تحديث :
يا جماعة أنا اللي كتبت الكلام ده كله ... مش منقول يعني
وكل سلسلة ومضات أنا اللي مألفها
وهتعرفوا كده لو قرأتوا المقدمة
-----
لمعرفة أصل ومضات
وسبب تسميتها يرجى زيارة الرابط التالى
المقدمة
*الجهلة أقل ضجيجاً من المتعلمين
ولأن أكون جاهلاً أحبُ إلىَّ
من أن أكونَ نصفَ مثقف متفيقه.
*ومن العلم ما قتل.
.
*أنت لن تعرف كل شىء
ولن تدرى هذا حقاً إلا إذا تعلمت بعض هذا الشىء.
*العلم فى حد ذاته ليس دائماً وسيلة
ففى التعلم والقراءة متعة عظيمة.
*السعادة
إختيار وإتجاه بغض النظر عن ظروف الحياة.
*يستطيع الجميع أن يكتبوا عن قضيةٍ استفزتهم
لكن وحدهم العظماء
من يستفزون القضايا ما بأقلامهم.
*لا تحكم على شىءٍ وأنت فى ثناياه.
*الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة.
*تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,
ورضا ربك فوق رأسك , والشوق الي الأخرة في قلبك.
*تبدوا لىَّ الحياةُ فى غرابتِها كقصيدةٍ مطلسمة
كلنا فيها باحث عن صوتيم.
(صوتيم الحياة الحقيقى هو التوحيد وعبادة الله)
هناك 62 تعليقًا:
اولا مبروك يادكتور شكل البلوج بقى جميل اوي
انا كنت هستخدم القالب ده والله
بس لقيت مقاساته مش مناسبه عندي
الف مبروك
ثانيا الحلقه انهارده جميله اوي مليانه كلام عجبني
خصوصا ده
*الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة
صح جداااا الكلمتين دول
دايما ذوق يادكتور
دمت بخير
اولا مبروك الف مبروك اللوك الجديد للمدونة حقيقي جميل
هقرا واجي اكمل تعليق
لا ومضات جامدة المره دي حقيقي مفيدة وجميلة دائما اختياراتك رائعة وفي محلها
وعجبني جدا المقطع ده
الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة
بجد جميل تسلم ايدك
واكرر واقول اللوك ده جميل بس لو تغير الصورة الفوق المكتوب عليها ومضات وتخلي لونها احمر او من درجاته يكون افضل
تقبل خالص تحياتي
وبالتوفيق
السلام عليكم ورحمة الله وبركاته
أخي الكريم
كلماتك معبرة شيقة مورقة
أنعم الله عليك ويسر لك الخير
فالحياة أمل والسعادة عمل وفي البساطة الجمال
رغم بديهية الأراء الا انها تكتسي برونق خاص
خالص مودتي وصادق دعائي
ومضات رائعة فعلا,
وبصراحة الومضه عن الشعر جميلة جدا,
انت غيرت عفش البيت:)قصدى المدونة يلا على البركة
عاجبنى اختيارك لمعظم العبارات
بالتوفيق دائما
ربنا يكرمك يارب
ويعزك
اولا شكل البلوج بصراحه الواحد دماغ اصلا فيها ميت الف حاجه فمش فاكره اللى فات اصلا
ثانيا ليه المره دى حضرتك ماقلتش كل كلمه من دول مين قالها
ربنا يعزك بس علا ومضات مضيئه فعلا
أولاً الله يبارك فيكي
الحمد لله إنك مستخدمتهوش .. علشان كنت هتعب أوي من غيره :)
ثانياً :
الحمد لله إنه عجبك
ودي حاجة بتسعدني
ربنا يكرمك
دايماً أول تعليق
fnoonh
الله يبارك فيكي
الحمد لله إنه عجبكوا
بصراحة مش ناوي أغير تاني خلاص
علي فكرة أنا مختارتش حاجة
ده أنا مؤلف الكلام ده
مش قصدي أتفزلك والله
بس بعد ما تعبت كل ده وكتبته ألاقي كل الناس فاكراه منقول؟
