امس مات ، واليوم في السياق ، وغدا لم يولد ، وانت ابن الساعه ،
فأجعلها طاعه ، تعد لك بأربح بضاعه.
التعليـــــق
سبحان الله .... ناس كتير مشغوله باحساسين
الإحساسين دول همه سبب الهسهس عند كثير مننا
الأول الحزن ..
وده بيبقى في الغالب على شىء عدى وانتهى
لكن بتقعد تبكي أطلاله وتكئب نفسهاوتكئبنا معاك
مع انك المفروض تاخد منه العبره والعظه .. لأن الحياة مبتقفش تستني حد
ولسه ياما هتشوف .. إنت لسه شوفت حااجة
و احتسب كل مآسيك الإغريقية عند الله سبحانه وتعالي
لأن أمر المؤمن كله له خير لنص حديث الرسول صلي الله عليه وسلم
صلوا عليه
ولن يفيدك البكاء على اللبن المدلوق
وبعدين يا سيدي
ليس من الخطأ ان تخطأ .. وليس من الصواب الا تخطأ
كما انه لولا الخطأ .. ما عرف الصواب
الاحساس التانى الخوف
وده بيبقى عادة من المستقبل ..
وناس كثير شايلة هم بكرة ومبتقدرش تنام ولا تعيش يومها
طيب المستقبل ده بإيد الله
فالذى اعانك ويعينك الان هيعينك فى المستقبل
وقد تكفل الله سبحانه وتعالى به ..
وما شاء الله كان
وبعدين كيف تسأل الله عن رزق يومٍ لم تعشه ...
فهو سبحانه وتعالي لم يسألك عن يومٍ لم تعشه
واعلم ان من توفيق الله ان يشغلك بما يهمك
فاغتنم يومك ولا تشغل نفسك بما كان .. او لم يكن
اشغل نفسك بيومك
هوه ده اللي تقدر تغير فيه فعلاً
ويومك ده كان في يوم من الأيام مستقبل مجهول بتحلم بيه ..
لو مستغلتش يومك كويس يبقي ماضي أليم تندم عليه
وتفضل في نفس الدائرة المفرغة بلا نهاية
أسأل الله سبحانه
وتعالي أن ينفعني وإياكم بتلك الكلمات
إنه ولي ذلك والقادر عليه
حلقة سريعة لظروف إمتحانية صعبة ..
ومرضتش أغيب عنكم ..
لأني عارف طبعاً متقدروش تستغنوا عني ... أبداًاًاًاًاًاً
هع هع هع هع هع هع هع
هناك 76 تعليقًا:
د/ياسر
السلام عليكم
ما شاء الله كلمات رائعة وياليتا نتذكره ونعمل به
ونعرف أن الأجل مكتوب والرزق معروف ولكننا حب الدنيا تملك من قلوبنا ولا نفكر فى الموت أبدا فكان جزائنا الذل والضعف
جزاك الله خيرا على التذكرة ووفقك الله فى دراستك
دمت بكل الخير
السلام عليكم ورحمته وبركاته
الله ينور عليك يادكتور
فعلاً لازم نتعلم من أخطائنا
ولا نظل نبكى على اللبن المسكوب
وأننا لازم نستغل النهارده
أحسن أستغلال قبل مايعدى
وربنا يقويك
وفعلاً منقدرش نستغنى عنك .. وبتضحك ليه.. صحيح أنك من ذوى الياقات البيضاء !!
ودمت فى أمان الله وحفظه
مالها حلقة الإمتحانات السريعة زي الفل والله
جزاكم الله خيرا على قيمة الطرح وسهولته على عم يائس وطنط يائسة
بلاش كلمة لو
بلاش كلمة مفيش فايدة
قولوا يارب
تتفتح لكم ابواب فضل ما خطرتش ع البال
واعمل فالكريم لا تأخذه سنة ولا نوم
تسلم ايدك
تحياتي
طبعاً منقدرش نستغنى عند يا دكتور :)
نفعنا الله واياك بتلك العظة .. فرب مبلغ أوعى من سامع ..وجعلها في ميزان حسناتك .
