاتب الكلام ده
لا حقيقي مش مصدقة
حقيقي انت الكاتبه
طيب ازاي
مشاء الله تبارك الله مشاء الله
بجد رااااااااااااااااااااااااااائع
حقيقي انا كنت حاسة اني بقرا لواحد كاتب كبير كبير قديم
بس بجد حقيقي كلام يجنن وتنسيق يجنن والبوست كله يجنن
اسلوب جميل
بس ايه العناء ده كله لا ربنا يعينك دا انا كنت ناوية ادخل صيدله يلا ربنا ييسر ونشوف النسبة هتجيب ايه
بس بجد بوست اقل ما يقال عليه رائع
تسلم ايدك
تقبل خالص تحياتييييييي

Soul.o0o.Whisper يقول...

السلام عليكم و رحمة الله و بركاته


ايوا يا دكتور أيوا

أبصم بالعشرة أيوا

كل دا كان بيحصل

بل كمان أكتر


ياااااااااااااااه

كانت أيام


فكرتنى بقصيدة كتبها زميل فى جامعة القاهرة


ثوانى هأجيبها و أجيلك

ياللا عشان نكمل القافية


مع ان ناس كتير نصحونى بعدم نشرها حفظا لماء الوجه

بس ياللا مقامة بقصيدة
و انشاله ماحد حوش



ثوانى

Soul.o0o.Whisper يقول...

صيدلى غلبان

الى كل الصيادلة الغلابة ...
ارى في حالكم عجبا عجابا

تمرمطنا وولى العز عنا ...
سذاجتنا السبب او قل خيابا

تدحدر حالنا يا ابني كثيرا ...
واصبح وضع مهنتنا هبابا

و يكفي لبهدلتنا ان لدينا ...
نقابة بفقرنا مغرم صبابة

فغض الطرف انك صيدلي ...
فلا طبّا بلغت و لا ادابا

ولا تتفشخرن ولو ليوم ...
فاني اراك اغلب م الغلابا

تظل لخمس اعوام حمارا ...
و تفني فيها مالك و الشبابا

عليك من المنهاج حجم فيل ...
وراسك ديه في حجم الذبابة

وياتيك امتحان لست تدري ...
اهل هذا سؤال ام اجابة

فتجذب شعر راسك يا صغيري ...
و تفقد وقتها يا ابني الصوابا

فلا تقلق اذا اتجننت يوما ...
فلا لوم عليك ولا عتابا

و تسحب للمعامل كل يوم ...
لحب , انت لا تخشى الغيابا

و كم من معمل احرقت فيه ...
يديك و شعر راسك و الثيابا

و تدفع دم قلبك في كتاب ...
حرام ان نسميه الكتابا

تودعك الدراسة في نفور ...
فتلقاك المصحة في رحابة

يا عيني كم رايتك مكفهرا ...
عبوس الوجه مليان اكتئابا

فلا علما في راسك تدخره ...
ولا مالا فمن حولك ديابة

ارى السباك افضل منك حالا ...
و ما يشتهي يصبح مجابا

ولا يحميك ان تحمل شهادة ...
فلن تفتح لك الشهادات بابا

فبياع ببالطو د انت طبعا ...
دا حتى البالطو قد فقد المهابة

يقف ف الاجزخانة كل شخص ...
يجيد بس القراءة و الكتابة

و دع شهرين بعدها هتلاقيه ...
طبيبا مالي مركزه مهابا

فذو الدبلوم يؤخذ اما انت ...
فتخرج م الملاعب للاصابة

ولو تحلم بان تاكل كبابا ...
فسوف تسف من جوعك ترابا

ولو تحلم بان تاخذ قروضا ...
هتتجرجر يا سيدي الى النيابة

فدنيانا اسنت لك سيوفا ...
و اعملت الاسنة و الحرابا

فبادر و اشتر "توك توك" بسرعة ...
تاهل و اغتني و افتح حسابا

او اذهب فاشتغل كوافير حريمي ...
او اعمل يابني رئيس عصابة

دا افضل م الجلوس جوار امك ....
بتعزف لحن خيبتك ع الربابة

فبعد تخرجك من اين تاتي ...
مصاريفك ؟ فلن يعطيك بابا

و اني ناصح فعساه قولي ...
يعيد لعقلك الفاضي الصوابا

فاخوف ما اخاف عليك صار ...
خرابا و اضطرابا و اغترابا





و دمت بود

ebn roshd 777 يقول...

