08 مايو، 2009

الدرر المنتقاة

قال الشيخ عائض القرنى


امس مات ، واليوم في السياق ، وغدا لم يولد ، وانت ابن الساعه ،


فأجعلها طاعه ،
تعد لك بأربح بضاعه.


التعليـــــق

سبحان الله .... ناس كتير مشغوله باحساسين

الإحساسين دول همه سبب الهسهس عند كثير مننا


الأول الحزن
..

وده بيبقى في الغالب على شىء عدى وانتهى

لكن بتقعد تبكي أطلاله وتكئب نفسهاوتكئبنا معاك

مع انك المفروض تاخد منه العبره والعظه .. لأن الحياة مبتقفش تستني حد

ولسه ياما هتشوف .. إنت لسه شوفت حااجة

و احتسب كل مآسيك الإغريقية عند الله سبحانه وتعالي

لأن أمر المؤمن كله له خير لنص حديث الرسول
صلي الله عليه وسلم

صلوا عليه

ولن يفيدك البكاء على اللبن المدلوق



وبعدين يا سيدي
ليس من الخطأ ان تخطأ .. وليس من الصواب الا تخطأ

كما انه لولا الخطأ .. ما عرف الصواب


الاحساس التانى الخوف


وده بيبقى عادة من المستقبل ..

وناس كثير شايلة هم بكرة ومبتقدرش تنام ولا تعيش يومها

طيب المستقبل ده بإيد الله

فالذى اعانك ويعينك الان هيعينك فى المستقبل


وقد تكفل الله سبحانه وتعالى به ..

وما شاء الله كان

وبعدين كيف تسأل الله عن رزق يومٍ لم تعشه ...

فهو سبحانه وتعالي لم يسألك عن يومٍ لم تعشه

وعن عملٍ لم تعمله

واعلم ان من توفيق الله ان يشغلك بما يهمك

فاغتنم يومك ولا تشغل نفسك بما كان .. او لم يكن


اشغل نفسك بيومك

هوه ده اللي تقدر تغير فيه فعلاً

ويومك ده كان في يوم من الأيام مستقبل مجهول بتحلم بيه ..

وبكره ...
لو مستغلتش يومك كويس يبقي ماضي أليم تندم عليه

وتفضل في نفس الدائرة المفرغة بلا نهاية


أسأل الله سبحانه
وتعالي أن ينفعني وإياكم بتلك الكلمات

إنه ولي ذلك والقادر عليه



حلقة سريعة لظروف إمتحانية صعبة ..

ومرضتش أغيب عنكم ..

لأني عارف طبعاً متقدروش تستغنوا عني ... أبداًاًاًاًاًاً

هع هع هع هع هع هع هع

هناك 76 تعليقًا:

اللؤلؤة يقول...

د/ياسر
السلام عليكم
ما شاء الله كلمات رائعة وياليتا نتذكره ونعمل به
ونعرف أن الأجل مكتوب والرزق معروف ولكننا حب الدنيا تملك من قلوبنا ولا نفكر فى الموت أبدا فكان جزائنا الذل والضعف
جزاك الله خيرا على التذكرة ووفقك الله فى دراستك
دمت بكل الخير

واحد من العمال يقول...

السلام عليكم ورحمته وبركاته

الله ينور عليك يادكتور
فعلاً لازم نتعلم من أخطائنا
ولا نظل نبكى على اللبن المسكوب
وأننا لازم نستغل النهارده
أحسن أستغلال قبل مايعدى
وربنا يقويك
وفعلاً منقدرش نستغنى عنك .. وبتضحك ليه.. صحيح أنك من ذوى الياقات البيضاء !!

ودمت فى أمان الله وحفظه

ستيته حسب الله الحمش يقول...

مالها حلقة الإمتحانات السريعة زي الفل والله
جزاكم الله خيرا على قيمة الطرح وسهولته على عم يائس وطنط يائسة
بلاش كلمة لو
بلاش كلمة مفيش فايدة
قولوا يارب
تتفتح لكم ابواب فضل ما خطرتش ع البال
واعمل فالكريم لا تأخذه سنة ولا نوم

تسلم ايدك
تحياتي

تامر علي يقول...