"لكي لا تأسوا على ما فاتكم ولا تفرحوا بما أتاكم"
هي دي الخلاصة ... كل الدنيا اختبار .... أعاننا الله واياكم عليها :) ربنا توفقك وتبقى دكتور أكتر من كل الدكاتير التانيين :)
تحياتي وتقديري :)
بسم الله الرحمن الرحيم
السلام عليكم ورحمه الله وبركاته ...
هاهاهاهااااااي
طبعا لا يمكن نقدر نستغني عنك زي ما بيقول صاحب KZ . هو انت شويه .
حبيبي الغالي ...
إقرأ ...( لِإِيلافِ قُرَيشٍ ) ...
أطعمهم من جوع ... و آمنهم من خوف .
نعم عزيزي ... نحن في رعايه راعي عينه لا تغفل ولا تنام ولكننا( موسوسين ) بنجيب التعب لنفسنا.
و ربنا ... نحن مازلنا لا نعرف قدر الله .
دمت عزيزي بومضاتك ... ودامت لنا الومضات .
ربنا يوفقك في الأمتحانات...
وبكره ...
لو مستغلتش يومك كويس يبقي ماضي أليم تندم عليه
وتفضل في نفس الدائرة المفرغة بلا نهاي
الله ينور عليك يا عم ياسر
حلو اوي اننا نقف مع نفسنا شويه ونحاول نفهم
ماهيه الحياه وازاي نقدر نعيشها بشكل يرضي خالقنا اولا وبعدين نرضي انفسنا ثانيا
ان شاء الله ربنا يوفقك ونباركلك قريب
ربنا يكرمك وينفعنا جميعا بهذه الكلمات
حقا بوست مشجع
( لكن إذا نطقت (الأنا) نُسيَّ كلام رب الأنا والأنام )
عزيزي ....
لم أفهم المصود بعبارتك السابقه .
هههههههههه
طبعا مش عايزة كلام اكيد مانقدرش نستغنى
وبعدين لو غبت مين يكتبلنا الكلمات الرائعة جدا جدا جدا دي
تسلم ايدك وربنا يجعلها في موازين حسناتك يوم القيامة بجد مفيدة وجميلة
ربنا يعينك ويوفقك في امتحاناتك
تقبل خالص تحياتي وتقديري
تصدق يادكتور انا ماكنتش اتخيل انك لسه طالب
بجد انت دماااااغ يعني
وماشاء الله عليك بتجيب جمل ف الجون وبتوجزها بطريقه عرض جميله اوي
ربنا يحميك يارب
البوست مايتقالش بعده كلام
سلام :)
فتح الله عليك وعلى امثالك بكل الخير
درر قوية وجميلة لافاقة من الغفلة وجعله الله فى ميزان حسناتك ولى ملاحظة
ذكرت الامتحانات فلا اعلم هل انت طالب ام تشرف على امتحانات فان كنت الاول فباسم الله ماشاء الله عليك
ونفع الله بك واسمح لى ان اعتبرك ابن لى وارى ابنى مثلك
تقبلى مرورى الاول ودمت بالف خير
بسم الله الرحمن الرحيم
السلام عليكم ورحمة الله وبركاته
د/ياسر
تحياتى
بارك الله فيك على هذا الموضوع الجميل
ويايرت فعلا كلنا ناخد بالنا من الحكاية دى
ونبطل نشيل هم بكرة
ونعمل النهارده اللى ينفعنا بكرة
وبما ان سيادتك ومعاليك وزير الصحه بتاعنا
فسيادتك مكلف تشوف لنا علاج ناجع وسريع المفعول
لمرض الهسهس اللى عند المخاليق
وربنا يكرمك وتقدر تقضى عليه
وعلى فكرة
مش عاوز اى تهاون او تقصير
ده قرار جمهورى
ههههههههههههههههه
تحياتى ودمت بكل خير وود
والسلام عليكم ورحمة الله وبركاته
ربنا يعينا يا دكترة على الامتحانات
ان شاء الله
ونختم على خير ان شاء الله
بالنسبة للموضوع
انا عارف ان التفكير فى المستقبل متعب جدا