معقوله
نفسي تشوف اولياء الامور وهمه مقطعين ولاده علشان يدخلوا كليات الكمه
اللي كانت اسمها قمه
بجد فيه تغيلاات جامده جدا بتحصل في البلد دي وللاسف انها تغيرات سلبيه
بص سيبك انتي بلا صيدله بلا قندله
ما شاء الله عليك بجد مقامه حلوه اوي بس استاذنك لازم ليها عنوان ويكون باسمك
ربنا يتمملك التخرج ان شاء الله ونباركلك قريب جدا

Nour يقول...

السلام عليكم..

فى البداية نظراً للتأخير ..مبارك الشكل الجديدوالتجديد..

ومعذرة لعدم شمولية التعليق فاحتاج الى وقت وعقل يقظ الى القراءة وطرح التعليق وان شاء الله سيكون فى القريب..
ربنا يوفقك يا دكتور ياسر ..

حسام غانم يقول...

يا جاااااااامد

ستيته حسب الله الحمش يقول...

تحفة اقسم بالله تحفة

ياعزيزي الدكتور ياسر انك لمتمكن

ضحكت ضوحك

بس ايه النظرة السوداوية دي .. أدي موني فلسعت من الصيدلة
اوعى تكون بتعمل كده على أساس عدوي ابن كاري
هههههههههههههههههههه


حقيقي يا ياسر تسلم ايدك
وبسأل زي بنجاواتي برضه
ليه الدكتور قال لك فلسع من أول نظرة عين بينك وبينه؟
اعترف عملت ااااااااااااااااايه؟

تحياتي ويارب تنجح يا تتح

موناليزا يقول...

خلاص يادكتور هانت:)
كلها شوية صغيرين وتتخرج

الفقيرة إلى الله أم البنات يقول...

والله يا ياسر انت بتكتب حلو وأول مرة قرأت عندك انبهرت وحتى قلت لك هما بتوع علمى ادباء كده

ربنا يخرجك من الصيدله بتفوق ونشوف صيدلى قد الدنيا
قادر ربك على ان يفرج كربك


بس بجد جامد قوى
والنيولوك رائع

تلميذة سلمان الفارسى يقول...

هههههههههه
ماتعملنا واحده لهندسه
هانت هانت ان شاء الله
جميل اوى اسلوبك
وشكل المدونه جميل

د/عرفه يقول...

بوست غاية فى الروعة عن جد
بجد مقامة رائعة
مش بيسموا الاسلوب ده مقامة برضه ولا انا نسيت

بجد مش لاقى كلام اعبر بيه عن اعجابى

تحياتى ليك دكتور

mohamed ghalia يقول...

ههههههههههههههههههههه
جامده أوى المقامة
شوفلنا واحدة للتجارة بقى ههههههههههههه

بـسـمـــة صـــــلاح يقول...

هههههههههههههههههههههههههههههههههههههههههههههههه
يخرب عدوينك يادكتور ياسر
فظييييييييييييييييييييعه بمعنى الكلمه
تجننننننن
بجد روعه قد ما اقول روعه مش هخلص
مش بعيد على حضرتك
ماحضرتك ماشاء الله مبدع جدا
فكر يادكتور تستغل الموهبه دي يعني متقتصرش عليها في المدونه بس

كان عندي فكرة كدا تعملها لشقلوبستان
عن موضوع انفلونزا الخنازير
لو تعمل بطريقه ساخرة موضوع وتسميه انفلونزا الصراصير
بجد لو عملتها حلو هتبقى تحفففه
انا قلت اقترح على حضرتك
مش عارفه بقى رايك هيكون ايه
تقبل مروري
دمت بكل ود
تحيــ بسومةــاتي(:

مذكرات مشاغب يقول...