بس دي حاجة برضه بتسعدني
لأن الكلام بيبان وكأنه لناس كتاب حقيقين
جزاكِ الله خيراً علي المرور
هذه حياتي
ربنا يكرمك يا أخي
قلتلك قبل كده إني بحبك في الله؟
تقريباً قلت
بس برضه نقول تاني
إني أحبك في الله والله
ايومي
دي شكل بتاعة الشعر دي كويسة بقي
كله بيعلق عليها يعني
طيب مفيش حاجة تاني كويسة؟
جزاكِ الله خيراً علي المرور
موناليزا
لا العفش زي ما هوه
أنا بس دهنت الحيطان :)
والله العظيم مش إختيار
والله أنا اللي كاتب الكلام ده كله
كل سلسلة ومضات بتاعتي أنا
بس برضه دي حاجة بتخليني أفرح
لأن كلامي شبه الكتاب الكبار
GiGi
ربنا يكرمك يا أختي
فعلاً والله الشكل مش مهم أوي
أحم حاجة الحشو
ثانياً
لا أنا كده هموت بقي
والله يا جماعة أنا اللي كاتب الكلام ده
هوه أنا يعني شكلي ميديش؟
ولا إكمني صعيدي؟
:( :( :(
جزاكِ الله خيراً علي المرور والتعليق
الفقرات اللى حضرتك كاتبها جميله قوى و خصوصا الفقره دى
*تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,
ورضا ربك فوق رأسك , والشوق الي الأخرة في قلبك.
ياريت كلنا نقدر نطبقها لانها لو
اتطبقت صح مش حيبقى عندنا مشاكل فى
دنيتنا خاااالص
تسلم ايدك على كلامك الحلو ده
ماشاء الله عليك يادكتور
ومضاتك دائما جميله
ربنا يكرمك
د/ياسر
السلام عليكم
أنا عندى الثقة الكافية فى صدق كل كلمة وكل حرف تكتبها
ويشهد الله على ذلك أما عن أكثر ما أعجبنى هو
*السعادةإختيار وإتجاه بغض النظر عن ظروف الحياة.
أنا أرى السعادة فى الرضا والقناعة بغض النظر عن ظروف الحياة والإثنين بمعنى واحد
أدام الله عيك رجاحة عقلك ورزقك بسعادة الدارين
ما شاء الله عليك يا دكتورنا
انا اول مره للاسف اخد بالي من الاقوال الماثوره الجميله دي وكونك انتي اللي
ابدعتها ده بجد بيدل عن موهبه جميله جدا وفضل ونعمه من الله ان تتحكم في الكلمات لتنسج منها ابدع المقطوعات الادبيه
السلام عليكم و رحمة الله و بركاته
اولا التنبل جيد و اعتقد ربما يكون مناسب من حيث المقاسات و و و و
و انت غلبتنى ف التغير ههه
--
حلقت اليوم لا تقل عن اول مره كلها رائعه ..
و شعرت انها كتبت بقلم مفكر كبير
تمنياتى لك بالتوفيق و الفلاح و البركه
اولا التمبليت الجديد شكله يستحق التهنئة
وألعب براحتك
ثانيا ومضاتك عبقرية وانا قلت قبل كده ان بينا ناس نجهل قدرهم بشكل عام ولو عرف الناس قدرهم لأقلع أغلبنا عن الكتابة
ثالثا
العلم فى حد ذاته ليس دائماً وسيلة
ففى التعلم والقراءة متعة عظيمة.
-----------------------
اظن ده كان بوست قبل كده وكان ده رأيي في القراءة في العلوم غير الشرعية
تسلم ايدك ومضات منورة بزيادة
السلام عليكم و رحمة الله و بركاته
أولا مبروك عليك التامبلت الجديد
و غالبا كل جديد بيكون أجمل
لحد ما نتعود عليه
هههههههه
المهم
البوست بجد رائع جدا جدا
و بجد ربنا يبارك لك يارب
و اكتر حاجة عجبتنى
تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,
ورضا ربك فوق رأسك , والشوق الي الأخرة في قلبك.