طبعاً منقدرش نستغنى عند يا دكتور :)

نفعنا الله واياك بتلك العظة .. فرب مبلغ أوعى من سامع ..وجعلها في ميزان حسناتك .

"لكي لا تأسوا على ما فاتكم ولا تفرحوا بما أتاكم"

هي دي الخلاصة ... كل الدنيا اختبار .... أعاننا الله واياكم عليها :) ربنا توفقك وتبقى دكتور أكتر من كل الدكاتير التانيين :)

تحياتي وتقديري :)

رئيس التحرير يقول...

بسم الله الرحمن الرحيم
السلام عليكم ورحمه الله وبركاته ...
هاهاهاهااااااي
طبعا لا يمكن نقدر نستغني عنك زي ما بيقول صاحب KZ . هو انت شويه .
حبيبي الغالي ...
إقرأ ...( لِإِيلافِ قُرَيشٍ ) ...
أطعمهم من جوع ... و آمنهم من خوف .
نعم عزيزي ... نحن في رعايه راعي عينه لا تغفل ولا تنام ولكننا( موسوسين ) بنجيب التعب لنفسنا.
و ربنا ... نحن مازلنا لا نعرف قدر الله .
دمت عزيزي بومضاتك ... ودامت لنا الومضات .
ربنا يوفقك في الأمتحانات...

ebn roshd 777 يقول...

وبكره ...
لو مستغلتش يومك كويس يبقي ماضي أليم تندم عليه

وتفضل في نفس الدائرة المفرغة بلا نهاي

الله ينور عليك يا عم ياسر
حلو اوي اننا نقف مع نفسنا شويه ونحاول نفهم
ماهيه الحياه وازاي نقدر نعيشها بشكل يرضي خالقنا اولا وبعدين نرضي انفسنا ثانيا
ان شاء الله ربنا يوفقك ونباركلك قريب

موناليزا يقول...

ربنا يكرمك وينفعنا جميعا بهذه الكلمات
حقا بوست مشجع

رئيس التحرير يقول...

( لكن إذا نطقت (الأنا) نُسيَّ كلام رب الأنا والأنام )
عزيزي ....
لم أفهم المصود بعبارتك السابقه .

fnoonh يقول...

هههههههههه
طبعا مش عايزة كلام اكيد مانقدرش نستغنى
وبعدين لو غبت مين يكتبلنا الكلمات الرائعة جدا جدا جدا دي
تسلم ايدك وربنا يجعلها في موازين حسناتك يوم القيامة بجد مفيدة وجميلة
ربنا يعينك ويوفقك في امتحاناتك
تقبل خالص تحياتي وتقديري

MǿиY El-Shreef يقول...

تصدق يادكتور انا ماكنتش اتخيل انك لسه طالب

بجد انت دماااااغ يعني

وماشاء الله عليك بتجيب جمل ف الجون وبتوجزها بطريقه عرض جميله اوي

ربنا يحميك يارب

البوست مايتقالش بعده كلام

سلام :)

أم مالك يقول...

فتح الله عليك وعلى امثالك بكل الخير
درر قوية وجميلة لافاقة من الغفلة وجعله الله فى ميزان حسناتك ولى ملاحظة
ذكرت الامتحانات فلا اعلم هل انت طالب ام تشرف على امتحانات فان كنت الاول فباسم الله ماشاء الله عليك
ونفع الله بك واسمح لى ان اعتبرك ابن لى وارى ابنى مثلك
تقبلى مرورى الاول ودمت بالف خير

المعتصم يقول...