هههههههههههههههههههههههههههههههههههه
جامده جداااااااااااااااااااااااااااااااا يا د.ياسر والله
وكل ده تشكيل
ده انجليزي ده يا مرسي؟؟؟؟
جااااااااااااامده يا د.ياسر والله
وبهيالي كمان صعبه في كتابتها

تحياتي

أحمد سعيد بسيوني يقول...

جااامدة موت يا دكترة

هانت
باقي على الغلب زلطة

يسر الله لكم

GiGi يقول...

هو حضرتك كاتب اننا نترك اثرا ااثر انى ضحكت ضحكا عميقا كادأن يصيبتى باختناقا فلم بالله عليك تفعل بى هذا
تحفه يادكتر والاهم انى بعشق اللغه العربيه وبحب قوي اللى بيكتب المقاان وشعر الفصحى وبجد حضرتك متمكن ماشاء الله لاقوه الا بالله يارب
يارب يوفق حضرتك فى الامتحانات يارب

ايوشة يقول...

هههههههههه ربنا يعينك يادكتور ماشاء الله تحفة بجد المقامة دى وكمان احلى من مقامة بديع الزمان الهمذانى نفسه
بس بجد الماساة دى حقيقة :))

ايومي يقول...

بجد تحفة جدااااااا,
ابداع ظاهر,
ربنا ييسرلك,
اظن استغلال موهبتك دي ممكن يكون اكسب من الصيدلة,
والشعر اللي في التعليقات ده تحفه هو كمان.

تأثير الفراشة يقول...

ما شاء الله، راااااااائعة يا دكتور، بجد مش عارفة أقول إيه،و يمكن أنا استمتعت بيها جدااا لأنى صيدلانية، فمتعاطفة مع كل كلمة قلتها،و حاساها قوى قوى،حضرتك موهوب جدا،ربنا يوفقك و يكرمك
تقبل مرورى
http://a-butterflyeffect.blogspot.com/

مسدس صغير يقول...

يا عينى يا عينى بديع الزمان مين؟؟
انت بديع الزمان يا دكتور
ههههههههه
جميله اوى اوى
احييك عليها
سلاماتى

اللؤلؤة يقول...

د/ ياسر عمر
السلام عليكم
على فكرة أنا أعشق فن المقامات وكنت أستمع إلى الشيخ الذى كان يحفظنى القرآن وهو يقص علينا بعضا من هذا الفن
وكنت أستمتع لسماعه وعندما كان يأتى هذا الشيخ رحمه الله إلى بيتنا كنت أطلب منه أن يقص لى بعضا من هذا الفن
رحم الله شيخى الكريم رحمة واسعة
دمت بكل الخير

د. ياسر عمر عبد الفتاح يقول...

MǿиY El-Shreef

دايماً حاجزة أول تعليق
ليه مبتفكريش في صيدلة
علي فكرة دي جمييييييييلة

اللي حدفني علي الصيدلة ..!!
بحبها بحبها بحبها
وده حقيقي
ومهما قلت عليها
هفضل أحبها

د. ياسر عمر عبد الفتاح يقول...

بنجاواتى

صابرين والله صابرين
هنعمل إيه بس
أنا برضه علي فكرة بقيلي 6 سنين
من 2003 وأنا في الكلية دي

علي فكرة دي مش قصة حقيقية أوي يعني
محدش قالي إطلع بره يا حمار
قاللي إطلع بره بس ..!! :)

د. ياسر عمر عبد الفتاح يقول...

من أجل التمكين

علوم ولا صيدلة
أهو كله بهدلة
إن شاء الله هتتخرج
ربنا يوفقك
منور والله

د. ياسر عمر عبد الفتاح يقول...

fnoonh

لا لا بجد انت الكاتب الكلام ده
--
أيوه أنا والله


لا حقيقي مش مصدقة
--
ليه بس .. !!