فعلا والله العظيم
فى سعادة تامة
فقط برضا الله ، فيرضيك عما يحدث لك ايا كان
و شوقك الى الاخرة ، فتهون عليك الدنيا باكملها
دمت بود
ماشاء الله بجد كلمات او ومضات تستحق التسجيل
فقليلون هم من يستحقون ان نأخذ عنهم
اعجبتنى كثيرا
السعاده اختيار واتجاه
انا ذكرت ان كل الومضات رائعة,
ولكن جذبتني ومضة الشعر لانها تعتبر جديدة,
يعني الومضات الاخرى هناك الكثير عبر عنها,وان كنت انت قد اصغتها باسلوب رائع,
سلم عقلك وسلمت يداك.
ازيك يا دكتور ياسر
مبروك الديكورات الجديده
يا ترى كلفتك كام
هههههه
ومضاتك حلوه وجميله
وكلامك ممتع وخصوصا نهاية الومضات وغاية الخلق عباده الله سبحانه وتعالى
كل سنه وانت طيب واشكرك على التعليق فى فشكول
تحياتى دكتور
دايما ومضاتك مضيئة
ودايما متألق
فعلا سلسلة تبدو رائعة
السلام عليكم
مبروك الشكل الجديد للمدونه جميل ما شاء الله وصوت كمان ...
بالنسبه للومضات هي فعلا ومضات ومن اقدرش اقول عنها حاجه اكتر من كدا ربنا يديم عليك فضله ويديم عليك الفهم والحكمه ..
وعجبتني جداااا الومضه ديه
*الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة
كلمات رائعه جدا جدا
اختيار رائع يا د.ياسر
*أنت لن تعرف كل شىء
ولن تدرى هذا حقاً إلا إذا تعلمت بعض هذا الشىء.
عجبتني جدا جدا
تحياتي
صيدلانيه طالعه نازل
ربنا يكرمك يا دكتورة
ده بس من ذوق حضرتك
همه أصل الصيادلة بيحنوا لبعض
ربنا يديم علينا رضاه
شمس النهار
الجميل هوه مرور حضرتك من عندنا
جزاكِ الله خيراً
اللؤلؤة
يا فندم ده مرورك بس كده شرفك كبير
فمال بالك بقي إن الشخابيط دي عجبتك
ربنا يبارك فيك ويكرمك ويرزقك الفردوس الأعلي
ebn roshd 777
إيه الكلام الكبير ديه
ربنا يجبر بخاطرك زي ما جبرت بخاطري كده
تورت وشرفت كمان
أحمد عمر
التيمبلت عجبك؟
طيب كويس
بس أنا مش ناوي أغير تاني خلاص
دي حاجة تزهق
أوووووف
ربنا يكرمك علي الإطراء ده
إحنا مش قد كده
جزاك الله خيراً
ستيته حسب الله الحمش
ازيك يا دكتورة
عاملة إيه دلوقت؟؟
يارب تكوني بخير وأحسن
لالالا انا مش قد الكلام الجامد ده
ربنا يكرمك يا دكتورة بجد
بقلك إيه
هيه مين الناس دي اللي إنتي بتتكلمي عنها؟ ماتقوليلي علي حد منهم يمكن أبطل كتابة أنا كمان
ثالثاً بقي
أه ده كان موضوع بوست
وأنا رأيي كمان كان كده في البوست
متابعة إنتي وحافظة كله .. الوحيدة اللي أخدت بالها
Soul.o0o.Whisper
لا بس ده هيفضل جميل علي طول إن شاء الله
لأني مش ناوي أغير تاني
انا أصلاً إنسان نمطي جداً وملول وعشري
ولولا إن الأول ظهر فيه مشاكل كثير وكان تقيل .. مكنتش هغير أبداُ
__ ثانياً بقي
ربنا يكرمك
والحمد لله إنها عجبت حضرتك
ربنا يرزقني وإياكِ رضاه
إيمان
سجلتيهم بجد؟
ياسلام يا سلام
والله وبقي بيتسجل يا واد يا ياسر
جزاكِ الله خيراً
ايومي
أنا طبعاً فهمت وجهة نظر حضرتك
بس أصل كل الناس اللي قبلك قالوا علي الومضة دي بس
فأنا قلت أمال الباقي فين؟
وقلت يمكن وحشين
جزاكِ الله خيراً علي المتابعة
فشكووول
عمنا فشكول رئيس الجمهورية(أي جمهورية والسلام) عندنا
يا مرحبا يا مرحبا
الديكورات والله دفعت فيها حرقة دم بين تيمبلتات كثير وكل شوية أجرب واحد ويطلع مش مظبوط , دفعت فيها سهر وتعب
.