علشان كده
لازم نخطط للمستقبل ونجتهد فى يومنا
ولا ياخد المستقبل جزء من تفكيرنا
تجياتى ليك
حبيبى
جزاك الله خيرا يادكتور على فكرة انا واحدة من الناس دى بس بحاول اتغير والله وربنا يسهل بقى
ربنا يوفقك فى امتحاناتك
بجد كلام جميل جدا
ربنا يجعله فى ميزان حسناتك
ياريت نذكر بعض بيه دايما
ملحوظة رخمة
ياريت تخليها اللبن المسكوب مش المدلوق
هايل بجد
ربنا يكرمك وبالتوفيق دايما فى إمتحناتك
واعلم ان من توفيق الله ان يشغلك بما يهمك
فاغتنم يومك ولا تشغل نفسك بما كان .. او لم يكن
ماشاء الله يادكتور كلمات اكثر من رائعة
وذكرتني بأيام كنت دايما فيها خائفة من المستقبل
والأحداث المجهولة الي ممكن امر بيها وتذكرت إن أمري كله بيد الله سبحانه وتعالى وتوكلت علية وكانت حياتي كلها خير ..
بارك الله فيك وأثابك خير الجزاء
الله يوفقك في إمتحاناتك
أطيب تحية
السلام عليكم ورحمة الله وبركاته
بوركت يا أخي
ويحضرني القول القائل " لم تحاول أن تنشر نشارة الخشب"
وأيضا قول أحد الغربيين توماس كارليل " لا ينبغي أن نتطلع إلي هدف يلوح لنا باهتا علي البعد ولكن علينا أن ننجز ما بين أيدينا من عمل واضح لا لبس فيه"
دمت أخي في رعاية الله وأمنه
خالص مودتي وصادق دعائي
طبعا كلام الشيخ عائض... جميل
وتعليقك جميل
ما شاء الله عليك
صدقت ولعلنا نفقه
الحياة من البساطة حيث لا تحتاج مزيدا من التعقيد !
طبعا لو طبقنا حديث المصطفى عليه الصلاة والسلام ومررنا وكأننا "عابر سبيل" لما كان ما كان لكن ربنا يرزقنا جميعا البصيرة والرشاد
بالنسبة لتدوينتى أنا نزلتها تانى أصل فى ناس قالتلى أن أسلوب العرض غير صائب وستأخذ على محمل شخصى لكنى فكرت واستخرت :) ووجدت أن من حقى النقاش وحتى لو كان أسلوب العرض مختلفا نوعا ما عما سبق وبانتظار تعليقاتكم ونقاشاتكم الهادفة وجزاكم الله خيرا
شكرا لك د.ياسر
كلامك معقول
الحزن على الدنيا غير مفيد إلا في استهلاك العقل والقلب
تحياتي
السلام عليكم والرحمه
اولا : اسال الله العظيم ان يوفقك في الامتحانات وكل الطلبه ان شاء الله ....
ثانيا : لقد اصبت بختيارك لتلك الجمله وبتعليقك عليها فجزاك الله خير الجزاء ....
ولي قول : الحزن ليس دائما حزن علي شئ فات او شئ قمت به وندمت ومن بعده حزنت علي فعلتك هذه.. للحزن اسباب عده منها المعروف والواضح ومنها غير معروف الاسباب .. اما معرف الاسباب فسهل معالجته اما بمحاوله تناسي الشئ المسبب للحزن او ان تشغل نفسك بشئ يلهيك .. اما غير معروف الاسباب فتجده يسيطر عليك لفتره ولا تستطيع التخلص منه ومع عليك اٍلا الصبر والدعاء بان يبعده الله عنا ولهذا كان دعاء الكرب ..
ولهذا كان الاجر ( ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه) يعني طبيعي الحزن في هذه الدنيا بس اللي شئ اللي مش طبيعي هو الاستسلام للحاله ...