حقيقي انت الكاتبه
--
اللهم صبرك يا روح
أيوه أيوه أيوه



طيب ازاي
--
كده ..
زي ما بكتب دلوقت
:) :)



مشاء الله تبارك الله مشاء الله
بجد رااااااااااااااااااااااااااائع
--
ربنا يكرمك
علي فكرة إسمها
ما شاء الله


حقيقي انا كنت حاسة اني بقرا لواحد كاتب كبير كبير قديم
--
إحم إحم
أخجلتم تواضعنا والله
ربنا يبارك فيك
وعلي فكرة صيدلة جميلة بجد
كلية جميلة جداً .. ومستقبلها كويس

د. ياسر عمر عبد الفتاح يقول...

Soul.o0o.Whisper

قوليلهم
علشان بيقولوا صيدلة سهلة
علي فكرة القصيدة دي حافظها وعارفها
محمد عبد الجواد فضل سنة 2008

أنا كتبت حاجة برضه شبهها إسمها
دع الكتاب فلن تجدي المذاكرة
بس يعني علي قدي أوي
محمد عبد الجواد شاعر كبير

هتلاقيها علي الرابط ده
http://wamadat40.blogspot.com/2009/02/blog-post_19.html

واتعملت علي شكل اسكتش في حفلة التخرج بتاعتنا
وعجبت الناس جداً

د. ياسر عمر عبد الفتاح يقول...

ebn roshd 777

ليهم حق
لأن بجد الصيدلة مهنة محترمة إلي حد كبير

علي فكرة هيه ليها إسم
مش فاهم قصدك
إسمها المقامة الصيدلية
أما علي إسمي دي .. فصعب أوي يعني
هوه أنا فاروق جويدة

رأيك طبعاً بيعجبني جداً
يارب دايماً مشرفني

د. ياسر عمر عبد الفتاح يقول...

Nour

ربنا يشفيكِ من الإرهاق
ومستني رأيك أكيد إن شاء الله

د. ياسر عمر عبد الفتاح يقول...

حسام غانم

يارااااااااجل ..!!

د. ياسر عمر عبد الفتاح يقول...

الدكتورة ستيتة

تحفة اقسم بالله تحفة
ياعزيزي الدكتور ياسر انك لمتمكن
ضحكت ضوحك
--
ربنا يكرمك يا دكتورة
والله تشجيعك ده بيفرحني جداً



بس ايه النظرة السوداوية دي .. أدي موني فلسعت من الصيدلة
اوعى تكون بتعمل كده على أساس عدوي ابن كاري
هههههههههههههههههههه
--
أصل الصيادلة كثروا أوي
عاوزين نخف العدد شوية
هعهعهعهعه


حقيقي يا ياسر تسلم ايدك
وبسأل زي بنجاواتي برضه
ليه الدكتور قال لك فلسع من أول نظرة عين بينك وبينه؟
اعترف عملت ااااااااااااااااايه؟
----
لا والله مقليش كده
قاللي إطلع بره بس
ودي مش مرة ولا إتنين
يووووووووووووه
ده أنا إنطردت كثير أوي



تحياتي ويارب تنجح يا تتح
--
يارب يارب يارب
يارب توب علينا بقي

د. ياسر عمر عبد الفتاح يقول...

موناليزا

يا مسهل
دعواتكم معانا

د. ياسر عمر عبد الفتاح يقول...

الفقيرة إلى الله أم البنات

ربنا يكرمك
والله دعائك ده بيبقي ليه طعم خاص كده
مش عارف ليه .. بس هوه كده
جزاكِ الله خيراً

د. ياسر عمر عبد الفتاح يقول...

تلميذة سلمان الفارسى

ربنا يكرمك
بس هندسة مش محتاجاني أنا
ده إنتم عندكم عباقرة في الشعر
كفاية عليكم إبراهيم سلام
بس هوه يطلع من الجيش ويعملكم 1000 واحدة
ياما قريت حاجات تفطس من الضحك عند هندسة

د. ياسر عمر عبد الفتاح يقول...