شهادة سيادتك يا زعيمنا والله وسام علي صدري
ربنا يكرمك
د/عرفه
ربنا يكرمك يا دكتورنا
جزاك الله خيراً
ghorBty
جزاكِ الله خيراً يا أختي
ربنا يكرمك ويبارك فيكِ
شكراً علي المرور والتعليق
مذكرات مشاغب
يا راجل إنت فين من بدري
أخيراً حد قال حاجة من الحاجات اللي بتعجبني أنا شخصياً
ربنا يكرمك يا باشا
وابسط يا عم دماغك طلعت قريبة من دماغي
(قريبة بس .. أوعي تتغر :):) )
بهزر معاك طبعاً
هوه إحنا نيجي إيه جنبك بس
بس أرجع وأقول ده مش إختيار والله
دي كتاباتي
وأي تشابه بينها وبين كتابات شخص تاني مش مقصود .. أنا لا أتعمد ده
لكن الحكمة واحدة
السلام عليكم
ألف مبروك النيولوك الجديد يادكتور
وومضاتك ومضات فعلاً
********
وأعجبتنى ومضتك التى تقول فيها
(*أنت لن تعرف كل شىء
ولن تدرى هذا حقاً إلا إذا تعلمت بعض هذا الشىء.
*العلم فى حد ذاته ليس دائماً وسيلة
ففى التعلم والقراءة متعة عظيمة
********)
نعم أخى يجب أن نعلم عن كل شىء شىء
والقراءه متعه التعلم بحق
*********
ممكن سؤال
من أين أو من الذى يستطيع تغيير القالب للمدونه وهل هناك محترفين لذلك
لأنى واحد من العمال وتعلمت الكمبيوتر والأنتر نت بالأيد والرجل يعنى بالعافيه
أرجو الأفاده ومع خالص الشكر مقدماً
وأرجوا أن تتقبل تحيتى ومرورى وسؤالى
ودمت بخبر
الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة.
______________________
جميل جداً هذا التعبير ويحتوي على لمسة فنية (لذيذة) :)
الشكل الجديد جميل جداً ... تُحسد عليه :)
السلام عليكم و رحمة الله و بركاته
بارك الله أخى د/ ياسر
زادك الله حكمة و علما نافعا
و الله أخى الكلمات جميلة جدا و معانيها عميقة و واضحة فى نفس الوقت ..
فعلا من العلم ما قتل..
أسأل الله أن يرزقنى و إياك علما نافعا و عملا صالحا
الجهلة أقل ضجيجاً من المتعلمين
ولأن أكون جاهلاً أحبُ إلىَّ
من أن أكونَ نصفَ مثقف متفيقه
لا يوجد مثقف حقيقي متفيقه المتفيقهون هم اجهل خلق الله ولا يستند فكرهم او كلامهم او فعلهم على دليل عقلي او حتى نقلي
يستطيع الجميع أن يكتبوا عن قضيةٍ استفزتهم
لكن وحدهم العظماءمن يستفزون القضايا ما بأقلامهم.