بسم الله الرحمن الرحيم
السلام عليكم ورحمة الله وبركاته
د/ياسر
تحياتى
بارك الله فيك على هذا الموضوع الجميل
ويايرت فعلا كلنا ناخد بالنا من الحكاية دى
ونبطل نشيل هم بكرة
ونعمل النهارده اللى ينفعنا بكرة
وبما ان سيادتك ومعاليك وزير الصحه بتاعنا
فسيادتك مكلف تشوف لنا علاج ناجع وسريع المفعول
لمرض الهسهس اللى عند المخاليق
وربنا يكرمك وتقدر تقضى عليه
وعلى فكرة
مش عاوز اى تهاون او تقصير
ده قرار جمهورى
ههههههههههههههههه
تحياتى ودمت بكل خير وود
والسلام عليكم ورحمة الله وبركاته

د/عرفه يقول...

ربنا يعينا يا دكترة على الامتحانات
ان شاء الله
ونختم على خير ان شاء الله

بالنسبة للموضوع
انا عارف ان التفكير فى المستقبل متعب جدا
علشان كده
لازم نخطط للمستقبل ونجتهد فى يومنا
ولا ياخد المستقبل جزء من تفكيرنا

تجياتى ليك
حبيبى

ايوشة يقول...

جزاك الله خيرا يادكتور على فكرة انا واحدة من الناس دى بس بحاول اتغير والله وربنا يسهل بقى

لقد خلقنا الله احرارا يقول...

ربنا يوفقك فى امتحاناتك
بجد كلام جميل جدا
ربنا يجعله فى ميزان حسناتك
ياريت نذكر بعض بيه دايما

ملحوظة رخمة
ياريت تخليها اللبن المسكوب مش المدلوق

mohamed ghalia يقول...

هايل بجد
ربنا يكرمك وبالتوفيق دايما فى إمتحناتك

حياة يقول...

واعلم ان من توفيق الله ان يشغلك بما يهمك

فاغتنم يومك ولا تشغل نفسك بما كان .. او لم يكن


ماشاء الله يادكتور كلمات اكثر من رائعة

وذكرتني بأيام كنت دايما فيها خائفة من المستقبل
والأحداث المجهولة الي ممكن امر بيها وتذكرت إن أمري كله بيد الله سبحانه وتعالى وتوكلت علية وكانت حياتي كلها خير ..



بارك الله فيك وأثابك خير الجزاء
الله يوفقك في إمتحاناتك



أطيب تحية

هذه حياتي يقول...

السلام عليكم ورحمة الله وبركاته

بوركت يا أخي

ويحضرني القول القائل " لم تحاول أن تنشر نشارة الخشب"

وأيضا قول أحد الغربيين توماس كارليل " لا ينبغي أن نتطلع إلي هدف يلوح لنا باهتا علي البعد ولكن علينا أن ننجز ما بين أيدينا من عمل واضح لا لبس فيه"

دمت أخي في رعاية الله وأمنه

خالص مودتي وصادق دعائي

من غير عنـــوان يقول...

طبعا كلام الشيخ عائض... جميل

وتعليقك جميل

ما شاء الله عليك

خديجة عبدالله يقول...

صدقت ولعلنا نفقه
الحياة من البساطة حيث لا تحتاج مزيدا من التعقيد !
طبعا لو طبقنا حديث المصطفى عليه الصلاة والسلام ومررنا وكأننا "عابر سبيل" لما كان ما كان لكن ربنا يرزقنا جميعا البصيرة والرشاد

بالنسبة لتدوينتى أنا نزلتها تانى أصل فى ناس قالتلى أن أسلوب العرض غير صائب وستأخذ على محمل شخصى لكنى فكرت واستخرت :) ووجدت أن من حقى النقاش وحتى لو كان أسلوب العرض مختلفا نوعا ما عما سبق وبانتظار تعليقاتكم ونقاشاتكم الهادفة وجزاكم الله خيرا

ست البنات يقول...

شكرا لك د.ياسر
كلامك معقول
الحزن على الدنيا غير مفيد إلا في استهلاك العقل والقلب
تحياتي

ghorBty يقول...

السلام عليكم والرحمه

اولا : اسال الله العظيم ان يوفقك في الامتحانات وكل الطلبه ان شاء الله ....