د/عرفه

إحم إحم
إيه يا دكتورنا السؤال ده
ده أنا مسميها المقامة الصيدلية
وعامل تعريف بالفن فوق

هوه إنت متأكد إنك قريتها كلها؟
علي العموم إنت منور ومشرف من غير حاجة
كفاية بس إنك تزورنا

د. ياسر عمر عبد الفتاح يقول...

mohamed ghalia

ربنا يكرمك يا محمد
عامل إيه في المذاكرة

عاوز واحدة لتجارة
وكان فيه قبل كده طلب لواحدة لهندسة

لالا بقي أنا بعد كده هطلع مصلحة من الموضوع ده
ههههههههههههه
شد حيلك يا محمد

د. ياسر عمر عبد الفتاح يقول...

بـسـمـــة صـــــلاح

ربنا يكرمك ويبارك فيك
أنا مش قد الكلام الجميل ده كله
أخجلتم تواضعنا
أستغل الموهية؟
لو أقرينا غن فيه موهبة تستحق
هستغلها فين يعني؟
هنا وفي المجلة
لو تعرفي مكان تاني قوليلنا عليه


بالنسبة للفكرة بجد جميلة جداً
بجد هحاول أعملها إن شاء الله
بس بستغرب ليه إنتي متكتبيش عنها؟
حاولي تستثمري أفكارك
بس غير دي لأني خلاص أخدتها

د. ياسر عمر عبد الفتاح يقول...

مذكرات مشاغب

علشان تعرفوا تعبت فيها قد إيه
ده التشكيل ده أخد حوالي ساعة ونص

بس الحمد لله إنها عجبتك

د. ياسر عمر عبد الفتاح يقول...

أحمد سعيد بسيوني

علي قولك
هاااااانت
يارب هونها علينا ده إحنا غلابة
تسلم يا دكتورنا الكريم

د. ياسر عمر عبد الفتاح يقول...

أختنا الكريمة
GiGi

ربنا يكرمك
ده بس من ذوقك والله
ربنا يوفقنا جميعاً

د. ياسر عمر عبد الفتاح يقول...

ايوشة

ههههههههه
بديع الزمان مرة واحدة
ربنا يكرمك

د. ياسر عمر عبد الفتاح يقول...

ايومي

ربنا يكرمك
جزاكِ الله خيراً
أكسب من الصيدلة إزاي بس
ده خارب بيتي لحد دلوقت
مش عارف قدام بقي هيبقي فيه إيه
بس دلوقت الحاجات دي مبتكسبش يعني

د. ياسر عمر عبد الفتاح يقول...

تأثير الفراشة

أيوه أيوه
همه الصيادلة اللي بيحسوا ببعض
جزاكِ الله خيراً

د. ياسر عمر عبد الفتاح يقول...

مسدس صغير

يا عم الله يخليك
بديع الزمااااااااااان
ربنا يكرمك يا عمنا
منور ومشرف

د. ياسر عمر عبد الفتاح يقول...

اللؤلؤة

المقامات فن رفيع جداً
وأنا بحبه جداً جداً

جزاكِ الله خيراً علي المرور والتعليق

إيمان يقول...

هههههههههههه
ههههههههههههههه
يا عيني علينا مين لينا
راحت ايام الشباب فى المهاترات
بين بيو وفارما ولاتينى ولا تغديني
وفى الاخر بنبيع اسبرين
مين يشترى الاسبرين مني
علشان عليه اقساط
وضرايب ومرتبات
رووووووووووووووووووووووعه
بجد روووووووووعه
وش مزبهل من الابداع
تحياتى يا زميل العناء

Soul.o0o.Whisper يقول...

السلام عليكم و رحمة الله و بركاته

أيوا يا دكتور صح ..
صيدلة مش سهلة ابداااااااااااااا

بس لذيذة جداااااااااا
و أنا بردوا دخلتها لأنى باحبها
و هأفضل أحبها ..