وكثيرا ما افكر في حال الناس جميعا من حولي علي اختلاف ظروفهم اٍلا تجد الحزن علي الوجوه ومن بين يوم فرح تجد يوم حزن وضيق .. لذا لا اجد اٍلا قول الله تعالي في ذهني يلاحقني لاجد فيه الاجابه .. يقول عز وجل ( الحمد لله الذي أذهب عنا الحزن إن ربنا لغفور شكور، الذي أحلنا دار المقامة من فضله لا يمسنا فيها نصب ولا يمسنا فيها لغوب) فالراحه والفرح الدائم سنجده هناك في الجنه لكن الدنيا خلقت علي كدر ونحن فيها في كبد فلا تستعجب لو جدت حالنا يتقلب بين الحزن يوم بعد يوم فهكذا الايام يوم لك فالحمد لله .. ويوم عليك فمالنا فيه غير الصبر علي انواع الابتدلاءات المختلفه ...
والجزء الثاني وهو الخوف من المستقبل كثيرا ما يذهب عقلنا لهناك حيث الغيب والمستطور ولكن اقول (اٍن ربا كفاك ما كان بالامس سيكفيك غدا ما يكون ) وهذا هو رجاءنا دائما ان كنا من الاحياء في الغد فالرزق بيد من بيده ملكوت السماوات والارض .....
جزاك الله خيرا .. ... ..
حلقة جميلة ومفيدة يا ياسر
تسلم ايدك
جزاكم الله خيرا
كلام جميل
و فيه كلام تاني موجه ليك و لية
قوم ذاكر خليك تنجح
موجه لية انا كمان لو واخد بالك
-
تدوينة جميلة ربنا يجزيك عليها خير
وربنا يعينا كلنا فى الامتحانات
السلام عليكم
معلش يادكتور لم أستطع نشر تعليقك الأخير لوجود خطأ فى الطباعه ولم أستطع تصحيحه
ودمت بخير
الأنسان بطبعه قلوق
محتاج يعرف بكرة فهي ايه
أيه رزق بكرة
يا ترى بكرة فيه رزق ؟
دة طبع البشر
خلق فيهم
الثقه فى الله وسعه رزقه
لكن هو النبى أدم كدة
تسلم ايدك دكتور ياسر البوست اكتر من رائع ربنا يجزيك خيرا...بس ايه وصف الاحسايس ده دكتور نفساني حضرتك؟:))))تحياتي...ربنا يوفقك في الامتحانات وتنجح بااعلي تقدير
اللؤلؤة
ربنا يكرمك ويبارك فيك
جزاكم الله خيراً
وياريت فعلاً كلنا نستفيد بالكلام ده
واحد من العمال
أهلاً بزعيم البروليتاريا
الله ينور عليك يا فندم
جزاك الله خيراً
********
وفعلاً منقدرش نستغنى عنك .. وبتضحك ليه.. صحيح أنك من ذوى الياقات البيضاء !!