ثانيا : لقد اصبت بختيارك لتلك الجمله وبتعليقك عليها فجزاك الله خير الجزاء ....

ولي قول : الحزن ليس دائما حزن علي شئ فات او شئ قمت به وندمت ومن بعده حزنت علي فعلتك هذه.. للحزن اسباب عده منها المعروف والواضح ومنها غير معروف الاسباب .. اما معرف الاسباب فسهل معالجته اما بمحاوله تناسي الشئ المسبب للحزن او ان تشغل نفسك بشئ يلهيك .. اما غير معروف الاسباب فتجده يسيطر عليك لفتره ولا تستطيع التخلص منه ومع عليك اٍلا الصبر والدعاء بان يبعده الله عنا ولهذا كان دعاء الكرب ..
ولهذا كان الاجر ( ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه) يعني طبيعي الحزن في هذه الدنيا بس اللي شئ اللي مش طبيعي هو الاستسلام للحاله ...

وكثيرا ما افكر في حال الناس جميعا من حولي علي اختلاف ظروفهم اٍلا تجد الحزن علي الوجوه ومن بين يوم فرح تجد يوم حزن وضيق .. لذا لا اجد اٍلا قول الله تعالي في ذهني يلاحقني لاجد فيه الاجابه .. يقول عز وجل ( ‏الحمد لله الذي أذهب عنا الحزن إن ربنا لغفور شكور، الذي أحلنا دار المقامة من فضله لا يمسنا فيها نصب ولا يمسنا فيها لغوب‏) فالراحه والفرح الدائم سنجده هناك في الجنه لكن الدنيا خلقت علي كدر ونحن فيها في كبد فلا تستعجب لو جدت حالنا يتقلب بين الحزن يوم بعد يوم فهكذا الايام يوم لك فالحمد لله .. ويوم عليك فمالنا فيه غير الصبر علي انواع الابتدلاءات المختلفه ...

والجزء الثاني وهو الخوف من المستقبل كثيرا ما يذهب عقلنا لهناك حيث الغيب والمستطور ولكن اقول (اٍن ربا كفاك ما كان بالامس سيكفيك غدا ما يكون ) وهذا هو رجاءنا دائما ان كنا من الاحياء في الغد فالرزق بيد من بيده ملكوت السماوات والارض .....

جزاك الله خيرا .. ... ..

حسام غانم يقول...

حلقة جميلة ومفيدة يا ياسر

تسلم ايدك

من أجل التمكين يقول...

جزاكم الله خيرا
كلام جميل

و فيه كلام تاني موجه ليك و لية

قوم ذاكر خليك تنجح

موجه لية انا كمان لو واخد بالك

-

الازهرى يقول...

تدوينة جميلة ربنا يجزيك عليها خير

وربنا يعينا كلنا فى الامتحانات

واحد من العمال يقول...

السلام عليكم
معلش يادكتور لم أستطع نشر تعليقك الأخير لوجود خطأ فى الطباعه ولم أستطع تصحيحه
ودمت بخير

صفــــــاء يقول...

الأنسان بطبعه قلوق
محتاج يعرف بكرة فهي ايه
أيه رزق بكرة
يا ترى بكرة فيه رزق ؟
دة طبع البشر
خلق فيهم
الثقه فى الله وسعه رزقه
لكن هو النبى أدم كدة

سارة احمد يقول...

تسلم ايدك دكتور ياسر البوست اكتر من رائع ربنا يجزيك خيرا...بس ايه وصف الاحسايس ده دكتور نفساني حضرتك؟:))))تحياتي...ربنا يوفقك في الامتحانات وتنجح بااعلي تقدير

د. ياسر عمر عبد الفتاح يقول...

اللؤلؤة

ربنا يكرمك ويبارك فيك
جزاكم الله خيراً
وياريت فعلاً كلنا نستفيد بالكلام ده

د. ياسر عمر عبد الفتاح يقول...