بحبها بحبها بحبهاااااااااااا
ههههههههههه

و القصيدة الحلمنتيشية رائعة جدا بجد


دمت و دام قلمك

د. ياسر عمر عبد الفتاح يقول...

إيمان

حضرتك صيدلانية؟
طيب والله كويس
أصل الصيادلة أكثر ناس هيحسوا بالمقامة دي
بس بقي متقطعيش قلبنا
أخرتها أسبرين ...!!
الحمد لله



هوه الأسبرين بيجي علي خصم كام؟

د. ياسر عمر عبد الفتاح يقول...

Soul.o0o.Whisper

أنا داسماً أقول
صيدليٌ أنا ما حييت وإن أنا مت
فوصيتي للناس أن يتصيدلوا

لو لم أكن صيدلياً .. لوددت أن أكون صيدلياً

كويس إن الشعر الحلمنتيشي عجب حضرتك

تامر علي يقول...

مقامات عالية اللغة (زي مقام سيادتك العالي تمام) .... جمعت بين قوة اللغة وبساطة المعنى والروح اللطيفة جداً للموضوع

تحياتي وتقديري دائماً

القدر و انا يقول...

د. ياسر بجد مقام رائع
ايه يا عم التمكن ده
واد كده الطالب يدخل بكل امل وتفاؤل يحبط منذ اليوم الاول وحتى الاخير ...
تحياتى لفكرك وقلمك

مصطفى ريان يقول...

حلوةالمقامة يا دكتور
تحياتى لك

رئيس التحرير يقول...

أهكذا أنتمْ كُنْتًمْ في الصيدله ...
يا للمهزله والبهدله ..
ما هي سَبَهَْلَلَهْ.
روح يا وَلهْ...شوف لي عَراف
لا صراف ...ولا حاوي
علشان نداوي
القلوب المبهدله.
---- جميل جدا النقد الذاتي بدايه تصحيح المسار. وعموما سنظل طوال حياتنا نتعلم ...
لا نهايه للدراسه ستستمر الدراسه حتي ندرك اليقين.

fnoonh يقول...

ههههههههههههههههههههههههههههههههه
ههههههههههههههههههههههههههه
هههههههههههههههههههههه
ههههههههههههههه
هههههههههه
ههههههه
ههه
هه
ايه رايك في الضحكات دي
ايوة بئة عايزاك تاخد كل سطر من الضحكات وترد عليه كل واحد على حده
ههههههههههههههههههه
وده سيبك منه
لا بجد طريقة تعليقك جميلة
حلوة اللهم ماطولك ياروح دي
تحياتي يا دكتور وانا عارفة انها ما شاء الله بس انت عارف بئه مع سرعة الكتابة

فركشاوي ..ناوي يقول...

بديع الزمان الهمزاني ...
رجع تاني ...
آآآآه يا آآآآآآآني

د. ياسر عمر عبد الفتاح يقول...

أستاذنا الكبير أوي
تامر علي

ده بس والله من ذوقك
بعض ما عندكم مون بيه
ربنا يكرمك

د. ياسر عمر عبد الفتاح يقول...

القدر و انا

ربنا يكرم حضرتك
لا تمكن ولا حاجة
جزاكِ الله خيراً

د. ياسر عمر عبد الفتاح يقول...

مصطفى ريان

ربنا يكرمك يا درش
بعض ما عنكم
ربنا يكرمك وتحقق كل أحلامك

د. ياسر عمر عبد الفتاح يقول...

أستاذنا وعمنا
رئيس التحرير

ههههههههههههههههههه
ههههههههههههههههههه
طبعاً مفيش سقف للتعلم والعلم
ولكن بتختلف الطريقة والمضمون

جزاك الله خيراً علي المرور والتعليق
نورتنا

د. ياسر عمر عبد الفتاح يقول...

fnoonh

ههههههههههههههههههههههههههههههههه
ههههههههههههههههههههههههههه
هههههههههههههههههههههه
ههههههههههههههه
هههههههههه
ههههههه
ههه
هه
ايه رايك في الضحكات دي
--
يعني ..!!
كويسة