********
هههههههههههههه
وحضرتك من أصحاب الياقات الزرقاء
منور يا زعيم البروليتاريا
ستيته حسب الله الحمش
اسمعوا يا ولاد كلام خالتكم ستيتة
دي بتقول حكم
كلامها
قد ضمن الدر إلا أنه كلم
تامر علي
والله إنت جبت المفيد
مش عارف الأية دي كانت غايبة عني إزاي
بس الواحد إطمن إن ليه ظهر .. وظهر جامد كمان
هيجيبله التايه
منور يا أستاذنا الكبير
رئيس التحرير
عمنا وأستاذنا
ده أنا اللي مقدرش أستغني عن حضرتك أبداً
حضرتك أجزت وأفدت
فعلاً ربنا تكفل بالكافرين
يبقي مش هيتكفل بينا إحنا
الهسس أو الوسوسة
كلها مسميات لأمراض العصر
ebn roshd 777
إحنا بنحاول نعمل تأملات زي بتاعة حضرتك
ويارب نكون نجحنا
جزاك الله خيراً علي المتابعة المستمرة
وعاوزين نقرأ حاجة لحضرتك قريب
موناليزا
ربنا يكرمك
وربنا يجعلك نصيب من دعائك
fnoonh
ربنا يكرمك ويبارك فيكِ
جزاكِ الله خيراً
MǿиY El-Shreef
ربنا يكرمك
شكراً يا موني
ده بس من ذوقك
أنا لسه طالب
بس طالب قديم شوية
أم مالك
ده شرف كبير ليا إن حضرتك تعتبريني زي إبنك
وفي الحقيقة أنا طالب لسه
جزاكِ الله خيراً يا أمنا
الزعيم الرفيق المناضل
المعتصم
علم وينفذ يا فندم
بس عاوزين دعم
دعم معنوي يعني متتخضش
أنا عارف إن خزينة الحلف فاضية
والفلوس كلها رايحة لشراء مستحضرات العناية بالشنبات الصعيدي
كل التدوينات دي لعلاج الهسهس يا ريس والله
إحنا شغالين بإيدينا واسنانا أهو
وكل ده من أجل صعيد افضل
د/عرفه
التفكير والتخطيط هوه الصورة الإيجابية للإنشغال بالمستقبل .. وده حاجة مطلوبة
لكم أنا بتكلم عن التفكير الهسهسي
اللي بيجبب إكتئاب وحزن وخنقة وتكدير وتعسيف
فهمتني..؟؟
ايوشة
ربنا يقدرك علي نفسك
وعلي الشيطان
وتقدري تتغيري فعلاً للأحسن
لقد خلقنا الله احرارا
جزاكِ الله خيراً
ويارب كلنا نستفيد بالكلام ده
لأني كاتبه لنفسي كمان
جواب أرخم
لا
mohamed ghalia
يسلم مرورك يا خوي
مش ناوي تعمل بوست قريب بقي
وحشتنا .. :)
حياة
ربنا يكرمك
والحمد لله إن فيه أمثلة حقيقية لناس فكرت صح
واستريحت واطمئنت
جزاكِ الله خيراً علي المرور والتعليق
هذه حياتي
إنت قريت دع القلق من قريب ولا إيه؟
منور يا عمنا
وألف مبروك علي الوظيفة
والفلوووووووووس
بس يارب تفتكرنا بعد كده
من غير عنـــوان
ربنا يكرمك
مرورك أسعدنا كثير
ست البنات
ده كلام حضرتك اللي مظبوط
ربنا يكرمك
خديجة عبدالله
إضافة مفيدة وجميلة
صلي الله وسلم علي سيدنا محمد
أنا روحت وعلقت هناك
ghorBty
أولاً : اللهم ءامين
ثانياً : جزاكِ الله خيراً
بالنسبة لقولك
حضرتك الحزن مش دائماً شىء وحش
ولا التفكير في المستقبل برضه وحش
أنا بتكلم عنها لما تخرج خارج إطارها الإيجابي
وتتحول لسلاح لذبح الأمل والسعادة والإيمان
وبتحول الإنسان لبقايا شاردة .. بلا توجه أو هدف
هوه ده مرض الهسهس
ربنا يفرج همنا وكربنا جميعاً
حسام غانم
ربنا يكرمك يا حسام
يسلم مرورك
من أجل التمكين
حااااااااااضر
هنذاكر إن شاء الله
جزاك الله خيراً
الازهرى
اللهم ءامين
منور يا باشا
احد من العمال
مفهمتش قصدك
علي العموم الصالح لمدونتك إعمله
ومفيش مشكلة
منور
صفــــــاء
طيب الله يكرمك بقي
ارجعي اقرأي ردي علي غربتي ود/عرفة
كلامك طبعاً صح
بس أنا بتكلم عن حاجة تاني خالص
جزاكِ الله خيراً علي المرور والتعليق
ويارب دايماً
سارة احمد
ربنا يكرمك ويبارك فيكِ
لا أنا دكتور صيدلاني حضرتي
شكراً علي المرور والتعليق
السلام عليكم
جميل قووى يادكتور
ربنا يوفقك يارب
ويسلم قلمك
وربنا معاك فى الامتحانات يارب
تقبل تحياتى
إيناس
كلام جميل وهادف,
ربنا ينفعنا بيه,وبصراحة كنت هعلق بكلام لقيت عزيزتي غربتي علقت بيه وانت رديت عليها,
لكن عموما هي تدوينة كلماتها مشجعة ومحفزه,
فجزاك الله خيرا.