واحد من العمال

أهلاً بزعيم البروليتاريا
الله ينور عليك يا فندم
جزاك الله خيراً

********
وفعلاً منقدرش نستغنى عنك .. وبتضحك ليه.. صحيح أنك من ذوى الياقات البيضاء !!
********
هههههههههههههه
وحضرتك من أصحاب الياقات الزرقاء
منور يا زعيم البروليتاريا

د. ياسر عمر عبد الفتاح يقول...

ستيته حسب الله الحمش

اسمعوا يا ولاد كلام خالتكم ستيتة
دي بتقول حكم
كلامها
قد ضمن الدر إلا أنه كلم

د. ياسر عمر عبد الفتاح يقول...

تامر علي

والله إنت جبت المفيد
مش عارف الأية دي كانت غايبة عني إزاي
بس الواحد إطمن إن ليه ظهر .. وظهر جامد كمان
هيجيبله التايه
منور يا أستاذنا الكبير

د. ياسر عمر عبد الفتاح يقول...

رئيس التحرير

عمنا وأستاذنا
ده أنا اللي مقدرش أستغني عن حضرتك أبداً
حضرتك أجزت وأفدت
فعلاً ربنا تكفل بالكافرين
يبقي مش هيتكفل بينا إحنا

الهسس أو الوسوسة
كلها مسميات لأمراض العصر

د. ياسر عمر عبد الفتاح يقول...

ebn roshd 777

إحنا بنحاول نعمل تأملات زي بتاعة حضرتك
ويارب نكون نجحنا
جزاك الله خيراً علي المتابعة المستمرة
وعاوزين نقرأ حاجة لحضرتك قريب

د. ياسر عمر عبد الفتاح يقول...

موناليزا

ربنا يكرمك
وربنا يجعلك نصيب من دعائك

د. ياسر عمر عبد الفتاح يقول...

fnoonh

ربنا يكرمك ويبارك فيكِ
جزاكِ الله خيراً

د. ياسر عمر عبد الفتاح يقول...

MǿиY El-Shreef

ربنا يكرمك
شكراً يا موني
ده بس من ذوقك
أنا لسه طالب
بس طالب قديم شوية

د. ياسر عمر عبد الفتاح يقول...

أم مالك

ده شرف كبير ليا إن حضرتك تعتبريني زي إبنك
وفي الحقيقة أنا طالب لسه
جزاكِ الله خيراً يا أمنا

د. ياسر عمر عبد الفتاح يقول...

الزعيم الرفيق المناضل
المعتصم

علم وينفذ يا فندم
بس عاوزين دعم
دعم معنوي يعني متتخضش
أنا عارف إن خزينة الحلف فاضية
والفلوس كلها رايحة لشراء مستحضرات العناية بالشنبات الصعيدي

كل التدوينات دي لعلاج الهسهس يا ريس والله
إحنا شغالين بإيدينا واسنانا أهو
وكل ده من أجل صعيد افضل

د. ياسر عمر عبد الفتاح يقول...

د/عرفه

التفكير والتخطيط هوه الصورة الإيجابية للإنشغال بالمستقبل .. وده حاجة مطلوبة
لكم أنا بتكلم عن التفكير الهسهسي
اللي بيجبب إكتئاب وحزن وخنقة وتكدير وتعسيف
فهمتني..؟؟

د. ياسر عمر عبد الفتاح يقول...

ايوشة

ربنا يقدرك علي نفسك
وعلي الشيطان
وتقدري تتغيري فعلاً للأحسن

د. ياسر عمر عبد الفتاح يقول...

لقد خلقنا الله احرارا

جزاكِ الله خيراً
ويارب كلنا نستفيد بالكلام ده
لأني كاتبه لنفسي كمان


جواب أرخم
لا

د. ياسر عمر عبد الفتاح يقول...

mohamed ghalia

يسلم مرورك يا خوي
مش ناوي تعمل بوست قريب بقي
وحشتنا .. :)

د. ياسر عمر عبد الفتاح يقول...