اي عظماء تتحدث عنهم اخي الكريم هل تقصد الكتاب الكبار
*لا تحكم على شىءٍ وأنت فى ثناياه
تستطيع ان تحكم على الشيء وانت في ثنياه ولكن بشرط ان لا يؤثر على وجدانك وعقلك
عفواً
ما هو معني كلمة( صوتيم )اللغوي وما مصدرها اللغوي
بجد بجد بجد
والله العظيم حضرتك تستاهل تكون كاتب كبير كمان
رائعه فعلا
يعني اتبهرت بيها جدا
انا قلت اقول رايي الاول لاني طول منا بقرا قمة الاندهاش
فقلت اقول راي الاول في كلماتك
اما بقى عن التمبلت فهو بجد جميل اوي
وكنت هموت من الدحك على اختيارت الاستفتاء
دمت بود اخي
تحيــ بسومةــاتي(:
تسلم ايديك يادكتور دايما الومضات اروع ما يكون
*يستطيع الجميع أن يكتبوا عن قضيةٍ استفزتهم
لكن وحدهم العظماء
من يستفزون القضايا ما بأقلامهم.
عجبتنى جدا الجملة دى
الف مبروك على الشكل جديد جميل جدا
ربنا يكرمك
بس انا ماقصدتش والومضات الى فاتت
ماكانش حضرتك اللى كاتبها
فماتلومنيش يعنى
تحياتى
جميلة ومضاتك يادكتور .. وجميلة أوي بتاعة الشيكولاة وتذوق الشعر
أول زيارة لمدونتك الجميلة دي ونتواصل دائما على خير
دعواتي لك بالسعادة والتوفيق
واحد من العمال
أهلاً بالبروليتاريا
منور المدونة
وثنائك علي ومضاتي شيء أكيد بيسعدني
أما عن نغيير شكل المدونة فدي حاجة أنا مش خبرة أوي فيها
لكن إنت بتروح لأي موقع بتاع تيمليتات وتختار واحد بوعدين بتحمله عندك من التخطيط وبعدين تحرير HTML
بس كده
وياريت تشوف حد خبرة شوية عني
تامر علي
كاتبنا الكبير عندنا
يامرحبا يا مرحبا
حلوة تعبير لذيذ دي
منور يا باشا والله
تشرب كابتشينو؟
dr aly khamis
حبيب قلبنا وعمنا أبو الزمل
ربنا يكرمك يا دكتورنا الكبير
جزاك الله خيراً علي الزيارة
فارس عبدالفتاح
تأبي أن تترك مجرد .. تعليق
بالنسبة للملاحظة الأولي
فأنا ذكرت (نصف مثقف) ولم أقل أبداً مثقف والفرق شاسع بينهما
----------
نعم يا أخي أقصد الكتاب الكبار والمفكرين والصحفيين وكل أصحاب الأقلام
----------
تستطيع بهذا الشرط
ولكن من يقدر عليه
في الغالب ستتأثر به وبالتالي يؤثر علي حكمك
---------
كنت أتوقع أن يسأل البعض عن الصوتيم
ولكن يبدوا أن الجميع يعرفونه
في بعض القصائد الملطسمة وخاصة لشعراء الحداثة أو قل الدياثة
تجد القصيدة رمزية وتشكيلية لدرجة أنك لا تفهم ماذا يريد الشاعر بها
ولكنها مثل اللغز , يترك لك الشاعر صوتيم أو مفتاح لمعرفة الفكرة العامة للقصيدة , وعليك أنا ايها القارىء أن تبحث عنه وتجده.