ايوة بئة عايزاك تاخد كل سطر من الضحكات وترد عليه كل واحد على حده
--
لا




ههههههههههههههههههه
وده سيبك منه
--
ليه
ده بقي اللي عاجبني أوي
وهرد عليه
:):):):):):):):):)





لا بجد طريقة تعليقك جميلة
حلوة اللهم ماطولك ياروح دي
--
ربنا يكرمك
بعض ما عندكم






تحياتي يا دكتور وانا عارفة انها ما شاء الله بس انت عارف بئه مع سرعة الكتاب
--
أنا طبعاً عارف إنك أكيد عارفة
لكن أصلها متصلة يإسم الجلالة
فلازم نخلي بالنا علشان المعني



جزاكِ الله خيراً
شكراً علي المتابعة

د. ياسر عمر عبد الفتاح يقول...

فركشاوي ..ناوي

ههههههههههههههههه
بديع الزمان مرة واحدة
ربنا يجبر بخاطرك
ههههههههههههههههههه
منور والله
تشرب شاي...!!؟؟

صفــــــاء يقول...

لا دة من هنا ورايح هتبقى انت بديع الزمان ياسر أبن عبد الفتاح
أيه بس المقامات الجميله دى
كمان مبروك على المقالات فى الجريدة وان شاء الله نروح نتابع

تحياتى لك

ghorBty يقول...

ما شاء الله ...

بجد حاجه تحفه جدا

مبدع بجد ما شاء الله

وحسيت بالمعاناه بتاعتكم لاننا كنا في نفس المعاناه معاناه كليه العلوم

يارب تنجح وبتفوق كمان وتخلص من المقامه الصيدليه ..

بارك الله فيك

فشكووول يقول...

ازيك يا دكتور ياسر
يا خويا عمال امقق عينى عشان اقرأ مقامة الصيادله ولا بديع الزمان الهمزانى وانا عينى بقت تعبانى ومخى مش عارف يقول اللى على لسانى وحين زاك ادرك شهرزاد الصباح وسكت عن الكلام المباح
تحياتى

واحد من العمال يقول...

السلام عليكم
فكره انك تحول معاناتك الى مقامات فكره رائعه
وخصوصاً لما تكون متمكن من الكتابه بأسلوب أدبى
أمتعتنا بحق
وننتظر تشريفك لنا ورأيك فيما يفعل البوليتاريا يادكتور

شمس النهار يقول...

الله يعافيك
ويبارك فيك
ويزيد من قوافيك :)
بجد جميله جدا جدا
انا كنت بحب مقامات الحريري كان دمه خفيف عامل كده زي جحا

mosooz يقول...

جميلة جدا يا دمتو ربجد كتاباتك رائعة تسلم الايادى
ومبروك عليك كتاباتك فى مجلة رؤية مصرية

د. ياسر عمر عبد الفتاح يقول...

صفــــــاء

تصدقوا بدات أقتنع بموضوع بديع الزمان ده
بديع الزمان الصيدلاني

هوه يقدر يغير إسمه منين؟؟

شكراً علي المرور والتعليق

د. ياسر عمر عبد الفتاح يقول...

ghorBty

والله كنت لسه قايل
صيدلة من علوم .. مفرقتش كثير
كلنا متبهدلين
الحمد لله .. هااااااااانت
الله المستعان

د. ياسر عمر عبد الفتاح يقول...

فشكووول

يعني عمنا .. ورئيس الجمهورية
ههههههههههههههههههههه
سلامة عينك

د. ياسر عمر عبد الفتاح يقول...

واحد من العمال

أهلاً بالبروليتاريا
ربنا يكرمك يا أخي
بس أنا والله بروح عندك ألاقي كله متقفل .. مفيش تعليقات
والوحيدة المفتوحة
بتقول إنها لعمال المصنع
طيب أنا أعمل إيه بقي؟؟؟

د. ياسر عمر عبد الفتاح يقول...