حياة

ربنا يكرمك
والحمد لله إن فيه أمثلة حقيقية لناس فكرت صح
واستريحت واطمئنت

جزاكِ الله خيراً علي المرور والتعليق

د. ياسر عمر عبد الفتاح يقول...

هذه حياتي

إنت قريت دع القلق من قريب ولا إيه؟
منور يا عمنا
وألف مبروك علي الوظيفة
والفلوووووووووس
بس يارب تفتكرنا بعد كده

د. ياسر عمر عبد الفتاح يقول...

من غير عنـــوان

ربنا يكرمك
مرورك أسعدنا كثير

د. ياسر عمر عبد الفتاح يقول...

ست البنات

ده كلام حضرتك اللي مظبوط
ربنا يكرمك

د. ياسر عمر عبد الفتاح يقول...

خديجة عبدالله

إضافة مفيدة وجميلة
صلي الله وسلم علي سيدنا محمد

أنا روحت وعلقت هناك

د. ياسر عمر عبد الفتاح يقول...

ghorBty

أولاً : اللهم ءامين
ثانياً : جزاكِ الله خيراً

بالنسبة لقولك
حضرتك الحزن مش دائماً شىء وحش
ولا التفكير في المستقبل برضه وحش
أنا بتكلم عنها لما تخرج خارج إطارها الإيجابي
وتتحول لسلاح لذبح الأمل والسعادة والإيمان
وبتحول الإنسان لبقايا شاردة .. بلا توجه أو هدف

هوه ده مرض الهسهس
ربنا يفرج همنا وكربنا جميعاً

د. ياسر عمر عبد الفتاح يقول...

حسام غانم

ربنا يكرمك يا حسام
يسلم مرورك

د. ياسر عمر عبد الفتاح يقول...

من أجل التمكين

حااااااااااضر
هنذاكر إن شاء الله

جزاك الله خيراً

د. ياسر عمر عبد الفتاح يقول...

الازهرى

اللهم ءامين
منور يا باشا

د. ياسر عمر عبد الفتاح يقول...

احد من العمال

مفهمتش قصدك
علي العموم الصالح لمدونتك إعمله
ومفيش مشكلة
منور

د. ياسر عمر عبد الفتاح يقول...

صفــــــاء

طيب الله يكرمك بقي
ارجعي اقرأي ردي علي غربتي ود/عرفة
كلامك طبعاً صح
بس أنا بتكلم عن حاجة تاني خالص
جزاكِ الله خيراً علي المرور والتعليق
ويارب دايماً

د. ياسر عمر عبد الفتاح يقول...

سارة احمد

ربنا يكرمك ويبارك فيكِ
لا أنا دكتور صيدلاني حضرتي

شكراً علي المرور والتعليق

عاشقة الأحزان يقول...

السلام عليكم
جميل قووى يادكتور
ربنا يوفقك يارب
ويسلم قلمك
وربنا معاك فى الامتحانات يارب
تقبل تحياتى
إيناس

ايومي يقول...

كلام جميل وهادف,
ربنا ينفعنا بيه,وبصراحة كنت هعلق بكلام لقيت عزيزتي غربتي علقت بيه وانت رديت عليها,
لكن عموما هي تدوينة كلماتها مشجعة ومحفزه,
فجزاك الله خيرا.

Soul.o0o.Whisper يقول...

السلام عليكم و رحمة الله و بركاته

د. ياسر..
احم احم ، طبعا طبعا مانقدرش نستغنى عنك :)

البوست رائع جدا وبأوافقك على كل اللى فيه
و كنت كتبت خاطرة حول هذا المضمون منذ ما يقارب العامين

و إليك اللينك
http://voice00of00mine.blogspot.com/2007/07/blog-post_30.html


و ربنا يوفقك يارب
شد حيلك




دمت بود

Ahmed Talk يقول...