شرفت بمرورك
بـسـمـــة صـــــلاح
بجد بجد بجد
ربنا يكرمك ويبارك فيكِ
شكراً علي الكلام الكبير اللي مستحقهوش أوي
جزاكِ الله خيراً
ايوشة
الله يبارك فيك
الحمد لله إن ومضاتي عجبتك
ربنا يكرمك ويجازيكِ خير
GiGi
شكراً علي المتابعة
ربنا يبارك في حضرتك
بس أنا كده بقي هنهار خلاص
الله العظيم كل الومضات أنا اللي كاتبها .. هوه أنا مش باين عليا؟
يمكن حضرتك تقصدي الدرر المنتقاة
لكن الومضات دي بتاعتي أنا
جمل جميلة جدا بحق
وكويس انك كاتب تحديث عشان مانفتكرش ان الكلام ده قاله حكيم كبير
وانت فعلا حكيم
هذه أول دخلة ليا عندكم..وإن شاء الله مش هاتكون الأخيرة..وعلى فكرة مدونتك جميلة جداً..
وبالنسبة للحلقة الجديدة من الومضات فأكثر ما أعجبنى فيها:
*يستطيع الجميع أن يكتبوا عن قضيةٍ استفزتهم
لكن وحدهم العظماء
من يستفزون القضايا ما بأقلامهم.
وأيضاً:
الشعــر
مثل الشيكولاته يحبها الجميع
ويتذوقها الخاصة ,
ولا يجيد صناعتها إلا قلة
وأيضاً:
تستطيع أن تمضى في الحياةِ كيفما تشاء فى سعادة
فقط إن كنت تحمل جنتك على ظهرك ,
ورضا ربك فوق رأسك , والشوق الي الأخرة في قلبك.
*******************
أنا يعجبنى جداً هذا الأسلوب من الكتابة تقدر تقول إعجاب لحد العشق...
دمتمــ بخير..
السلام عليكم
التمليت جميل يا دكتور
فى حاجات جميلة مكتوبة زى:
*الجهلة أقل ضجيجاً من المتعلمين
ولأن أكون جاهلاً أحبُ إلىَّ
من أن أكونَ نصفَ مثقف متفيقه.
*أنت لن تعرف كل شىء
ولن تدرى هذا حقاً إلا إذا تعلمت بعض هذا الشىء.
فعلا بجد الواحد كل ما يتعلم حاجة جديدة بيعرف انه كان ما يعرفش حاجة ولا يزال امامه الكثير علشان يعرف حاجة
وتقبل تحياتى
المجد الزائف يتطلب التضحية بالاخــــــرين
فى مجتمعات لا تقيم وزنا للقتلى والمصابين
سواء كانت حروب ولا اشتباكات مع ارهابين
المهم عندنا النصر الاعلامى الهلامى المبين
وتسجيل مواقف لانفس ذات فكر مهيــــــــن
ومسنوده من اغبياء يتامى العقل الثميـــــــــن
واصحاب الفجاجة والصوت العالى اللعين
وده للاسف حالنا ………..لكن تقول لمين
أحمد سعيد بسيوني
الله يكرمك يا دكتور
حكيم مرة واحدة ..!!
ربنا يجبر بخاطرك
جزاك الله خيراً
منور والله
المشخبطاتى
منور يا باشا
يارب دايماً منورنا
أنا كمان بحب الأسلوب ده في الكتابة
علشان كده بحاول أكتب بيه
الحمد لله إن كلامي عجبك
بنجاواتي
منور والله المدونة ومشرف صاحبها كمان
كلامك مظبوط طبعاً
ربنا يرزقنا العلم النافع
جزاك الله خيراً
ابو المفاصل الواصل
كنت ممكن تكلف نفسك وتقرأ البوست وتعلق عليه وبعدين تحط إعلانك
وبما إنك مقدرتش المدونة
فأنا كمان هقلوك رأيي بصراحة
اللي إنت كاتبه ده حاجة مترهلة جداً
مجرد كلمات تنتهي بنفس الحرف
لا فيه وزن ولا فيه إحساس
حتي المعني
هجوم نمطي ومعارضة تقليدية
برحب بيك بعد كده كقارىء وكمعلق
وكصديق للمدونة
لكن بلاش الطريقة دي
إرسال تعليق