شمس النهار

هههههههههههه
ربنا يكرم حضرتك
جزاكِ الله خيراً

د. ياسر عمر عبد الفتاح يقول...

mosooz

الله يكرمك يا باشا
ده بعض ما عندكم
الله يبارك فيك
مستنينك علي المجلة بقي إن شاءالله..

المعتصم يقول...

بسم الله الرحمن الرحيم
السلام عليكم ورحمة الله وبركاته
د/ياسر
تحياتى
بجد بجد يادكترة جامده مووووووووووووت
واسلوبك فى الكتابه بالمقامات راااااااائع
فكرتنى بالمقامه الشعريه بتاعة الهمذانى
انا بحبها خالص
وربنا يقرب البعيد ويهون عليك الفترة الباقيه
وتخلص الكلية على خير
علشان انا ناوى افتح صيدليه وعاوز مدير
شد حيلك
ههههههههههههههههههههه
تحياتى يادكترة
ودمت بكل خير وود
والسلام عليكم ورحمة الله وبركاته

hamada يقول...

جروب جريدة الصباح العربي بيت المدّونين العربي
http://www.facebook.com/home.php#/group.php?gid=78080770039

على عبدالله يقول...

السلام عليكم

بارك الله فيك يا دكتور
جميلة والله
ربنا يزيدك كمان وكمان

لِمَنْ أَشْكُو وَأَنْعِي سُوْءَ حَالِي
وَمَنْ يُصْغِي ؟
وَهَلْ يُجْدِي سُؤَالِي؟


تحياتى دوما

Hossam يقول...

سلام عليكم حبيب قلبى
بجد كان نفسى اكلم معاك كتير جدا لانى حسيتك من التعليق بتاعى انك كرهتنى بس بجد احترمت جدا اسلوبك فى الكلام.البوست ده جميل اوى بس فى شملكة انه طويل اوى
اتمنى انك تقصر اكتر فى اى موضوع قادم باذن الله
تحياتى
سلام

د. ياسر عمر عبد الفتاح يقول...

المعتصم

هوه أنا مقلتلكش
جيت أشد حيلي اتقطع
مفيش فايدة

منور يا زعيم

د. ياسر عمر عبد الفتاح يقول...

hamada

مش هروح

د. ياسر عمر عبد الفتاح يقول...

على عبدالله

الله يكرمك
جزاك الله خيراً

د. ياسر عمر عبد الفتاح يقول...

Hossam

معلش يا اتش
أصل المأساة طويلة
فالبوست طلع كبير ..

أنا سيبتلك الميل
في أى وقت ضيفني وأنا معاك
ده أنا حتي أتشرف بيك

Nour يقول...

السلام عليكم
ولنا عودة.. ولكن هل تعتقد فى ظل الدوائر الالزامية وبعد انتهائها تصمت تلك الانات وتزهر ثمرة تلك العثرات فى حقل ذلك العلم؟
وعلى كلاً.. تظل المعاناة ..وما سطرته " المقامات " لا تقتصر على الصيدلة ربما أخف وطأ من غيرها .. والحمد لله على كل شىء ونسالة السداد والتوفيق لنا والجميع..
ومقامات معبرة قلبا وقالباً.. دمت بخير

حياة يقول...

بارك الله فيك يادكتور
اسلوبك رائع جدا جدا
يسر لك الله الخير والنجاح دوما

أطيب تحية

مجرد مدونة يقول...

ما شاء الله
ايه الحلاوة دى :)

د. ياسر عمر عبد الفتاح يقول...

Nour

إيه الكلام الكبير ده؟
لا طبعاً المعاناة مش بتقتصر علي صيدلة ومش كمان في الكلية بس
كل حاجة فيها تعب .. وهيه دي سنة الحياة

جزاكِ الله خيراً علي المرور

د. ياسر عمر عبد الفتاح يقول...

حياة

ربنا يكرمك
شكراً علي المرور والتعليق

د. ياسر عمر عبد الفتاح يقول...

مجرد مدونة

دي حلاوة الرشيدي الميزان
هههههههه
منور يا باشا
جزاك الله خيراً