عندك والله اخ ياسر بس الإنسان كدة مس بيقدر ينسي انه لا زم يحسبها ويعتقد ان الحساب هو الي هيوصلوا اللي هو عايزه لكن صح ان يسبها علي الله

ضحكات الحياة يقول...

السلام عليكم

أكرمك الله على هذه الكلمات و جعلها فى ميزان حسناتك

و تقبل تحياتى

د. ياسر عمر عبد الفتاح يقول...

عاشقة الأحزان

ربنا يكرمك
جزاكِ الله خيراً
وربنا يوفقنا جميعاً

د. ياسر عمر عبد الفتاح يقول...

ايومي

يارب تكوني إقتنعتي بوجهة نظري
جزاكِ الله خيراً
وربنا يرزقنا جميعاً العمل بما نقول

د. ياسر عمر عبد الفتاح يقول...

Soul.o0o.Whisper

ربنا يكرمك يا دكتورة
أنا روحت هناك وعلقت علي الخاطرة كمان
شكراً علي المرور والتعليق
وربنا يجازيكي خير

د. ياسر عمر عبد الفتاح يقول...

Ahmed Talk

كلامك مظبوط يا أبو حميد
منور ومشرف

د. ياسر عمر عبد الفتاح يقول...

ضحكات الحياة

اللهم ءامين
وربنا يرزقنا العمل بما نقول
جزاكِ الله خيراً

تأثير الفراشة يقول...

غعلا كلامك فى محله جدا ، ربنا يكرمك، و يجزيك كل خير

hager za3bal يقول...

ياااااااااااه
" هي دي الكلمه اللي لقيت نفسي بقولها وانا بقرا البوست"
فعلا صدقت

دي اول مره ادخل هنا بس مش هتكون الاخيره

تسلم ايديك بجد

dr aly khamis يقول...

السلام عليكم و رحمة الله و بركاته
جزاك الله خيرا يا دكتور ياسر
موضوع جميل و ربنا ما يحرمنا من طلتك أبدا..
الماضى و المستقبل ..
علشان كده ربنا قال :(لا خوف عليهم و لا هم يحزنون(
عما أنعم به على أهل الجنة الخوف من المستقبل و الحزن على الماضى..
فلا يعرف أهل الجنة سوى المتعة ..سوى لحظتهم لا قلق و لا نصب و لا حزن و لا هم و لا غم..
أسأل الله لى و لك و لسائر المسلمين الجنة

مصطفى ريان يقول...

اخى د. ياسر
قلت فوفيت
تحياتى لكلامك ودررك المنتقاه

د. ياسر عمر عبد الفتاح يقول...

تأثير الفراشة

ربنا يكرمك
جزاكِ الله خيراً

د. ياسر عمر عبد الفتاح يقول...

hager za3bal

تشرفي في أي وقت
جزاكِ الله خيراً
وربنا يرزقنا العمل بما نقول

د. ياسر عمر عبد الفتاح يقول...

dr aly khamis

كلامك جميل ومفيد يا أبو الزمل
أنا دايماً أقول إن الصيادلة دول ملهومش حل
تسلم يا أخي
بس عاوزين نشوف مواضيع ليك قريب

د. ياسر عمر عبد الفتاح يقول...

مصطفى ريان

ربنا يكرمك يا درش
منور طبعاً

dreem يقول...

سلامو عليكو
ما شاء الله
كلامك او اقتباساتك منتقاة بعناية احييك عليها
جزاك الله خيرا
تقبل تحياتى

Islam El-Deeb يقول...
أزال المؤلف هذا التعليق.
Islam El-Deeb يقول...

الله علي الموضوع، بجد حلو اوي
فعلاً معظم همومنا وقلقنا بيبقي محصور بين الخوف والحزن، وبعدين الشعب المصري كمان فيه شريحة كبيرة منه لسه لحد دلوقتي بتفكر كده
معذورين، ماهي البلد أصلا تخلي اللي مبيزهقش يزهق
وأدينا بنحاول نغير النهارده علشان نحسن بكرة، وبجد شكراً علي الموضوع