السلام عليكم و رحمة الله و بركاته
د. ياسر..
احم احم ، طبعا طبعا مانقدرش نستغنى عنك :)
البوست رائع جدا وبأوافقك على كل اللى فيه
و كنت كتبت خاطرة حول هذا المضمون منذ ما يقارب العامين
و إليك اللينك
http://voice00of00mine.blogspot.com/2007/07/blog-post_30.html
و ربنا يوفقك يارب
شد حيلك
دمت بود
عندك والله اخ ياسر بس الإنسان كدة مس بيقدر ينسي انه لا زم يحسبها ويعتقد ان الحساب هو الي هيوصلوا اللي هو عايزه لكن صح ان يسبها علي الله
السلام عليكم
أكرمك الله على هذه الكلمات و جعلها فى ميزان حسناتك
و تقبل تحياتى
عاشقة الأحزان
ربنا يكرمك
جزاكِ الله خيراً
وربنا يوفقنا جميعاً
ايومي
يارب تكوني إقتنعتي بوجهة نظري
جزاكِ الله خيراً
وربنا يرزقنا جميعاً العمل بما نقول
Soul.o0o.Whisper
ربنا يكرمك يا دكتورة
أنا روحت هناك وعلقت علي الخاطرة كمان
شكراً علي المرور والتعليق
وربنا يجازيكي خير
Ahmed Talk
كلامك مظبوط يا أبو حميد
منور ومشرف
ضحكات الحياة
اللهم ءامين
وربنا يرزقنا العمل بما نقول
جزاكِ الله خيراً
غعلا كلامك فى محله جدا ، ربنا يكرمك، و يجزيك كل خير
ياااااااااااه
" هي دي الكلمه اللي لقيت نفسي بقولها وانا بقرا البوست"
فعلا صدقت
دي اول مره ادخل هنا بس مش هتكون الاخيره
تسلم ايديك بجد
السلام عليكم و رحمة الله و بركاته
جزاك الله خيرا يا دكتور ياسر
موضوع جميل و ربنا ما يحرمنا من طلتك أبدا..
الماضى و المستقبل ..
علشان كده ربنا قال :(لا خوف عليهم و لا هم يحزنون(
عما أنعم به على أهل الجنة الخوف من المستقبل و الحزن على الماضى..
فلا يعرف أهل الجنة سوى المتعة ..سوى لحظتهم لا قلق و لا نصب و لا حزن و لا هم و لا غم..
أسأل الله لى و لك و لسائر المسلمين الجنة
اخى د. ياسر
قلت فوفيت
تحياتى لكلامك ودررك المنتقاه
تأثير الفراشة
ربنا يكرمك
جزاكِ الله خيراً
hager za3bal
تشرفي في أي وقت
جزاكِ الله خيراً
وربنا يرزقنا العمل بما نقول
dr aly khamis
كلامك جميل ومفيد يا أبو الزمل
أنا دايماً أقول إن الصيادلة دول ملهومش حل
تسلم يا أخي
بس عاوزين نشوف مواضيع ليك قريب
مصطفى ريان
ربنا يكرمك يا درش
منور طبعاً
سلامو عليكو
ما شاء الله
كلامك او اقتباساتك منتقاة بعناية احييك عليها
جزاك الله خيرا
تقبل تحياتى
الله علي الموضوع، بجد حلو اوي
فعلاً معظم همومنا وقلقنا بيبقي محصور بين الخوف والحزن، وبعدين الشعب المصري كمان فيه شريحة كبيرة منه لسه لحد دلوقتي بتفكر كده
معذورين، ماهي البلد أصلا تخلي اللي مبيزهقش يزهق
وأدينا بنحاول نغير النهارده علشان نحسن بكرة، وبجد شكراً علي الموضوع
إرسال تعليق